ElisaShiu的個人專頁

搜尋附近有咩餐廳，見openrice顯示「馬茶」，覺得個名特別，唔知係咪近住馬場嘅茶餐廳意思呢🤣寫住新餐廳，只有一則評價，十五十六最後都選擇去試吓。環境尚算寬敞，一坐低服務員就送上3碗赤小豆瘦肉冬瓜湯消暑（覺意外）👍🏻我哋1:50pm到，原來2pm就下午茶，有位女士（可能係老闆），見我哋係新客，同我哋介紹，見下午茶餐係抵食，不過我哋想試燒鵝，最後order咗燒鵝下庄，半斤燒腩仔，一碗賴粉同一碗飯，再加奶醬西多士做甜品，飲品方面原本諗住茶餐廳應該飲茶走，但老闆娘話好多客人都話佢嘅咖啡好飲，最後亦選擇咗咖啡。先評價下燒鵝，值得一試，上枱時燒鵝仍是暖的，鵝皮好鬆化好食，特別配埋酸梅醬👍🏻而燒腩仔個人覺得一般，賴粉同飯份量非常多，如果細食嘅人士記得叫小飯😅西多士夾住厚厚嘅花生醬，我選擇咗點煉奶，非常滿足，而茶餐廳嚟講咖啡拍得住咖啡店，怪不得推介俾我😂我哋三個人最後都食唔晒，老闆娘還送咗一大碟青瓜俾我哋食，我想講超好食，佢配嘅醬汁好啱我口味，加上食咗咁多肉配上一碟Fresh嘅青瓜，非常正👍🏻喺傾偈期間得知原來已經唔算新餐廳，已開業九個月，希望大家多啲支持小店，令香港食肆回復生機💪🏻…查看更多

其實呢間屬於茶記？冰室？定係西餐廳……？見呢間餐廳名幾特別，不妨同朋友去試吓，估唔到有驚喜！平時很懶寫嘢嘅我都忍唔住要喺度分享吓，好嘅餐廳一定要支持！餐廳環境舒適，見食物餐牌有我鍾意食嘅牛角包，所以點選咗一個黑松露滑蛋牛角包試吓，好香黑松露味而且蛋好滑，牛角包好鬆化，非常滿足到我嘅視覺味覺；另外龍蝦扁意用料新鮮，龍蝦鮮甜，扁意彈牙，龍蝦湯底真材實料好好飲；冇諗過好食嘅安格斯牛扒可以咁嘅價錢食到，成塊牛扒厚身而且好香牛肉味，廚師亦煮理得好好；流心芝士西多士太好食啦，多士煎炸得好香口，配上流心嘅芝士加火腿，好滿足；奶茶非常香滑，酒平時可以飲幾杯，估唔到夜晚奶茶都忍唔住飲兩杯。朋友意見龍蝦湯好好飲，套餐包埋沙律同埋餐湯👍🏻總體評價高質、性價比高、服務好，搭車揸車都方便，所以一定會再同朋友過嚟食。見到佢嘅早餐都好吸引，放假過去試吓先！食到啱自己鍾意食嘅嘢同埋咁平嘅價錢真係覺得好滿足呀！…查看更多

有驚喜！周圍去覓食嘅我，朋友話想食酸菜魚，所以專門挑選咗呢間餐廳同佢哋過嚟食！一啲都冇令我哋失望，酸菜魚嘅湯、酸菜加埋彈牙嘅魚肉，真係好好味（酸菜是自家醃製），誇張啲講句，入口已有幸福嘅感覺，天氣開始轉凍，飲一口辣辣的湯，暖入胃😂加配煙韌嘅薯粉，同我最鍾意食嘅萵筍，越食越想食；其次最欣賞佢個功夫干鍋大腸同埋口水雞，必食推介😋唔係好食得辣嘅我，廚師建議我食個紅糖冰粉解辣，果然見效👍🏻而且呢度有每日新鮮自家製健康茶，感覺冇咁邪惡😜最重要係呢度嘅性價比極高，超級抵食！仲有好多道菜想試，一定會再嚟試晒佢😍…查看更多