or#Tm66002836的個人專頁

今次係叫左8人父親節套餐，份量十足10個人食都仲得，上菜都唔算慢，有送bless 橙汁都幾抵前菜其實都好大碟叉燒係夠熱嘅，大家最欣賞係碟冰鎮咕嚕肉，原本套餐唔係依款菜，俾我地改又唔洗加錢都幾好，個咕嚕肉外面冰凍同脆，內面熱同軟，有少少肥肉，食到停唔到口。至於蠬蝦都算大大隻，有啲肉食下，條魚都好大條，同酒樓擺酒一枱12人果啲咁重，甜品個黑芝麻糊好香，唔會太甜，仲有杏仁糊可以選，都ok ，感覺抵食唯一有啲煩係要自助煲水，成餐飯由於人數唔少不停煲水都幾煩，但啲水沖茶一定夠熱，都有好有壞嘅。…查看更多

星期六都有lunch set 幾好首先今日個soup of today 係磨菇湯，好明顯係自家制，不是買罐頭，好足料又有誠意，之後海膽意大利粉夠creamy, 海膽味夠出，份量仲好多，抵食，食完好想再試埋佢其他菜式。服務就一般，話開到15:00，但14:45就趕人走。…查看更多

今日落雨，連埋寵物，唔係好想行太遠，見佢環境都唔錯，就試下依間野。星期日下午茶無特價都無問題如果啲野係好食的話，不過相比側邊其他餐廳CP值就好低，首先叫左個蕃茄意粉，百幾蚊，蕃茄還蕃茄，意粉還意粉，屋企工人姐姐都煮得好食過佢，感覺似煮完個意粉再是但撈個現成超市買的平價蕃茄醬汁，仲有點凍凍地。之後點左2杯咖啡，一杯凍，一杯熱，點知仲衰過個意粉，似平時一杯細杯咖啡溝水溝到變大杯，好慳料下，完全無咖啡味，不論熱同凍都係奶加水味。再來一個迷你漢堡，入面塊牛肉好乾，完全無汁，慶幸配搭的薯條係熱，不過黑松露粉唔太平均，有啲好重味，有啲又無味。最後係Pizza，唯一一樣正常及格的食品，但質素只係超市現成pizza焗返熱佢，唔知點解又要百幾蚊。保證絕對不會有一下一次!如果大家係食環境同服務可以考慮下，但食物質素就真係有待改善。…查看更多