小凱的個人專頁

之前喺地鐵已經見到FWD富衛保險係咁賣廣告推《吉卜力的動畫世界》香港站展覽，上網又見到新假期介紹富衛於長廊咖啡廳推出期間限定的吉卜力主題下午茶，有幾款食物都有十分可愛嘅卡通造型，當然即刻打電話訂位啦～早2日同朋友頂住個大太陽去食，$650+10% for 2，說真的都幾貴，但諗住難得可以食到啲咁可愛嘅下午茶，貴就貴一次啦～點知。。。Tea未嚟先嚟個 muffin，溫溫的，夠鬆軟，唔黐牙，果jam同cream都幾好味，可惜太細個，而且每款只係得一個，唔多夠囉！茶係茶包沖泡，不過啲蜜糖都幾香，還可以啦主角出場，個鳥籠好靚，啲cake款都同menu一樣，但係。。點解。。好似差咗啲嘢咁嘅？牛油果及蜆配熱香餅，個醬係ok嘅，不過。。。新假期幅圖實際見到龍貓呢？龍貓走咗去邊呀？？？😲😲😲迷你煤炭龍蝦包，味道係可以嘅，不過。。。新假期現實係。。。👀對眼呢？ 冇咗對眼嘅話只不過係一個普通嘅黑色包咋嘛紫薯豚肉批新假期幅圖喺我面前出現嘅竟然係😨😨😨呢個真係100%接受唔到囉😠😠😠只不過係一個唔同嘅模姐，有咁難整咩？ 就算係要整個心形出嚟都整得靚啲呀！ 簡直係粗製濫造！至於個批我就真係食唔到豚肉味啦~只係一個普通到唔普通嘅紫薯餅囉！覆盆子朱古力棒新假期喺我面前嘅竟然係。。。真係無言， 煤炭屎又盲咗啦！嗰兩隻眼有咁難整咩？ 既然咁難整就唔好話係吉卜力下午茶啦！ 至於粒朱古力，個涵我真係不敢恭維，朱古力還可以嘅至於其他，因為唔夠位擺唔到相上嚟，我就簡單評下:鹹點素菜批 ~ 普通鵝肝mousse tart ~ 鹹咗啲煙三文魚酸忌廉撻~ 超級鹹Parma ham甜瓜 ~ 啲parma ham好渣，而且好似放咗好耐甜點抹茶歌劇院蛋糕 ~ 啲抹茶味超怪，唔好味香草白朱古力慕士蛋糕 ~ 唯一一個有造型而又同新假期影出嚟幅圖係一樣嘅，味道還可以芒果熱情果焦糖mousse杯 ~ 幾好食 總結嚟講成餐下午茶淨係得個芒果熱情果mousse杯同個muffin係比較好食，其他就好普通囉結果除咗隻碟之外，我完全睇唔到有任何嘢係同吉卜力呢一個主題有關㗎囉！我唔明白點解我地要嘥成 7xx 蚊嚟食餐咁普通咁無特色又唔算好味嘅下午茶囉 😡😡😡除咗“上當”兩個字之外我真係搵唔到其他形容詞～ 假如真係要食到有吉卜力造型嘅下午茶，可能book位嘅時候要同佢講，我係某某雜誌嘅食評人先可以見得到😞食完之後唯一諗到嘅就係佢連一餐主題下午茶都整到咁嘅樣，如果我真係去富衛嗰度買保險，會唔會都一樣係貨不對版呢🤤…查看更多

30蚊個下午茶餐，除咗杯熱飲ok之外，野食完全唔合格吞拿魚厚多士啲魚少得可憐之餘仲要無烘，乾巴巴的超難食漢堡扒又油又咸又細件，連Mc記個兒童餐都好食過佢絕對絕對唔會有第二次…查看更多

好耐無去大家樂食lunch，今日去到見佢有個未見過嘅大廚系列，個滑蛋牛肉飯幅相好鬼多蛋，心想講到大廚系統咁誇張，就算得幅相一半咁多蛋都ok吖，點知……水牌上嘅滑蛋牛飯真實版嘅滑蛋？牛飯事先声明，水牌上面幅滑蛋牛飯嘅黄色部分全部都係蛋，而且係好似蒸水蛋一樣……但係結果呢？現實係d蛋？絲少到撈都撈唔到，就連呢d絲狀物體係唔係蛋都好成問題我真係唔明，mug依家d蛋好貴咩？駛唔駛孤寒成咁呀？俾多d蛋會死麼？俾唔到就唔好影幅咁嘅相呃人仲要話咩大廚系列？我呸！…查看更多

小時候食過傳統嘅冷糕，一大盤可以分開三、四件，每件$10都唔駛，外脆內軟，熱辣辣非常好食。朋友未試過冷糕，聽我講得好食，上網search發現大多數鋪頭只係冬天做冷糕，只有昌運呢間雞蛋仔專門店連夏天都有賣，於是我地就山長水又遠咁黎到太和一探究竟。呢度嘅冷糕同傳統嘅完全係兩回事細細件薄it it鬆軟自然講唔上，最慘係佢預先整定，加上凍咗嘅糖同椰絲，淨係得返一個"un"字睇黎要食到真正嘅冷糕，可能真係要係冬天過次大海先得…查看更多

早前行經K11嘅Pan de Pain, 就諗起佢個Souffle pancake,但再望望果條長長嘅人龍就放棄了。這天和朋友到希慎閒逛，無意間見到Flipper's張poster，覺得幾吸引就過去望望。結果一如所料，又係一條長長嘅人龍，而且仲截咗龍(只係下午3点)，唯有放棄啦！後來朋友同我講返才知道，原來那天是Flipper's開業的第二天， 難怪咁多人。和朋友左蕩右蕩9:16pm又蕩返返去Flipper's，見無人排隊就問下有無位。可能見我地只係2個人，又只係過咗1分鐘(9:15 last order)，結果我地做咗佢當日最後一枱客人。因為剛剛食飽dinner嘅關係，我地只係order咗Kiseki Pancake同Flipper's Punch 試試！同Pan de Pain嘅Souffle相比，Kiseki比較蛋糕，不過都好鬆軟，只係影2幅相嘅時間，下面件pancake就已經俾上面個件壓扁咗3份1，味道ok唔算好甜，cream夠多而且好滑，可以話各有各好食至於杯Punch亦有唔少生果粒係裡面，味道雖然偏甜不過亦算唔錯…查看更多

早係6月尾係報紙見到龍苑為慶祝開業30周年而推出懷舊點心，因為只有星期一至五先有，所以專程攞咗日假陪阿爸阿媽諗住去懷舊下。是日星期五，佢11:00開始，我地11:00就到，點知點心紙上已經劃走咗砵仔雞蛋焗魚腸，咁跟本唔係限量供應，而係無得供應先啱囉侍應唔算少，不過成日都圍埋一角打牙骹，好難先叫到一個過黎收點心紙點心紙上嘅款式唔多，連蝦餃都無，除咗豬膶/鵪鶉蛋燒賣，糯米卷同蛋散之外，其他都係任何一間酒樓都叫得到嘅普通點心，一啲都唔特別糯米雞 - 咸叉燒包 - 包皮唔合格豬膶腸粉 - 最好食算係呢樣鳳爪 - 勁咸，要用水洗下先食得合桃糊 - 開粉，仲要開唔暈呢種水準嘅野食加上叫極都唔應嘅服務，雖然係4星酒店嘅中菜廳，收$19.8一碟點心還是有d貴囉…查看更多

好日唔去深水涉，機會難得當然想試下新野。係朋友send黎條link度見到手打漢堡好似幾吸引(雖然本來條link唔係介紹呢樣😅), 上星期六就捉緊機會試佢一試。去到目標cafe已經係下午茶時間，望望tea set，竟然只係$29仲包飲品，實在太令人感動啦~當下立刻order個手打牛肉漢堡+薯條+波子汽水，另外朋友散叫咗個鰻魚芝士拉絲石鍋飯+凍奶茶！先黎飲品，witness 好細心，俾多幾張紙巾我開汽水以防大噴發，抵讚！奶茶茶味唔濃，似少甜嘅台灣奶茶。手打牛肉漢堡，正常size，超多肉汁，薯條大條香脆又唔咸，一個字“正”朋友話下次可以試漢堡扒石鍋飯比預期中大，個鍋比平時見慣嘅起碼大咗三份一，男士都可能夠食，我同朋友兩個人就當然無問題啦。鰻魚味道唔錯，芝士超多，真係拉到一絲絲，不錯…查看更多

昨天收到通知知道有同事升職，萬歲當然少不了，先黎個3点3下午茶 ，正式慶祝過2日再後補一向有幫襯開Yummy，評價不錯，所以今次都繼續，吾知係咪太多order，3点3下午茶4点半都未到，4:45終於到了，凍0七d冰就溶哂，罐雪碧係熱嘅，最幓係同事杯豆漿不翼而飛，無咗，打電話同Yummy 講少咗杯豆漿，佢死都話有俾……有鬼，將單係有，$都收咗，可惜貨就不見囉！Yummy嘅野食係ok嘅，不過叫外賣就要小心啦，最好点齊件數先好俾$囉，如果吾係$就俾咗野就食吾到就吾好啦！…查看更多

本來想食粥做早餐，行到街市先知原來長洲d粥店都唔做早市，唯有望下附近有咩其他選擇。行過應記，記得之前食過佢份鮮牛旦治很不錯，就坐低叫咗碗豬潤河！雖然係豬潤碎，不過好新鮮，加上個湯無味精，好似食緊清燉豬潤加河粉，正食完再幫friend買回魂奶茶，自己就叫咗杯未見過嘅熱榨橙，原來係鮮橙汁溝熱水，幾醒胃…查看更多

十点搭巴士去到三盞燈附近落車，跟地圖行咗十分鐘度就榅到盛記白粥。遠道而來就當然第一時間試下最出名嘅白粥，好多人叫嘅炸兩同牛脷酥啦！白粥 - 好稀，似好濃嘅米水，有米味……可惜我都係比較喜歡普通嘅粥多d，而且吾係好熱囉炸兩 - 條油炸鬼又凍又un，吾合格牛脷酥 - 酥脆又吾咸為咗補償炸兩嘅失落，又叫咗碟腸粉，夠熱夠滑，唔錯整體黎講普通啦，應該吾會有下次！…查看更多

第一次叫驚喜，第二次叫驚嚇！第一次幫襯，雞髀香脆嫩滑又大隻，西多三文治奶茶通通都 very good，好食到好少寫食評嘅我都忍吾住post咗d相上黎……個多月後嘅今日又再舊地重遊，諗都無諗就去回味一番，結果就中伏了！雞髀變得連上次果隻嘅一半大都無，脆係脆，不過仲干過條柴，又咸過咸魚，薯條短check check, 茶走更加係吾駛搞都甜過糖水如果吾係覺得浪費食物太不該，真係俾$我都吾會食囉！第一次食嘅雞髀今次食嘅雞髀…查看更多

今早睇報紙先知, 由我細細個開始就買開嘅雞旦仔伯伯一星期俾人拉咗3次, 實在好痛心....食環處咁拉人法實在太過份啦還好有好多人支持伯伯, 希望政府可以俾伯伯做個有牌小販就好啦~伯伯D雞旦仔真係好好好好味架如果無得食就慘啦…查看更多