fongsir的個人專頁

友人介紹這間新開的上樓私房西餐，價錢合理，食物好，又有海景，一於黎試下先。經理推介番茄湯，呢個番茄湯味道好新鮮好濃，真材實料！先係$48! 再來一個黑松露risotto, 一睇就知唔錯，risotto軟硬適中，重牛油與黑松露味，做很非常出色！一看餐牌價錢，才不過是$138，非常合理。 值得推介一下…查看更多

之前來過Siam 28食lunch，真心覺得唔錯，今次再同朋友嚟食晚飯。 專登黎試吓佢哋嘅特色Thaipas，我哋叫咗生蝦之外，見到openrice咁多人叫炸通菜，我哋又試吓先。 泰小碟來講，佢真心大碟，生蝦夠新鮮，蝦肉夠爽脆，個人推介配搭傳統青辣椒汁，酸酸辣辣非常開胃，而且將蝦頭脆炸，一隻蝦食到兩種食法。正！ 這碟炸通菜非常香脆，兼且可以點上自己喜歡嘅汁醬，感覺似食薯片幾香口，但朋友覺得有油左少少，下次可以唔使咁重手。 主菜則點了乾炒魚肚同泰式豬手，之前係openrice都見到好多人介紹呢個豬手，今次專登嚟試吓。 這碟乾炒魚肚與蝦仁及雞蛋同炒，炒得夠鑊氣，味道剛好，好吃。 這個泰式豬手見好多食友都推介，果然名不虛傳！豬手整得非常入味， 肉質嫩滑，豬皮很焾而且入口即溶，果然好介紹。 希望下次多D人黎，可以試餐牌上更多東西。…查看更多

來到2016年第一個工作天，當然就要 happy hour啦！大家首選備長，一來地點方便，二來串燒又好食，一於再返嚟。同事們一坐低就叫了幾杯生啤，酒精其實我一向都唔太好，反而最掛住呢度嘅串燒！佢地嘅厚燒牛舌燒得特別好食，牛舌夠厚身，燒出來外脆內軟，又夠juicy。虎蝦質素高，大隻又新鮮，肉質超級爽口彈牙！燒廣島蠔都唔錯，火候剛好，唔會燒啲肉縮哂水，配搭醬汁更能突出生蠔本身鮮味。豚之大腸係外面比較少吃到的串燒，大腸切成條狀燒至香脆，味道濃郁有咬口，比起係街邊食到嘅炸大腸少了一份油膩感，但增添了一份香口感。我對內臟有著莫名嘅興趣，尤其喜歡吃雞肝，雞肝燒得好一點都不易，一過火就會太乾起沙好難入口， 這裡的雞肝做得出色，時間拿捏得剛剛好，裡面剛熟而且肉質嫩滑。開開心心又一天，2016年愉快新開始。…查看更多