yanyu0323的個人專頁

故事有啲長，但係準備帶寵物去嘅朋友值得一睇。難得有外國朋友來港，想帶埋小狗同佢食餐好，專登搵咗呢間，上網睇啲食物好似幾靚靚又pet friendly, 於是一早喺OpenRice book咗。book嘅時候專登喺備注Remarks咗會帶小狗去。(我已經用咗英文寫，唔好同我講因為職員睇唔明中文)當天因為天氣較熱，朋友擔心有蚊想坐室內，所以係前往餐廳途中我打電話去查詢帶寵物可否坐室內？ 餐廳職員話帶寵物只可以坐室外，咁我話唔緊要啦，咁我哋照返坐室外。點知職員話今日室外唔開，但係室內又已經full Booking，所以無論我帶唔帶狗都唔可以喺嗰度用餐。聽到我呆咗，我話吓我book咗枱個喎，一早備注咗有小狗。佢幫我check完之後真係有我booking，然後繼續同我講，唔好意思今日室內full咗，但係外面真係冇開。 我話咁點解你唔早啲打電話話我聽，重點係我同小狗已經係的士上前往中，要知道喺香港帶寵物出街，如果冇自己揸車真係好唔方便，我係專登call的士跨區過嚟呢間餐廳食嘅！好彩途中打嚟問一問，如果唔係去到先知咪摸門釘？！ (重點係我朋友難得來香港一次，絕對唔想佢同我一齊摸門釘體驗咁差囉！) 然後我同職員講咁點算我哋嚟緊啦，佢話唔好意思真係冇計，因為full咗，而且真係唔可以俾小狗入。明明佢哋出錯，但係完全冇嘗試幫我解決問題，或者建議替代方案囉！真係諗住就咁一句唔好意思就算數:(幸好觀塘海濱附近仲有其他寵物友善餐廳，咁我哋即刻改地點，請司機揸前一個街口去另一間。如果唔係咁樣附近有，真係連的士錢都蝕埋俾佢！所以帶寵物嘅朋友真係要再三注意！避免中伏！…查看更多

超高質黃店！已經嚟食咗佢嘅午餐好多次，真係好好食，下午來坐好休閒好舒服，環境好好食物又好好味，而且員工服務態度都非常好。最鍾意佢個炸薯條，跟餐加少少錢就有得食，炸到好似脆薯角咁香脆嘅薯條真係好正，次次都要嗌佢。薄脆嘅pizza脆卜卜都好足料同好食！我見佢啲下午茶都好靚(大大份仲好有意思！）下次一定要試埋！好有heart嘅食店，店員好有禮貌，生日的甜品設計有心機寫字又靚。真係唔捨得佢結業，7月25日前要來多幾次先！…查看更多