kyso202203的個人專頁

旺角創興成棟都係食肆，有好多火鍋,燒肉餐廳。呢間韓式燒肉餐廳就係一樓，搭層扶手電梯就到，唔洗入去搭lift.佢有一個自助吧，有成多達十幾款嘅韓式小食同埋前菜供應🤩🤩🤩開心食咗勁多芽菜🤗🤗有韓式煎餅，泡菜煎餅，年糕同埋炸雞翼等等 全部都高質啊！飲品都有超多款比你揀，仲會提供五六款啤酒，酒類唔需要額外價錢👍🏼👍🏼👍🏼不過真露就要加錢😬而重頭戲韓式燒烤佢先嚟一個九宮格頭盤，有牛舌,五花腩,牛仔骨,雞翼等等。 然後menu入面就有其他唔同肉類揀，例如羊肉,多春魚,牛肉粒。放題最驚就係佢Hea我，呢間絕對唔hea! 肉質都幾新鮮，牛一啲都唔韌，最值得讚就係三文魚！我喺熟食區拎，再燒一燒佢，外脆內軟超正！三文魚膠🤤🤤🤤蔬菜種類都好多選擇，例如杏鮑菇,冬菇,瓜類，食材都大大嚿又新鮮！而佢醬汁吧都有唔同嘢揀有韓式辣醬,麵豉醬,wasabi 粉，仲有啲辣粉。食完嘢，記得佢仲有個甜品吧。有香港製造雪糕，有涼粉有花奶🤗自製一款飯後甜品。性價比嚟講呢間絕對超值而且交通又方便最啱就係 約埋一班friend gathering。牛一哥韓式燒烤放題旺角彌敦道601號創興廣場1樓$200 pp#旺角 #創興 #放題 #燒肉 #韓式 #theonekoreanbbq…查看更多

自選車仔麵 牛柏葉$12 + 咖喱魷魚$14 + 秘製牛腩$14+ 幼麵 + 牛腩汁/中辣 ($50)蘿蔔$10 + 油麥菜$10 + 滷水豬手$14 + 秘制金錢肚$14 + 米線/花生沙嗲汁 ($58)可以揀少麵/加底，亦辣度可以揀。湯底方面有清湯,牛腩汁,咖哩汁,花生沙嗲汁等。料佢真係有超級多選擇，出名嘅有冬菇,豬大腸。牛腩唔太肥，亦有牛筋比你，above average👍🏼😆豬手都醃得味道適中，唔會太咸，兩大舊，份量都好足🤗鐘意損骨就啱曬咖喱魷魚好惹味，正宗的港式咖喱味🫡但係基本上完全唔辣金錢肚就比較少出現喺車仔麵到，但呢度嘅金錢肚絕不比茶樓點心個啲差，好入味之餘又好有咬口👍🏼最後就係要讚吓個花生沙嗲湯底，如果你食過沙嗲王嗰個金菇肥牛粉絲就會知道佢嗰個沙嗲湯底有幾膩，基本上食一半就會好滯。今次呢個花生沙嗲湯，花生味幾重，但同時冇冚咗沙嗲香味🤩作為一個湯底佢唔會太𠎀！下次一定會再揀呢個湯底😆小食方面^_^椒鹽炸魚皮餃 28鍾意佢椒鹽粉嘅份量剛剛好，亦新鮮炸，好適合配麵食。韭菜豬紅 28十分之大份，溫度略嫌不足，但味道ok,韭菜豬紅都好多，超級抵！佢除左麵都有飯類提供，飲品有跟餐價。適合casual,或快食，性價比高之選。…查看更多

🍊🍎🍓🍍🍒🥑🍋🍉🍅🍇位於中環嘅一間水果茶特飲店，非連鎖嘅小店。有提供果昔,蓋茶,水果乳酸,水果茶同水果冰茶昔等接近三十幾種飲料。水果方面主要有芒果,菠蘿,草莓,藍莓,火龍果,蘋果,熱情果，總有一款啱你口味😗今次黎試左一杯果昔一杯水果茶。木瓜優格果昔 $40我地揀左一個十分經典嘅配搭。佢嘅乳酪唔會好甜，所以乳酪嘅甜味就唔會蓋過水果味，攞到一個好好嘅平衡絕對有加分，又做到豐胸加通便！😌芒果紅火龍冰茶昔 $32佢有兩款茶底可供選擇，桂花烏龍同茉莉綠茶。新鮮嘅芒果同紅火龍果打爛製成，形成兩層色，打卡滿分。甜度都十分合理，我地揀左嘅烏龍茶味不算太重，享受果味為主。飲落仲會有少少肉粒，有啲咬口，整體係一杯十分新鮮嘅飲料。夏天大熱天飲一定更加refresh💦💦📍輕時光 中環威靈頓街166號地下後座#中環 #茶 #smoothie #港島美食 #中環好去處…查看更多

位於將軍澳海旁，離地鐵站大約10mins路程。附近好多chill 嘅bar and restaurant. 成個氣氛都好舒適，好多人會係度放狗😍😍😍而呢一間cafe都可以望正海景❣️🥗燒虎蝦帶子田園沙律配檸檬油醋汁 $128虎蝦同帶子一啲都唔吝嗇，目測各有三四塊，再配有無花果同沙律菜，佢嘅檸檬陳醋汁好refeshing，係一個好好開胃嘅頭盤。🦀松葉蟹肉軟殼蟹飯 $148兩種蟹嘅配搭，首先軟殼蟹十分之大隻，而松葉蟹就混入係飯入面，配有飛魚籽同溫泉蛋，蛋白質之選！🍔慢煮豬肋漢堡配薯條 $128 ⬅️⭐️是次MVP比較特別嘅漢堡肉料，豬肋好香好易咬，入面配有芝士，再加上茴香沙律,芥末子，唔似食緊burger🫣。Iced 75% Chocolate $54濃濃嘅朱古力，佢有75% 同 85% 揀，要有心理準備呢個唔係出面飲到嘅朱古力咁甜味主導。佢係真真正正嘅用高濃度嘅朱古力，會帶點苦澀味，滿口都係可可嘅感覺。大家可以先試75%睇下接唔接受到先。Chocolate Sweetie $68呢個係季節限定，熱飲黎。濃度跟75%差不多，不過佢上面外加玉桂同燒烤棉花糖，會比上一杯甜少少。棉花糖燒左嘅焦糖味再溝落玉桂嘅香味，提升左整杯朱古力嘅層次，離遠都已經聞到玉桂同朱古力嘅香氣。❣️佢仲有gelato雪糕甜品添，下次一定要試埋佢！📍將軍澳唐賢街29號藍塘傲地下12號鋪$200 pp#將軍澳 #漢堡 #咖啡 #朱古力 #西餐 #cafe…查看更多

太子地鐵行五分鐘就到，不用等位。食果時都多附近人士落黎叫外賣，一人套餐揀幾抵，我地就嗌左啲特別啲嘅試下 ！👍🏼街坊價錢👍🏼食物多款選擇👍🏼有特色item👍🏼食物質素中上(生)牛肉粉 $45黎到好大碗，牛肉多唔少嘅，生牛肉粉都係唔可以擺太耐，啲牛肉老左就唔可以食。果到有好幾款醬汁比你加落去，仲有生辣椒🌶️，即刻個味道都提升曬。火五特式鳳爪撈檬 $42未食過鳳爪加撈檬! 鳳爪酸酸甜甜咁，微辣，好爽口！推！提提大家佢果個撈蒙酸汁好重料，唔係好似出面果啲好水咁，建議唔洗落太多！意大利黑醋汁蒜蓉牛油雞翼 $58幾欣賞呢個黑醋汁嘅配搭，酸酸地，佢又有頗多蒜蓉係上面，味道上有層次感，仲要佢係連雞翼尖😋手作大蝦米紙卷 $38一個傳統嘅越南小食，都係可以配酸汁食，每舊入面都有蝦,蘿蔔,青瓜同粉絲做配料凍越南三式冰 $19椰味重過奶味好多，入面再加上經典嘅三色澱粉條，個人覺得如果太多會影響口感，好在佢比例都ok，食完辣野飲返杯就完美。…查看更多

呢到係大本型入面嘅food court.入面都有幾多選擇，有兩三間日本野食。呢間主打就唔係烏冬拉麵，而係蛋餅章魚燒。佢有幾個set揀， 揀左個最大嘅，有齊章魚燒，蛋餅同烏冬。蛋餅好大塊，味道ok la, 唔算有咩驚喜，入面料都足，不過都係蔬菜之類。略嫌上面太多沙律醬。大阪燒麵粉都係太多，好濟嘅感覺，不過入面粒章魚都算大大粒嘅。築地銀炒麵啲牛肉真係太少，數埋都係四五塊，其他配料都無乜，純麵咁，最後都係食唔曬..抹茶牛奶都係抹茶粉開啦，唔差嘅，要攪下佢，好多粉沉底。發覺成個餐其實兩個人食都ok,因為好多蛋,麵粉，同埋太多沙律醬係面。不過價錢都唔算太貴嘅。…查看更多

馬鞍山呢間餐廳唔係火車站果個商場，係要過條馬路嘅一個小型屋苑商場地下。午餐餐牌都係大眾化嘅價錢，但係野食並唔輸蝕。個龍蝦湯份量係比較細，不過都證明佢係有用料，係新鮮好飲嘅， 配埋個蒜蓉包，正。叫左個牛扒配意粉，醬汁有得揀，揀左黑松露汁，黑松露味就真係唔係太重。佢意粉係偏硬嘅，呢個睇個人口味，我就最憎淋嘅意粉，佢呢個口感就好啱我。個牛扒都ok，唔算肥。野飲揀左西柚蜂蜜綠茶，呢個凍飲唔洗加錢，唔會好甜，唔差。整體黎講，性價比高，經過馬鞍山食可以試下行遠少少，食呢間啦。…查看更多

呢間餐廳近黃埔站，商場亦可泊位，有消費免泊車。叫左個二人餐，野飲有冰紅茶或汽水，可無限添飲。不過每次都要叫佢黎添，然後次次都添唔滿😂😂首先黎左個藜麥沙律，入面有啲乾果同南瓜，酸酸地，有山羊芝士係上面。黎個牛扒都唔錯，七成熟，幾特別地上面個醬料係芝士黎。個pizza正常發揮啦，薄皮嘅。三文魚扒幾得意，用個竹板盛住，熟度啱啱好，配西檸汁正。整體黎講都有水準嘅，啲野食配料好足，菜式都有自己風格，幾獨特，價錢上亦都中肯。…查看更多

食小菜嘅餐廳林林總總，有時真係要逐間試先知邊啲有心思有質素。佐敦有好多餐廳，呢間外面睇唔算特出，但係就絕對要試。🍝上湯飛天蝦麵 $188剩係個立體賣相都已經好吸引😂。個麵炸得好脆，配落啲汁即刻食就啱啱好。再配埋份量十足嘅海蝦🦐，一啲都唔吝嗇，三個人食都夠曬分。滋味柚子🍊一字骨 $118個骨幾有風味，用一層薄薄嘅粉醬炸，柚子味酸酸甜甜，配飯食就一流。椒鹽白飯魚🐟 $98個白飯魚係傳統大排檔風味，個炸醬唔係好厚粉果啲，配有炸蒜，屬水準之作。🍹華田黑火山 $8(跟餐) / $28(散叫)佢有呢個經典茶餐廳特飲，鍾意朱古力嘅朋友實好中意，可以一路飲一路食啲脆脆～佢仲有好多推介小菜未試曬，下次一班人黎食叫多幾款除返開仲更加實惠！…查看更多

銅鑼灣街希雲街呢度有好幾間食肆都頗有名氣，今次黎到呢間鬆弛熊🐻主題嘅餐廳。入面有十幾個位倒，我地下晝去就唔算太多人，唔洗等位。🥘特製沾麵 $108佢有四種配湯揀: 熱牛乳湯，魚介醬油湯，胡麻醬，味噌湯。我地就揀左無乜食過嘅魚介醬油湯，味道幾清新。佢分開一碗麵同碗湯，食果時就夾一小撮落碗湯到食。🍜特製牛奶拉麵 $98食落去有陣陣嘅牛奶味，雖然唔係好重但就配拉麵同豬肉到啱啱好。上面仲有幾塊熊熊魚蛋添。🍤炸雞拼章魚燒 $69新炸嘅炸雞熱辣辣，配個士多啤梨醬黎點，甜甜地又唔算太膩，配有三粒章魚燒，仲有一塊好得意嘅鬆弛熊餅。🍹特製百香果梳打 $39🥛特製士多啤梨梳打 $39兩款梳打都帶有果粒，可以食到少少果肉，絕唔係求其一杯糖水📸打卡影靚相嘅拉麵店～絕對係又有得睇又有得食，最啱一班女仔或者帶埋女朋友仔黎食啦。…查看更多

價錢中等👍🏼環境氣氛舒服👍🏼(三個女仔坐係到傾左幾粒鐘都冇人趕我地走🫢）食物質素有驚喜👍🏼🤩THAI MILK TEA $42文青feel玻璃樽好靚😻附上一杯冰比你唔會驚啲冰溶而味道啖左。奶味比ChaTraMue(紅色logo個個泰奶茶牌子)淡少少，甜度適中黄咖喱(雞）配烤餅 $98微辣🤫咖喱好惹味，食慾急升lol，雞件好多舊（三個女仔食唔晒…)重有薯仔，茄子。烤餅都好香，上菜時重係暖暖的，不過得四塊，浪費餘下咖哩汁香茅烤豬頸肉 $98雖則睇落細細碟，但份量又係方死食你唔飽咁🫢😗內質鬆軟～（最怕咬極都咬唔到…) 多汁又唔太油～ 油嘅程度可接受！有微微燶邊！！＋10分！🦐冬陰功大頭蝦意粉 $158冬蔭功口味意粉真係第一次吃！有驚喜！個醬係酸甜酸甜（但又唔似蕃汁意粉lol)，後勁有好少好少的辣，同意粉又幾夾! 🤤粉煮得有啲硬身，大頭蝦拆曬肉，蝦肉好爽好結實，不過有啲細隻：（泰式脆炸蠔餅 $138一上菜我哋嘅反應係：嘩～實食唔曬，咁大份！份量十足，炸得好脆好香，炸粉唔會太厚太黏口！比起打冷食個啲蠔餅厚好多～蠔唔會腥！To Sum Up, 食物非常高質！有好多特式cocktail!一定會再去試試佢～度假風＋藤椅＋太陽傘+榻榻米座墊＋礦石燈超打卡dable! ，柔和燈光令人好舒服放鬆！重有吧枱，真係好似去左泰國海邊chill！…查看更多

大圍站一出經行人天橋行大約十分鐘就會到，主打雞煲同烤魚。烤魚有麻辣，泡椒(酸辣)，剁椒，酸菜(唔辣)。魚就有鯇魚，鱸魚，魽魚。有得揀辣度，就曬唔同人口味。🍲🌶️泡椒烤魚(酸辣) 海鱸魚 $268條魚好高質，塊皮夠脆夠香，個肉質就好滑，想食滑嘅一定要揀鱸魚。平時食烤魚最驚就係好鹹，佢酸辣湯就味道鹹度啱啱好，魚鮮味夠曬濃！😋👍🏼👍🏼👍🏼本身有少許拌菜係入面，不過我地都加左碟菜。特級雪花肥牛 細 $108珊瑚蚌 $88牛柏葉 $68基本都要叫返碟牛啦，放心佢呢個價錢質素都有保證，唔會係雪到實又多肥膏。個牛柏葉同珊瑚蚌都新鮮嘅。🍸百香果梳打 $26🍹益力多沙冰 $26打邊爐咁熱，佢好好地有唔同特飲提供，有沙冰同水果梳打類，有芒果,草莓,柚子,百香果..夠曬凍解辣就啱曬。…查看更多

呢間餐廳位於旺角地鐵站附近，E出口行幾分鐘就到。入面環境白色為主，有啲法國小田園feel~好清新絕對可以打卡，附設窗邊位可以影靚相又可以望住街景。🌁🍲是日精選餐湯 $38海鮮忌廉湯，足料～🍖德國咸豬手配酸椰菜及薯蓉 $178個豬手塊皮十分之脆，配酸野菜同沙律菜，德國風味！仲有d薯蓉拌碟，份量夠大，兩個人食都得。🍻生啤 Yebisu $58食豬手一定要配啤酒，可以調和到豬手果種油膩感。🍝黑松露忌廉扁意粉配天婦羅軟殼蟹 $166一上蝶就已經聞到好重好重黑松露味，好香好重料。軟殼蟹都係啱啱炸。我鍾意麵質夠咬口唔會太淋。🍨意大利雪糕配牛角包窩夫 $78雪糕係朱古力味，窩夫唔係普通平時食開果隻，而係酥皮做嘅，口味更加特別， 每一口撈埋雪糕食絕對係頂級享受。…查看更多

呢間小方糖甜品鋪，位置真係夠曬偏僻。間商場夜晚好似好靜咁。唔近地鐵站上蓋果d商場，要特登行入黎食。太陽香蕉船 $38個香蕉船其實都係食雪糕啦。雪糕可以自己揀，有五六種。佢有d心思嘅，加左d粟米片上去，加分。黑白配 $38雪糕係雲呢拿加朱古力，佢有仙草，珍珠，小丸子。鍾意食呢d咬口野arm曬芒果紫米小丸子 $38個紫米露賣相差d啦，但係食落就好食嘅，芒果都夠甜。大路嘅甜品鋪，餐牌揀嘅都係平時見到果d啦。水準ok嘅，係有d遠，商場食完野就未必行到咁遠過黎食。…查看更多

又一城有好幾間中菜館，中上價位。呢間中式菜館主打上海菜，港九都有好幾間分店。奶黃小麻球 $42個奶黃幾好食，有流心，唔係吉士果d。芝麻豆沙餅 $48初頭以為係豆沙鍋餅咁樣。原來都係芝麻皮，食落酸酸地，又好濟好油膩。唔arm食。醬汁牛仔骨烤年糕 $138個牛仔骨真係鹹到痴線，佢入面有年糕，suppose算係主菜唔洗送飯，咁鹹真係食得好辛苦京蔥爆羊肉配薄餅 $128呢個算最好食啦，好重嘅羊肉味，配有五六塊薄餅倒。肉好多好足料。清潤柑桔蜜 $26杯野好細，無料嘅..唔難飲不過唔係好值個價..之前食過ok嘅，今次有d失望，有幾樣都頗失準，唔係係咪太夜食趕收工..…查看更多