TsuiHauYi的個人專頁

今日慶祝生日飯，睇食評覺得醉胡盧好評吾錯，睇過食物圖片又覺得靚仔，book左枱後，職員來電確認人數，講出特別優惠第一：$88一隻聖子加一隻鮑魚每人一份第二：$268牛頸脊一份，佢話原價$368聽完覺得價錢都非常吸引所以每樣我都要左一份準時黎到貴店，地方就企理正常既，但問題呢就枱與枱之間太迫，同埋座位唔夠寬躺，一坐低已經覺得啲冷氣非常吾夠，大熱天時打邊爐唔夠冷氣真係嚴重扣分食物方面，呢個$188西班牙黑豚肉非常普通😩之後仲有預訂嘅$268牛頸脊，實在是普通貨色，並沒有店員所講的甘吸引，自家製餃子🥟食左兩款名我都唔記得啦，因為真係麻麻地:(其他食物都不值一提，串燒同湯底大家睇圖就知😅整體來講食物質素普通，但係價錢就相對太貴，兩個人食物圖已齊，總共食左$1780蚊，好老實講，呢個價錢有好多好選擇😢😢…查看更多

我係附近返工 成日過黎買三文治加自家制豆漿其實食左呢間小店幾個月 我覺得好多小食都係自家制，算好有誠意我最愛係黑松露蛋治+豆腐$30蚊下午茶2:30pm後好似唔$25豆漿不會太甜，黑松露炒蛋好滑另外佢嘅燒賣魚蛋都特別好食大家可以試下，支持用心的小店👍不過就無得堂食，只能外賣🥪…查看更多

今日經過荃灣，唔知早餐食咩好兩個人一於去餃子屋試下 上網睇食評好似好推介，我哋兩個人叫咗八隻白菜豬肉湯餃同埋八隻韭菜豬肉煎餃餃子嚟到非常大件，餃子多汁多餡個湯先非常好飲，飲得出完全冇味精有住家媽媽嘅味道👍👍唯一嘅缺點地方比較細 同埋都坐得好迫，冷氣一般般，呢排天氣太熱🥵🥵🥵不過呢個價錢加質素🤩一定有下次😏…查看更多

兩三年前岩岩有倫哥，食過一次，感覺食物新鮮，雞煲惹味，但19/5/2021過黎食 ，見佢地址已經搬咗，以為店舖擴張，今次同樣兩人行，一如既往先食雞煲，後打邊爐，我記得以前好似得1個價錢放題，而家有$298，同$198兩個價錢選擇，因為我今次唔可以食海鮮，所以揀咗$198同樣都有雞煲任食，但海鮮配料$298多幾樣，去到現場已經覺得唔對路,點解出邊多咗個自助吧（打邊爐配料非常普通）雞煲上枱更加離譜，全部都係雞髀肉，全部係急凍雞髀😰😰係成個煲都係雞髀肉，我聽到隔離枱嘅姐姐都喺度申點解全部都係雞髀肉，味道正常嘅，每人一份嘅海鮮配料，目測兩粒勁細急凍帶子，兩隻青口，4粒迷你蜆肉，兩塊魚片...........成個場有八成位吉左，omg點鮮倫哥變成甘，好老實講，吾會有下次😩…查看更多

不嬲都喜歡距既手打烏冬～～湯底我覺得沙嗲同蕃茄都唔錯有時會加一兩串串燒食😍佢既鹽燒同汁燒都做得吾錯🤩🤩而家外賣有八折，都算合理價錢~~平時堂食就小貴～～🤪…查看更多

今日勁想食麵，路經路德圍，呢間山西刀削麵開甘耐都未食過，諗住入去食個下午茶，兩個人，叫咗一個豬手刀削麵一個麻醬雞絲撈刀削麵（冷面），落單嗰陣問職員可唔可以轉熱撈，距話可以，很好👍嚟到兩碗面都超大碗，個撈麵直頭係兩個人都夠食，唔好以為影相好似正常size,個碗好深好大，啲面有咬口，又彈牙，雞絲正常野，主要係個面真係幾好食，要讚下👍同埋地方都算企理乾淨，大件夾抵食!!!…查看更多

朋友生日飯，食物份量夠大，黑松露蘑菇意粉正正常常酥皮香蒜意粉呢個我覺得幾有特式幾特別🤪🤪個百香果帶子no good👎密糖雞翼都很好～雞翼咬落脆身用左蕉糖+蜜糖，整體合格👍…查看更多

最愛食嘅海南雞飯，附近開咗新店梗係嗌外賣喺公司慢慢嘆啦～我叫咗個雙拼， 黑毛豬拼海南雞～收到外賣嚇親份量實在有點大～喺尖沙咀叫外賣好少有咁大份量～我食一個飯可以頂到一日唔使食嘢😂呢間店應該係一班年輕人開嘅～個個送外賣都好後生同埋好好禮貌～支持小店💪💪…查看更多

老公生日～好想買個千層蛋糕同距慶祝下上網搵咗好多間呢一間可以送貨， 睇咗勁多網評諗住一定唔錯， 仲要提早15日訂貨，尋日打開蛋糕試食,個蛋糕入邊有啲冰未溶曬我真心未食過蛋糕入邊會有冰，唯一我諗到嘅就係個蛋糕係早咗一日整好， 放咗喺冰櫃， 等運送過程溶曬d冰～非常非常非常之差我絕對認為大部份好評都係打手🤬🤬🤬一個甘高興日子，實在令我太掃興 仲有個蛋糕咁甜度係負分 好似完全冇落過糖咁...真心想問？係咪唔記得咗落糖呢？…查看更多

食過幾次，今次就俾下食評啦😋我非常之喜歡呢一間店嘅炒蜆～風味十足， 十分推介， 同朋友食親都要嗌加大另外做得比較出色嘅就係脆脆帶子～呢兩個小菜似係廚師獨家秘方😆😆其他小菜我覺得不覺不失如果想食菜都會心思思想過黎🤪…查看更多

原本就食十二味川菜的，點知要等廿幾張枱，所以就是但上網搵吓，搵到呢間新野，志在想食辣野，就沖去試下，兩個人食，叫四樣野，第一樣，皮蛋，本人覺得普通野，不覺不失第二樣，就係酸菜魚，呢個就加分味道不會太重，仲要勁大份，夠4人份量～價錢好似兩百幾蚊第三樣，香辣蝦都有80分最後仲有個菜～正常野…查看更多

疫情下，好多酒店自助餐都選擇唔開，甚至乎淨係開星期五六日，呢度仲有75折扣，價錢非常合理，凍食都比較多，有我最愛凍蟹同面包蟹，午餐有面包蟹比軟少見，仲有啲普通嘅點心，喇沙湯麵，冬陰功，甜品都吾錯，熟食種類多，魚生都幾新鮮，不過凍蟹就麻麻哋...吾太新鮮，整體黎講埋單288一位，呢個價錢食得過，我要讚一讚個心太軟，吾會太甜👍…查看更多

店舖屬於新開， 入邊座位得兩張枱， 最多坐到五六個人， 我家鄉係汕尾，見到有汕尾 魚蛋立即入去試吓味，我叫咗個汕尾魚蛋麵， 起初以為佢會比公仔麵，點知原來係幼拉麵，已經覺得有啲驚喜，試吓啖湯， 唔係味精湯喎，到主角魚蛋，好有魚味，又彈牙，喺我係香港食過最好食嘅汕尾魚蛋，仲有兩舊蘿蔔，睇到老闆擺咗少少香港人嘅口味落去，用心制作，即刻俾like 有經過開嘅朋友可以試吓，35蚊，今時今日食個車仔麵都要50蚊，經濟好味…查看更多

睇食評呢間野好似幾吾錯 Book左7:00 入面待應和鐵板燒師傅都好有心做一路燒野食，會一路同我地講下食物質素趁熱食最好，都幾吾錯，食物水准我覺得ok我地叫左個二人set 頭盆龍蝦湯正常野燒黑豚豬我都覺得普通 個帶子就燒得好好食吾算好有驚喜😂甜品很普通呢個價錢 有其它選擇…查看更多

生日飯局，主要想食扁皮鴨，但非常失望，鴨吾好，皮吾脆、再full配料要收錢，種種失望，另外叫左個水煮魚，同上湯豆苗 小籠包 同雞絲粉皮 都係正常好食既 水煮魚略為出色，埋單只須一千蚊，食到五個菜，價錢真算合理，但不要抱太大期望…查看更多