lamlo7860的個人專頁

今日去到希雲街午餐，間間店都好多人排隊，結果剛好見到呢間餐廳有兩個位，就去左食，雖然比較迫，但係銅鑼灣都可以接受。第一次食poke bowl，原來食物的種類健康，主要係刺身、沙律菜同壽司飯。我叫左個加州風味的普通size，跟珍珠糙飯同沙律菜，不過冇晒蛋絲，就比多左d青瓜我。原本驚唔夠飽，不過黎到又發現都好多wo，D食物鋪滿晒，令人眼前一亮，一般人都夠飽。食物方面，沙律菜同刺身都好新鮮，配合埋果仁芝麻醬的配搭好好味，而果仁亦會令人更有飽肚感。下次可以再食過。…查看更多

今晚去左食壽司郎，真係非常多人，我同友人係3點半攞飛，跟住去尖沙咀行街，行完返到去7點鐘都未有位，等多半個鐘後終於有位。因為餐廳限定用餐時間一小時，所以d枱都流轉得好快，亦可確保人人都食到好味平價的高質壽司。我地點左芝士燒三文魚，蝦3味，海膽海苔包，厚切三文魚，帆立貝，特選大吞拿魚腩等壽司。整體黎講都唔錯，全部壽司材料都好新鮮，而性價比都好高。甜品就叫左個卡達娜拉，夠凍，味道唔太甜剛剛好。雖然用餐時間得一個鐘，但食物黎得好快，係夠時間食的。岩岩好食完就一個鐘埋單啦。…查看更多

今日星期六去megabox行街，就揀左去California食午餐，星期六中午時候唔多人，我地3人分到卡位。3個人叫左個2人套餐 ($288)，加左半份泰式風味爽脆沙律同一杯lemonade。2人套餐揀墨西哥雞肉烤餅，墨西哥雞肉菠菜閣麵，夏威夷pizza同2杯紅茶。個沙律味道清新，有d爽脆的豆，加上米粉乾同埋不同的瓜菜，配上泰式汁一流。Pizza 個底好脆，用的火腿高質的，唔會太咸，非常新鮮。另外，食物的比例頗大，3個人都食唔晒。…查看更多

上網見到佐敦區呢間西餐的評價唔錯，於是book左位星期五晚去試下。叫左個至尊2人餐，有羅宋湯，白酒煮大蜆，主菜就揀左豬手同肉眼扒，飲品補左錢要特濃朱古力，甜品係tiramisu。羅宋湯都幾多菜，酸酸地幾開胃。白酒煮大蜆都好好味，D蜆都有白酒味，但略嫌份量太少，只有5粒有肉。牛扒叫左7成熟，煮得啱啱好，牛扒好有肉味，亦唔會太林或太硬。豬手好大隻同有驚喜，首先係個皮好脆，D肉好林好滑，仲有D根連住隻豬手。如果不計儀態，可以成隻拎住慢慢食D骨。另外，兩個主菜都有跟D薯菜，所以都好飽。個Tiramisu都好味，有淡淡的酒味。而杯特濃朱古力好香好好飲，飲到底仲有好多好濃的朱古力。總括而言，呢餐真係幾好味，而經openrice book位仲有discount。…查看更多

呢個星期天氣轉冷，最適合食d石燒類暖笠笠的食物。係旺角一開openrice就見到呢期熱辣辣的美食。好彩去個日係平日，8點鐘到唔太多人，等左20分鐘，5張枱就有位。叫左3樣食物: 厚切豚肉石燒手打烏冬(黑松露湯底)，鰻魚蛋包飯同鹽燒雞翼。石燒烏冬非常熱辣辣，d泡泡成5分鐘先卜卜完，個湯底有香濃的黑松露味，石鍋保溫力強，食到最後都仲好熱。豚肉好厚肉醃得好入味好juicy。鰻魚蛋包飯的鰻魚好大件，原條上的，味道好入味。鹽燒雞翼有4件，好抵食，醃得入味，燒得乾身同有鹽味。呢間餐廳值得攞介，尤其係冬天…查看更多

星期四同一堆友人去銅鑼灣吹水食飯，就想搵個食飯飲酒的地方，就揀左去越華會食晚餐。叫左椒鹽鮮魷、椒鹽九肚魚、蝦多士、薑汁芥蘭、招牌菜黑松露手撕雞同豉油王炒面。D 炒野炸野全部都好乾身，有鑊氣同好正。鮮魷好新鮮好爽，九肚魚好滑，蝦多士好乾身好脆，薑汁爽脆唔苦同有薑味，炒面乾身唔咸。個手撕雞的黑松露醬好香，但落得太多，稍為咸左少少，不過連埋青瓜一齊食都OK。啤酒好夠凍，有冰筒上。下次可以再encore食過。…查看更多