SINFIA的個人專頁

呢間cafe係我暫時食過既cafe之中最用心何以見得呢? 我同bf每人叫左個$98 set有前菜 (沙律/ 串燒), main course, 飲品, cheese cake咖哩飯果然冇介紹錯喎又大碟又多汁! 正呀!黃金飯 配熱辣炸到好香脆既魚柳絕對唔會覺得膩...very good!!!!!! 榛子朱古力都推介! 大杯, 味濃, 唔會太甜, 味道恰到好處 加埋個cheese cake.....個jit花好靚.........食到飽飽呀........其實最值得加分係個環境 燈光同佈置迎造左個好寧靜舒服既氣氛唔似得其他cafe 嘈怨巴閉 聽唔到d fd講野同埋個waiter姐姐好nice!!!!!!!!!一入到門口就面帶笑容招呼我地上串燒既時候, 又重覆幾次, 提我地小心熱呀最尾仲問我地有冇意見/ 要改善既地方~ um我想講呢間野真係掂呀! 一定會再黎過連加一每人要$110, 比起其他cafe係貴左少少但物有所值 個咖哩飯我仲回味緊 ps: 其實個位置又唔係好偏姐, 我呢個路痴都好易搵到…查看更多

身為學生既我, 平時lunch落中環食野真係冇咩選擇一餐lunch都接近$40 好貴見上期東方新地介紹呢間係中環新開張既misocool, 價錢比區內其他餐廳低些少就同男朋友試一試下午四點幾入去　得幾個食客餐廳環境好企理乾淨不過唔算好大 我諗容納到50個人左右啦 燒雞蕃茄湯拉面 ($24) 仲包埋個三文魚飯團同埋野飲tim而且拉面既份量絕對唔少個蕃茄湯底唔會過酸　味道恰到好處質感又唔太杰　幾開胃:)舊煎雞就同吉野家果d差唔多啦男友食牛肉奄列烏冬($26)我唔食牛就唔知好唔好食啦！但驟眼睇牛肉好足料成舊奄列漲卜卜烏冬就一般水準啦　冇咩特別個豬骨湯底味濃:)杯凍檸茶就略嫌甜左少少值得一讚既就係waiter既服務態度！個個都笑笑口　好有禮貌可能下午茶冇咩人啦　野食好快就齊哂而且樓下提及waiter冇主動加水既問題亦都改善左！走果陣又會幫你禁埋“車立”讚！一定會再黎！中環平靚正既日本餐廳！埋單每人$28(加一)…查看更多

同好多人一樣, 本身諗住食松記但唔知松記星期日冇開, 又唔想失望而回就過左隔黎既糖水佬甜品一坐低見到檯面有好幾隻蟻仔感覺上唔係幾衛生作為食肆點可以容許有昆蟲係客人既檯上架:(我叫左個最普通既合桃糊 $16個質感好怪, 1d都唔滑, 杰得黎又粉粉地咁未食過d咁難食既合桃糊!! 食左一半都冇就擺唔落口男友叫左個雪糕芒果西米露 $26雪糕四隻味(vanilla, strawberry, cookies...)揀兩隻個雪糕都ok既但係個芒果西米露就認真麻麻芒果唔新鮮既! 黑蚊蚊!d芒果汁又怪怪地咁最基本既芒果西米露同合桃糊都咁難食, 我對呢間糖水鋪好失望!唔會有下次!…查看更多