Jarvis Ho的個人專頁

難得行下愉景新城，見到呢度唔算多人就去排下啦，等左10分鐘左右就有枱都ok吖我地兩個人叫左四道菜有干煸四季豆，翔龍炒飯，黃金蝦球同埋孜然羊肉呢個干煸四季豆，d肉碎太咸同埋有浸騷味，仲衰過自己整👎🏻👎🏻黃金蝦球，我差d以為自己嗌左黃金脆肉瓜，d蝦球得幾粒入口仲要完全無蝦味，有d失望😞翔龍炒飯，即係雞肉同蝦炒飯，d雞肉同蝦食落又係無味個炒飯又有d𤓓味，收88蚊有d過份囉😒孜然羊肉跟叉子燒餅，味唔夠而且太夠油啦同油浸無分別，另外個叉子燒餅好似翻叮咁又韌又硬一d都唔似燒餅整體黎講係又貴又唔好食，應該都唔會再黎👎🏻👎🏻👎🏻…查看更多

之前係Facebook見過都想試好耐，難得女朋友收早就過去中環試下佢先😜😜入到去見到佢地嘅裝修都好特別，牆上仲掛住幾件古裝係度😂😂佢地嘅餐牌都有落心機去設計過，都好特別👍🏻👍🏻呢個叫東海龍王，即係三文魚子同三文魚刺身飯，都ok嘅，可惜份量少左d😕😕😕我地嗌左個表哥薯條，唔知點解叫表哥呢😂😂😂呢杯係叫The Wing-Wong Angel，西柚味好重，好易入口😏😏女朋友叫左杯Fuji Spring，日本柚子味較重，但係都係比較細杯😕😕…查看更多

每次想食拉麵🍜都會諗起黎尖沙咀，因為尖沙咀出名多拉麵店😋😋😋今次就黎到豚王，門口都唔算多人排隊，等左十分鐘左右就已經入得去。見到赤王個樣睇到都覺得好辣而我就叫左2倍辣🔥🔥🔥佢地個湯底味道濃郁，叉燒唔會太肥，而且有d辣肉碎，味道幾好😋😋😋…查看更多

上次收工一心想黎試新野，點知黎到已經Last order...所以趁住同女朋友週年紀念再黎試下佢😋😋我地坐係近門口嘅吧枱位，背對住海景...好可惜呀😩😩佢地嘅招牌菜，美人牛肉鍋，佢地用嘅係宮崎牛，可惜份量少左d，另外都有跟其他配料，味道都ok唔錯👍🏻👍🏻我地另外再叫左個鰻魚炒飯，唔知佢地加左d咩材料落去炒，食落條脷有d痺痺地，好似食麻辣雞煲個種痺嘅感覺🤔仲有嗌左個蟹肉梳乎厘玉子燒，蟹肉都好多，味道唔錯可惜偏咸😕😕…查看更多

每晚放工同女朋友最大嘅難題就係晚餐食乜好....今次就去左朗豪坊行下，最後決定食呢間Euro Go Go。佢地個menu太多野揀，搞到我地都揀左好耐先決定到嗌一個雞翼一個意粉同兩個小食。蜜糖雞翼，好正嘅蜜糖味又唔會好乾👍🏻👍🏻焗薯皮，表面有d唔知係茄汁定係燒烤汁，酸酸甜甜幾好味😋😋粟米焗薯蓉，呢個一般般...覺得有d淡，可能係其他都比較濃味。最後就係煙肉卡邦尼意粉，芝士味好濃鐘意食芝士嘅朋友應該會幾鐘意...而且都有好多煙肉粒😍😍😍…查看更多

尋晚第二次幫襯為食雞，一去到門口已經有位哥哥熱情招呼我地入去。坐底研究左好耐，因為好似樣樣野都好想食咁，但最終就叫左一個二人套餐，有三餸一湯白飯兩碗。是日例湯係青紅蘿蔔湯，佢地標榜唔落味精夠健康，但係我覺得淡左少少。我地揀左跟餐嘅口水雞，佢地個辣汁幾特別，一入口甜甜之後先到辣味，ok好味....但係如果d雞熟多少少就好啦，因為夾左幾舊都好紅。之後就到女朋友最期待嘅蜜椒牛柳粒，d薯仔好正...外脆內軟，表面仲有層薄薄嘅蜜糖，甜甜地好好味，牛柳粒好腍又有牛味，唔似有d餐廳咁牛肉味香口膠😂😂。呢個蝦醬炒通菜都係跟餐嘅，蝦醬味都好足，唔會聞到食唔到。整體黎講全部都好好味而且份量都好足夠，兩個人叫二人套餐都食唔哂，仲可以打包埋聽日做午餐，但係美中不足嘅地方就係卡位略嫌窄左d，同埋尋日我地用餐具都有好大浸清潔劑味，希望都可以改善下…查看更多

星期日放假行街，經過麵屋一平安門口女朋友已經俾佢門口個menu吸引左，但係個陣都只係6點鐘所以決定行多陣先再返去食。到7點半咁上下返返去，好彩唔洗等位，直接安排坐係吧枱。研究完個餐牌一輪，最終決定嗌左一飯一麵兩個小食同兩杯飲品。女朋友嗌左個鹿兒島A4和牛丼🐮，感覺上不過不先，同一般牛柳粒分別不大。而我就叫左個名古屋辛味拉麵🍜，個辣味肉碎味道還可以，但係塊叉燒稍嫌肥左d同埋個湯底味唔夠濃。日式燒餅個汁略嫌甜左d🍹，但整體味道還好。日式煎餃味道都ok嘅，裡面有d蔬菜，感覺無咁膩。女朋友叫左杯益力多菠蘿，而我就叫左益力多橙，覺得益力多味唔夠，可以落多少少就好啦😅😅。…查看更多