chingyisiuu的個人專頁

精緻印度菜選擇不多，早前到 Rosewood 的 CHAAT 體驗果然很好，不愧為米芝蓮一星餐廳。而城中熱店 Leela 主打印度皇家味道，由 CHAAT 前主廚 Manav Tuli 帶領創作，開業僅一年旋即登上 Michelin Guide，和 Foodies 一探究竟。入座前需穿過一條充滿異國風情的走廊，設計風格融入大量如印度宮殿的花紋與色彩元素，沙發位置私密度高，設有戶外露台酒吧位置，環境愜意舒適。𖡦 Baked Chettinadu Samosa - Duck ｜$168 for 2有股煙燻的香氣，脆皮包着細致鴨肉絲，層次分明美味，而且這個感覺熟口熟面 😆𖡦 Coconut Seabass｜$168每款食物上桌都讓大家「吓」出來的份量，桌上三名女子問了同樣的問題——This is the seabass 😳？熟度拿捏不準，口感 Flaky 略嫌過熟了，而且也嚐不出椰的部分在哪 🥥𖡦 Goan Peri Peri Prawns ｜$248 for 2期待 Peri Peri 的香辣開胃，調味卻跟牛油咖喱很像，黑虎蝦肉新鮮彈牙，一份只有兩隻尺寸也偏小，性價比頗低。𖡦 Kothamalli Bone Marrow & Beef Cheek Biryani｜$378骨髓拌入米飯甘香油潤，牛臉頰燉得柔嫩，筋肉輕輕一抿即在口腔化開，表面的酥餅佈滿香料，細細咀嚼後滿口孜然香。份量雖小但油膩感會增強飽腹度 😹𖡦 Smoked Butter Chicken｜$258幾乎是印度菜必點的牛油咖喱雞，番茄的酸香解膩，調味是好的，雞肉沒任何特別之處甚至有點雪味，如果皮煎一煎應該會更好 🍅𖡦 Garlic Naan｜$68 新鮮熱辣蒜香撲鼻，餅皮富空氣感，把咖喱沾好沾滿 😋𖡦 Baked Saffron Kheer with Fennel Pistachio Cake｜$98Masala Chai 向來是我的愛，製成雪糕倒是第一次見，軟糯米布丁配在一起味道清新。𖡦 Chocolate Chilli Chaat｜$118賣相漂亮的（但蠟燭醜），這種定價的餐廳朱古力甜點濃郁好吃只屬基本，但說了有辣就是要辣啊，Chilli 的部分連耐受程度不高的朋友仔都吃不出來，愛辣的我更不用說 😅整體而言，印度菜系味覺層次本應千變萬化，Leela 的香料組合卻很相似，味道不過不失但份量奇！小！了解高級餐廳係咁上下 Practice，但都不至於四個女仔（仲要佢哋平時好細食！！）食咗七八樣嘢都仲要嗌肚餓 🥲 呢一局 CHAAT 完勝 🏵️💰 $540 p.p. 📍 Leela銅鑼灣新寧道1號利園三期3樓301-310號舖…查看更多

蘇豪人氣韓式料理三食主打地道湯鍋料理甫開業連 Openrice 還未上線時就吸引許多在港韓國人前去之前吃過一次覺得不錯 😚昨天突然好想念 下班後手刀衝去（排了~30min）三十多度又有蚊 也心甘情願站在街上等待的魔力你們都記得我有多討厭排隊 🪿餐牌每款看起來都好好吃！！！選擇困難⋯（奇怪的知識 +1：韓國在治療胃疾方面首屈一指，聽說是當地人太愛吃湯飯 😂）原味綜合湯飯（$108） 超美味 招牌當之無愧奶白色的湯汁看着濃稠滑進喉嚨居然是清爽的質感簡單調味喝光光也沒什麼負擔不會有化學豬骨濃湯的感覺（讚）食材份量大方 有豬肉 血腸 豬肚 豬舌 素麵 韭菜等⋯血腸不是我的菜但其他全都可 😆不愛內臟的朋友建議直接點豬頭肉湯飯軟嫩肉質與豬皮 QQ 的膠質很出色辣炒小章魚窩飯（$108） 甜甜辣辣很過癮不愛紫蘇葉的我也覺得搭配起來很對味石鍋將米飯烘出微微飯焦拌上紫菜碎像是燒肉過後的炒飯一樣滿足 ❤️‍🔥泡菜蕎麥煎餅 （$78） 餡料是豬肉粉絲外皮有點像蚵仔煎的番薯粉口感煙煙韌韌外面較難找到同款辣砂鍋韓式醬汁牛肉 （$108）太濃稠味精感重會有點口渴調味過甜 肥牛肉質粗糙 直接 Pass 🙅🏽‍♀️三款 Banchan 小菜分別是爽甜的生泡菜 辣蘿蔔 和鹹香的辣魷魚吃完可以免費添加（吃爆！！）需知道後者平時小小一碟就要四五十 🙇🏽‍♀️中環來說價格十分合理 下午三四點去不用排隊～💰 $160 p.p.📍 三食中環蘇豪些利街 2 號 LL Tower 地舖…查看更多

港島上班的日子經常到銅鑼灣覓食，有時諗唔到食咩就會去鮨穴，價位中上，選擇豐富味道也很可以！🫶🏻 ⋄ 魷魚海膽卷｜$168⋄ 黑松露蔥吞拿魚腩卷｜$128⋄ 時令壽司拼盤｜$498⋄ 甘鯛松笠揚佐煙燻鹽｜$198⋄ 蟹王粥｜$228⋄ 柚子雪葩｜$88⋄ 花生醬燒年糕｜$68壽司選用當造漁獲空運到港，新鮮就是好 🍣 魷魚好新鮮軟糯中帶韌性，海膽同樣鮮甜黑松露吞拿魚卷入面係牛油果 🥑 加埋忌廉芝士食落齒頰留香，我哋兩個都好鍾意 😋甘鯛以滾油淋熟魚皮再拎去炸，魚肉保持嫩滑，好考功夫嘅做法重點推薦蟹王粥，綿滑粥底融入金黃蟹膏，鮮味濃郁好正 🥰甜品煙韌燒年糕加埋花生醬同砂糖，勁邪惡 😈 細細件剛好，食多兩啖應該會膩 🤣撞正星期三 Ladies Night，百零蚊叫兩個小食，就可以免費 Free flow 兩款 Sake，男士要加 $180 但除開都好抵喎 Ching 😨 加咗啲串燒嚟送酒，白鱔、燒長芋同豆腐都好好味 🥹📍 鮨穴銅鑼灣勿地臣街1號時代廣場12樓1202號舖…查看更多

幾年前開張開始幫襯嘅偉偉川菜，基本上隔兩個月就會食一次，今年初開咗私房菜，原有菜式價錢不變，分別係地方企理咗無咁地踎、冷氣凍咗，有兩間房可以包。環境唔係特別 Fancy，食物味道就需要擔起重任，由地道四川師傅掌廚，加上食材新鮮，有時都覺得正過特登返大陸食 😋 新店菜單新增咗特別菜式，最想試嘅有豆苗炒豬肝、火爆黃鱔，暫時食過兩次，奈何同行無人食內臟同鱔呢啲食材，下次搵其他朋友仔陪我再戰 🌶️招牌菜鮮椒牛肉穩居榜首，牛肉次次都係勁新鮮，嫩滑得嚟帶少許筋膜口感（重點係無用梳打粉乸過），簡單加入青紅辣椒圈一齊炒，落埋啲藤椒油麻中帶點清新好鬼好食，輕鬆送 2 碗飯 🍚鮮椒田雞肉質緊實，即叫即劏確保新鮮度，加埋萵筍好開心 🥳辣子雞細細粒唔上粉直接炸到乾身，與花椒乾辣椒花生腰果猛火爆炒，鑊氣十足 🔥 麻香鹹辣恰到好處私房菜仲有變奏版辣子乳鴿（癲)，出面未試過嘅做法，炸乳鴿會嚡少少但肉香更濃，值得一試。手撕包菜周圍都有，但整得好食唔係咁容易，如果火力唔夠就會炒得唔透，椰菜口感難保持清脆，師傅用乾辣椒熗炒做得好好，灒少少陳醋吊味啱啱好，同理土豆絲一樣出色 💫食完咁濃烈嘅一餐，最後整碗冰粉順返條氣，滿足 🥰 以上菜式食過廿次以上，跟住嗌一定無伏 👻四川涼麵同四姐相比會更加重口味，辣椒粉花椒粉甚至調味都好重手，麵質爽口不黏，連埋青瓜好大兜但都食得好過癮，上次比較好琴日食好鹹，仲要辣到飛起，即時同咗老細反映了 🥵另外鮮椒水煮酸菜咩魚都可以慳返，揀嘅魚唔啱，肉質嫩得嚟少少散，好多小刺基本上無可能清除乾淨，食落麻煩又影響口感，建議 Skip 🧏🏽‍♀️本身算幾食得辣（譚仔中辣），店内大部份菜式無得揀辣度，Default 都 3 小辣 🆙，唔食得辣嘅朋友提前講定，同埋要有心理準備油會比較多 🌞 無論邊間舖，只要當日老細在場會特別好食，佢而家多數喺私房菜坐陣。利申唔同分店都真係多內地學生/ 打工仔，介意嘅話嚟之前自己斟酌吓啦，某程度上都側面印證咗味道係正宗嘅 🤣 📍 偉偉川菜銅鑼灣渣甸坊 30 - 36 號利發大廈 2 樓 205 號舖西環西營盤德輔道西 245 號兆安大廈地舖西環西營盤正街 1 - 7 號寶豐大廈 1 樓 B 號舖（私房菜）…查看更多

每次覺得自己快要喝遍全港咖啡店，幸而這個城市從不欠缺新事物，在銅鑼灣發掘到剛開幕的 Brentwood Coffee Roaster，豆子自家烘焙，單品、Cold brew、傳統咖啡、茶飲一應俱全。更重要的是有-啖-好-食，誰懂看到菜單上不是大路行貨黑松露意粉時，有點感恩的心情 🤣- What we ordered - ⋄ Hummus and Grilled Baby Broccolini｜$78⋄ Rigatoni with Sausages & Kale｜$128⋄ Crispy Red Shrimp Toast｜$88⋄ Banana Maple French toast｜$78⋄ Cafe Colada｜$58⋄ Hojicha Latte｜Hot $48｜Iced $53超出預期的食物水準，從餐單設計上就能感受到，以咖啡廳來說，準備 Hummus、Taco 等菜式是捨易取難的做法。炙燒過的西蘭花苗伴以打得細滑的鷹嘴豆蓉 🥦 阿根廷青醬 Chimichurri 加入辣椒和香料，比坊間的 Pesto 更有層次，份量十足的 Hummus 我們全部吃光光 😋 建議店內往後伴上麵包，讓客人把碟子刮乾淨 🥖 Rigatoni 使用新鮮番茄蓉而非味道人工的現成醬汁，簡單與英式香腸和羽衣甘藍同煮，意粉表面的坑紋掛汁一流 🍅法式吐司撲鼻的肉桂香氣，滲透蛋香又不至於濕軟的 Brioche，香蕉上的焦糖脆面和搭配的Mascarpone 芝士，無一不在 Scream 廚師的心思 🩷 在咖啡廳泛濫的今天，不將就是難得的態度。根據官網營業時間到晚上 9 時，約朋友來吃個 Early dinner 也很不錯！喜歡咖啡師推薦的特調 Cafe Colada，菠蘿與椰子的經典組合加入冷萃咖啡，漂亮的漸層是最佳的拍照道具 ✨ 味道很有夏天的調調，暑氣一掃而空 ☀️綠植在旁點綴，迎著日光輕易拍出美照 🌿 跟好友見面總是聊得起勁，拍拍照呷一口咖啡，想想下次去哪 Girls date 💞📍 Brentwood Coffee Roaster銅鑼灣新寧道1號利園三期2樓230號舖…查看更多

蠔仔粥、滷水鵝、蠔烙⋯⋯ 這些為人熟知的美食，說是潮州宵夜文化的代表也不為過，一群朋友到大排檔聚餐「啤啤佢」的不二之選。久両菜最近進駐太古，懷舊霓虹燈和公雞碗是令氣氛熱絡的捷徑，恭喜鰂魚涌上班族獲得全新Team lunch 好去處 （本人脫鰂者 ✌🏻蔥油腐竹 ($58) 採用馳名大埔樹記鮮腐竹，豆香鮮嫩滷水鵝片 ($188) 採用 180 天獅頭鵝，融合西式低溫慢煮法，入味同時能夠令肉質保持細緻名字有點尷尬的鵝哦鵝哦鵝哦 (半例 $188) 集天下之大成，眾人大讚軟滑鵝肝和滿滿膠原的掌翼部分，咬下口感清脆的鵝腸就知道超級新鮮，保留少許油分卻沒有絲毫異味，可見主廚對食材把握十足。欖角黑豚腩肉伴潮州柑桔，欖角醬調製成的酸甜醬汁形成脆殼，青桔仔出眾的酸是加分位 🍋‍🟩金不換花甲煲 ($228) 看似清淡但吸收了九層塔的清香和白胡椒辛香，成為當天第二喜歡的菜式。傳統潮式魚飯多用大眼雞製作，在這可以選擇油脂豐盈的馬友 ($398) 或烏頭 ($288)，當天這條巨大馬友伴以特製鹹魚醬吊出鮮味脆炸蠔餅 ($168) 極酥脆，富濃郁鴨蛋香氣，淺嚐過癮但多吃會膩，後來發現中心有點夾生，可能整體太厚火候需要再作調整。📍 久両菜太古康山道1-2號康怡廣場北座地下G9-11號舖…查看更多

近排成日見到推薦川品搞到心郁郁想試 禾同米線係真愛 🤣大角咀成日俾人鬧態度差山長水遠去到新蒲崗店招牌麻酸辣湯底𢳂起杰杰哋第一啖飲落都幾鹹 花椒味好出 酸味欠奉 味道平衡一般般 🙂‍↔️累積之後鹹到涸喉搞唔掂又唔係一無是處 🙈配料有酸菜 芽菜 韭菜 炸黃豆幾豐富全部餸都唔錯而且份量好紮實辣度頗濃烈 中辣同三哥嘅中辣差唔多大家要自己衡量吓接受程度 🌶️試咗朋友嘅胡椒豬肚湯感覺比較人工好似落咗現成豬骨濃湯醬咁白雪雪味精重 豬肚份量好多跟埋嘅腐竹浸咗湯都幾好食兩款湯底都不過不失啦 😗米線 Al dente 嘅喂 ⁉️朋友叫咗腍啲但食落一樣咁硬叫咗米線關注組經常推薦嘅豬頸肉同雞扒記住同店員講另上 俾湯浸住就唔好食㗎啦 😼呢度啲炸嘢可以媲美老闆娘炸得好乾爽碟底完全唔油炸雞扒好！好！食！❤️‍🔥表面薄薄一層炸粉 緊緊裹住雞肉唔會皮肉分離雞肉超級厚肉多汁 擺咗一陣依然肉汁飽滿 💦豬頸肉都係卜卜脆好爽口不過好難超越雲川 😜結論係順路可以一試但係冇大家講到咁神啫 🥴位置都算易搵喺啟德行去 Mikiki商場對面過兩條街就到～📍 川品雲南米線新蒲崗康強街17A號地舖大角咀道38號新九龍廣場地下023-026號舖…查看更多

網絡照騙層出不窮現在看到咖啡廳的美照內心平靜如水位於上環的 Hara Kako 最近有成功掀起一點漣漪於是在上週擇日到訪環境佈置得不錯 樓上空間寬敞（欣慰不是開大廣角製造出來的錯覺）梳化舒服闊落 茶几自成一角 外加一張大木檯 🪵方便 WFH 人群還有很多書本供人閱讀 還有一個黑膠碟試聽角落不過試聽需店員協助 全程未見有人使用飲品質素很不錯 精緻拉花令人賞心悅目Flat White ($42) 選擇了 Fruity 風味入口層次豐富 花香突出Matcha Latte ($52) 茶味夠濃厚打成泡沫狀順滑豐盈 🍵網上評分可見 服務態度常為人垢病我感覺冷淡而且不太 helpful點單時詢問店內使用什麼抹茶粉三位店員面面相覷後回答「山政小山園」熟悉抹茶的朋友應該知道山政小山園是茶園而非品種飲品為主的咖啡廳來說 個人會期望更專業的回應先到達的友人則表示「啲人無講錯 真係好西」店內設有不少規矩 如需自行歸還杯碟 保持安靜等客人已經自行到櫃檯點單 並自己把咖啡端到樓上收碟都懶不如唔好做啦 🤡坐在我旁邊的客人大聲喧嘩吵鬧也不見任何人出言勸說（甚至一個多小時內只有一位店員到過上層 ）規矩多多但懶得執行 不是有點矛盾麼 😗當天不小心遺失了財物OpenRice Google 社交平台 找不到任何店內的電話聯絡方式在 DM 留下訊息後直到第二天下午也沒有任何回覆只好直接到店內詢問 店員表示有看到我的留言並已檢查過店內沒有尋獲只想說：Errrrr 咁你又唔覆我？…查看更多

屋企附近唔係太多日本菜選擇，同媽咪去咗元朗 Yoho 嘅穴壽司 ，多年前食過印象唔深，今次覺得幾好喎！！🙆🏽‍♀️❀ 季節限定二人前｜$880櫻花蝦豆腐沙律，醬汁微酸帶豆乳香氣好清新，太好啦唔係周街都係嘅 BB 芝麻醬，食到厭！！牛油果三文魚他他以最中餅夾起，賣相吸引之餘增加口感 🌼刺身中最喜歡間八薄切（鯛魚），白身魚本質清淡好依賴調味，師傅自家調製酸汁突出鮮味，柚子醋、辣蘿蔔蓉同小葱好開胃，作為前菜最好不過 😋本來平平無奇嘅茶碗蒸，配龍蝦汁咁 Genius 嘅想法係邊個諗出嚟 🦞 嫩滑蒸蛋淋上濃郁蝦湯，齋諗都知好味 🤤另外追加咗磯煮鮑魚同藍蝦刺身 (+$68)，前者伴以甘香肝醬，凍食爽口有嚼勁；法國藍蝦於純淨水域生長，肉質結實彈牙。壽司質素屬水準之上，主要選用魚腩部份，吞拿魚竟然用上淡粉色嘅拖羅綴以芥茉籽，微辛刺激大大減低油膩感，入口即融好出色！🍣 深海池魚配獨特紫菜醬，鹹甜交織海洋味十足 海膽三文魚籽杯落重本，日本直送海膽鮮甜軟糯，魚籽色澤緋紅飽滿，爆爆珠口感夠新鮮 🧡通常對套餐主食都無乜期望，對唔住係我以貌取人 🙂‍↕️ 烏冬加入 A5 鹿兒島和牛，牛肉雪花均勻肉質勁腍有牛味，絕對值回票價 ❣️ 有無人同我一樣，食完生冷嘢鍾意飲熱湯，好似保護返個胃安心啲 😆柚子雪糕好好味 💛 零冰感嘅雪葩還原果味，走去問工作人員係咩牌子，佢真係入廚房影畀我 So nice 🫶🏻 特別想讚吓工作人員 Terry 態度友善，對食材知識了解充足，加人工 plsssss 💯📍 穴壽司元朗朗日路 9 號形點 I L1 樓 1027 號舖…查看更多

每逢 Long weekend 條街好似靜咗好多咁上個星期六出中環睇展 順手支持吓本地經濟 🤣發現 Landmark 附近嘅 ODDS 幾值得試 🇯🇵🍱 Weekend Lunch Set｜$228男朋友叫咗霜燒壽司定食 🍣賣相好得 款式比較特別唔係出面啲行貨輕輕用火炙燒 偷食咗兩嚿蝦同帶子壽司都好鮮甜 😋我就揀咗串燒定食雞翼｜雞肉棒｜牛柳粒｜五花腩每一款都燒得啱啱好唔會太油膩仲有兩款蔬菜 燒青椒仔同山藥簡單鹽燒 🧂好少見山藥連皮燒 幾爽口無乜黏嘅感覺配埋野菜烏冬飽腹感十足真心抵食 中環地段嚟講性價比超高 😈佢哋仲推出咗 $488 嘅 Brunch Menu除咗一款主菜 超過 20 款小食放題任食當中包括刺身、卷物、沙律、串燒等等炸雞新鮮出爐仲出緊煙雞肉勁 Juicy 男朋友大讚配啤酒一流 🍻間八同真鯛刺身利用自家製醬汁調味師傅好有心機值得一試 💗環境舒服位置闊落 一家大細嚟都好啱服務幾周到 工作人員唔會催客可以慢慢坐適合放假同朋友小酌兩杯 🍸📍 ODDS中環德輔道中4-4A號渣打銀行大廈地下G2號舖…查看更多

作為金東大常客，推到身邊成村人食完又再帶 Frd 去，一聽到開咗蜑家私房菜【水黃金】即刻搵老細訂檯 🏃🏽‍♀️ 1️⃣ 好味好味好味 👅2️⃣ 融入大量本地食材，選料上乘連米都靚 🍚3️⃣ 廚師有心想做好件事 ❤️- 前菜 -⋄ 乳豬蝦春卷香脆春卷皮、油香乳豬同彈牙蝦膠融合，手工繁複可見有幾用心 💗⋄ 鵝肝海膽墨魚餅鍾意粒粒墨魚嘅口感，採用即日開嘅西貢海膽 x 法國金罐鵝肝醬，好豪華嘅陣容 ✨⋄ 鹹魚煎釀三寶將香港獨有嘅街頭風味搬上餐桌，苦瓜、紅尖椒同茄子釀上滿滿魚肉，綴以豉汁同鹹魚茸微辣又香口 🌶️⋄ 蒜香避風塘炸鮮魷新鮮大尾魷厚肉爽彈，坊間避風塘做法通常都會加味精，大廚反其道而行以蒜蓉猛火炒香 🧄 發揮食材天然鮮味 🦑⋄ 鮮蟹肉陳皮燒鴨花膠羹花膠煙煙韌韌好有咬口，陳皮香氣突出，加埋燒鴨絲同新鮮蟹肉可以話不惜工本，全場讚不絕口 😋 強烈建議加浙醋吊味，巧巧味！⋄ 清蒸野生靚海魚專程由東南亞運到香港嘅野生游水黃皮老口虎斑，咁巨型都可以蒸得滑一滑，體現師傅功架 👩🏼‍🍳 魚皮膠質豐富帶韌性、魚肉爽滑，最後將啲魚骨攞去煲粥，物盡其用得嚟真係好暖胃 💞⋄ 威士忌炒龍蝦龍蝦啖啖肉，威士忌嘅醇香非常惹味，伴以彈牙吊桶魷魚仔，仲有好似鹹魚肉餅嘅豬肉碎，一齊竟然好夾，有創意得嚟好好食 👏🏽 有無人明煮到透咗嘅蔥段完全入晒味有幾正 🥹⋄ 蜑家三寶蒸金蠔撈麵蜑家傳統海味係無得輸 🙌🏻 自家曬蝦乾、魷魚乾同魚仔乾各有特色，魷魚乾好鬼好食 😭 主角金蠔出自流浮山，蠔肉細緻柔軟又唔會太乾身，形成介乎新鮮海貨和乾貨之間嘅獨特口感，咁靚嘅金蠔出面食唔到㗎 🤫 加啲辣椒油撈麵更美味！⋄ 豬油渣炒菜心苗菜心只取中間最嫩嘅菜遠部分，清甜無渣，簡單用蒜蓉同豬油渣煮已經好好食 🥰💡 以上菜單每位 $1,588 仲有 Wine Pairing，私房菜暫時只接受Referral ，不過去返本店都足夠驚艷 🥰📍 水黃金筲箕灣東大街 59 - 99 號東威大廈 M 層2 - 3 號舖…查看更多

旺角日本料理開到一街都係，可惜多數係放題，講起都成六、七年冇食過放題，食唔到咁多盞浪費，寧願將錢錢變做喜歡的樣子 😆朗豪坊嘅鮨之係我嘅 Go-to，高質食材加上位置闊落坐得舒服，間唔中就會同男朋友屋企人去 🇯🇵 A la Carte 菜式定價中上人均約$500，但最近發現佢哋推出咗超抵食嘅二人前套餐，有齊刺身壽司串燒炸物主食甜品勁豐富 😍 水準一如既往穩定，絕對無將貨就價 🙌🏽❀ 特選二人前套餐｜$698 + 10%前菜河豚魚乾加入味醂炭燒，甜甜哋又香口，口感煙韌唔會太硬，配酒一流 🍶厚切刺身鮮甜肥美，除咗固定嘅吞拿魚背、三文魚腩同赤蝦，當日精選嘅季節刺身係我最愛嘅油甘魚，魚皮泛銀色光澤足以證明新鮮度 💯壽司有油脂香濃嘅火炙左口魚裙邊，入口即融，帶子伴上 Creamy 海膽好加分，仲有火炙鰻魚卷同蔥吞拿魚腩卷，一個 Set 食到不同風味表示滿足！🍣串燒日本黑豚五花腩好驚喜，脂肪燒得焦香，咬落毫不肥膩仲好 Juicy 🤤 翠玉瓜燒得剛好，食咗咁多肉好需要蔬菜 🥒炸物火候掌握得宜，吉列炸蠔外脆內嫩，蠔肉爆汁，仲有金黃香脆嘅唐揚炸雞同雞皮餃子 🍗主食揀咗豚肉泡菜石鍋飯，泡菜醬汁酸辣醒胃，仲有飯焦脆卜卜，雖然飽到上心口但都忍唔住食咗碗 😋綠茶蕨餅軟糯不過甜，完美作結 🫶🏻另外嗌咗滑捋捋嘅海膽茶碗蒸，同每次嚟都會點嘅舞茸土瓶蒸，菇菌清香加少少青檸汁好好味㗎 🍋‍🟩套餐唔包飲品，最後埋單八百幾蚊，呢個價錢咁多嘢食仲要無伏，食到捧住肚走，性價比超高，推薦大家去試吓～🥰📍 鮨之旺角亞皆老街8號朗豪坊4樓6號舖…查看更多

唐樓環境並非走少女打卡路線，簡單木紋傢俬和乾花元素，甚至 Bloggers 最愛發的窗邊梳化位置，也比照片中狹小許多，但當午後的斜陽照進室內，照在黯淡無光的靈魂上，還是暖暖的。- 𝙒𝙝𝙖𝙩 𝙬𝙚 𝙃𝙖𝙙 - ⋄ 𝘛𝘢𝘨𝘭𝘪𝘢𝘵𝘦𝘭𝘭𝘦 𝘗𝘳𝘢𝘸𝘯 𝘖𝘪𝘭 𝘸𝘪𝘵𝘩 𝘎𝘳𝘪𝘭𝘭𝘦𝘥 𝘗𝘳𝘢𝘸𝘯 | $168⋄ 𝘉𝘦𝘦𝘧 𝘉𝘰𝘶𝘳𝘨𝘶𝘪𝘨𝘯𝘰𝘯 𝘸𝘪𝘵𝘩 𝘚𝘰𝘶𝘳𝘥𝘰𝘶𝘨𝘩 | $168⋄ 𝘏𝘰𝘯𝘦𝘺𝘤𝘰𝘮𝘣 𝘓𝘪𝘦𝘨𝘦 𝘞𝘢𝘧𝘧𝘭𝘦 | $88⋄ 𝘚𝘵𝘳𝘢𝘸𝘣𝘦𝘳𝘳𝘺 & 𝘔𝘰𝘤𝘩𝘪 𝘉𝘢𝘴𝘲𝘶𝘦 𝘉𝘶𝘳𝘯𝘵 𝘊𝘩𝘦𝘦𝘴𝘦𝘤𝘢𝘬𝘦 | $48 𝘶𝘱⋄ 𝘌𝘴𝘱𝘳𝘦𝘴𝘴𝘰 𝘛𝘰𝘯𝘪𝘤 | $50⋄ 𝘔𝘢𝘴𝘢𝘭𝘢 𝘊𝘩𝘢𝘪 𝘛𝘦𝘢 𝘓𝘢𝘵𝘵𝘦 | $48食物絕對有用心準備，招牌的蝦油虎蝦闊條麵鮮味甘香而不膩，意粉蛋香富彈性 🍝 比很多收費不菲的西餐廳都好得多；法式紅酒燉牛肋條甫上桌便香氣撲鼻，長時間慢燉至肉質柔軟，煮得透徹的牛筋在齒間纏綿，醬汁久置產生熟成風味（同理咖喱擺過夜特別好食）😋 番茄和大量蔬菜是天然的調味料，酸甜有致蘸上酸種麵包就是美味 🍅🥕 美中不足是麵包發酵未到位；薯條十分惹味，炸得外脆內軟的完美狀態，喜歡！🍟烈日窩夫份量感人，超大一盤由鬆軟窩夫、海鹽焦糖、焦糖脆脆、雲喱嗱雪糕堆砌出甜蜜口感，再來顆士多啤梨解解膩 🍓當日的巴斯克蛋糕是草莓大福口味，如圖就能看出不合格 💢 粉末沒有完全打發均勻顆粒太多，呈上已是半融狀態，很快就塌方了（是準備融化不是流心 🤣 喝的都也不錯，只要有 Chai Latte 都能得到我的偏愛 ☕️📍 𝗔𝘀 𝗨𝘀𝘂𝗮𝗹 𝗖𝗮𝗳𝗲中環威靈頓街 97 號威利大廈 2 樓 2D 號舖…查看更多

踏入六月天氣又濕又熱 🥵 成日心思思想食泰國嘢，又唔想特登走去九龍城，就同朋友去咗奧海城覓食，Sawadee Chef 由著名中菜紅棉主廚邵師傅主理，結合中式烹調及泰國風味，呢間新派泰國菜味道如何呢？🇹🇭
午市套餐有我見到必嗌嘅香葉肉碎飯 ($118)，鹹香肉碎加埋辣椒、九層塔同豆角 🌶️ 泰國街頭風味層次好豐富，半煎炸嘅荷包蛋完美流心，撈飯食一流 🍳套餐加 $48 泰式椰菜苗，蒜香味濃好有鑊氣～鴛鴦胡椒炒虎蝦（$198）係驚喜之作，大大隻虎蝦炸得酥脆，肉質彈牙，黑白胡椒嘅香味好突出，辛辣得嚟又唔會搶咗蝦嘅鮮味肥瘦適中嘅燒五花肉用生菜包住，伴以爽脆清新嘅青木瓜沙律好適合夏天 ☀️如果調味重手啲，點埋佢哋個酸辣醬，真係好開胃！
甜品當然要試流心芒果糯米飯（$88），軟糯糯米飯，切開中間仲有流心椰汁 🥥 椰香伴埋清甜芒果，邪惡得嚟好滿足；三色冰有而家少見嗰隻紅色馬蹄粒粒，隻花花杯好 cute 😝🌼 食咗咁多嘢飲返個話梅檸檬青檸梳打（$58），酸甜冰涼好 Refreshing！，整體環境寬敞舒適，食物質素不錯，有機會再嚟試吓其他嘢 😋📍 Sawadee Chef大角咀海庭道 18 號奧海城二期地下 G21-G23, G25-G27 號舖…查看更多

ā kafé 係由村屋建成嘅三層高建築 🏡一樓係專門炒豆嘅空間 唔對外開放而二樓將會用作舉辦拉花 Workshop 等活動場地咖啡店只佔地面位置裝潢以磚紅色為主 設計簡約格調空曠嘅戶外空間對寵物友善 🐕想喺城市角落搵個安靜嘅空間 慢慢坐傾吓偈或者主人想帶狗狗 Chill chill係不錯嘅選擇Artisan Sourdough 限定口味 ($45) 內有鹹香橄欖 🫒酸種麵包採用天然酵母自家製作烘焙師不建議加熱簡單配上法國 AOP 牛油 保留原始風味外皮焦脆 內裡彈性十足 🥖巴斯克芝士蛋糕 ($50) 口感紮實酸味突出感覺加入咗頗多乳酪味道不俗 如果有流心更好Iced Matcha Latte ($48) 雖選用著名八女抹茶味道清香但濃度低 無拂打均勻所以杯底有沉澱Iced Latte 偏 Nutty 味道濃郁 ($42)個人感覺整體 Baked goods 比飲品突出店內空間不大 只有少量高腳櫈主要都係露天座位天氣熱可能會有啲辛苦店主話嚟緊會陸續加返太陽傘同風機另外要注意外面係草地 少不免有小昆蟲出沒喺露營櫈度睇書係幾寫意不過五分鐘俾 🦟 咬咗七啖（唔小心影到我周圍𢯎惹蚊人士搞唔掂 即刻衝返室內 🤦🏽‍♀️戶外有放置燒艾草驅蚊但建議大家都要帶定蚊怕水👉🏻 選址頗為隔涉 地膽都表示有啲難搵由天水圍西鐵站步行需約 20 分鐘📍 ā kafé 丫·咖啡元朗蝦尾新村128號地舖…查看更多