kakee125的個人專頁

幾年前係附近翻工，同事一有聚餐都會來呢度食lunch， 印象中嘢食都好好， 最記得大家都好鍾意叫呢度既四喜烤麩，其餘點心都好唔錯。 事隔咁多年， 唔知係咪管理不善呢，呢間嘢變到越來越差，話說我同家人一行人3大一小去飲茶， 一去到1樓， 有個哥哥仔指住叫我地行入去坐， 點知入面full左， 好啦，無位都唔緊要， 無人帶位都算， 我帶住BB ， 又有行動不便老人家都算啦，我自己上多層睇睇有無位啦，去到二樓， 個呀姐點我地坐張6-7人檯，仲叫我地搭檯， 我好聲好氣問可唔可以唔搭呀（其實當時有幾張吉檯）個呀姐好無禮貌咁講「唔搭檯我lee度無位俾你！」 其實呢，我覺得你做服務業，對客人講嘢加多句唔好意思， 繁忙時間時段暫時無位， 或者你上樓上睇睇有無細檯」 連基本禮貌都無？ 莫講話禮貌啦，我抱住Bb連BB櫈都無張俾我， 我只可以講， 你價錢唔係平價酒樓， 地點係中環區， 仲要收我加一服務費， 請問服務態度咁樣值得客人俾錢？ …查看更多

訂左檯打算15/2食團年飯，之前係度食過晚飯覺得小菜都唔錯，先至提前訂檯，由於唔夠一圍，所以臨去食之前先打個電話問下有無咩套餐菜式， 唔使去到先慢慢睇咁曬時間， 我都係想食好D， 所以睇定有咩選擇，結果個電話阿姐同我講唔得閒wor，叫我當晚去先選擇wor⋯⋯OKOK，無下次， 都痴痴地線，你話遲小小fax俾我都好啊，竟然叫個客去到先選，我使乜你教我？ 去到先發現無野啱食咁點！？ 大節日先問你遮！都唔知係咪做生意架…查看更多

住元朗都係第一次食，所以抱住試食心態，兩個人叫左幾樣野：1.炸雞，口感OK，炸野正常唔會難食得去邊，但個汁偏酸囉2.牛肉撈飯，成餐飯最OK係拒，牛肉好味唔硬3.牛肉豆腐鍋，肥到爆既牛肉，成舊都係肥膏，都唔緊要，成個湯都係好鹹:(4.芝士炒年糕，味道OK，但太多芝士比較漏整體來講兩個人消費3百幾真係唔值，加上食到成身油煙味😞…查看更多