nklo的個人專頁

呢間椰子雞係一人一鍋可惜唔係一人一個漏斗漏斗嘅用法係由放雞落個湯度開始計時6分鐘如果同枱的食客唔同時間開始落雞，就有漏斗不敷應用嘅情況，取代嘅可以用手機計時又或者要等成枱人同一時間落雞（會有些不方便）店方可以考慮每一個鍋一個漏斗雞嘅份量一碟一份係一人份量左右大概有八件落單時，店員都有提醒兩個人可能需要叫兩碟湯底都好清甜，不過冇椰子肉座位舒適，不過店舖比較細，二至四人枱比較多，如果六位或以上入去坐就有啲困難，建議最好一早訂枱…查看更多

好少會為麵包舖寫食評，今次例外因為有好嘢，真係想推介俾其他人呢間麵包舖係無意中行過見到好近大埔寶湖街市諗住求其買啲麵包做早餐點知發現好多好特別嘅麵包，又抵食就試下以為淨係蛋撻先會新鮮熱辣，點知原來咁大個包都熱辣辣咁大個包意思係黑糖芝士麥包都係$20 食落好軟熟真係有驚喜唯一唔好係有啲麵包暴露於空氣中，冇遮好，好容易有烏蠅飛過…查看更多

星期六1:40去到話full晒，要留電話，話要等20至30分鐘，OK冇問題，留完電話喺附近行一陣就喺門口繼續等，等咗20分鐘，侍應打電話俾我話有位，我啱啱就喺門口所以就入咗去，坐喺樓下近地圖嘅位置，我哋兩位，叫咗三文魚手卷粉、士多啤梨奶昔、西班牙蛋餅、熱latte。當時大概2點零幾分。見到四周圍嘅人都陸續有嘢食，亦都好多人入嚟叫外賣咖啡，以為人多，就等吓啦，半個鐘頭好快過，一杯嘢飲或一碟嘢食都未嚟。終於等咗40分鐘，忍唔住問侍應，侍應話會幫我哋追追（我懷疑佢冇落到單），心想嚟啲嘢飲都好吖，我都會繼續等。點知等多10分鐘侍應走埋嚟話冇士多啤梨奶昔，我嗰刻真係爆啦，2:50我哋等咗50分鐘一樣嘢都冇嚟過，跟住要追先至用10分鐘話俾我聽冇士多啤梨奶昔？我哋直接起身走人。呢啲係咩服務態度？一生人都未試過有咁嘅飲食體驗。…查看更多

$8兩個新鮮出爐菠蘿包，熱辣辣，仲要有獨立透明袋包裝，脆卜卜，真係物超所值。初初以為係$8/1個菠蘿包，點知係$8/2個，有啲錯愕，而家呢個時勢喺邊度搵？舖頭仲要有裝修唔係好舊式嗰隻，收八達通。可惜蛋撻得酥皮，如果有曲奇皮就好啦。門口仲有見到老婆餅、綠豆餅、叉燒酥等等，留待下次再試。地點喺楊屋道街市隔離，隔離舖頭就係好出名買雞蛋嘅店舖（雖然大排長龍），門口都可以停一停車，對面就係荃新天地商場，非常方便。…查看更多

你唔訂枱一定冇得食訂咗一定要準時或者早到，因為一過鐘佢就唔會比枱你就算訂咗枱都要排隊入上到去你會見到好多貼紙貼咗喺天花板同埋電梯門口（唔知點解？）座位一定會幫你安排好，我哋冇坐卡位坐近窗邊嘅位地下癡粒粒，證明好多油漬，冇乜點拖過地塊鐵板永遠都唔會洗淨係鋪一塊紙俾你放落去燒好似冇咁衛生食物都算多選擇有魚生有火鍋有韓燒不過通道比較窄，你攞緊食物後邊想有人過都要好小心甜品每杯嘅份量非常細啱啱夠放一隻迷你膠羹，可以叫做一口甜品，味道都唔差嘅啫喱就比較淡杯裝雪糕當然冇Häagen-Dazs，有普通大腳八雪條、韓國雪條同埋兩款本地製造嘅雪糕杯，仲有軟雪糕…查看更多

因為疫情嘅關係，已經係第三次叫呢間外賣。回購嘅原因係因為海南雞飯好食，淡淡都係雞肉，肉質柔嫩又厚，飯都唔差。另外船麵都係心思思會掛住而會再叫外賣，因為喺其他地方食唔到，樣子唔吸引但係味道非常好，而且份量都唔算少。另外套餐叫凍嘢飲唔會另外加錢，而且又會包泰式奶茶或者咖啡啊青檸梳打，唔係只得普通嘅茶餐廳飲品，呢樣又幾好喎，所以值得推介。…查看更多

南昌站上蓋新開嘅商場VWALK，除咗有一芳，仲有呢間暖暖初茶。$36一杯蔓越莓莓賣相唔錯，可惜店舖只收現金，唔收支付寶都算，連八達通機都冇，實在唔係咁方便。我見佢門口有牛油果沙冰廣告， 下次可以試吓。…查看更多

一個人想係金馬倫道食午餐，飲下咖啡，見到呢間初時以為得甜品食，原來有 set lunch ，所以坐低。$58 肉醬意粉同咖啡，價格適中。咖啡好快就有得飲，仲有拉花添，平時其他地方要加錢的，呢道套餐包好抵。餐廳有免費30分鐘wifi。意粉賣相不錯，食落幾好味添，不太酸又不太乾，份量剛剛好。餐廳唯一不好是員工，大家高談闊論，不太理會食客感受。…查看更多

享受慢活星期六日都容易搵位鍾意玩桌上遊戲及哥爾夫球者的好去處好多遊戲都是全新未開封的一家大細來消磨幾小時最好，小孩可以放下手機同家人聯誼食物質素也不錯服務態度殷勤…查看更多

星期二下午一點去到，樓下冇位，上咗樓上雅座坐。一坐低就叫豬扒包，但係夥計話兩點後先至有豬扒豬仔包賣，唯有改食豬扒米粉。另外叫咗咖喱魚蛋，$32有八粒。咖喱係自家製，不過比較辣。成$4一粒魚蛋我覺得比較貴，因為唔係特別好食。豬扒米粉有兩塊豬扒，米粉就一般，豬扒都OK。$4x 一碗我覺得有啲貴。聽到其他食客都有叫豬扒包又係話兩點先有但係原來依家都有豬扒「菠蘿包」食， 但係頭先顆計又冇同我地講。如果係遊客身份未嚟過都可以黎試吓嘅，但係老老實實我覺得物非所值。…查看更多

叫了三個一人餐兩大兩小一同分享。雞胸、脾同小黃瓜幾好食。豬耳、馬鈴薯太硬。拉麵同黑木耳一般，凍凍、淡淡的。基本上成個餐只食到胡椒粉味，因為有大量，可以食到成口粉（已經撈好）。份量一般。夏天食都可以的（如果走胡椒粉）......都係食手撕雞好味d…查看更多

食物好味之餘，質素好，set dinner 亦不會給你一些（行貨）。例如跟餐的daily drinks 不是一般咖啡奶茶，而是荔枝紅茶，有凍有熱，亦不會只給你荔枝味茶包，而是給有兩顆完整荔枝的飲品！店舖不大，但waitress數量亦不會太少，服務態度好，會温馨提示你哪一邊洗手間比較清潔。一定會再幫趁！…查看更多

見到呢間店係 openrice 有咁多好評於是就去了試一下原來都係不外如是啫有日本師傅座陣，以為好正宗點知都係港式日本餐壽司飯就係得壽司同飯d 飯應該有落醋同飯素先對啊！同係CWB 嘅壽司處今村 SUSHI IMAMURA真係冇得比...魚頭湯無魚頭，得d魚骨不過味道尚可套餐除了包甜點外，重包餐飲，真係第一次喺日本壽司店見人飲凍檸茶之類，好似去咗茶餐廳呢！其實見佢無日本客人都知佢唔係好正宗收得咁嘅價錢，我絕對有要求啦否則，去元氣好過！http://hk.myblog.yahoo.com/nklo/article?mid=1952…查看更多

Service 唔掂一坐底水都無，但隔離遲過我地坐底反而有2人 high tea set 要等over 20 mins兩杯餐茶一杯嚟先，另一杯要等十五分鐘後先嚟，想點？仲要杯奶茶唔凍唔熱咁。另外order咗個飯，等咗半個鐘，追問下原來無落單！唔駛旨意有下次http://hk.myblog.yahoo.com/nklo/article?mid=1882…查看更多

08 年尾去完胡志明市試過當地好出名的 Pho24一直對佢嘅生牛肉粉念念不忘最近行過 iSqaure 見到香港都開咗間 Pho24當然要試下同越南嘅有無大分別有好多鬼佬幫趁，坐我隔離檯分別是澳洲幫同美國佬Service 唔掂坐底無人比 menu等食物太耐叫人轉窗口位又唔理人食物方便尚可春卷好味，不是用普通生菜而係用牛油生菜包生牛肉牛丸河比越南差，但係喺香港來說算中上，湯底尚算濃郁滴漏咖啡味道似在越南時享用的，不過煉奶要自己加，而唔係已經一早放係杯中總括來說，一試無妨 http://hk.myblog.yahoo.com/nklo/article?mid=1824…查看更多