Henry PC's Profile

很少很少寫食評，但今次真係好食到唔寫唔得，實在係齒頰留香嘅一餐，細嫩鮮甜嘅帶子刺身，肉質嫩彈嘅燒生蠔，岩鹽燒羊架同脆皮白膳更係超正，羊架本身肉質鮮嫩有彈性又肥美，一啲都唔嚡唔靭，有入口即溶嘅感覺，加上岩鹽提鮮，令燒出來嘅羊架效果更香口，白膳同樣甘香肥美皮脆肉嫩，青提豚肉卷嘅清新果肉果汁就更係為肥美嘅豚肉添上清新嘅口感，令人唔會有油膩嘅感覺，而配上蘆筍嘅豚肉卷，用蘆筍嘅清甜脆口襯托燒豚肉嘅香口油甘，同青提有異曲同工之炒，最後食埋色香味俱全嘅月見醬唐揚飯糰，好味飽飽好滿足嘅一餐...…Read More

抱住支持的心態去光顧，換來含淚投票支持的感覺，一份178元的西班牙紅蝦（5隻）配龍蝦汁薯仔粉，原來只是本地白灼蝦濫竽充數而已，而且 蝦的 size 細得可憐之餘，肉質亦好霉，粉的份量亦不足，不過，僅以撈龍蝦汁食而言，粉多亦無謂，個人絕對討厭「廿蚊張」，但有一句說話，諷刺也好詆毀也好，佢講得有道理，要人幫襯，食品都要好食（就本人而言，唔難食、合理）先至得，碟粉未到前本想食完再試蛋糕及咖啡，不過，算了，無謂了...…Read More

蛇羮好足料好多蛇肉，蛇湯、膶腸味道甘香，糯米飯口感細膩，喜歡食蛇的，務需一試...除蛇羮外，亦有羊腩煲/飯、臘鴨髀飯、藥膳燉湯等，加上小店街坊人情味濃，絕對值得幫襯...…Read More

今餐之後，自己唔會再去“桃園制作粥麵餐廳”，亦會叫親戚朋友唔好去，一份所謂嘅玉子豆腐🐠柳煲加碗🍚加碗湯，盛惠80大洋，但絕對物非所值！問題在於個所謂嘅“煲”其實只不過係個罉，份量少好多，而且🐟柳只有兩細件，價錢等同街坊酒樓，但質量就衰過街邊大排檔！…Read More

本人今午兩點左右入內點餐，女侍應亦清楚確應，甚至詢問本人是要餐湯還是餐飲，亦告知本人是日餐湯是甚麼，亦即證明侍應清楚明白點餐細節，但，本人在乾等半小時後甚麼都沒有的情況下提出詢問，回應竟然是沒有找到點餐的落單，至兩點半除本人外當時仍有兩檯食客正在用餐，是侍應故意漏單免阻礙自己食飯？還是兩點後拒絕再提供服務所以故意浪費客人僅有的一小時午飯時間呢？Anyway, this restaurant should be blacklisted!…Read More