wondertour的個人專頁

好食 認證無味精 三個餸都係$48🥹 窮人恩物其實有好多菜式揀 今次先試蒸䱽魚 好味（當兩個餸呢度）仲有得揀紅米飯或者炒飯底 送埋例湯 娃娃菜都係包左姐姐好好禮貌 入面都坐得闊落 乾淨整潔好多打工藍領係度食😊…查看更多

今次第二次黎 巧合坐返同一個位😆今次朋友係vegan 上網望過餐牌都有好多選擇所以決定帶佢黎試下！餐牌上所有有🥦都差唔多叫晒😂 最中意係食個hummus西蘭花苗！朋友話MVP係是日餐湯- 京蔥薯仔湯 佢覺得好好飲！我都中意個feta cheese greek salad 好大兜😊蒜蓉包都唔錯不過比較下就普通d。purple cabbage係我地大家都覺得可以唔叫😂雖然好特別少見 不過個芯仲系好硬好難咬 感覺如果煮耐d淋d會好食d。 再叫左兩杯mocktail！jalapeño嘅drink好特別我朋友都覺得好好飲好中意🤩服務生好friendly 解釋餐牌好用心 服務周到…查看更多

叫左香蕉榛子朱古力醬煎餅 好快有得攞 不過見到個皮係咁「鬆脆」我就覺得唔係我想要嘅泰式煎餅…夾心香蕉數量幾多 每啖都有 但係榛子朱古力醬味唔係太出 唔係中間個舊沾滿晒嘅我覺得冇咩榛子朱古力醬味。塊皮同想像一樣係油炸鬼feel 唔係煎餅feel 冇醬單吃係油溢味 我覺得唔好食🥲…查看更多

其實本身佢唔係我晚餐首選 但係前面搵嘅餐廳full晒 又bookmark過佢 所以唔洗排隊就試下裝修係港式日本風情😂 姐係坐下地台又好似扮有日本feel咁。睇餐牌覺得嘢食睇落唔錯 價錢都合理 滿心期待。跟住下面嘅菜色係跟上菜次序。兩枝唔係餐廳出品嘅果汁soda 好飲。揀咗個自選topping玉子燒 味道都ok嘅 但係咁樣係$98加一😂本店名物海膽醬烏冬 雖然每條都黃色 但係超少醬其實 撈完個碗底都係乾身 味道係還可以啦。最後發現隱藏食法係：將後面嘅明太子醬撈埋落去先會昇華🙂😆跟住就係重頭戲 成餐飯最難食嘅山椒炸墨魚嘴話係熱門菜🤡 見到佢咁多油都驚驚地 一食 Eh 淋架喎 又凍 試過想唔食炸粉淨係食墨魚嘴啦 （超細粒）個口都係畀出面d 粉搞到wer晒 一碟又凍又淋又油嘅炸物食咗幾粒放棄。跟住揀咗個鰹魚汁豚肉鍋 上台湯底色就係咁水色 唔好話有冇味啦。肉片係急凍肉冇解凍一堆放入去，湯滾都係疊住晒 煮到又硬又冇肉味。 得幾片豆腐加粒冬菇加d娃娃菜 就$178🤡最後係牛肉片/豚肉片包荔枝肉。 牛肉係幾夾荔枝嘅， 包豚肉真係怪怪地。 當試下新嘢，最尾一道反而不過不失啦⋯⋯最後埋單係$543😂 食到講粗口。本身見佢甜品menu好似幾好 未食前真係想叫。但係最後未埋單已經諗定去其他地方食甜品補償心靈…查看更多

平安夜飯揀咗喺呢度食，都估到一定要食套餐都冇所謂嘅大時大節～套餐$788一位再加一咁waitress都介紹時話所有plates都會serve但係就sharing size 上頭盤味道全部都幾出色嘅，另外會有一份烤酸種麵包加homemade牛油同橄欖油鯷魚，兩樣嘢擺埋一齊做麵包Topping係好好食跟住就有lobster linguine，呢個都係好好味，個汁濃稠到適合都好掛汁龍蝦肉都好彈牙。不過因為係sharing size 會有少少覺得唔夠喉，兩個人食一碟平時main 嘅意粉🫣到最signature嘅主菜- 是日海鮮 加 小沙律本身最期待係呢一樣，Waitress都專登介紹蕃茄汁係特別調製，我都覺得好食嘅汁所以又專登另外叫一份麵包想沾汁，但係今次麵包烤得比較燶 每一啖都食到燶味感覺麻麻。 魚就平平凡凡 冇話特別鮮味不過偏鹹 主要都係食個汁😂 反而大蜆係不錯👌🏼 黑醋沙律就平常咁樣，不過兩個人得一小份囉 。最後甜品方面 睇之前嘅評論話呢度嘅Gelato係好好食，不過套餐就剩係得mandarin sorbet 同埋朱古力開心果ricotta cheese脆餅sorbet係好食嘅 食到尾會覺得好甜。另外脆餅有浸擺耐咗嘅油炸味🥹 有啲似新年角仔咁 不太喜歡最後有另外送一份杏仁味嘅Puff Cookie但係個人唔鍾意杏仁甜品味，所以唔覺得好食😂今次安排坐門口張小圓枱，其實如果係黎bar飲杯嘢張枱係好夠用，但係食飯食套餐兩個人用就太細啦…同埋每次送客啲風吹埋嚟門口位真係好涼雖然侍應們都好好態度好照顧同專業推介食物同酒 但係餐牌上嘅菜色 味道方面我覺得一半好食一半麻麻哋 （好似食到後面慢慢變唔好食咁😂😂 可能係唔對胃口）同埋全部菜式份量係sharing size 會覺得有d少，本身見頭盤全部細細份都啱嘅，留肚食後面嘅嘢，但係後面兩份主菜都唔係特別大份+沙律又咁少😂😂細食嘅人，應該先啱啱好。…查看更多

今次係慶祝男朋友生日選擇了這店～原因係知道呢度有牛扒食 而且網上睇評價食物服務都好好 而男朋友又係食肉獸😂體驗過後好開心冇揀錯啊😍頭盤揀咗推薦嘅Tomato and Burrata Cheese調味好好 好到位 份量都好適中 唔會話食到得番茄冇晒芝士跟住叫咗又係出名嘅橄欖油浸墨魚片 同樣非常出色 d蒜頭片炸到脆身 仲要油浸完都係咁脆 男朋友話如果有白飯可以撈晒黎食😂墨魚片好多 不過因為油浸關係咁大碟兩個人食會有d膩 建議多人share～然後再叫咗出名嘅炸蘇格蘭蛋😆 本身唔好炸蛋 不過見名菜就都叫黎試下 果然好味 d辣肉腸碎味道好出 反而唔太食到蛋味 但係沾蛋黃醬好搭 我覺得係唔錯嘅👍🏼最後主菜叫咗14onz 牛扒 三成熟 都好好味 煎得啱啱好 配蒜頭正🤤最後講下服務！因為真係好好 好貼心 當日8點前有HH 我地都叫咗一杯Cocktail 一杯MocktailMocktail 係揀咗有Mindful Peace嘅Sparkling tea 老闆會親自過黎介紹 我飲完覺得好飲最後仲叫多咗一款黎試😆因為老闆話係佢親自試晒所有味揀咗呢兩隻出黎 出餐方面其實我見當日都full house 所以都好忙 雖然出餐時間比較長（我見隔離台有催）但係我覺得慢慢食係Ok的 飲住嘢chill 而且見到個個waiter都忙到出晒汗🥹同埋因為我有蛋糕🎂 佢地好貼心唔趕我食 仲識問我「甜品」上得未 😂 好聰明 切餅費都唔貴 總括嚟講係好開心嘅體驗🥰…查看更多

一直bookmark咗所以有期待 星期六晚7點左右入座 冇預約 卡位好舒適寬敞 適合聚會點餐紙只有套餐選擇 我點了番茄牛肉麵+小食 飲品 朋友點了招牌肥腸麵 餐點好快到 本身見到餐牌話番茄湯用10公斤番茄煲 都係推介黎 所以即刻飲啖湯試味 講真睇顏色 好淺色好多水咁 連番茄蓉都冇咩 飲落去點解有陣怪味 叫朋友試味 佢話就係肥腸味🙄 我自己係唔食內臟唔食腸 所以只能說出有陣怪肉味😐 咁我唔知係廚房煮完肥腸麵（根據出餐次序真係咁）跟住唔洗唔沖直接煮下一份搞到咁定點啦。 我食完就覺得100蚊一碗垃圾湯底⋯⋯ 仲要加一 出面求其一間茶記做嘅番茄湯可能都好味過佢小食就不過不失 份量算多嘅 但係碗麵真係好失望 食完心靈空虛 d面份量就女生夠食囉 我就好唔開心要即刻搵甜品食嗰種。…查看更多

咁啱去將軍澳海旁食飯 想去嗰間冇開到 然後見到呢間好多人排隊門口個vibe又幾好 諗住冇死，所以排咗20分鐘入去。一坐低已經feel到冷氣好勁，喺頭髮都郁個種 問waitor 可唔可以較細d 答話因為有蚊所以專登開大佢😑食物方面係好失望，叫咗一份海鮮Pizza一份青醬雞肉意粉 一個炸魷魚小食 兩杯MocktailPizza 送到黎樣貌好好 點知食落口 d海鮮鹹到癲 估計係醃耐咗d冰鮮海鮮 實在好難擺入口 所以刮走曬食批底算 但係一份M size 15寸都要$198加一 呢個價錢食呢個味道實在好失望。到香煎雞肉青醬意粉 本身係跟貓耳朵粉 同行朋友唔食 所以問可唔可以轉意粉 黎到個樣好頹😂 上面係大件切片「雞胸」即係Aeon $20個d 嘅樣貌 然後d 意粉一睇就知冇鑊氣 食落就合乎想像 好似屋企撈意粉咁 價錢係$178加一😶‍🌫️ 炸魷魚可能係最正常 配茄汁同蛋黃醬 不過冷氣太大 食咗10分鐘都凍晒 飲品都係正常發揮 ～$68 加一 絕對唔推薦黎食亦不明白點解咁多人排隊😂埋單$708 絕對可以食好多更好食嘅餐廳…查看更多

好少何飲一杯matcha latte d 抹茶粉係未溶😶‍🌫️ 應該話係第一次…每一啖都有苦澀的粉粒入口 雖然拉花presentation係唔錯 但味道口感不好…同行朋友嘅oat latte都話唔好飲。 價錢好進取 自然期望會高d。 見waiter/barista 嘅男仔們都係嬉笑互鬧咁 又用力放低咖啡又冇介紹😥 感覺服務麻麻。記得好多年前黎過係覺得挺不錯的cafe，一直想再來訪，點知質素已經變咗，應該不會再來了😢…查看更多

餐牌選擇我覺得還可以啦 真係印度野食唔算多 有一兩版其實係西式pizza pasta 叫咗前菜chaat 炸薯球 上黎好大碟 不過原來係凍食 一座山咁多嘅醬汁 好膩…. 跟住lamb kebab 係鐵板免治羊肉 呢份最好食 上碟熱辣辣😋 最後叫咗chicken tikka masala 都幾辣 咖喱其實都ok唔錯 不過都貴要$149 一份 配garlic naan 同 cheese naan 每份都$45 三片 但係味道竟然同plain naan 冇分別😅😅 單吃都係得超微弱嘅cheese 味 garlic 味 配上濃味咖哩 可以話冇味😂 叫一份plain $30 仲好朋友有叫多杯1 pint 🍺 最後用訂座85折都要 $530 兩個人….. 但係食完真係有d失望🙍🏻‍♀️ …查看更多

已經好耐冇食過Pici 平時都係食中環呢間分店 ☺️今年生日興起同朋友慶祝，所以去咗食。晚上九點入座，服務員招待得很好，見我哋有帶自己蛋糕，會主動問要唔要放雪櫃，亦唔收額外價錢。已經感受到好客之道，上蛋糕時更加會幫你影相同埋送gift card ☺️但係太耐冇黎 唔知原來已經變咗必收加一 同埋意粉都加晒價。 招牌黑松露意粉已經加到去$180🥹🥹 同埋上碟嘅tuna tartare 超細碟…係以前嘅一半size，係咪都要怪通脹😮‍💨 …查看更多