iamchoiky的個人專頁

本身以為佢價格偏貴，食物質素都唔會太差，點知大失所望，而且服務態度勁差，問佢拎個酒杯唔拎（要俾開瓶費嫁），再追佢，仲要反問「咁心急做咩？」咁嘅價錢仲衰過大排檔質素。八點交枱，7:15嚟催你埋單，問你食飽未，答佢食飽，佢一直企係張枱隔離望住你，食到咁試下傾多兩句都唔得？咁我去食快餐啦，洗咩俾咁多錢嚟呢到食？大眼雞，時價$438，佢切左件之後勁難離皮，條魚雪到乾爭爭，超難食招牌鵝片又鹹又乾，份量例牌$188得十片到，難食到暈。鵝肝，墨魚，魚露浸花甲，味道正常，但份量偏小花甲細又少肉香芋飯，無味，唔香口埋單$2700，食陸X茶室埋單都係3000，仲要唔限時😂一世都唔會再嚟呢到食…查看更多

所有野食都用氣炸鍋整，仲收我串燒價錢，700蚊食完一肚火，問佢啲野食點解用氣炸，仲大條道理話「我地係有啲炸嫁」問佢咁你地唔係燒嫁咩，佢扮有燒，但食落就知全部氣炸。講真做生意做都咁無誠信真係好核突，賺得我一次錢有咩意思？無回頭客真係做得住落去咩，呢種思維去做生意真係令人好不解，你話你燒得難食都算啦，成件事根本係欺騙、詐騙，不誠實行為。中伏食物排行：1. 雞肉串，圖片係鮮雞肉，但上枱係一舊撈麵粉嘅炸雞團，難食到嘔2. 蒜蓉花甲，全部都係調味粉，又鹹又多殼，肉乾爭爭（因為用氣炸鍋整）3. 鴨血，好難食，食落係無味嘅啫喱4. 魷魚桶，貨不對辦，上菜係一串魷魚5. 玉子燒，粉狀雪藏玉子燒，食落似泥膠6. 墨魚嘴，又硬又孩7. 墨魚丸，粉團一粒正常食物1. 翠肉瓜，氣炸完都有汁2. 金菇，正常好多調味粉3. 茄子，正常蔬菜類主要因為食物本身有水份，所以唔會難食到嘔，但整體都係伏，我寫食評嘅初衷係「希望多一個人睇到劣野，就少一個人中伏」唔容許劣食影響人嘅銀包同心情。希望你食之前會見到我篇食評。…查看更多

今日嚟到呢間「花椒子」，超級難食！首先點左花椒烤魚，無辣度可選，辣味同麻香味欠奉，只得一股死鹹味，超鹹！唔講以為佢落左1斤鹽。 要價$328 ， 但條魚係最cheap嘅江團魚，平時出去食烤魚，呢個價食到桂花魚。所以超級不推薦～再講配菜：腐竹係壞咁，酸酸餿餿咁，怪唔知無人幫襯珊瑚蚌，諗住難食極有限，點知食落口係好似一舊泥咁，平時食珊瑚蚌係爽口，但呢到爽口嘅口感係0，呢種口感好恐怖，懷疑擺左好耐全餐飯最正常係樽可樂…查看更多

好吃的東西 會員仲有8折已經食過5-6次，今次嚟個大整合每次都係食花膠雞湯，上次食左鴨肉冬瓜湯，添加嘅湯底係原湯底，花膠湯底會跟半隻雞+一大塊花膠，鴨湯除左鴨肉同原片冬瓜，仲有一盤沙白，除咗味道之外，餐廳都好著重賣相，冬瓜湯底有乾冰，一上菜就好有仙氣。另外火鍋配菜有比較特別嘅蟹皇餃，黃金響鈴等等。因為火鍋最緊要係個湯底，所以呢間嘅湯底真係性價比超高！另外最最最推薦係象拔蚌刺身，超好味，味道鮮甜同爽口，份量亦多，雖然單價有啲高，但都夠6-8人食…查看更多

2018年第一次嚟食覺得驚為天人當時飲桂花latte ，桂花勁香，但又唔會俾咖啡味遮到，今時今日啲咖啡係7-11嘅質素，超難飲，又酸又澀，啲奶打到勁薄，但賣緊40蚊一杯，俾少少誠意好喎，唔係裝修靚就大曬。野食更加唔洗講，想扮「習作」個隻日式小碟模式，但啲野食難食到飛起，首先佢個明太子拌飯又濕又冧又爛，連最基本嘅米都做唔好，學咩人做飲食，重點係收得咁貴，炸雞厚粉，唔juicy ，敗筆。估計係轉左手，希望大家不要以身試似伏。…查看更多

點左一碗藥膳雞麵如油所示，啲雞係湯渣般嘅存在，好痴牙。本身試個湯，係不過不失嘅藥材味，但無乜黃酒香。重點係個刀削麵超淋，可能唔應該點刀削麵，好難食。好似食緊啲煮到難曬嘅餃子皮咁之後食加$12有個小食，泡椒雞腎，呢幅相係我已經食左一半，口感幾好，但就無乜泡椒味，當鹽水雞腎食嘅話，$12係超值，但個麵真係好難食，難食到無心機至於個環境，成場係到播啲普通話收音機轟炸人。但呢間餐廳有紙巾提供，非常貼心，但應該以後麵唔會再食，食完個人好唔開心…查看更多

難食到嘔，拖羅無味又多筋，見到一碟爛肉唔知做乜。以為自己叫左手必肥牛，全餐飯最好食係個即食豆腐加麻醬，連都豉湯都勁難飲，鹹到腎虧，點解可以每一樣野都咁難食？同佢講佢個魚生切到爛曬同埋質素好差，佢淨係話同師傅講聲之後就無左件事，一啲都唔緊張自己嘅食物質素！講真唔係歧視，但成間舖啲人都係有鄉音，就知道中伏了。隔離枱食廚師發板話唔食生蠔，最後阿鄉音女人都係上咗生蠔俾佢，仲要唔俾人換，好心唔好出嚟做生意啦，搞到咩mood都無曬 …查看更多

晏晝行完鹿頸，出番粉嶺市區四圍搵有咩好食。最尾去左聯和墟，搵到呢間小店 - 大統領。雖然舖面唔算大，座位都有少少逼，但加埋裝修反而更加有日本居酒屋既感覺。一坐低見到佢既餐具已經好中意，非常有心思，係木造魚型既匙羹。餐廳主打都係一d丼飯，有魚生、刺身飯亦有熟食或者牛肉飯，大部份都係一百蚊至百五蚊左右，價錢都相當合理。其次亦都有壽司、刺身、燒物同定食。正當我煩惱緊食鵝肝溫泉蛋牛飯好定雙牛丼飯好既時候，店員（定唔知老闆娘）偷聽到後好細心推介左我食雙牛丼飯。最後我地兩個人就叫左＜蔥吞拿魚腩丼＞，＜雙牛丼飯＞同埋一個小食＜蟹膏帶子漢堡＞。上菜速度都好快，我諗等左十分鐘左右就有得食。先黎＜蔥吞拿魚腩丼＞$88吞拿魚好鮮甜，份量都好多絕對夠一啖魚一啖飯，略嫌係壽司飯硬左少少。但overall都性價比極高。之後就有小食＜蟹膏帶子漢堡＞$88一開以為係壽司黎，黎到先知係帶子夾住蟹膏。蟹膏超甘香，我拎左少少黎撈飯超正！最後就係＜雙牛丼飯＞$148牛既份量多到不得了，一款係安格斯牛一款係牛三角(類似平時既牛肉飯既牛肉），仲有一隻溫泉蛋，撈埋上面既辣椒絲好惹味好好送飯。安格斯牛燒得岩岩好，睇相都知好稔。另外呢個飯仲包埋前菜（中華沙律同一片蜜瓜）同面豉湯。埋單二百幾蚊仲送你兩粒糖。走既時候睇到門口既餐牌見到午市學生餐平均都係三十幾至四十幾蚊，講緊既係丼飯同魚生飯。一間舖有良心唔孤寒，野食就自然足料同好味d，所以呢間良心小店真係十分推介！…查看更多

今日去開將軍澳做嘢，一直忙著無留意時間，一睇原來已經三點半，可能過左食飯時間唔太餓，想食件蛋糕就算，有同事介紹我去將軍澳中心嘅Moo Beef Cafe食。原來這店坐得幾舒服，空間感很大，店主第一時間懇切咁俾咗餐牌同清水給我，由於餐廳提供多款甜品，例如諾曼第蘋果撻，紅莓芝士撻，乳酪火焰雪山，重有好少有嘅純素蛋糕：抹茶Tiramisu等，樣樣吸引。幾經辛苦，最後選了焦糖鹹芝士餅，蛋糕紮實又口感香滑，質感有啲喜出望外，個焦糖味好出，亦唔太甜，仲有佢嗰啲岩鹽咸咸哋嘅味道，好特別，中和返芝士膩度，所以一個人食曬成件都唔膩。而且餅底都爽脆，唔會好似有啲Cafe咁，放得耐會濕左或者有陣雪櫃怪味，可見佢都幾新鮮。可以一提嘅係佢哋有啲位都設有USB 叉電位，俾客人放心坐耐啲，差吓部手機，就係依度都加分啦！…查看更多

大埔不嬲都多野食，之前行經見到呢間串燒舖都一直想試，今次同朋友過開黎終於有機會試下。店面裝修都幾有特色，同埋開放式廚房可以一路睇住佢地燒，感覺上好似快ｄ有得食咁。舖頭主打都係串燒，但都有酸辣粉食，因為我地兩個都幾肚餓下，所以我地都有嗌一碗酸辣粉share食。酸辣粉我地就叫左雞肉小辣。本身都打算主力叫串燒，酸辣粉諗住填下肚，點知碗酸辣粉反而喜出望外。味道有層次，個湯底好足料，唔會好似出面果ｄ一味得個死辣，而且雞肉都超滑！之後ｄ串燒都陸續咁黎，首先有超大隻既帶子。＜帶子＞真係超級大粒，用既係炸蒜唔係普通罐頭蒜蓉醬，必食！＜牛油雜菌，蒜香茄子＞牛油雜菌不過不失，因為自己比較重口味，覺得牛油可以再重手少少。至於茄子同樣個炸蒜相當出色，而且茄子燒得岩岩好入口即溶，又係另一個必食！而且老細仲比左個秘制辣粉我地試，超正！中意食辣既朋友一定要問老細拎，落ｄ試下！再之後就係一大盤既串燒由左起２串雞軟骨，２串雞皮，２串雞肉，１串安格斯牛，１串蕃薯安格斯牛唔會過熟一ｄ都唔韌，牛味亦幾濃；雞肉同酸辣粉嘅雞肉一樣都係勁嫩滑。至於其他雞軟骨雞皮蕃薯就正正常常，都係比較大路既串燒。仲有燒菠蘿，係其中一樣我串燒必嗌既野食，開胃又岩，食到飽食番舊消滯再食過又岩。呢度既菠蘿亦都相當唔錯，又甜又多汁！最後仲有燒蠔，秋刀魚同埋白鱔＜燒蠔＞＜秋刀魚+白鱔＞燒蠔可以話係全晚之最，好鮮甜，個炸蒜又要再三讚多次，真係冇得輸。至於白鱔就係朋友覺得當晚最好味，亦都係好出色既，燒得外脆內軟。秋刀魚亦都不過不失，不過都幾大條下，好在都食得哂。overall黎講野食質素幾高，價錢圍番先每人一百蚊鬆ｄ，性價比超高。絕對會再黎～…查看更多

響荔枝角收工，行左去美孚搵下有咩食，就試左呢間火鍋。嗌左個海鮮拼盤+美國頂級牛小排，湯底方面就嗌左日式豆乳湯同四川麻辣湯。見到餐牌+$30就有得任食埋刺身，天婦羅同串燒，收工鬼咁肚餓一於加埋！先黎左個湯底等緊個煲滾就出左去拎下d火鍋配料先，同其他連鎖既放題火鍋都接近。但驚喜既係竟然有蟲草花同埋萵筍，兩樣都係我至愛，平時打邊爐都唔係間間有。飲品方面都好多選擇，汽水、啤酒、茶類，甚至涼茶，乜都有得揀。另外亦都有幾款甜品同埋雪糕可以拎。拎完配料坐番底，d牛同埋海鮮拼盤亦都到左啦。牛小排望落都多雪花，食落都好有牛味，唔錯～海鮮就更抵讚，非常新鮮，隻龍蝦上台果陣d腳仲郁緊。雖然我地兩個人食，每款海鮮只有一隻，但因為都幾多款唔同海鮮，有龍蝦、蟹、鮑魚、蝦蜆等等，所以都好滿足。加左30蚊當然唔蝕底，嗌番d刺身、壽司同串燒。刺身我地叫左三文魚、赤貝、油甘魚、甜蝦同埋鯛魚片。三文魚、赤貝同甜蝦大路野都中規中矩，鯛魚同埋油甘魚就好鮮甜！！食完我地都再encore左一轉。因為驚食唔哂，壽司同串燒我地都冇嗌太多，但overall質素都唔錯，雞翼串燒都燒得好脆好juicy。總括黎講，三百零蚊又有打邊爐、海鮮拼盤，仲有任食牛、刺身同串燒，仲有我最愛既萵筍，真係超值！即使咁多款式，都keep到質素。而且環境都相當闊落，下次一定會同成班frd再黎食～…查看更多

行開apm見到亞太中心幾多野食，就去左呢間試下。平時晚飯時間同weekend都幾多人響亞太中心樓下排隊。好彩呢間響3樓，行一層樓梯再搭電梯就上到去，唔洗等餐死。餐廳環境都相當唔錯，仲有室外可以坐，可惜當日落雨，唔係坐響出面氣氛應該幾好。同朋友兩個人total嗌左一份生蠔，一份沙律，兩個main course同兩個side dish。另外睇menu果陣留意到佢地lunch menu有買三送人，圍番先八十零蚊一份，下星期決定同成班同事黎食個lunch。生蠔入口淡淡海水味，味道清甜，不過我地得兩個人，如果唔係實encore！羽衣甘藍龍蝦沙律沙律賣相勁吸引，份量都幾大份下，我諗3－4人個都夠食。個汁酸酸甜甜好開胃，起好左嘅龍蝦肉份量都唔少而且肉質都幾彈牙。水牛城雞翼反而幾有驚喜，個汁夠辣夠濃，雞翼皮脆肉嫩。中意食辣既朋友一定要試一試！牛扒煎得岩岩好，仲有好香既炭燒味。雖然睇相牛扒份量唔算多，但本身跟埋薯菜同沙律，食落真係岩岩好。芝士蟹蓋焗蘆荀另一個好好味既side dish！芝士味濃，蘆荀配埋蟹肉口感好豐富，又係另一個必試推介！濃濃既芝士同忌廉，帶子勁大粒，好抵食～不過卡邦尼都幾濟下，兩個人share一份就岩岩好。埋單計埋加一total $702，除番先$350一個人。以呢個質素，加上我地嗌左咁多野食黎講，真係相當抵食。下次會同多幾個朋友再黎，咁就可以嗌多d生蠔嘆下！…查看更多

馬莎CAFE係太古城入面，位置都多～出面係係馬沙百貨，個日都食左好多野，馬沙牛角包＋一杯咖啡都好似只係38$抵過STXXBXXXX一杯咖啡都要39蚊, 牛角包酥脆，雖然牛肉味唔太澴，但作為早餐／下午茶，不過不失！另外點左TUNA魚沙律焗薯，份量十分大！重配埋沙律只不過係４十幾蚊～另外重加左個南瓜湯，應是即沖湯～麻麻地中間個個就係千層麵，味道唔錯，如果係附近返工，係到食個午飯真係不錯除左牛角包，另有十字包＋奶茶套餐，都係３０幾蚊～抵食…查看更多

同朋友去左尖沙嘴ritz carlton 103樓間CAFE食TEA，今次個主題係同品牌GIVENCHY合作！成個tea set都係粉紅色, 超級夢幻,食完TEA重有紀念品送,有GIVENCHY 唇膏, 香水同SERUM試用裝~包裝得好靚一共有3層~　上面係甜品，最底層就係鹹點：TUNA法包，鬆餅等等最出面GEH草莓撻，食落酸酸味味，食之前重可以滴草莓醬係上面！好好玩成個SET GEH食物都係粉紅色，全部都精美每個SET會跟一杯飲品，可選花茶等等，但我地就揀左熱朱古力，但我地覺得揀花茶好似比較好，因為可以令到中和甜品GEH甜膩.上面3層蛋糕會印有GIVENCHY BRAND NAME, 味道都相當唔錯,第二層個個杯，上面個CREAM奶味香濃，加埋底下酸酸菠蘿，入口岩岩好！下面個層紅絲絨蛋糕，淨係個外型已經好靚～～～呢個杯，唔知咩名堂，但係最上面係草莓乾脆脆，下面係荔枝味果凍，味道好清新！加埋一齊食，口感豐富得來，每一樣味道都唔會被另一樣味道搶曬風頭！！一定要食呢個係兩人份量，但其實兩個女仔根本食唔曬，我地有一半野都係打包拎走左。同ＦＲＤ傾下無聊野，食下ＴＥＡ黎講，呢到真係超級推介！…查看更多

Lunch time 想食得健康又味，我多數都會去草民～而且採光好好，一路有Ｄ太陽曬住，好溫暖～～佢個飯係類似車仔麵玩法，一個主食、一款肉、３款蔬菜。其中一次搭配：慢煮雞肉、豆角＋南瓜＋粟米、菠菜飯。雞肉好淋，菠菜飯食落唔會好濕，軟硬度岩岩好！旁邊重會配個沙律，份量好大，營養目標達成！另一日，就揀左三文魚、蕃茄飯、南瓜＋鷹嘴豆＋粟米，蕃茄飯酸味味，好開胃，比起菠菜飯香口濃味Ｄ～朋友揀左小牛柳，都一樣好好味！跟餐會送蛋糕同麥茶一杯，另外可以半價點部份咖啡！原價$40，跟餐都係加$20咋，杯面重有佢ＣＡＦＥ個公仔，好得意！其實除左飯，甜品都好多花款~…查看更多