香港地頭龍的個人專頁

夜晚9點幾買，唔知係唔係做定好多，就咁唧醬出餐，一食落去只係微暖。醬好多，全靠個醬帶起成頭家，本身粒野無味。同埋有一半勁硬，食哂8粒牙都痛，好明顯做定好多，慶到硬晒⋯⋯歡迎測試牙齒健康。。同埋收銀阿姐串到撲街，無散銀/唔係比exact cash千祈唔好去買，開口埋口靚仔靚女，其實order d客跟指示，仲聽到同我前面果個講，下次唱定散紙先好嚟。相比起其他章魚燒，人地即整，有心機，呢度粗製濫做，做定一大堆，食過一次即刻知咩事，真係有比較有傷害…查看更多

一家四口，叫咗幾個餐。海南雞飯: 飯凍嘅，雞都係雪到痴住一舊舊，要好大力先分得開。牛柳粒椰漿飯: 飯室溫，牛好韌，好難食。蝦片又係凍。肉骨茶: 叫做熱d，但唔係原煲煮，因為一上枱用手掂到個煲都無感覺。條油炸鬼又凍又油。自助點餐: 版面勁難睇，勁難㩒，食個飯都好用腦，其他餐廳都無佢咁差。餐牌核突: 好似小學生file咁，d膠掀到巢哂，印好啲唔得嘅。拎水拎碗乜叉都自助。原來”熱”好似咁基本嘅嘢，唔係度度做到，試過就知咩事…查看更多

見到多間媒體及foodie介紹，慕名而來不假思索， 直接order名物。1，華田西多西多和華田碎，無話夾唔夾，擺落口都係分別食到2樣嘢。2，大奄列一堆好大碟嘅炒蛋，老過阿婆，無蛋味，唔滑溜。3，咸牛肉蛋治繼續係阿婆蛋，咸牛肉味罐頭直出。座位非常舊式嘅裝修，全部4人卡座，有一邊牆係大風吹到XX。服務由2位重普通話嘅姐姐做樓面，感覺對普通話人嘅服務更親切。總結，食咗一堆唔知乜嘢唔知乜嘢出名感謝同枱都係香港人賜下標題慕名而來嘅中伏😒😒…查看更多

好姊妹迎來事業上的高峰，好開心話要請我食餐好豪日本野，有幾豪先？。去到餐廳門口，係食割烹料理，我估係okamase d friend??!! 餐廳職員解釋「肉」=壽喜燒和牛、「割」=切割，例如切刺身、「烹」=煮，在客人面前煮。嘩，聽完都嚇親。。👆1st 先付係慢煮牛肉加勁勁勁鮮嘅海膽，成個海洋爆出嚟咁。👆2nd 碗物係愛女魚加5款蔬菜煮嘅湯，魚好鮮好黏口，切到蝴蝶咁靚，微微炸過加左d脆脆。👆3rd 刺身有章魚，魷魚，赤身吞拿魚，大拖羅等等，介紹話係熟成藍鯨吞拿魚。嘩，第一次食到完全唔同味嘅吞拿魚。👆4th 吉列牛柳三文治慢煮熟成嘅牛柳，用腐皮做外層，炸但唔膩。仲有啲茄汁肉醬，提升咗層次。再加即烤嘅日本麵粉做嘅多士，同一時間有甜，酸，脆，嫩幾個口感，嚇親。👆5th 旬彩旬 解作時令，揀最時令嘅生北寄貝 & 平貝，加大廚上年11月開始自己曬嘅烏魚子。彩 解作七彩顏色，有豆乳奶凍，淡菜，碗豆，高湯啫喱，baby tomato。👆6th 八寸八寸係一碟充滿住不同小食嘅dish，有河蟹，香魚仔，茄子，春筍，木之芽，沖繩水雲，鯛魚壽司等等等等。大廚一拎呢碟野出嚟，全場嘩嘩聲，所有電話都攞哂出嚟影，而且擺盤真係真係好有心機，食的先後次序又有story，feel到好多好多心機放入去，design menu真係唔簡單。👆7th 壽喜燒先用牛膏起鑊，放入A5鹿兒島薩摩和牛，再加壽喜燒醬油。煮好點日本蛋食，果種香嫩滑濃，咁大個女未曾食過，之後仲有野生舞茸 & 野菜。食之前個八寸都未嘩完，而家再嘩多次，電話都無電。Btw，相中係主廚大谷先生，介紹係在世界各地嘅高級餐廳做過大廚，廚藝非常了得。👆8th 釜飯用螢光魷魚 & 櫻花蝦煮，每粒飯都索哂d鮮味。👆9th 和菓子嘩。。。每粒都係師傅用起碼半個鐘去整，唔同色唔同款唔同意思，靚到唔捨得食。。。。10th sake成餐飯飲咗4/5款sake，有strong 有smooth。飲酒除左帶動食物嘅昇華，人都開懷開心。。上面寫到咁多介紹，好多謝職員細心嘅介紹，仲有貼心嘅服務，唔使講都知我想點，very sweet。。呢場割烹盛宴，嘩到聲沙，影到無電，食到唔停，excellent!!…查看更多

Having a day-off in normal day so hanging around TST. While walking along the harbour side, i found this good restaurant in K11 MUSEA..The restaurant located near to the harbour side, with big window from top to the ground. They are expert on mussels but sorry i had a seafood buffet yesterday night, so i chose steak..The steak is well cooked, very juicy and soft. The fries are good too and surprised by the mushrooms soup.That’s very enjoyable altogether with nice service. Will come to try mussels next time.…查看更多

平日係尖沙咀見完客，去到海港城唔知食乜好，行完4樓muji 一出門口就見到呢間餐廳，望落ok就去試吓。佢個lunch menu都有成10幾個set，$200 - $300幾都有。我好想食牛，就叫左”牛肉壽喜燒” 定食。牛肉都幾大塊，職員話係和牛，一上嘅時候唔係好熟，我浸到咁上下食，真係好滑好有牛味，係靚牛肉來。仲有日本蛋點，正到不得了。服務都幾好有禮貌，不停fill茶，埋單仲送左2張$100 coupon，無限日子，下次試下介紹嘅懷石料理先。…查看更多

收工經過見到開咗呢間新串燒店細細間，lunch都見到都多人食不過今次係收工特登去食串燒入面舖頭細細，得幾個位不過裝修幾靚，又有boardgame玩喎，幾搞笑Menu串燒都多，價錢十零廿蚊，唔算貴串燒燒得幾香脆醬汁同調味粉都食到係有心機調過除咗串燒，仲有炸物、飯、烏冬，乜都有啲推介:炸燒賣，雞皮，原條茄子荔枝豚肉串，一甜一咸好搞笑🤣仲有話辣到xx的咖哩魚蛋，食得辣嘅自行try try😖後生小店，有heart煮嘢食，可以再去👍…查看更多

4點幾經過，見到好幾位後生仔女等緊搞到我都想支持埋一份叫咗杯「熱帶果鮮草奶茶」點知成為咗最難飲嘅奶茶之一。前後等咗廿分鐘，一見就覺得少少伏顏色好浠，似係冰溶晒溝到浠一飲就證實咗！真係無茶味無奶味我估係茶整唔切，未泡出茶味就撞奶撞冰結果飲咗杯乜味都無嘅奶茶仙草又少得可憐飲咗都嬲得幾緊要。“耶勞”唔係一個光環唔係做成點都一定有客嚟支持$36杯唔係平比返D心機，整返杯好茶可以嗎？希望老闆見到認真改善一下下次再飲會飲到進步，飲到心機。…查看更多

之前聽朋友講呢間餐廳好正, 終於有機會試下啦！木戶門口真係木門, 掛個大燈籠, 好有日本feel。入到去見到full house, 疫情期間都坐得滿好犀利。安排左坐bar枱位, 好近距離見到師傅燒野食, 不過冇乜油煙味~~(1) 蟹膏冰鎭鮮菜條蟹膏用蠟燭仔"慶"住, 蔬菜條用冰鎮。微溫帶出好濃嘅蟹味, 凍食蔬菜帶出新鮮。呢個前菜熱身非常好！(2) 雞肉串燒︰雞肝、雞腿肉、雞肉丸呢度係食大和雞, 飼養方法好特別亦有嚴格標準。食落好有雞味, 煙韌有咬口, 食落唔乾唔燶。加埋炭燒, 外邊脆入邊嫩, 好好味！想特別講雞肉丸, 侍應介紹加左蝦肉入去。所以食落有一粒粒蝦肉, 爽口彈牙。(3) 串燒︰韭菜豚肉卷、日本長芋、蝦串、鐵板魷魚韭菜豚肉卷真係必嗌, 韭菜香+豚肉味好match, 咬落肉汁咇出來。長芋即係日本甜番薯, 好香好甜。蝦串、魷魚唔使講, 食串燒真係停唔到口！(4) 宮崎南蠻炸鷄壓續出場嘅南蠻鷄, openrice好多食評都有提到。係日本師傅家族流傳嘅煮法, 他家族發明架！脆身外皮, 入面肉嫩, 再點d沙律汁, 好正宗嘅整法！成晚出食物係有d耐, 我估full house關係出唔切野食。雖然有d嘈, 但果種嘈都係熱鬧、開心嘅嘈。飲下酒食下串燒, 好似去左居酒屋/屋台, feel good！真係好想去日本, 希望疫情快d完, 個個開心旅行出埠啦~~…查看更多

長假期，同屋企人2個人落去食飯。叫左個”小食拼盤”，相裡面每款3件，上菜每款得2件。我問經理，他唔出聲、不情不願咁炸返幾件比我們。之後望到隔離枱叫同一個咖哩腩飯，人地有湯我們無，我又問果位”好有禮貌”的經理，竟然怪責落單時無叫跟湯！嘩！好野喎！餐牌寫得就比客啦，咁如果無叫我埋單係咪唔使比錢架呢？講真，d野唔係好味，價錢唔係抵，伙計個個態度都差，放低食物一句野都無講，嘭一聲掉低，連個經理阿head都係咁。。。其實來食野都唔係高要求，不過都唔該尊重返，人客來食飯，唔係受氣同被人呃囉！…查看更多

我第一次可以比同一個員工激嬲幾次，真係唔寫條氣都唔順。女員工，金色highlight短髮，帶圓框眼鏡，操流利國語。我們2位約晚上8:30到，都想望下有無細枱可以得我們坐，點知望都未望，她已經命令式叫我們坐大圓枱。她說話高音，尖銳，無尾音，無請、謝謝、可不可以呢d字眼，簡單講就係無禮貌。坐低後，見到隔離細枱客人起身，我們坐過去，她再一次命令式叫我們坐另一張細枱，因為她想拍枱做大枱比客。好，我們坐低照食野。約到9點，她再次命令我們埋單先要計數。我問她攞個盒袋走食物，我已伸手想接盒但她無視我，直接放在枱面，好野！坐到9:30，她再一次命令我們離開，當時已經趕走了不少客人，她準備好哂清潔劑、抹布想要clear我張枱，下欄盤已經放係凳上，比哂signal我們好快d過主。呢位員工真係經典中之經典，可以用一種命令式、毫無禮貌咁同客人溝通，我們坐不夠一個鐘已經比她激嬲幾次，她的面口咀臉就更加唔好講。。。雖然聽得出操著台灣口音的普通話，但絕對無台灣人基本的禮貌，以及一間台灣餐廳基本的待客態度！人均消費唔係平，都$120，但享受住咁嘅服務態度，加上Disco的澎湃刺耳音樂，已經完全收到哂要”趕客”的意思。好難忘，亦好難會再幫襯，之前西環間舖做到個招牌幾好都無用！…查看更多

係荷里活附近住，放工唔想返屋企煮就唯有去商場度食。foodcourt ok ge，但有時好多人，靜靜地坐下食下野真係唔多得，所以，我又來左fullhouse度食啦！。今次食左個叫”墨魚仔粉紅忌廉蝴蝶粉”，一上枱，其實係偏橙色，哈哈，食落好creamy，好夾個粉，而且係甜甜地，好正，食哂！。野飲係紅莓咖啡(無影到相sor)，聽落怪怪地，但係收銀姐姐推介就試下啦，點知，真心ok wo，飲落酸酸味味，唔似咖啡喎，越飲越正，又係有驚喜！。PS: 我見到有人拍片，似d飲食節目，咁架勢堂？！…查看更多

好鐘意去黃埔食嘢，一來方便坐地鐵，二來好多餐廳可以揀，好啱約friend來食飯。又來到happy friday，約左7個中同，8個人搵位都幾困難，不過d店員好幫手幫我們拍埋d枱，服務好好，搞掂就可以開餐啦!!!!!我們嗌咗好多嘢食，有2個想介紹下1) 蟹肉番茄蝴蝶粉通常叫親呢d，d蟹肉都唔知去哂邊，但呢間比ge蟹肉都多，食落去有d鮮味，ok!!2) 軟殼蟹牛角包同上面個蝴蝶粉為同一個系列，以蟹為主，呢個個蟹味仲鮮，雖然有少少炸嘢的油膩感，但match埋個沙律一齊食都ok ge總結今次d嘢食係唔錯，坐得舒服，店員服務態度都幾好，可以再來…查看更多

荷里活商場d舖頭通常到朝早11點先開, 所以想入去食個早餐都幾難, 但我經過見到呢間Fullhouse有開門, 門口好得意, 有好多公仔, 就吸引左我入去試下啦~~餐牌上都有好幾個餐, 個個餐望落都吸引, 跟住我就揀左個乜都有ge all day breakfast來食啦~~一上到枱, 嘩左一聲, 好豐富啊!! 入面每樣食物都好正, 牛角包好味, 炒蛋滑漏, 煙肉香脆, 特色腸肉質好, 薯餅熱辣辣, 多謝廚師咁有心機煮比我食啊!! 最後呷埋杯cappuccino, 簡直大大滿足!! 第日一定會再來啊!!…查看更多

係門口見到有武士拉麵的logo，就滿有期待咁去試下Lunchtime $58/$68碗，價錢ok 加配小食都係$10起，易入手，所以我都加左個蟹肉薯餅但個拉麵一上場，我就知出事啦.湯底淡而無味，稀到爆，無香味(我已經剔左濃味)麵唔掛湯，無哩口感，似係7x9野叉燒叫做有燒過，有味ge薯餅有薯餅味，at least 熱ge算啦已經無咩好講No next time.PS: 可不可以唔好播廣東歌？係好聽ge，但好唔夾個舖面喎扮下野播架文歌啦師傅😂-------同場加映，隔離食客係麵質湯底有唔同要求個姐姐求奇答係係係就擺低食客擰哂頭，一邊食一邊話好麻麻最後一句總結: 茶記質素嚟架喎笑左-------…查看更多