禾田三少的個人專頁

小店，第一次食幾ok。飯，麵各一，水準對得住價錢。第二次食，好伏。叫了個西洋菜雲呑，苦得很。體諒小店，和服務員講聲，叫佢去廚房自己試一粒，哦一聲，然後就無然後。同收銀講多聲，佢好輕佻咁話，你都係第一個咁講。好心真係會做壞事。唔會有下次。…查看更多

過年中菜人太多，去食西餐，看食評覺得ok，食個意大利菜。麵包種類多，味道不錯。叫菜后，等了 20 分种才上前菜，八爪魚真係普通，不軟不硬，無勿味道。食完再等 25 分鐘，上羊扒。完全係凍嘅。因為大家太肚餓，都食啦。食完個經理過來問食物是否滿意，告訴他羊扒問題，即時答案係，吓，你唔早D 講？唉，香港零售差，真係有原因。後來經理又過來，好細聲咁問，要唔要d 咖啡，茶？我估佢係想compensate，但其實誠意道歉一句可能好d。…查看更多

曾幾何時，海南雞饭會有黑鼓油膏，有薑葱蓉，有酸辣汁，有雞雜冬瓜湯。今天想食好的海南雞饭真的困难。没有了新鲜雞，就没有了好的雞雜湯。大部分店铺也不會有及格的黑油膏和酸辣汁，最多比老抽加糖和泰國萬能 key 酸辣汁。今天到這间小店，没有期望，變成好有驚喜。雞不是新鲜的，但油足嫩滑，份量足，幾乎没有骨。黑油膏，星加坡 style ，濃黑焦香，咸甜適中。薑葱油，真的有薑有葱有油。酸辣汁，微辣带酸。例湯是唐排淡菜煲木瓜，绝對不是味精加水。油饭普通，但以62元連饮品的價格，真的隨時打低文華和凱悦。我们都好需要高質茶記。…查看更多

無寫二年，實在忍唔住。地理位置一流，康怡、太古消費水平不錯、食物名字有特色，以上種種客觀條件，完敗。等二十分鐘，ok。張檯和地面唔係好乾淨，ok。。。啦野食比一般茶記貴，仲頂得住。伙記大部份都好似未瞓醒，要叫三、四次，都忍埋佢。但係可唔可以比番一個叫焗豬朳飯既焗豬朳飯，一杯叫凍奶茶既凍奶茶我呢？個名，幾好，幾神奇都無用。每次見到好多人排隊，我都諗，係咪我食果次特別差呢？睇返其他食評，我又覺得好彩既，唔指我一個既。蕃茄牛肉公仔麵，蕃茄淡如水，牛肉完全完全完全無味。凍檸茶有驚喜，因為真係有檸檬，有冰，有茶，有甜味。…查看更多

對茶餐廳服務早已不存希望，但可以差成咁，又真係幾神奇。待應橫衝直撞，由頭髮邊傳菜，到撞到客人後，用后腦同你講"SOLLY"。茶餐廳，其實可以做好點。不希望你富麗堂皇，不希望你禮貌周周，只期望有最基本的遵重，在今日的香港，還是想得太多？…查看更多

屋企樓下，次次經過，都係一班呆滯目光攞住張號碼紙，睇見都胃痛。星期五，偷得浮生半日閒，一條友，下午１４：００去到餐廳．．．都係等左５分鐘。研究完靚靚餐牌，見到人地個餐有凍烏冬仲有個類似炸豬／鷄飯，決定跟。同waiter阿姐講要炸鷄飯套餐罪（７０元），比佢confirm左我三次，有ｄ疑惑，個餐牌都好清楚，我都好清楚架bor，有勿問題呢？患得患失左１５分鐘，烏冬先上；好味，有彈力，夠凍；同以前北角手打烏冬有得比。再１５分鐘，炸雞飯先到，可能等到有ｄ飽，覺得炸粉太多，雞肥左ｄ；但飯粒飽滿，份量足夠。waiter姐妹都好勤力，不斷加水；但竟然有兩個唔太識中文嘅日本人落單，點解呢？有優越感咩？不過實在太擠迫，我隔離檯兩個阿太不斷在離我８０cm左右將佢地嘅秘聞赤裸裸地向我細訴．．．有ｄ難頂。…查看更多

星期六下午，好久無見朋友女約食晚飯，出奇地已經知道去邊度食及食勿，仲要係廣東茶。電話中不是很清晰，隱約聽到海...海景酒店，話係紅磡。打電話去問地址，好似有ｄ難言之隱；要用誘導式問法：”係唔係在理工宿舍附近？””．．．係果邊．．．””係唔係在半島豪庭果邊，定係大酒店對面？””係商學院果邊，係紅樂道” 決定放棄，上google map，然後問自己，勿果頭有酒店mei? 晚上１９：４５紅磡落隧巴，然後由車站穿過半島豪庭平台的”公眾人士公共場所”，轉左幾個彎後，有ｄ疑惑．．．唔多見有燈bor；不過在一家三口西裝骨骨，一個個飲（喜酒）樣堅定的帶領下，最後在２０：１０安全到達。因為有人擺酒的關係，無辦法睇到所有的裝潢，不過樓底幾高，同埋ｄ大掛燈好閃。四個人叫左臘味煲仔飯乾煎蝦碌清抄芥蘭欖菜肉末蒸大芥菜 臘味煲仔飯原先話要四位，經理先生話不如三位啦，好大煲嫁；幾有良心。等左好耐，都未有得食，有ｄ唔高興，不過見ｄwaiter行上行落，估計可能因為擺酒關係，其他客排第二。 第一味上嘅，竟然係臘味煲仔飯，真係幾大煲；飯幾好，夠乾身，臘味應該係美心出品，唯一缺點係無勿飯焦。清抄芥蘭，無勿驚喜，ｄ菜都係先焯熟再抄。乾煎蝦碌有四大隻，應該係冰鮮鬼蝦，好大隻，不過肉味免問。欖菜肉末蒸大芥菜，仲大煲過個煲仔飯，清清淡淡，幾好味。 食完，老闆出黎打招呼，原來同我朋友女係相識；既然係朋友，就同佢哦兩句，什麼什麼地點欠佳呀，什麼什麼等好耐都無野食．．．老闆態度誠懇，唔會推左推右，應該係有心想做好呢份工。 阿老闆話原來係火車站個商場，係有條天橋過來，兼每１５分鐘有shuttle 嘅。頂，我話你ｄ電話接聽員咁就最好陪訓下啦。 甜品送左個香芒卷，幾好，不過凍ｄ仲好。 以酒店來講，價格合理，四個人四佰幾；如果想搵個坐低，靜靜地嘅地方，食ｄ　ｏｋ粵菜(Sorry, 同好嘅，好似富東有一段距離）；或者，請客食飯，唔想太貴，但見得下人嘅地方，這裡會是好選擇；起碼比ｘ星，東ｘ平２０％。 後記，抱住探險嘅精神，由間餐廳行返去火車站，實行 reverse-engineering;上到伊甸園果層，真係見到有個A-4咁大嘅牌，寫住”往海韻軒海景酒店”，不過就放左係扶手電梯下面隻角；真係有ｄ替朋友女個朋友仔擔心。 …查看更多