小狼822的個人專頁

桃子之前食過呢個afternoon tea set念念不忘，突然醒起，就早兩日book左呢間分店既Thai Afternoon tea set!😛First bites三款正常都ok烤物夠熱,雞翼較乾身，兩款串燒係常溫粟米蟹肉餅非常好食！班蘭千層蛋糕 我覺得幾好食 有驚喜！唔似落班蘭精油味蛋糕咁！椰子紅寶石好.特.別.經openrice book有8折再原價$298+10%整體而言，都唔錯既！係等得比較耐，我諗落單計等左20分鐘先上tea set!野飲落完之後又係等勁耐，覺得漏左單催單就即刻有，跟住兩杯野飲嗌左少甜少冰都無做到，不過都幾好味！今日星期六食都幾爆，所以我建議提早book定檯！服務都ok, 係客人多，你要d時間先嗌到servers幫手！…查看更多

今日係Family Day,本身赤柱一日遊，諗住食埋德國🇩🇪菜先走，點知天公不做美，於是改變行程，即刻出返銅鑼灣，貪佢有好多商場方便避雨！屋企人有啲肚餓，於是大家話不如食個early dinner, 黎到Hysan ，就被呢間啲Pizza Maru d炸雞吸引咗！上openrice 做下資料搜集，於是點了以下幾款招牌菜！Mistress Sour Ale $87第一次飲咁酸嘅啤酒佢杯底下又有一啲甜甜地，但要飲到底下先飲到Grilled Potato Chicken Chicago $189幾好味😋蜜糖杏仁邊好特別！Half n Half $2181 Garlic Sweet Chilli Gangje2 Honey Butter Fried Chicken 惹味 夠曬熱 唔會太多炸粉 仲每人俾左隻手套你食炸雞timKimchi Carbonara With Scallops $158意粉都好味，但相比炸雞就普通一點！屋企人都好滿意！個個都夠曬飽…查看更多

由於疫情關係，同將軍澳嘅好友已經有半年冇見！今日收工大家約咗喺觀塘食飯！友人無所謂於是我揀左嚟到龍城冰室！其實日升中心附近都幾多野食！研究完一輪！好友揀左焗飯！點知佢個焗飯到左，我個常餐都未到，跟住等多陣就黎個公仔面，但睇圖你都知有幾林啦瑞士汁又有d苦澀奶油豬 炒蛋都ok整體黎講，一般般啦配埋凍飲+$3 埋單$51…查看更多

Small Mui 收工過到黎久違的荃灣，於是佢提議食餃子屋🥟！芹菜豬肉餃6隻辣菜莆好味😋粟米🌽豬肉煎餃8隻 燶左d 所以夠曬香口加一支黑豆漿$8，Small Mui落單時唔小心講左要一支黑色的豆漿！講完自己都笑死！…查看更多

同呀哥家姐拜訪完爺爺嫲嫲，大家都有啲肚餓，於是我提議食呢間上次已經試過嘅越南野！地理位置十分方便，位於十字馬路口，好容易就望到佢香茅雞扒撈檬$42 二家姐食呢個，我都試左2舊，雞扒好香口又唔會炸到好乾身越式扎肉雞絲撈檬$42+$2凍阿華田因為我驚好熱氣，所以呢個真係清淡之選越南炸蝦餅撈檬$42，呀哥嗌左炸蝦餅勁好味呀！我都試左舊呀，下次凍冰冰食碗熱辣辣牛肉河粉都想試下+$12追加一份小食！總體而言，大部份嘢食都係$4x仲要包嘢飲！晚餐黎講，性價比之選！家姐呀哥都十分滿意！下次經過再試下其他先…查看更多

今日經過咁啱見到呢間越南野新開張！見佢都是正企理，於是入去支持下小店，但估唔到有驚喜！嗌左個越式生牛肉湯河$40仲包一杯嘢飲添對住晚餐黎講真係十分抵！牛肉湯底幾好飲，夠香濃係略嫌油左少少！😌有蔥花，洋蔥，青檸同香草！價錢不貴而且份量足，性價比高，值得推介下次會同家人再黎試下😗…查看更多

經朋友介紹，今日收工黎到Diletto 由有Dress Code要求，今天都特別著得是正少少，哈哈收工搭地鐵去到尖沙咀P3出口一出，向前行少少就見到余仁生中心向右一望見到呢條好多Openrice食評都有影低的樓梯就知道到了點餐完畢，正當勁肚餓之際Waitress 好快遞上一籃熱辣辣的餐包餐包橄欖油撈埋醋一齊食，正!諗住之前Part time 返意大利餐廳時，最鐘意都係食呢d包黎醫肚XD呢個真心必食推介!Deep Fried Crab Cake（$138）蟹餅做到外脆內軟，又不油膩，而且十分足料，係略嫌細左少少，不過如果兩個人都夠食既Carbonara Spaghetti $228我覺得食意大利野一定要試下佢個Carbonara呢度意粉軟硬適中磨菇材料十足，醬汁亦好香濃芝士脆片好濃芝士味US Prime Grade Beef Rib Eye Steak 10oz $39810安士份量十足，另配芥辣，燒汁?，海鹽黎食塊牛好耐無食牛扒，好感動嗌左medium 略嫌熟左少少Malbec $68本身轉左Menu 無左Malbec 點知Pinot Noir無貨 又可以嗌返杯Malbec 正!…查看更多

好耐無食呢間餃子店Small Mui 想食餃子，於是黎到太子專登去大南街呢間「美味餃子店」，去到門口排左條小人龍排左20mins先有位，嗌左大碟煎餃，細碟湯餃 加杯豆漿 但Small mui唔鍾意因為有陣燶味咁好耐無食餃子，叫做回味一番！好掛住荃灣餃子屋！…查看更多

好耐冇黎荔枝角，Small Mui想去行香港工業中心行下，於是就揀左呢間泰國野試下！睇完食啲咩要去出邊門口櫃檯俾錢我嗌咗呢個係青咖喱豬頸肉油飯$70,除咗油飯仲可以揀白飯同埋薄餅!豬頸肉簡直係我至愛，都幾足料，青咖喱唔會好辣又惹味Small Mui 嗌左脆皮燒肉芥蘭飯$70 +凍檸檬茶+$3芥蘭加燒肉仲有佢啲汁都幾好食！仲有一個冬陰公湯+$18普通，幾辣！埋單$164！有機會嚟到附近諗唔到食咩都會再食下呢間！…查看更多

Happy Friday 去接Small Mui,佢臨時有事所以去左九龍灣食飯！Small Mui話炒公仔麵同叉燒蛋飯出名，近排食完叉燒燒肉果d，唔係太想再食，於是嗌左午餐肉炒公仔麵，點知超級咸，救命！嗌左杯凍檸茶，個茶底又勁混濁！另嗌左All day breakfast ,普通啦！…查看更多

下午茶係幾抵食既，不過筆者一向鍾意常餐，所以嗌咗雪山常餐1 $46雪山沙茶牛肉公仔麵 + 午餐肉炒蛋 +香酥丹麥多士+$3凍奶茶公仔面唔會太林，唔會太硬，口感岩岩好！午餐肉唔會係好cheap 雖然唔算大塊，但煎得香口，炒蛋Average,丹麥多士同我想像有少少出入，都好食！凍奶茶茶咪有少少唔太出，可能多奶左少少但整體都好味！服務幾好！撞正員工食飯時間，見佢地圍埋一齊食飯 幾warm咁！我會再返黎試埋檳城特餐或者另一個常餐！推介…查看更多

試過幾次紅茶冰室，但係其他分店，油麻地呢間係第一次試！最愛佢有幾款常餐/特餐供人選擇！因為筆者有選擇困難症，相反如果你靜係比幾款我揀，我會比較容易下決定！同埋，呢d常餐有埋野飲，亦係我鍾意佢嘅原因之一！招牌沙嗲牛肉麵 $49 （沙嗲牛肉算幾多，唔係得幾夠，麵唔會煮到淋曬）配：火腿奄列+香酥丹麥多士 （奄列唔算好油，邪惡😈又會致肥嘅丹麥多士好耐無食，幾香口）飲品： 茶走（忘了拍照，香滑，茶味都突出，奶味唔會覆蓋）Small Mui 嗌左瑞士汁雞翼撈公仔麵都幾好味，凍朱古力好飲，推介！…查看更多

兆萬一向有劣食塔嘅稱號，今日同兩個大專朋友聚會，而佢地臨時先決定食放題所以別無他選下，就黎左呢間兆萬10樓大本灜日式放題，7-11樓食肆記得先用扶手電梯到3樓搭lift門口位置擺咗幾個雪櫃，你見飲品選擇就一般啦，唔係十分吸引嗌咗三文魚刺身啦甜蝦帶子，三文魚🍣肥美👍🏻，其他正常燒虎蝦求其嗌左壽司大蝦天婦羅難食唔知係個烤漿有問題定蝦超級唔新鮮，個味好奇怪服務：幾個員工態度友善，會同客人傾計食物：刺身ok,熱食部分ok種類：食物，同飲品唔算好多選擇，埋單先有甜品紙，幾款野揀座位：3個男仔坐4人位唔算好寬敞，少迫…查看更多

今日同Small Mui係旺角,油麻地行街，因為頭先大家想坐下食左個tea, 於是我提議食餃子啦🥟！ Openrice 見附近有呢間北方餃子源！先黎兩碗麵，我地嗌左1.香煎芹菜豬肉餃子麵2.香煎冬菇香草豬肉餃子麵麵就偏淋，湯底又無乜味，餃子有d煎到少燶冬菇香草豬肉餃子好食，芹菜豬肉就正常啦…查看更多

Small mui我總共黎食過四次，近呢兩次真係覺得好有水準！今次請家人食晚飯，佢哋都大讚呢-蝦膏炒飯-聽個名，係咪覺得會好重味？原來係可以做到香而唔太過咸。米飯炒到好有鑊氣，粒粒分明。飯上有幾片臘腸，同香港臘腸唔同味，煎到超香口，滿滿的甘香和油脂，餸飯好正-雜菜粉絲煲-雜菜種類豐富，炒得好香！粉絲彈牙，沾滿醬汁，太好食了！份量亦算多。-泰式去骨滷水豬手-煮得好腍，但唔會腍到爛。超級入味，去埋骨，啖啖肉~~ 媽媽最欣賞呢道菜式！-冬蔭功雞翼-冬蔭功香料味滲透雞肉，外皮脆卜卜，既惹味，又香口！單骨亦方便進食。-朱古力奶茶-泰式奶茶加朱古力，入面有啲涼粉咁既物體，個人覺得怪怪地...呢間餐廳坐得舒服，服務周到，食物有水準！係太古區內少有既高質泰菜…查看更多