milk.chocolate的個人專頁

純粹因為想食日本野+貪圖THE ONE個泊車優惠所以揀左呢間餐廳! 既然要食就梗係上openrice睇下有咩好食, 見好多人都推介海膽汁燒蠔, 當然要試試海膽汁燒蠔可惜個冇海膽味既"海膽汁"實在太咸, 完全食唔到蠔味(唔好笑人地飲食節目話「雞有雞味, 魚有魚味」 呢個年頭, 想海膽汁有海膽味, 蠔有蠔味都真係唔易 )其次食左個都好多人贊既刺身拼盤, 刺身日日唔同, 所以唔逐一介紹啦, 但真係大件, 新鮮, 好味!至於$50 each既燒帆立貝, 無論新鮮度 肉質 口感都只屬一般…查看更多

記得太概半年前第一次食, 個時openrice食評都唔過10篇, 可能知名度冇咁高, 所以即使星期六日dinner時段都唔洗book位, 亦唔full! 上星期想再試, 冇book位差d食唔到! 可見openrice既威力! 我幾個月前亦打過篇食評贊佢個海膽三文魚魚生飯, 最新睇返竟然唔見左, 所以決定要再打過!4月份食既海膽三文魚魚生飯上星期食既海膽三文魚魚生飯冇食一段時間, 一直對佢個海膽三文魚魚生飯念念不忘! 今次再食, 雖然個飯唔同左樣, 又冇左紫菜, 但海膽同三文魚魚生都一樣咁新鮮! 真係強烈推介!…查看更多

近期潮流興食漢堡包 連ifc都開有得食burger, 作為漢堡包fans冇理由唔試一試! Big Fernand既價錢就同其他burger鋪頭差唔多, around $100-$150 each, 汽水$20/can一咬落去, 肉味十足, 但美中不足之處係有少少乾! 相比之下蘭杜街個間The Butchers Club Burger比較好味, 可能因為我個人prefer juicy d啦…查看更多

朋友成日話粉嶺有間懷舊扒房, 山長水遠都跟佢入黎食下, 果然冇令人失望! 餐廳外面有圓拱形大窗, 好有外國餐廳既感覺! 朋友話唔好睇佢個樣舊舊地咁, 其實呢間雅士餐廳大有來頭, 幾十年前粉嶺有個英軍軍營, 呢間餐廳專為英國軍官而開, 以前冇乜平民食得起 hehe 時移世易, 而家我地平民都有得食啦, 價錢仲好大眾化tim, 一個dinner set 都係around $200! 成餐飯好有細個跟爸爸媽媽去鋸扒既感覺, 食物質素很不錯, 值得推介!…查看更多

想試好耐，次次經過都好多人，終於搵左日4點幾先黎食，無咁多人，等左15mins左右就有得食。點心果然屬高質素之列，難怪每日任何時段都咁多人，當中蝦餃最值得推介，皮薄餡靚👍…查看更多

九龍城餐廳林立，但每次經過Cafe Ceres都總係坐無虛席。相信睇開食評，大家對佢既all day breakfast都唔陌生，但我反而想推介紹一下佢既burger，牛肉多汁而且肉味濃郁，比起soho區既burger 一d都輸蝕，價錢相宜，無記錯只係$108 plus 加一, burger迷值得一試!…查看更多

1年前同朋友食過一次, 佢個黑毛豬無論口感定味道都認真一流, 個sauce even better!上年年中帶另一個朋友食多一次, 唔知係換左個廚定換左供應商, 個sauce無變, 但黑毛豬完全唔得! "鞋"恰恰咁...朋友都好失望....上個禮拜再試多次, 睇下會唔會有返以前既水準, 點知更加失望... 塊黑毛豬兩邊都好"un", "鞋"恰恰咁, 但中間仲係場粉紅色, 未煮熟...真係失望到不得了。 講真加埋一, 塊扒成$400+, 真係唔應該係呢個水準, 間餐廳越做越差....真係好難再會有下次…查看更多

無訂位, 好彩時間8點幾先去到, 等左15分鐘左右就有得食, 下次都係打電話去book定位好d!佢地主打燒雞, 全部澳洲入口無激素, 所以食得好放心, 咪道亦唔錯!最抵讚係佢送既餐包, 熱呼呼咁上碟! 外脆內軟!不過野食choice真係唔多, 飲料更少, 得4款, 仲要$38/杯, 都幾貴…查看更多