Yube Wong的個人專頁

慶祝老公生日, 第一次去食尚發小廚, 一入餐廳, 老闆娘好熱情的款待。來食飯前都有上OPENRICE睇食評, 見到人話呢度的烤魚好食, 所以試咗一個 唔辣的 金香烤魚, 條魚的份量都幾大條, 肉質滑, (如果唔走辣) 應該會更好味。 另外, 老闆娘推介我咃食冰鎮千層咕嚕肉，咕嚕肉整體唔錯 (我屋企人話好食, 夠脆), 但我比較鍾意傳統熱食咕嚕肉。除咗烤魚, 咕嚕肉外, 我哋另外叫咗個 八味一口炸豆腐  & 一客蜜糖雞翼， 豆腐好食, 炸得好, 夠乾身, 夠脆。 由於2大2小去食飯, 試唔到其他菜式, 下次會再試下食雞煲。 …查看更多

昨日第一次去奧海城的香港地食晚飯, 第一感覺是: 冷氣唔夠涼。 但由於餐廳有位, 小朋友又肚餓，於是我地一家三口就坐低了。見到餐牌的食物相片賣相唔錯，由於第一次食, 又因為香港地有JOIN 美心集團的APPS, 我以為要出去cashier 俾錢買食物，我問餐廳職員，點知哥仔話氣唔好咁講:  「我地唔係快餐店，係揾人落單的!」 點完菜，我地叫咗兩杯 (維他奶沙冰) 俾我2個仔， 另一個侍應拎沙冰上枱時，竟然同我講:  「我覺得你真係好怪， 唔會有人叫2杯一樣味道的沙冰， 通常人地會叫唔同口味， 我覺得你好怪!!!」 我真係俾呢個侍應嚇了一跳。  ... 乜顧客唔可以叫兩杯一樣口味的飲品嗎?  我叫相同口味的飲品係好怪嗎?....我唔會再去幫襯呢間香港地...…查看更多

想食海鮮慶祝生日，屯門三聖村的海鮮出名新鮮又唔貴， 我地就揀咗買海鮮去南記食飯。由於我地一早已訂枱, 所以當日我地去到唔使等位，我地預訂了半隻燒鵝， 一到步燒鵝即上碟，熱熱的燒鵝入口， 比起出面其他的店鋪真係好味, 但我覺得比起佢隔離的X記就差少少鵝的香味!   (食得太快, 忘記影相)我地六個人,  我地買咗琵琶蝦、大扇貝、奄仔蟹、花螺、瀨尿蝦、花竹蝦俾南記加工, 真係炒得好好味, 尤其係芝士焗琵琶蝦，一啲都唔溜，好入味! 推介! …查看更多

金船長餐廳 的名字聽了很多年, 聽講好好味, 約了親友一行6人去試下食晚餐。 訂了7PM的枱, 但其中一位親友要7:10先可以到達, 我地問餐廳可以先入坐還是等齊人才入坐, 餐廳職員話 一入坐無論齊唔齊人都係計1.5小時用餐。 咁我地更係等人齊才入坐。 餐廳地方唔算大, 我地根據網上的食評點選咗以下菜式: 綠豆蓉湯:  唔太甜黑松露菌醬意式馬斯卡普芝士夾心比薩: 雖然係PIZZA, 但個賣相及口感都似三文治, 黑松露菌醬味好濃, 成份PIZZA, 我淨係食到黑松露醬味道, 但係佢地的提子醋汁就好特別，人地話餐廳侍應會介紹PIZZA的食法, 個日就無人介紹俾我地。 自選車仔意粉;  老虎蝦配帆立貝天使麵 ($168):  阿嫂話呢個天使麵唔錯,蝦新鮮, 最欣賞係可以分開汁上法式焗田螺配法底多士 ($68):  田螺好細隻, 味道一般蜜糖慢煮豬手配蜜糖燒汁 ($168): 豬手好淋, 好香, 好食燒紐西蘭羊架 ($188):  我地叫7成熟的羊架, 但餐廳煮到好生, 應該得5成熟, 羊架全完唔似燒的, 係水煮, 羊架的表面一D都唔似燒過, 羊味唔夠濃   (忘記影相)美國特級西冷牛扒 ($278): 我地叫了2份5成熟的牛扒, 點知一份係5成熟, 好味, 但另一份似8成熟, 好韌原味金船長梳乎厘 ($38):  梳乎厘賣相好好, 唔係太甜, 味道唔錯   …查看更多

餐廳位於太子地鐵站附近, 地點好方便, 餐廳的燈飾暗暗地, 好舒服。 今晚同老爺奶奶慶祝生日, 平時慶祝食中菜, 今次就試下Home Sweet Home 食西菜。 我地一行11人, 被安排坐係一張長枱, 方便傾計。 餐廳職員好有禮貌，唔會趨住大家點菜， 由於多人，我地點咗好多菜，斧頭扒 、羊架、德國豬手、香草燒春雞、芝士焗龍蝦、 原條炸魚、黑松露PIZZA等。   頭盤有海鮮拼盤及新鮮生蠔， 我地特別欣賞佢地的餐湯， 細細杯，再配埋鵝干多士，份量岩岩好。  斧頭扒 - 一上碟已經好搶眼， 而且塊扒好嫩。 羊架燒得剛剛好，皮脆內嫩， 另外，特別推介黑松露PIZZA，真係好香，好好味! …查看更多

與家人慶生， 想搵間有象拔蚌刺身的火鍋店， 上網食評見到財記火鍋，於是去試下。 店舖哥哥話我哋5個人， 叫咗一條（中size) 的象拔蚌刺身俾我地， 真係好新鮮， 鮮甜， 上碟賣相都好靚。 我哋另外叫咗一隻阿拉斯加長腳蟹， 同樣新鮮， 好多蟹膏， 蟹膏味好濃郁， 長腳蟹的肉質爽口鮮味濃， 食完以上海鮮已經飽咗一半。 火鍋類， 頂級手切牛 真係好好味， 自製響鈴又好脆唔會太油。 真心推介…查看更多

太開心又去Home Sweet Home 食生日飯， 今年帶埋兩個小朋友去， 阿仔一去到， 就話間餐廳好舒服。 今日實在太高興， 由店主親自主理的餸菜， 真係好好味， 頭盤海鮮及生蠔， 好味 新鮮， 店主好細心， 見到細仔唔啱食冷盤， 另外整了迷理牛角包俾阿仔😊主菜的燒春雞， 賣相好特別， 用了一個雀籠做裝飾， 味道好好。 炸魚， 德國豬手， 斧頭扒都好好味， 而且份量好大， 甜品有自家製雪糕及甜品拼盤， 雪糕好香， 甜品品會太甜， 好好味。 下次會繼續光顧😋…查看更多