今日本來想去葵芳嗰間kfc早餐，以前每次去kfc早餐一直都係食開烤雞扒配炒蛋,腸,轉蜜糖鬆餅,另加通粉，見依家餐牌有個多一點早餐，就問收銀員呢個7號餐轉蜜糖鬆餅得唔得？佢話唔轉得，甘我咪照返平時甘叫5號deluxe雞扒餐多士轉蜜糖鬆餅，另加通粉，佢又話唔轉得，我同佢講我平時一直都係甘叫開，跟住連另外嘅職員都埋加把口解釋話依加公司規定唔可以轉，甘我就問佢3號可唔可以轉烤雞扒？佢話可以， 咁我就同佢講我要個3號轉烤雞扒 加炒蛋加通粉咁得啦掛！？佢又話咁樣唔得,只可以加一樣,一係+炒蛋一係+通粉！嗰陣我已經燥燥哋！！咁我就同佢講總之我而家要烤雞扒,腸仔,炒蛋,配蜜糖鬆餅加埋個通粉！你鍾意點配點落咩餐都好啦！！佢又話冇得咁樣叫！真係勁無奈！唔知佢想點囉！？又趕住返工，唯有走啦…嘢食就喺曬個櫃度就係唔肯買比我！？我想問下…依家早餐係唔係真係唔可以咁樣配搭呢？！如果以後要呢個配搭就唔可以賣比我嘅我諗我都唔會再去kfc食早餐……查看更多
肯德基家鄉雞 (KFC)
2018-11-22
以上食評乃用戶個人意見 , 並不代表OpenRice之觀點。
讚好
