hamai的個人專頁

服務好麻麻，大廳做得五枱客，可能只做PRD同熟客。問經理有乜好食，佢話：食唔食鮑魚吖？唔使即煮嘅燒味都幾好食，清炒通菜變咗雞湯通菜。紅酒牛尾煲比較靭，咬唔開，嘗試用刀叉，都唔係好得。隔離枱枱都有酸蕎頭做小食，我得碟花生🥲埋單$825含加一。本來星期日訂咗房宴客，即刻取消轉場。中午包廂五人最低消費$4800+10% （只計食物，酒水另計）。…查看更多

今晚是要慶祝朋友的生日，通過介紹，訂了這間米之蓮餐廳在18:00食飯。我在17:55左右到，見到有一位衣著很斯文的女性客人在reception旁等候但沒有一個服務員理會她，我起初以為餐廳滿座及正在排隊，於是我也排在她後面等候，很奇怪該位女士突然對我説：「呢間餐廳啲人服務好有問題，唔好幫襯佢⋯。」話畢就轉身向電梯間走，離開了餐廳。我也不以為然，見沒有人排在我前面，便走向reception並表達我有訂桌，服務人員告訴我餐廳未開始營業，並帶我到餐廳靠中央位置一張桌，告訴我在哪兒等。我望向較遠處的落地玻璃有一列露台，可以見到維港景色，又正有兩個客人在飲酒，於是我便要求到露台坐坐，叫杯Virgin Mary，邊坐邊等入席⋯⋯。可是，餐廳職員話：「外面係酒吧嚟嘅，要先做RAT⋯⋯。」隨即我展示了在手機相簿一張在早上做的RAT照片，可是職員告訴我要把資料寫在RAT棒上⋯⋯我話冇問題，咁你可否安排我重新做一次RAT？個Standard應該點做？佢話支RAT30蚊，standard叫我睇告示牌，之後入去廁所做。好，我影低個牌，即刻入廁所對住做，做完返去reception 想畀職員睇睇，點知，職員又問返我貴姓同埋有冇訂位？當時，只有我一個客人⋯⋯。搞咗一陣，職員又帶返我去中央位置嗰張檯，我話我想出去露台飲杯嘢，同埋支放喺膠袋嘅RAT點處理？職員話我可以出去，叫我自己攞住支RAT。終於叫咗杯Virgin Mary，都幾快，味道ok，欣賞吓風景。朋友到了，帶返口罩去守住露台講英文個職員，請佢去幫幫我朋友做RAT，佢話好⋯又等咗廿分鐘，見個朋友仲未出嚟，擔心有事，再去同職員問個究竟，職員話我朋友仲喺廁所⋯，又等咗陣，朋友call我話職員唔畀佢入嚟，咁我又行番去reception睇吓發生乜嘢事，我問職員，職員話我朋友RAT唔合規格做法，並表示職員有向我朋友講規矩而喺我朋友唔守規矩（原來資料寫咗喺手機張相而唔係支RAT上面），而支RAT又掉咗喇。唉！嘅然入唔到去，人貴乎自知，埋單走人，高處不勝寒！生日應該開心啲。…查看更多