Cafe22的個人專頁

觀塘工廠大廈林立，近年食肆紛紛入主工廠大廈，一心是其中一間，網評不錯而且交通便捷，出牛頭角地鐵站行入工業區幾分鐘便到，就跟朋友去試試。周一晚肆人唔算太多，唔需等位, 仲可以邊食邊傾，時間好快就過。日近推介食素菜漢堡，好奇叫了一SET經典未來漢堡，估不到用大豆纖維和紅菜頭造成漢堡扒跟牛肉漢堡質感差唔多，味道也分別不大，如果唔講都唔覺得係是素菜做，比牛肉做更健康，卡里路又低。仲加咗個二人PIZZA餐，選了千島雜菌PIZZA和椰汁香芋雜菌意粉，伴田園鮮果沙律，還附送餐湯、甜品和餐飲，真係相當豐富。估不到千𡷊醬配雜菌都相當惹味，椰汁香芋野菌意粉啖啖椰香又不蓋過野鮮香，鮮果沙律好多生果一點都唔馬虎。由於我哋係個於是叫多一個黑松露炒時令雜菜和賽坊蟹, 所以都好飽, 最後再叫個一荀蘋果鮮蔬果汁又青甜又幫助消化。埋單計數人均消費$150, 都很合理。…查看更多

由於地舖租金實在太貴, 小店食肆都紛紛進駐工廈, 以便提高食物質數, 1988就是其中一間, 食物份量都唔細, 味道適中, 好合胃口.店舖唔大大概30-40個坐位, 但以白色為主調配以綠色植物, 感覺好舒服、雅緻, 好啱朋友聚舊。我地先來叫主食有小食拼盤、柚子沙律、炒椰菜苗、烤薄餅、黃咖喱牛腩和無骨豬手; 飽餐還叫了蜜糖撻配西柚啫喱和士多啤梨拿破崙做飯後甜品。最後埋單人均消費$213, 呢到可以再來.-小食拼盤包括2件蝦餅, 2條春卷和4粒雞棗, 蝦餅外脆肉質煙韌彈牙, 雞棗細細粒似炸燒賣, 春卷又鬆脆可口-柚子沙律, 大大粒蝦仁配大大件柚子, 但有微辣-炒椰菜苗-烤薄餅, 好鬆化可口配黃咖喱汁一絶-黃咖喱牛腩, 好香口燜得好冧入口溶化, 薯仔又唔爛      -無骨豬肉, 用卥水汁燜冧, 好入味, 仲有好多菜墊底 -蜜糖撻配西柚啫喱蜜糖撻, 好香口-士多啤梨拿破崙 - 賣相吸引, 亦唔算好甜, 怕甜唔好點太多士多啤梨醬…查看更多

係旺角食肆林立日式放題食得多，趁天氣轉涼去食韓燒放題都係唔錯選擇。見食評大都話呢到D食物好新鮮，而且海鮮類都唔少，價錢亦唔算貴，就約朋友去試試。我哋8點到，用膳時間110分鐘, 即係可以慢慢燒, 唔使食得太急。座位隔間亦算寬鬆, 抽氣系統都唔錯唔覺好大煙。傳統韓燒要自己去拎食物, 呢到用點菜紙, 寫好交俾店員, 廚房準傋好就送上枱, 而飲品和調味料就要自己拎。坐低後我哋海鮮和肉類每樣叫小小我哋, 睇吓邊D新鮮邊D啱口味再reorder。海鮮和蔬菜䫶最先到, 有大蝦、扇貝、 帶子和蒜蓉芝士生蠔睇落都好新鮮, 急不及待放係鐵板上燒烤. 我哋點的烤肥牛、雪花肥牛、薄切西冷牛扒和金菇牛肉卷, 外觀都好新鮮和上碟擺置亦好靚食慾大增。烤了好一陣，大蝦和帶子先熟，終於可以食啦！大蝦肉質好彈牙，帶子有鮮味。之後是烤豬頭枕, 黑豕豬肉和香草羊西冷； 由於是薄切，唔使燒好耐就嗅到陣陣肉香，沾小小醬油己經好好味；再來的雪花肥牛，肥肉分佈好均勻入口即融； 薄切西冷牛扒，雖然切得薄薄，但燒到微焦食落唔錯。最後韓國MELONA水果味雪條做甜品，完美！以食物質素來說，人均消費＄273 算合理； 如果 21:30後入座全單7拆，真係好抵食。…查看更多

第一次去元朗韓舍食放題, 雖然市中心遠D,  但店面開闊,   座得好舒服, 而且抽風系統做得好好,食完唔會成身煙味。我哋7:10PM呢到可以食足2小時, 時間都好充裕。我們先看看食物BAR,  除了基本的燒烤的蔬菜和肉類外,  還有刺生, 壽司等等, 最驚喜有爆谷和手搞綿花糖。入座後, 服務員先細心為我們的爐上先放燒烤紙，感覺衛生。在等待燒烤中途, 先叫了三文魚和甜蝦刺生, 味道鮮美。食過刺生後開始烤肉, 先來是豬頸肉, 豬排, 南瓜和一些菇類等等, 烤了一陣食物都熟了, D肉類調味唔錯無需添加醬料已經啱啱好, 唔會過鹹和過淡, 肉質又唔太冧, 最後我們又烤了羊架入口帶小小羊膻味, 都唔錯; 紅洋蔥烤起來有陣陣惹人的香氣, 而且食落帶甜。最後食埋生和甜品-焦糖牛奶布甸, 感覺就完滿, 埋單連加1服務費每人$218, 如果9:00PM入座最少平50蚊。…查看更多

在這10月尾的日子約了朋友在旺角食飯，經朋友推介就來試試。店舖雖細，但坐得都舒服最啱二人世界。餐牌選擇唔算多，但由頭盤到甜品都相當豐富。我們叫一客6隻生蠔（$128），分別美國、南非及愛爾蘭，服務員細心提醒由淡到濃味，生鮮非常鮮美。之後再叫抵食經典二人晚餐（$328）頭盤3選2, 餐湯、沙律, 主菜7選2, 加埋甜品及餐飲都係$328。食完生蠔上咗2款頭盤: (1) 青平果鵝肝多士 - 鵝肝燒到表面香脆，加片鮮青蘋果片減咗鵝肝油膩, 好美味; (2) 迷你芝士拼盤 - 有三款芝士，最濃郁就係藍芝士，最啱鐘意芝味一族。餐湯係蘑菇湯 - 好多蘑菇蓉, 可惜食完芝士後, 變得淡味咗；傳統凱撒沙律 -d菜好新鮮帶小小酸可以清洗口腔再去食主菜。主菜我哋叫咗 (1) 燒醬烤原味豬肋骨 - 香口惹味, 肉質嫩滑, 燒得啱啱好, 食指大動, 建議趁熱食;(2)波菜汁煙三文魚意粉 - 味道適中煙三文魚分量足, 意粉煙靭有𡁻口。最後甜品 - 士多啤梨醬配牛奶果涷, 餐飲 – 即磨咖啡。呢一餐食咗2個鍾, 仲有好多時間傾偈, 埋單找數連加1, 每人都係$251, 真係幾抵食。…查看更多

已有一段日子沒來過, 但仍記得上次食過的蟹膏蟹肉大蘑菇意大利飯真係美味, 所以今次約朋友來尋回味。店面坐位不多, 如五、六、日食晚飯, 最好預先訂位。我們7:00來到客人還很小, 小店感到很舒適。我們先看看餐牌似乎沒太改動, 先點了蟹膏蟹肉大蘑菇意大利飯($108)主食+$20包湯和飲品, 其次叫了吊燒脆皮春雞($118)。先上來的海鮮忌廉餐湯, 雖然是餐但好足料, 仲有小粒帶子, 真係驚喜。吊燒脆皮春雞, 賣相好靚, 外皮亦好脆、不過肉有D乾和味淡, 點埋佢的醬汁就啱啱好。再後上蟹膏蟹肉大蘑菇意大利飯, 大蘑菇載滿芝士yummy, 每啖飯都帶有蟹膏蟹肉的香味, 依然保持過往水準, 好滿足。最後叫埋餐飲, 再跟朋友閒聊一陣走啦, 完滿的尋回味之旅!…查看更多

元朗南攸街是近年的新興食街, 內街食肆林立, 大都是走平民化路線, 見到網評話呢到D食物質素唔錯, 決定相約好友食好嘢。門口不大唔太起眼, 但木質和麻石設計為主好有天然質感。餐廳雖然主打串燒和日式火鍋, 其實總類都好多, 壽司、刺生、米飯、麵食等等。打開menu樣樣都想叫, 最後連甜品, 共order咗10樣, 可謂十全十美:1. 安格斯牛小排壽喜燒($138)2.吉列蝦芝士反卷($48)         3.黑椒牛脷串燒($36)4.汁燒魷魚筒($82)5.鹽燒豚肉白菇串($26)         6.芝士啡菇($30)7.鹽燒海虎蝦($99)         8.松葉蟹粥($108)10. AFFOGATO($38)總括來講呢到的食物質素唔錯, 包括食材來原和廚工。個人最欣賞係鹽燒海虎蝦, 蝦身足足有手掌咁長, 超大隻, 外殼燒到好脆, 蝦身啖啖肉好鮮嫩, 蝦頭亦好清甜。其次松葉蟹粥大大窩, 而且蟹肉都唔少, 粥底唔太糊入口夾雜淡淡的海水鹹味和蟹肉的清甜味, 真係唔錯。再其次安格斯牛小排壽喜燒, 牛小排雪花均勻薄薄一片入口即溶, 個湯底都好清甜, 如果多D牛排就更好。最後不得不提個飯後意式甜品AFFOGATO,其實係一杯Esspreso+雲呢拿雪糕, 雪糕的甜中和咗Esspreso的酸和苦澀味, 亦令雪糕唔太甜太膩, 食完後真係好回味, 要相約朋友再來食一餐。…查看更多

校長係元朗都開咗一段日子, 加上朋友題議, 於是決定BOOK位。呢到坐位唔算好多, 晚肆WALK-IN可能無位, 多人就最好先落booking。店肉的座位都好寬敞, 抽風都幾好, 坐落唔覺好煙。入座後服務員先講明收費(每位$198+1), 不久服務員就問我哋要唔要加$19試吓新鮮生蠔, 其實都唔算貴, 於是叫了 2隻試試。入座後先去掃一圈, 刺生和壽司款式唔算太多, 但都好新鮮, 沙律bar亦唔錯, 而佔最大部份是肉食雞、牛、羊、豬和海鮮應該有的都有, 每樣都想試, 所以揀咗鍾意先拎小小試下, 食完一輪再翻抄。開火不久, 生蠔就到都好新鮮肥美, 入口鮮甜。之後穀飼豚肉卷、穀飼牛肋眼心條和海蝦, 肉食都好鮮味, 加上多款醬料, 分外美味; 最後是羊扒, 比我想像中好唔太酥, 調味也適中保留羊肉的鮮味。食完肉又燒蔬菜、菇菌和菠蘿, 菠蘿經火燒後更鮮甜, 黎到一定要食。之後再燒牛五花和豬五花, 入口肉味又唔錯值得推荐。2個鍾燒吓食吓傾吓一陣就過仲意猶未盡, 仲有好多款食物未食就飽飽, 搵日再約朋友黎食過。如果7:00結賬仲抵食。…查看更多

今日朋友約去位於佐敦橫街的日式燒肉店, 裡面氣氛平常去慣放題式燒烤店, 好唔同, 店舖細細, 坐位唔算多, 但坐得都OK舒服, 可以慢慢食。我哋睇咗餐牌先ORDER咗美國PRIME牛小排、美國PRIME牛角切、豚腩肉(鹽燒)和日本產帆立貝, 磯煮鮑魚, 沙律, 雜錦天婦羅和海膽冷稻庭手打烏冬等等, 真係好多選擇, 唔只燒肉咁簡單。而最先到係一客兩隻大大隻磯煮鮑魚, 肉質鮮嫩、醬汁濃郁。然後就是今的主角美國PRIME牛小排、美國PRIME牛角切、豚腩肉(鹽燒)和日本產立貝(配牛油、蒜蓉、黑松露醬)。店員仲細心先教我哋燒烤竅門, 點燒得惹味D, 好似豚腩肉燒好後再重複快燒令表面金黃帶小小焦入口脆脆, 加上本身的肉味感覺好好。牛小排的燒法, 基本上跟豚肉差唔多, 只係唔使燒咁耐, 保留肉汁, 入口就更美味。而牛角切因切成粒狀所以入口牛味更重。最後再燒帆立貝, 牛油受熱後連蒜蓉、黑松露醬一齊煮, 食落都又幾惹味。係燒烤其間其他食物都陸陸上, 包括日本安曇野豆腐沙律(胡麻醬), 豆腐入口滑不溜口, 沙律菜亦好新鮮; 而雜錦天婦羅的分量都唔少, 炸蝦就有3隻, 粉漿適中, 就算放耐咗都仲脆脆哋; 最後海膽冷稻庭手打烏冬亦相當美味, 手打烏冬好彈牙再撈埋鮮美海膽感覺好滿足。…查看更多

上次食過都幾好, 所以又再約其他朋友呢食餐好, 可能是平日客人唔算好多, 可以慢慢食, 呢到的二人套餐都唔錯, 包湯、頭盆、主菜、甜品和飲品, 真係好豐富, 落柯打時忡見到”$1美食大放送”有3款美食任揀, 睇落唔錯於是一人叫一份。最先上是香草薯蓉餐湯, 入口好有質感。 而後上的就是頭盆煙鴨胸沙律和黑毛豬串燒沙律, 沙律醬用黑醋再加胡麻醬入口香濃而不膩, 黑毛豬串燒比較少吃, 呢到做得都唔錯, 肉質較爽口。再來就是”$1美食大放送”的香煎大蝦伴薯蓉和香蒜包糠焗扇貝, 這2個小食真材實料, 而且味美, 沒有因為是特賣而粗製濫造, 值得讚賞。主菜點了美國安格斯肉眼扒伴虎蝦和日式七味炸雞配煙味烤腸伴茄蓉意大利飯。安格斯肉眼牛扒肉質鮮嫩, 牛味十足, 如果用鐵板上溫度高D, 會更美味; 而虎蝦件頭都唔細, 入口仲彈牙。七味炸雞做得香脆惹味, 意大利飯除了茄蓉、煙味烤腸, 還加咗脆肉瓜, 入口好有層次感。而甜品焦糠芝士蛋糕配芒果奶涷真係有驚喜, 賣相已相當吸引, 用果醬畫成公仔,  而且唔太甜, 蛋糕有濃濃集糖味, 奶涷亦好有芒果味, 一d都唔馬虎。最好柯打咗熱的韓國蘋果茶和熱情恒久特飲, 都幾香幾好飲。最後埋單HK$616.-,都唔算太貴, 無論份量與食材方面, 都keep到水準。…查看更多

經朋友介紹來了這間樓上西餐廳食晚飯。雖然地方唔算大, 坐位唔算多, 每張枱都有D距離, 坐得都幾舒服。一入門口左手邊黑板寫有廚師推介由湯到甜品都有, 見黑板上寫有”酥炸雞脾菇配芝士醬”小食外邊唔多見, 賣相都好靚, 食落外脆內軟配咗芝士醬又幾好吃, 而且炸完唔覺好油, 下次可以再叫。其後上的是”意大利黑松露醬雜菌批”, 來的時候已聞到陣陣的黑松露香味, 批面舖滿黑松露醬和蘑菇, 批身都做得薄, 所以一入口黑松露醬和蘑菇的味道都好出, 值得一試。然後是”火箭菜芝士甜菜頭手製扁意粉” 呢隻手工意粉比較冧身和帶甜配芝士入口有D膩, 但配咗火箭菜一齊食又唔覺, 味道都算ok。最後的主菜係”香草檸檬焗法國春雞 “, , 用咗香草檸檬醃製入口小小酸香濃之餘又惹味, 隻雞的size比較小所以好入味, 肉質細嫩, 而配菜沙律用士多啤梨醬又幾好食幾fresh, 仲有大大舊薯蓉, 分量十足。最後意又未盡再點了2個甜品”蘋果紅莓子奶酥撻”和 “焦糖醬甜脆香蕉酥”。 “蘋果紅莓子奶酥撻”其實似蘋果金寶, 但呢個仲多咗紅莓, 味道層次更豐富; 而甜脆香蕉酥用酥皮包住香蕉再焗, 切開後裡面仲熱辣辣, 攤咗陣入口仲好熱, 仲有D燙口, 因為香蕉帶甜, 再加焦糖就好似甜咗小小, 如果焦糖醬另上, 要幾甜點幾多就最好。埋單計數每人HK$245.-係銅鑼灣區都唔算太貴, 日後可以再來。…查看更多

一間遠離市中心不起眼的小餐, 早前食過都唔錯, 所以相約朋友再來食飯.今次叫咗德國咸豬手($158)+蟹膏蟹肉大蘑菇意大利飯($108)主食+$20包湯和飲品. 忌廉湯好creamy而且有粒粒帶子肉: 飲完湯先來個蟹膏蟹肉大蘑菇意大利飯, 眼望上去份量唔算多, 不過蟹膏肉都唔少, 先將係蘑菇面的的蟹膏和芝士撈混在share食, 入口都相當滋味每啖都有蟹膏蟹肉, 唔怪得咁多人推介, 真係唔錯, 而且其他西餐呢個飯都少見; 之後再來德國咸豬手, 食完個飯都有小小飽, 好彩呢個菜配蜜糖芥末汁, 豬手肉入口都唔覺膩, 而且外皮好脆, 肉質唔太乾帶咸香, 配菜係炸薯角和甘荀蓉, 出奇地呢個甘荀蓉真係做得好好, 甜甜地仲好有甘荀味, 總結呢餐都有80分以上.呢到的裝修都都唔錯, 唯一唔好就係坐位少d, 如果想試食最好提前訂位。…查看更多

辛苦了將近一年到12月都係時候好好奬勵自己, 所以今次搵咗間走高中檔路線的餐廳與朋友聚舊, Forever就是今次選擇, 場雖然唔係算好細, 每個座位之間都有小小距離, 所以座位不多, 客人唔會好多, 坐得都幾舒服, 最緊要係唔會俾人趨交枱, 可以慢慢傾和品嚐食物。門面有個二人套餐$548, 主菜4選2有美國頂級1855安格斯肉眼扒(10安士)、烤澳洲羊鞍、挪威三文魚鮮茄忌廉汁手作麵和干邑龍蝦汁伴花蝦意大利飯揀, 真係樣樣都好吸引。入座後先了2杯紅葡萄柚汁乳酪酸甜甜好開胃, 真係好窩心, 然後我們再看餐牌點菜。我們叫咗一個二人餐, 最先上迷你牛角入口還有小小暖, 意式雜菜湯有濃濃蕃茄味唔錯; 而頭盤係蜜糖鴨胸沙律味道唔錯一點都唔覺膩,串燒牛柳粒都OK有牛味; 主菜先來干邑龍蝦汁伴花蝦意大利飯, 賣相都好吸引, 亦好足料, 花蝦好爽好大隻, 個干邑龍蝦汁濃淡適中, 意大利飯軟硬啱啱好, 真係做得好好; 之後再來另一個主菜美國頂級1855安格斯肉眼扒(10安士), 切成0.5CM厚度叫咗6成熟入口鬆軟配焗薯蓉亦相當出色; 最後還有小蛋糕做甜品當相滿足。飲品係即磨咖啡和韓國蘋果茶, +10%後埋單都係每人300, 單以食物質素來計都唔算貴, 值得再來。…查看更多

係平日的夜中環沒有了日間的緊張, 但在皇后道中一帶仍然熱鬧, 不過今晚來到這間主打西式素食餐廳, 卻顯得寧靜, 事原新開業伙耐, 知道的人不多, 可以跟好友好好暢聚一番。入門第一個感覺好舒服, 而且已換上聖誕節裝飾, 好有氣氛, 而服務員態度亦好好, 先為我們遞上MENU和送上水. 這杯不起眼的清水居然是用青瓜和檸檬葉浸泡的, 相當清新。坐落不久我們點了2個主菜蒜片義大利粉和牛肝菌義大利飯+$68有沙律和餐湯. 最先上是雜菜沙律, 用黑醋再加小小蜜糖做醬汁配答好好, 突顯疏菜的原味. 然後上來餐湯, 一個order洋蔥湯、一個磨菇湯, 蘑菇湯好creamy好有磨菇味, 洋蔥湯都好清, 如果多少少鹽帶起洋蔥的甜應該會好d.主菜先上來是蒜片義大利粉, 主要係用蒜片同香草再加小小辣椒去煮, 估唔到都好惹味; 再上是牛肝菌義大利飯, 牛肝菌好香好濃, 牛肝菌都唔少, 味道都唔錯。食完主菜, 我們點了2杯咖啡, 一邊傾偈一邊嘆咖啡, 咖啡雖然無拉花, 但個豆很香, 順帶一提呢到唔用鮮奶, 取而代支係有機豆奶, 做得都好好, 唔怕瞓唔着, 可以試試。…查看更多

今日朋友相約於元朗食放題, 近幾元朗入住了多日式食肆放題是其中之一, 但呢間店食都算是座落市中心位置, 但入口真係幾隠秘係內街稍一不留神就錯過。店舖位於地庫經過一條樓梯後就到了店內, 店內裝修以木質為主, 天花掛咗閃燈好有氣氛。入座後見點茶紙旁邊推介+$98就有生蠔及松葉蟹任食+加埋人頭$228, 每位$326都可以試試。食放題最緊要係由淡味到濃味先能食出食物的味道; 所以今次都唔例外先order生蠔、松葉蟹和刺生, 刺生選擇除主打三文魚和甜蝦外, 還有油甘魚、希靈魚, 鮮帶子和象拔貝刺生; 上菜速度好快, 我哋好快有得食, 刺生賣相好新鮮, 入口鮮甜無雪味, 唯一係象拔貝刺生太細食唔出佢的味道。炸物我哋先order大蝦天婦羅和魷魚花枝, 然後是南瓜天婦羅和蕃薯天婦羅, 呢d都係即叫即整, 上枱後仲有d熱, 粉漿薄食入口唔會一舊舊粉都唔錯。燒物就order黃金燒蠔和鹽燒三文魚頭, 兩樣都做得唔錯. 黃金燒蠔用都芝士個味道好夾; 鹽燒三文魚頭, 外皮有焦香, 但保持到肉汁唔太乾, 調味清清哋又能帶出魚的鮮味。最後叫埋焗薯、枝豆和溫室菠蘿都好滿足, 真係大快朵頤。而最驚喜係發現在韓國的生果味雪條, 真係超正! 呢到食物種類好多一次都食唔齊全.…查看更多