bibipang的個人專頁

今日想食韓國嘢，上OpenRice睇唔多選擇，見到呢間啲相幾吸引又新，決定試吓:)佢哋開12點，我哋12點鬆啲到係佢第一枱客佢間舖唔大，得一張4人枱同3張2人枱，所以最好係佢啱啱開鋪既時候去，滿左既就唔知要等幾耐老闆係香港人，老闆娘係韓國人，所以係正宗家庭式韓國菜食物唔多選擇，但我鍾意食既佢都有，所以唔係大問題兩個人食，其實真係嗌得太多，不過冇辦法，樣樣都想試，食淨嗰啲就打包左前菜個泡菜係自家製，比出面辣，唔錯韓式無骨炸雞配甜辣醬：呢個係半份嘅份量，雞好嫩又唔乾，堅好味迷你泡菜煎餅：真係超級超級好味！外面個皮係脆既，裏面又超多料，係我食過最好味既泡菜煎餅之一同埋佢唔會好似出面咁樣一大塊煎，係分開細細塊逐塊逐塊煎，睇得出老闆娘好有心機！部隊火鍋（2人份）加芝士：又係極度推介！超級多料，超大鍋！芝士可以拉絲！個湯係泡菜湯個湯，所以都忍唔住飲咗碗餐肉每塊都煎過，睇得出又係好有心機整！食完飯佢哋既囡囡仲送左個斜咩袋俾我哋做聖誕禮物，好sweet另外見到有一台客係個伯伯之前食過要個女再帶佢泥，老闆娘竟然記得個伯伯之前食過乜嘢，充滿人情味…查看更多

冬天唔係打邊爐就係食燒肉，之前上網見到呢間任食自助串燒幾得意，今日終於一試喇有好多唔同嘅醬料可以配搭，想辣嘅仲可以加七味粉同埋孜然粉座位好寬敞，仲可以坐窗口位第一次食自助燒烤，同想像中好唔同，爐嘅兩邊都有齒輪，啲串燒放咗落去就會自轉！我哋以為要燒好耐先有得食，但係佢自己轉下轉下啲嘢好快就熟，仲要燒得好平均！一定燒得好過同埋快過自己平時燒嘢食顛覆我嘅想像！送餐嘅時間亦都好快食物款式超多，有肉有海鮮有丸類有蔬菜就算係牛都有幾款！仲可以嗌生菜包住啲燒嘅嘢食食，冇咁熱氣嘢飲都有好多選擇:)食咗好多串，大滿足雪糕仲要係Häagen-Dazs走嘅時候都差唔多滿座！順帶一提佢啲抽風系統真係唔錯，食完唔會一陣味…查看更多

友人話大鴻輝18樓雞煲好好味，一定要帶我去試:)因為有預約，所以一上去已經有位，仲可以坐窗邊卡位其實雞煲已經夠味，不過重口味嘅朋友都可以去自助醬料區整自己嘅醬料小辣雞煲：平時食米線食開小/中辣，呢個雞煲嘅辣度食得舒服，又夠味！雞肉嫩滑份量多，我哋兩個人都食得晒每張枱面都有一樽湯，食完雞煲加湯打邊爐特別推介醬爆豆卜 & 豆腐脆脆魚蛋：好特別，出面又少有，啱晒我呢啲鍾意豆製品既人自家製響鈴卷：一啲都唔hea，即製最欣賞佢既份量啱啱好，可以食得多款式之餘又唔會嘥野 仲有上菜速度好快！肉類全部都高質，特別係牛！有美國特選安格斯肩胛牛頸脊 & 美國安格斯雪花牛仔骨小排菜有勁多種類飲品都好多種類！最正係佢有冷泡茶！無糖！啱晒我呢啲健康人士最後仲有甜品corner，可以自己整雪糕走嘅時候全院滿座…查看更多

平時食開麻辣邊爐，今日唔想咁刺激想養吓生，所以特登嚟呢度試吓佢個花膠雞基本嘅醬料都有齊:)濃厚原隻雞煲花膠湯(小)：細都好大煲，裏面有半隻雞，花膠嘅份量亦都好多食晒啲花膠同雞，飲埋啲雞湯先再加湯打邊爐，最正係面頭嗰層雞油，令到成個湯都好濃味手切頂級安格斯牛肉：脂肪比例分布平均，牛味濃郁花膠蟹粉餃皇：裏面勁多蟹粉，食落啖啖蟹味，正！響鈴：好抵食，比出面大碟好多萵筍：舊舊都厚切唐生菜：好大籃，份量好足青檸梳打：比汽水健康，配搭打邊爐一流…查看更多

今日去元朗接人放工，佢話帶我去食轉角優質西餐餐湯：蕃茄湯味道好濃郁好杰，好足料麵包：有三款唔同嘅麵包，熱辣辣藜麥牛油果沙律：裏面有超多藜麥同牛油果！仲有青瓜、蕃茄同埋唔同種類嘅沙律菜配以蜜糖醋香濃芝士焗薯條：好多芝士，仲食得出有唔同種類嘅芝士，有cheddar & mozzarella，啱晒芝士控 點埋sour cream仲正！炭燒日本豬腩：豬腩十分juicy，一啲都唔乾，必嗌 啲配菜有新薯、蘆筍、蕃茄同埋椰菜花，都好好味！法邊豆，蘆筍及風乾蕃茄羅勒青醬長通粉：醬料好夠，條條長通粉都好入味Tropical forest：接骨木花同菠蘿配以梳打水Gunner：薑味汽水配薑啤…查看更多

同事成日話佢屋企附近有一間馳名雞煲叫八妹雞煲，今日就俾佢帶我去跨區搵食啦醬料區：基本嘅醬料都有提供，甚至有細個成日食既粟米筒秘製八妹雞煲 (半隻)：同事唔太食得辣，所以嗌左微辣，但係個雞煲醬依然十分惹味雞肉份量足夠，非常嫩滑入味！秘製麻辣醬：個人覺得係必點！咁啲雞就有辣有唔辣喇仲可以用嚟沾打邊爐既嘢食，又可以加落打邊爐嘅湯底！A級安格斯肥牛(小)：唔好睇佢細細碟，啲牛肉有好多層！脂肪分布平均，肉味濃豬爽肉：新鮮，同個麻辣醬好夾梅林午餐肉：煮耐左都唔易散:)即炸響鈴：舖頭自己整，熱辣辣又脆卜卜什餃：有自家製雲吞、韭菜餃同埋魚皮餃，啱晒兩個人食三拼：有萵筍、鮮淮山同埋蘿蔔片油麥菜：新鮮鴛鴦滑(蝦滑+墨魚滑)：蝦滑好彈牙，墨魚滑亦都好鮮甜我地都覺得墨魚滑超好味！凍椰汁冰：好大杯，好抵飲！凍檸柑桔：好正，好啱打邊爐飲！唔係度度有，必嗌總括嚟講食物好味又新鮮，份量亦足夠，一定會再嚟幫襯！順帶一提呢度嘅服務都超級好，姐姐見我哋就咁落啲滑，就教我哋要將啲蟹子撳落去啲滑度，咁就唔會打邊爐嘅時候甩晒出嚟！攞過好多獎啲裝修都好有特色，環境亦衛生企理仲有新鮮海鮮，下次嚟可以試吓！…查看更多

武漢肺炎肆虐，搞到係酸菜魚忠實粉絲嘅我都唔敢返大陸，朋友話廚十三同太二嘅幕後班底係一樣，咁堅，等我試一試佢頂下癮先刀拍前男友：微辣，友人全晚既最愛老虎椒愛松花蛋：好香蒜味碧綠脆笋：必嗌，食咁多濃味野，點都要嗌碟清新既上上籤：係我至愛呀！麻麻辣辣，有蓮藕、椰菜花、萵筍、海帶隔壁小孩饞哭了：即席煮既鹹肉炒椰菜避風塘魚腩：份量多，啖啖肉，冇骨大份酸菜魚：我哋再額外加咗午餐肉、青筍片、豆卜、木耳同埋寬粉！呢碟酸菜魚真係可以媲美太二既酸菜魚，魚肉滑溜冇骨，酸菜超入味提子風味梳打特飲 & 芒果風味梳打特飲 & 可樂廚十三係我食過最似大陸嘅正宗酸菜魚，一定會再幫襯！餐廳位置寬躺舒適，窗口位仲有夜景添！當晚全場滿座，仲有好多人等位！…查看更多

船皇係厚福街稍尾，位置便利，十分易找:)門面有一半開放，方便街外客人叫外賣串燒及飲品每枱均有不同既調味醬汁重量級和牛船皇湯麵：嗌船皇湯麵可以加$5升級將全部餸轉做和牛片！和牛片分量多，食得出係靚牛！我哋嗌左米粉，小辣，索哂啲湯汁超級正船皇撈麵：配料有牛腩、牛肉片、牛肉丸、雞絲、雞翼、豬肉、豬肉丸同豬潤，好足料！呢碗我哋嗌左金邊粉，同埋小辣，佢唔算多醬撈，不過可以自行加枱面嘅調味醬串燒泰式豬肉丸子 & 豬頸肉串燒配沙嗲醬：即叫即整泰式秘製醬通菜：小小甜小小辣幾好味凍青檸梳打：個外型好特別，亦都夠晒大杯…查看更多

今次第二次食金鶴，估唔到土瓜灣都有，啱哂九龍人係土瓜灣街市附近:)餐廳兩大主打，今次一次過嗌哂佢金鶴.雞白湯：自從喺東京食過雞白湯之後，就完全愛上左呢一隻湯底香港好少拉麵店主打雞白湯，上次係金鶴試咗極濃.雞白湯，所以今次試吓佢哋嘅主打金鶴.雞白湯。金鶴.雞白湯既湯底係由赤雞熬製6小時而成，味道濃郁，但係唔會漏。而極濃.雞白湯既湯底則更加濃厚，更加creamy，適合重口味/大食嘅朋友。而鍾意清啲細食啲嘅朋友則推薦金鶴.雞白湯。值得一提嘅係佢哋嘅配菜全部都好好味，雞肉同豬肉都好嫩推薦！活燒蒲燒鰻魚飯：餐廳指明嚴選2公斤嘅頂級鰻魚，喺鋪頭裏面劏同埋生燒，即叫即燒。鰻魚每塊都好厚，外脆內嫩，超級正店舖亦都指明選用日本七星米，配埋鰻魚汁，簡直係一絕一定要去試！飲品餐廳裏面嘅裝修亦都充滿左日式風味，衛生程度亦十分之高…查看更多

今日去開大角咀，見到奧海城附近有條街都幾正，好多西式餐廳，好有western feel，最後揀左德國菜西班牙風乾火腿配凱撒沙律：個沙律都幾大碗，Parma ham 既份量都算多，醬料好夠味香草醬煙三文魚意粉：好多三文魚，同個香草醬好夾傳統德國白豬手：炸豬手就食得多喇，今日唔想食熱氣野，特登嗌咗呢個傳統白豬手！好食、好食、好食！重要嘅事要講三次白豬手冇炸豬手咁漏同咸，食得多都冇咁滯！配菜亦都好出色切晒之後，份量十分多Hoegaarden  Rosee：配豬手一流Pear  Honey：好清新…查看更多

Plan左同屋企人去Mikiki，想食扒食西餐，係OpenRice見到呢間 TC bistro 好近，所以就決定book去食是日沙律：加錢轉左套餐所以有沙律，啲呑拿魚整得好有誠意，外熟內生，好有層次感是日餐湯：大蒜薯仔湯配蒜蓉包，啲薯仔溶哂落啲湯度，正！蒜蓉包香脆，仲有啲蕃茄乾係裡面海鮮香酥盒：裡面有好多海鮮，有蝦有帶子，足料威靈頓牛柳：上網見到好想試，所以預定左！香脆既酥皮包住牛柳，牛柳啲肉汁滲哂入啲酥皮度，同牛柳一齊食個感覺好特別，分開食又得！薯蓉有薯仔唔係粉！另一驚喜係個焗大蒜，平日唔食蒜既我都大like 龍蝦米多(半份)：半隻龍蝦肉加埋蘑菇同芝士整碎一齊焗，啱哂啲想食龍蝦既懶人，而且份量一啲都唔少美國安格斯肉眼：我好推薦既一道菜，嗌左5成，個熟度啱啱好！肉質juicy有牛味！最緊要既係呢個價錢有大大塊咁好質素既牛扒真係世間少有焦糖燉蛋：啱啱整好熱辣辣，好吃Monkey King：麥芽味濃，蜜桃芳香:)Kyoho Calpis Soda：巨峰提子梳打，開胃Peach Calpis Soda：蜜桃梳打，清新…查看更多

難得同屋企人去尖沙咀，梗係要帶佢哋食餐好因為驚冇位，所以6點鐘就去到！大既窗口位就坐到六個人，我哋四個人就坐到側邊嘅窗口位Rose tea：唔似其他餐廳係用出面啲茶包或者淨係玫瑰乾花，佢哋有自己嘅花茶recipe，仲可以refill炸粗直薯條配黑松露醬：薯條新鮮炸，蛋黃醬有滿滿既黑松露，正燒原隻波士頓龍蝦 14oz：龍蝦肉鮮甜，好味燒安格斯肉眼扒配野菌紅酒燒汁 (10oz)：五成熟，啱啱好，肉質鮮嫩！最驚喜嘅係啲薯片配菜，係用新鮮薯仔切片整成，大愛北海道帶子明太子意粉配三文魚籽：個醬汁有濃郁嘅明太子味，好creamy，意粉煮得啱啱好，好出色墨汁海鮮意大利飯：有好多唔同款嘅海鮮，全部都好新鮮，個risotto亦煮得好好，唔會太淋或者太硬總括嚟講，Shine 嘅環境好有情調，亦有望到對面海嘅窗口位，食物質素偏高，值得一去…查看更多

Accidentally saw this cafe on OpenRice few days ago and I was amazed by the positive reviews and amount of it has so I decided to try it out myself After having a look of the menu, we decided to order 2 dinner sets :)Soup of the day: The soup was rich with a taste of carrot and pumpkin Garlic bread: The bread was crispy with an adequate amount of garlic sauce spread on top Garlic bread is always a good match with soup US angus sirloin: We ordered medium for the steak and it was nicely cooked and juicy. The steak was served with red wine sauce and a variety of vegetable such as potatoes, tomatoes, broccoli and salad.Spaghetti with prawn in cod roe: The sauce was very creamy and it went well with the lemon juice. I was surprised by the amounts of prawns. This is the dish that I’d highly recommend Ice lemon tea without sugar and less ice: My all time favorite drink It’s a nice place for dinner with good foods and good environment …查看更多

今日去開旺角行街，上OpenRice睇吓有咩好食，見到Station3有咁多好評，所以一於去試吓佢燒牛肉配田園沙律 (晚餐A)：呢碟沙律嘅份量好大，燒牛肉有好多塊，沙律菜堆到成座山咁高，啲沙律菜好新鮮，配埋芝麻醬一流特級海鮮拼盤：有炸魚柳、炸蝦、炸蟹鉗、炸帶子同埋薯條，again 份量好多墨西哥雞翼：呢款雞翼好特別，個醬有啲似中式嘅醬，超微辣:)墨西哥香辣肉丸燴意粉(晚餐F)：有好多粒肉丸，意粉軟硬適中，配埋辣辣地嘅番茄醬，讚黑松露帶子鮮菌燴意大利飯：呢個意大利飯做得好出色，啲飯唔會太濕或者太硬，黑松露嘅味道亦都控制得好好，好多雜菌同埋帶子Oreo朱古力曲奇：好飲審判（青蘋果、菠蘿、薄荷、檸檬沙冰）：賣相一流西柚梳打：有椰果金桔青檸西班牙咖啡（雪糕咖啡）門口有好多board game提供呢度真係好適合同朋友聚會，因為有好多三邊大梳化，最多可以坐到8個人圍住傾計，再加埋個無敵夜景，開開心心又一餐…查看更多

上次同屋企人食完覺得正，今次特登帶啲朋友再去食等緊雞煲嘅時候就食咗個Wasabi 牛柳粒，牛肉一啲都唔會韌，同Wasabi味出奇地夾上次食咗重慶麻辣雞煲，今次試咗個辣酒花螺雞煲（小辣），啲雞好入味，花螺好快就已經俾人清晒十全大寶丸：全部手打新鮮整，啲味同配搭好特別，滿足晒大家不同嘅願望自創爆芝響鈴：響鈴每一層都夾住塊芝士，新鮮炸，好正！沾湯食好味，但係就咁食更加好味冬瓜片頂級安格斯牛小排 & 西班牙頂級黑豚豬腩片：一句講晒，係靚牛同靚豬蟹子墨魚滑：夠實，夠鮮味新鮮肥鵝腸：份量夠多魚皮餃：朋友至愛牛柏葉：朋友們搶住食蘿蔔片皇帝菜青瓜特飲 & 西柚特飲 & 大檸樂：杯杯都好大杯，好抵飲，打邊爐啱晒臨走仲有瑞士蓮朱古力免費攞嚟食…查看更多