Sue.ch的個人專頁

以前一直係Oppa Cafe 既粉絲，好耐無嚟。朋友嚟香港特登帶朋友嚟食，點之水準下降，極之失望，唔會再嚟。叫左一碟炸雞，明明叫無骨，上咗有骨，都算。炸到勁乾，無乜肉食。以前係勁juicy, 現家得皮，無肉。另外叫左炒飯，好似無未炒熟咁，要叫佢再炒先得。第一次炒係仲濕，第二次炒先叫做好d,但味道同以前已經唔同。口味上完全同以前唔同，以後都唔想嚟，完全係浪費金錢同時間。價錢唔係平，奉勸大家唔使再嚟。服務普通。人均差唔多$300,叫左兩樣野+1 枝啤酒，尖沙咀有更多更好選擇，唔會再嚟。…查看更多

d 服務員完全唔識serve 客 態度唔好 野又唔好食 又貴。完全唔夠人手做野 要嗌好多次啲服務員先至過嚟。 冇錯滿枱但都覺得嘈 如果坐滿晒應該會好嘈 聽唔到同台食飯嘅人講咩 如果係一般茶樓 坦白講好正常 但而家收到咁貴 但食得一啲都唔舒服…查看更多

星期五突然之間想食all day breakfast,就嚟咗呢度食啦。之前冇book位，但嚟度都好多位。叫咗一個全日早餐，Benedict ,同埋黑松露薯條。啲食物好快就黎到。食物質素正常，個人特別喜愛全日早餐入邊嘅果醬，味道鮮甜。Benedict 嘅蛋係流心蛋，切嘅時候就要小心啲啦。黑松露薯條入邊除咗有炸薯條仲有炸番薯條，都幾特別，但認為松露薯條嘅松露味道可以在濃郁啲。…查看更多

第二次去每日，上次去係午餐時間，今次去係晚餐時間。發現唔同嘅係晚餐多一個湯，胡椒湯，冇生炒糯米飯，但有餃子配辣油（五辛），晚餐時間有香蕉拔絲。今次係同一個朋友嚟食，佢係隨機分配位置，所以想坐靚位就要早啲嚟。食品類仍有好多，但可能因為六點鐘到，所以有啲食品未上齊。有頭盤、湯類、中式主菜、沙律、水果、甜品、糖水、飲品。好多食品都冇數肉同蛋，適合全素嘅人食。而且無乜素肉食品，較天然👍🏻。中餐類型偏多，想食西式素食嘅話未必係一個好嘅選擇。我人最驚喜係胡椒湯， 因為坊間唔係好多素嘅胡椒湯，而個人十分喜歡胡椒味。另外甜品都十分出眾，特愛綠茶芋泥餅同香蕉🍌拔絲。我同友人都唔係素食人士，但成餐食完好滿足，完全唔覺得係好dry, 而且無一種無食到肉唔滿足既感覺。適合肉食同素食人仕既餐廳。食得多肉又想清下腸胃既你，十分推介呢間餐廳👍🏻如果想去食，提議先book位。…查看更多

趁有lunch 半價優惠，就快快book 位去。d 枱夠大，唔會覺得好逼。叫左豚肉set 半價$72 , 友人叫左昆布湯，我就叫左麻辣。麻辣都夠辣，加埋豬肉好match! 好多菌類。有菜，有手工丸x4（丸或餃子二選一）豚肉五件。包埋野飲。手工丸好食！新鮮！半價喱講真係抵！岩曬學生哥！平時食小辣既我覺得個湯真係好正，好麻！昆布湯鮮甜，唔食辣既岩曬！…查看更多

超好食既$28 蚊粉麵 嚟到大埔必食！今次食左炸魚片頭+雲吞麵 魚片爽口彈牙厚身 好耐未試過係出面食到咁厚身既魚片 雲吞大大粒有兩粒蝦 麵勁爽唔淋！$28 蚊有呢個質素 性格比高 …查看更多

好失望 叫左個lunch set 係beyond burger 既set, 已經係平日非繁忙時間買（晏晝4點幾） burger 包底係淋既 唔係脆 擺明係濕左 (一嚟到即食）成個包都唔係好脆雜菜湯水準正常+12蚊有個餃子x2 正常水準另外，其實我都明侍應都會攰，企左成日，但， 個餐出左就醒定d 唔好玩住先， 個客拎完餐先玩，傾下計。傾計唔緊要，但唔好太大聲， 大聲到成個area 都聽到。 希望Green Common 會正視下，既然你地唔係打平價茶餐廳質素， 就唔好比平價茶餐廳服務。樓面係最前線接觸到客人， impression 係好重要。…查看更多

一入到去有大麥茶，服務ok. 試左佢每日限定既岩户山 即係松茸拉麵。 由細到大都未食過松茸 所以我都唔知有無真松茸味。 第一眼見到好多油 飲落d 湯都幾多油，唔知係咪正宗，我個人就一般like 佢。 個湯算鮮，有濃郁既茹菌味。 麵口感岩岩好，唔軟唔太硬。 叉燒都ok. d 茹有d 焦味，唔知特登定係本身係咁定點。 整體還可以（以連鎖店黎講）。 服務態度都ok, 叫左杯野飲，食完個麵都未到， 我叫取消，個waiter 話出緊，我話我個麵都食完啦喎，佢願意幫我取消，算係咁啦。 …查看更多

諗住熟食中心d 野應該ok, 就求其搵間， 點知好難食。 佢得魚蛋麵同粉賣，叫左碗麵，完全無口感， 蝦子麵泥既，唔係手打麵。 d 魚蛋都ok, 魚片就無口感，又係軟既。d 湯我懷疑係味精湯，越飲越口渴。價錢唔平唔貴，一碗29, 相比起大埔其他麵店呢個價正常。 新蔡潤記好好多， 而且平過佢。…查看更多

新年好多店都無開，見喱間新開就去試下，但失望而回。首先，入到去點左個魚蛋麵走青，最後無走到。同佢講我叫走青，佢幫我整走左淨番少少，佢就話有少少唔緊要啦。（雖然碗野係29蚊唔係咩高級茶餐廳，但寧願佢唔好講喱句） 之後佢比左個碗我自己整走食物方面，d 麵好普通，無特別爽口同彈性。魚片口感軟，完全無彈性，魚蛋好d,同普通魚蛋無咩分別。相比大埔其他粉麵，呢間係較遜色。…查看更多