winwin16的個人專頁

下午茶時段超級唔掂無服務見到客企喺門口都係睇你唔到張凳有水漬唔比餐牌你 嗌極都無人過來正係識企係埋邊廚房位傾計最正嘅係終於等到有人來落單 個姐姐拎住個滴水嘅盆幫我寫單啲水係咁滴落嚟寫完單遞起隻手出嚟 “比餐牌我”...😲佢隻手離枱面個餐牌位連一把間尺嘅長度都無到想叫埋單個姐姐明明見到我叫佢, 佢專登仲企過啲企喺條柱後面遮住自己當睇我唔到繼續傾計傾到眉飛色舞真心, 嘢食唔特别出色, 加埋呢種服務態度 永遠唔會有第二次…查看更多

聽同事講公司附近間生果店有買芒果糯米糍, 講到好正又好低食, 講到心郁郁, 上星期忍唔住🐭咗落街... 聽講逢 12點, 3點同6點, 3個時段先開買, 同同事 3點正對面街過馬路時見到條人龍好恐怖 😱😱😱 ... 原來要提早排隊攞籌先, 結果...心有不甘, 過 2日再去, 今次提早出發, 結果成功攞到各 6個 max.籌， yeah~✌✌果然, 真係好低 $10件, 而且 好肥, 美, 大, 甜 😍😋😋😋, 成條新鮮芒果, 糯米皮都好煙韌, 如果個皮可以厚多小小仲更加正, 最正係成件有 5"長有多呀~ 正正正! 甜甜甜! 低低低! 芒果糯米糍, 我會再嚟㗎！…查看更多

上星期，為慶祝同區工作嘅朋友嘅 Bday，人 book 咗 D2 Place 嘅 Little Break Coffee Kitchen 食lunch。第一次去，感覺環境清幽，加上鄰枱為外國人，有一霎那以為自己身處外國嘅地方小館 ~ 係可以約埋三五知己傾下野嘅好地方！ 人點咗 Set lunch 嘅 "炭燒美國西冷牛扒配松露燒汁"，"香煎雞扒配辣味芒果醬" & "脆炸龍脷柳配他他汁"。先嚟 "是日餐湯"：由於店員沒介紹，我哋無問又掛住傾計 ，所以無留意飲嘅係咩湯，只覺買相OK，味道可以嘅一種忌廉湯！配搭餐湯之麵包係細長條包，小小硬但點了湯後還可以！主菜：Set Lunch A : 炭燒美國西冷牛扒配松露燒汁先前掛住傾計，無為以店員無問牛扒要幾成熟！但又覺得上枱嘅西冷牛扒燒得剛剛好，肉質 OK 小小血但唔見血，松露燒汁好味，但薯條略鹹 ...Set Lunch B : 香煎雞扒配辣味芒果醬朋友話雞扒肉質唔"鞋" OK，果醬佢無講，但意粉略鹹 ...Set Lunch C : 脆炸龍脷柳配他他汁龍脷柳好大件, 一下子感覺以為去咗倫敦 。龍脷肉質白滑, 皮炸得都好脆, 唯他他汁同薯條又係鹹咗dd ...餐飲只點了普通凍檸茶少冰同普通 coffee，2杯凍檸茶少冰分開上，1杯正常多冰1杯真係少冰   ...食物是日略鹹，但以荔枝角區嚟講水準算唔太差，但還有改善空間！店員有禮貌但略欠經驗，都係有改善空間！整體新店嚟講係 OK，還會再來 ~ 加油哦！…查看更多

星期五晚約咗舊同學  人晚餐  聚舊，有人提議去雲來軒。當晚點咗幾款出名嘅小菜：金磚豆腐, 醒胃話梅雞, 大漠風沙鮮蟲草牛肉卷, 水芙蓉蒸明蝦球 同 名廚亞保靚湯 - 全部賣相都好精美, 好有驚喜！金磚豆腐 -豆腐好滑面好脆！大漠風沙鮮蟲草牛肉卷 - 最岩愛食牛嘅我 ~ yummy!水芙蓉蒸明蝦球 - 蛋滑蝦大隻又新鮮, 如果多d 蝦就好啦 ~ 名廚亞保靚湯 - 無味精 ~ 正！唯 醒胃話梅雞 我就一般般, 可能我唔愛食話梅, 但我 d friend 又話食唔出有話梅味 整體上地方整潔, 服務員有禮！ 不過棉登徑位置 ~ 好難搵, google map 都幫唔到手！…查看更多

星期日與囝囝及老公响佐敦附近晚飯慶祝爸爸節。食完亂逛睇睇有咩飯後甜品食，竟然行到去金巴利道！原來呢到新開咗間"小甜谷"，聽就聽過呢間店好耐但唔就腳仲未試過 ~ 還好晚上7點仲未到甜品peak hour，可以人少少比囝囝舒舒服服咁嘆吓！(聽講晚飯後夜d勁多人 )我點咗 "千層酥皮芒果卷配雪糕" 同囝囝 share，老公就點咗 "楊枝金露涼晶晶" 不得了！囝囝勁愛千層酥皮芒果卷！酥皮好脆一層層好薄熱辣辣！芒果合時新鮮好甜！老公個楊枝金露都好掂呀，白色嘅涼晶晶係荔枝味！食完唔夠喉，老板推介 "北海道牛乳燉蛋白"！ ~ 呢個真係驚喜！又滑又香！最"正"係甜得嚟唔會太過甜！最岩我呢d又要食甜但又唔想太過甜嘅麻煩友！另外環境乾淨整潔，老板同員工都好親切！下次行過一定會再幫襯試埋其它甜品！~ 加油！！！…查看更多