Zoeip730的個人專頁

open rice book枱18：30，入到去朋友未到齊，肯比我地入去坐住先，唔起鐘，都幾好人，不過坐低就無介紹個套餐點食，我地係開返social media先清楚大約點進行，由雞煲至火鍋，我地都疑惑緊海鮮係點嗌，雞煲唔係太好肉，兩件大舊嘅雞頸，三隻雞翼，其餘五六舊雞肋之類嘅物體，有些少揸流灘，椰子湯底則十分香濃清甜，去到我地開聲轉火鍋湯底，佢先比個QR code我地，迷底先解開😂原來火鍋開始先用手機點生料，選擇不多，佢會上第一round必出海鮮，蝦係生猛嘅，但手機落嘅飽魚同蝦就唔新鮮了，整體唔差嘅，如果同類型餐廳可以比較的話，我會揀“家嫂一家大小”，高質d…查看更多

食物質素每間舖都統一，食過瓊華，今次食大鴻輝安平，人流較鬆動，唔會太多客，入座快最喜歡食雞爽肉，多春魚，另外我最愛的蒜片，和菜一起夾肉食職員服務方面，荃灣比較優勝，旺角同事服務無乜溫度，木口木面，未至於黑面，但無咁舒服，荃灣同事會為我們老人家拿常溫飲品，細心解釋會員登入程序，服務very good熟食方面，滷水鴨舌，叫左四五次，秒清，好好食，有一個炸苦瓜，幾過癮，可以一試少少建議，成為會員QR Code搞搞佢，scan完係空白畫面，兩間分店都試過，好彩職員教我第二個途徑登入…查看更多

頭兩次都係去旺角雅蘭，今次去左荃灣大鴻輝，相對下，食客數量差好多，旺角好爆場，荃灣我去到計埋我得五枱左右，場面冷清，點左$358個餐，員工有耐性親切回應查詢，說明Level 2有我想要的牛肉，上菜快，頭round上左一座牛山，真的食唔哂，係超過十片大片的薄牛扒，不知道是否策略🤭想先塞飽食客，腌牛我最喜愛，每次都點很多round ，保持水準，完全滿意，多春魚同螺都很不錯，新鮮，只是氣氛有些靜，會再幫襯，唔洗排隊…查看更多

第二次幫襯，懷住第一次嘅滿意再返去先講第一次體驗，大約係四月份，餐牌主菜選擇多，豬牛雞魚漢堡都齊，而且味道好好，社交平台介紹睇到已經覺得好吸引，有半自助食品，有源源不絕嘅龍蝦及其他凍嗰鮮，甜品亦非常交代到，第一次真係好滿意，滿分比十分9/7 第二次幫襯，book左18：30，當時無乜人，我諗緊可能時間尚早，入座後，同朋友開始睇餐牌，打算點一豬一牛主菜，然後半自助套餐，點知點菜時職員先通知無豬無蟹，咁點解唔一入去帶位時講呢？都算啦諗住揀第二個主菜，先留意到大約有十個餐，兩個係飯，四五個係牛，一個魚，一個豬，其實除左牛就無得再揀其他嘢，最後硬住頭皮揀魚（兩個都唔鍾意食魚）出到半自助食品區，見到甜品少過之前，我諗少左都有四五款左右，海鮮區得兩隻龍蝦，但蝦，青口，螺係海量的，我食完第一轉之後，諗住再出去夾龍蝦，點知都無fill，我就問行過嘅職員：想問下有無得fill龍蝦架？職員回應：我地呢d叫時令海鮮，唔會淨係比龍蝦，廚房打落黎話有就有架啦。。。。我覺得今次黎食係一個錯，因為有第一次嘅比較，覺得今次佢地縮哂皮，一路食到尾都唔爆場，回想第一次，座無虛席，今次就好疏落，星期日都唔爆，我相信餐牌無豬無蟹都係因為無生意縮皮，海鮮慳住出係唔想蝕比我卦，甜品都係，不過我想講$358一位，我點嗰個牛係要加錢的（好似+$188）平心而論，味道仍然出色，但服務令我唔會再去啦，人均五百蚊一位，我有其他選擇…查看更多

同朋友慶祝生日，黎之前睇過大家嘅相片和評語，已經覺得好吸引了，環境私隱度高，每個間隔有垂簾，點左刺身，炒野菜，串燒等等基本上點嗰幾樣都好好食，好新鮮，送嘅燒蠔都唔馬虎，大隻又鮮味，其實價錢比我想像中平，係得幾個食品，如海膽，生鮮嘅魚刺身會高價少少，以後會經常黎😋😋😋😋…查看更多

晚市七點半黎，無乜客，職員好友善親切，細心推介餐牌同定食內容，地方乾淨簡潔朋友朝住個厚切吉列豬而黎，想試下，我就無乜所謂，我就點左個燒牛小排定食，食物賣相幾好，不過味道一般，椰菜好唔新鮮，係淋左唔係爽脆的，食落無乜味道，豬扒都係無乜味，真係好難形容到對食物個印象燒牛小排我覺得係正常發揮，但無好超越嘅感覺，好多地方都可以食到呢種質素，另外茶碗蒸有少少失望，可能食得元X茶碗蒸太多，覺得呢度個茶碗蒸。。。不好吃…查看更多

食物是正常水準，貼地的經典點心，提供舒適環境都係食店的關鍵，室內環境好熱室溫都有廿八九度，冷氣開左幾分鐘就閂了，食得滿身汗，無哂心情食嘢，食物方面，蝦餃皮太厚，蝦春卷未算出色，蝦不夠彈牙，牛肚正常發揮，已是最好的，鳳爪可以再濃味d…查看更多

2020/10/28 沙田連城17：38入去，17：40自動落單，17：50追過店員，17：56追多一次，都未有得食，18：00發現17：57先真正幫我追單，期間不停隔離枱都有餐到，我隔離枱係人手落單，兩分鐘有餐到係點解？我到最後18：04乜都無食過就離開左而家係佢地漏我單，點解無人幫我優先處理，差不多半個鐘嘅order都未能上到餐桌，係合理時間嗎？我未試過食碗麵會咁唔開心，仲要餓住走…查看更多