NightToDay的個人專頁

勇者壽司聽得多, 勇者拉麵今日真係令我大開眼界 ! 入到去座位唔舒服唔講, 見到樓面個個面色都唔似善類 !呢方面真係要大大扣分。完全好似入左間大牌檔咁。我就叫左個豬骨湯既拉麵, 個名係乜我都冇深究。賣相真係好似人地食剩拎出黎咁 ! 所以我唔否認我覺得佢難食係呢方面有主觀既講法。但的確好難食, 唔知點講湯似豬骨湯但飲落唔似豬骨湯, 反而似芝麻湯 ? 麵就根本係公仔麵...冇蔥, 冇乜配料.冇下次 ! …查看更多

今日忽然想食烏冬, 之前食赤丸都失望到爆, 點知原來一還有一山高見今日正常閒日, 同朋友3個去呢個自家烏冬到食, 一坐落都睇到服務員眼神都不善好似係到叫我地快快落order咁, 真係唔知點解, 係咪我地阻住班年輕人玩電話 ?我地都算, 人地都係打工仔姐, 男人老狗唔通比返面色佢地睇咩 !咁我地就叫左咖啡牛肉鳥冬, 胡麻溫泉蛋雞絲"涼"掛, 鮮茄豬軟骨鳥冬, 同埋牛舌小食 !先講講咖啡牛肉鳥冬, 個入面寫湯鳥冬, 實際我睇到似勞麵多個湯面, 但食落還算OK至於胡麻溫泉蛋雞絲"涼"掛呢, 佢本身應該係冷掛, 唔知點解佢比左碟涼掛我, 姐係不熱不凍大熱天時, 正想食返碗冷麵, 點知黎碗涼既...心中不快, 仲要我都冇叫多汁, 佢就懶係大方咁比左勁多汁我, 大佬, 唔係比得多就係正... 搞到涼得黎又膩...我真係食到一半頂唔順。鮮茄豬軟骨鳥冬, 就話湯好有鮮茄味..因為我之前食都係似向羅宋湯咁. 反而佢係篇向蕃茄味呢碗的確值得欣賞的, 但又點 ?食到一半就對張單埋黎 ? ? ? 我好清楚自己係冇叫埋單唉, 既然佢地都有心想我地走, 只好快快食完就走啦, 但一定冇下次…查看更多