bdyng1208的個人專頁

星期日天氣好好，約咗個朋友入嚟元朗飲嘢，但係行咗好多間都覺得好似環境唔係太靚太嘈，我哋想搵一啲可以坐幾個鐘頭Hea下又可以靜靜地吹水嘅地方。忽然記起上次去過嗰間 Sage Bar and Restaurant環境都幾好，不過佢上次冇酒牌，過咗成個月應該都有啦卦，所以搏一搏就行咗過去。朋友第一次黎，佢覺得環境都唔錯，尤其是好鍾意落地玻璃同埋工業風嘅裝修。我哋坐咗去Bar頭度，可以望住Bartender調教飲品。飲品Menu上邊都幾多款揀，啤酒、白酒、Cocktail都有。因為我哋都有選擇困難症，所以聽Bartender推介左呢兩款飲品。Cocktail都同出邊嘅價錢差不多，我哋啱啱趕得切happy hour，所以都幾抵。講返飲品，我哋叫咗一杯黃色同紅色嘅cocktail。紅色係Sangria，係西班牙傳統飲品，佢係有紅酒同埋檸檬檸汁、橙汁、君度橙酒，酒味唔算濃，甜甜地又有生果味，好適合happy hour 時間飲。黃色嗰杯係Bartender特製嘅，佢首先問咗我喜歡乜嘢味道，然後就根據我嘅喜好去沖咗呢一杯Cocktail俾我，有菠蘿汁嘅香味又有vodka嘅香味，真係好清新，Bartender好野！因為lunch我哋食得好飽，所以就冇叫嘢食啦，等下次再嚟嘅時時候叫啲芝士同cold cut，可以一邊飲一邊食。我哋一路傾，不知不覺之間就過咗兩個鐘頭，我會大力推介比元朗朋友，除咗嚟食嘢之外，其實響度飲吓嘢都可以relax地消磨一個下午。…查看更多

今日熱辣辣，最好就係涼住冷氣食brunch。見到依到有落地玻璃，可以坐響到欣賞出面景色，我地三個人就揀坐窗口位坐低。Brunch menu 有好多選擇，最後同行朋友揀左All day breakfast同pasta，我就揀左pizza。不過最後都係share食。All day breakfast款式都幾多，最有驚喜係焗薯仔，好香好滑既奶油，焗得岩岩好。沙律菜好新鮮，加埋個醬汁可以減低肉類油膩感。下次可以試下加$12食牛油果。意式煙肉蕃茄醬羊芝士飲管意粉個意粉比一般意粉粗身，好煙韌有咬口。蕃茄醬酸酸甜甜，響炎夏食特別開胃，我地好快已經清哂成碟。風乾巴馬火腿火箭菜薄餅係我最愛既薄底pizza，最怕食港式厚底pizza。Pizza底有蕃茄醬加上份量都唔少既巴馬火腿，火箭菜獨特味道，令我覺得好似響歐洲食緊lunch。總括來講，依間餐會係我地encore list入面，價錢唔貴食物高質，同埋我由2點坐到5點，都無比人黑面仲不停加水，星期日最岩響到hea住食。…查看更多