etchi0527的個人專頁

八號風球下大部分食店都提早關門，經過有間串燒煲仔飯小店繼續營業，所以試吓去。今次由於太夜，所以無試煲仔飯，但係隔離枱有食，聞到勁香，所以下次都會試下。另外如喜愛食辣，可以自行添加辣粉，都係不錯的選擇。最好食嘅燒雞皮竟然唔記得影相，燒到脆卜卜，推介之一。肉類包括 牛 羊 豬 雞都係正常肉類口感。燒豬頸肉份量很大，燒得焦香，很惹味。燒生蠔飽滿多汁，配上蒜蓉香口十足。燒白鱔皮脆肉嫩，亦係推介之一。燒四季豆唔會太干，配上蒜蓉醬汁，很香很搭。燒韭菜燒得啱啱好，唔干亦多汁。蘆筍五花卷五花肉焦香，配上旁邊酸酸甜甜汁，很開胃。…查看更多

高質鐵板燒，地點比較偏僻，位於一條小巷入面。一行4人品嚐，一入到坐底，發現師傅是一位女士，有驚喜，感覺亦會比較親切。點了$2980set，看似份量唔多，初頭有點擔心，商量緊需唔需要加其他食物 ，但是師傅表示，飽嘅，不用太擔心。這個價錢除咗食一些高質素的食物之外，亦可以見到師傅的表現。每款食物師傅都會細心介紹。以下就係將會食嘅海鮮，都會擺得靚靚咁樣俾我哋影吓相。前菜三點龍蝦配自家製醬汁南非鮑魚配肝醬鐵板蒜蓉炒蟶子煙燻吞拿魚腦天A4和牛肉眼炒飯蜜瓜加咖啡雪糕…查看更多

新店開張，去試一試。由於本人食量很小，所以對一些放題任食不太感興趣，中午時段有一些燒肉set，所以去可以試一試。由於四點就會落場，所以三點半就係last order 。三點去到，基本上只得一至兩枱客人。雖然不是食放題，但是沙律及飲品都是任飲任食，有非常多款選擇。兩款和牛不是最貴價錢，係中上價錢，性價比很高，牛味濃郁，入口即溶，雪花均勻。會有少量蔬菜配上，令到唔會太膩。另外配搭一個麵豉湯、泡菜、飯及甜品。Lunch黎講非常足夠，呢個質素如果用於放題，性價比非常高。有機會都會嘗試下。…查看更多

下午茶時段經過附近見到台式小店，有2層，店舖不大，裝修簡單，牆上貼咗一些小圖畫。4點時下層都坐左8成人。入去試吓，結果有驚喜。價錢非常親民，下午茶時段亦有一些tea set，都有多款選擇。大腸麵線(小）。的確係細細碗，似足台灣。味道略淡，但係非常啱我口味。起司肉鬆蛋餅看似簡單，但係入口非常台式，不會很油膩，芝士做到拉絲效果，食落口非常滿足感。另外兩杯飲品都非常有水準。小有地不需要收取加一服務費，的確不錯。會有機會再到給推介嘅小店…查看更多

新店開張，中午12點開始有午茶飲。11:45入到，11:55落單，職員表示12點才會入電腦。金絲海皇脆網腸好多酒樓都會有呢啲類似嘅腸粉，基本上都係用腸粉包着油炸鬼，入面有唔同嘅海鮮。但係呢個係值得推介嘅，因為腸粉頂部放滿木魚碎，令到整體味道改變，有新鮮感。金絲黑松露炸鮮奶炸鮮奶喺酒樓上已經少見，今次變咗創作料理點心，黑松露味都唔重，並沒有蓋過鮮奶味道，但係有點膩。椰皇花膠灌湯餃灌湯餃就食得多，竟然用個椰皇放入灌湯餃，第一次見。個湯充滿淡淡椰皇味，但係入面嘅餃皮略嫌厚重一點，但係份量都比較大。可能因為係新開張嘅關係，人手未夠充足，大約等咗25分鐘才有第一個點心到，三樣點心，大約45分鐘才到齊。咁其實因為飲茶，可以慢慢嘆茶，所以都可以接受嘅。…查看更多

紅糖飲茶有靚景，但如要坐窗口，最好提前預約。松露鵝肝海鮮荔茸盒一放入口只感覺到荔茸，因為荔茸份量偏多，隱約有小量松露味道。脆蝦紅米腸粉看似普通，個係所點食物入面最讚的。腸粉皮薄，入口香脆，放一陣後才吃，仍然脆口。雙籽鱈魚蟹肉餃皮薄，比普通蝦餃味道較為濃郁。蝦餃王當然都係皮薄餡靚，蝦肉爽口。瑤柱蟹肉灌湯餃湯比較清，感覺似菜湯。另外點左兩樣係主餐牌的食物桂花糖脆鱔球分量都可以，但偏甜，雖然表面醬汁很多，但是入面依然是脆的。糯米釀雞翼手工菜，味道都可以，但是$128只得一隻，略嫌少了。奶黃小金橘最尾食捚個甜品外表非常可愛，機本上除左外面嘅皮之外，成粒都係奶黃，變相太甜。二人lunch份量剛好，共大約$1000，性價比中上。…查看更多

8號風球落波後搵食，見到呢間食評都唔錯，所以入去試吓，但係失望嘅。唯一可以稱讚的是員工，有禮貌亦會不停加茶及收起吉碟。燒秋葵正路嘅，唔會太乾身。豚肉蘆筍串豚肉肥膏至少佔60%，蘆筍草青味太勁。燒油金魚鮫唔會太乾，唔錯嘅，但可惜配上沙律醬，因為油甘魚比較散，夾起魚基本上點唔到沙律醬。青龍卷相信卷物係此餐廳優勝地方，有好多款選擇，呢個係鰻魚牛油果卷，真係唔錯，牛油果夠熟，Size亦很好，一口一件。燒茄子賣相很好看，配上櫻花蝦，味道特別。牛肉鍋基本上最大問題就係呢個牛肉鍋，一望落去牛肉顏色相當有問題，結果煮熟後牛肉當然唔好食，但係鍋物Size偏大，分量足夠。…查看更多

點左一個一人餐$48+$78，包一碗淨麵，可以選擇加牛肉$18，同埋九宮格（小食拼盤）和一杯指定飲品。基本上一個人係食唔晒嘅，雖然係小食拼盤，但係每樣份量都唔少。首先牛肉麵方面，牛肉都比較淋，味道和麵質如果用$48的價錢性價比是不錯。小食拼盤方面大部份都出色，但是滷水蛋沒有味道，醉雞味道亦不夠，其餘七種食品都是中上評價。由於店舖是新開，每一台客人坐低時，職員都有禮貌地介紹給予書簽給客人填寫，可以掛於店舖入面的樹上。…查看更多

成日都要排長龍嘅人氣cafe，今日同友人一行二人食個Lunch，12:30到達，當然已經有幾個人排緊隊，大約等咗20分鐘就有位，都可以接受嘅。咁叫左個全日都有嘅餐，入面有好多野包括煙三文魚班尼迪蛋.窩夫.哈密瓜巴馬火腿.煙肉.豬肉腸.蕃茄.茄汁豆.什菇黎到後都有小小嚇親，成個碟放到滿晒，基本上腸仔煙肉都係基本野，唔會有太大問題，反而好欣賞入面嘅窩夫，好味點左杯餐飲，唔係餐包嘅，就用原價減$8，靚靚嘅拉花，可惜唔夠熱，純粹只係暖，有小許不能接受。…查看更多

Lunch 無端端想食班戟，今日喺附近工作，又唔想等位，所以經OpenRice點了個外賣。OpenRice表示要等30min，所以都預咗時間。我大約25分鐘已經到達，外賣已經預備好了，當時都有一點擔心，怕外賣會唔夠熱。5分鐘路程已返到，滿心歡喜，開出黎嘅時候有啲失望，明白外賣必定對比堂食一定有出入，但係個賣相非常很不良好。溫度係常溫，外賣來講算OK嘅。味道方面，基本上牛油果加三文魚加班戟係一件好穩陣嘅味道，結果味道方面係唔錯嘅。但係價錢和堂食係一樣，希望餐廳方面可以改善一下，例如將旁邊的沙律和班戟嘗試分開兩個盒，結果出嚟一定會好得多。…查看更多

當日一心買外賣，因為攜帶寵物，但查詢後此店可以攜帶寵物內進，但只能坐在指定座位。當然非常理解，門口的侍應亦很禮貌地解釋，滿心歡喜入店。唔想普普通通食最基本嘅小籠包所以點左一籠蟹肉小籠包，皮薄餡靚，但蟹味道唔夠。滷肉飯係食台灣野必須嘅，一人份量，所以價錢都合理。糖醋魚塊酸酸甜甜，黎到都係脆口嘅，配上新鮮嘅菠蘿多汁嘅生煎包，都係合理味道紅趜肉基本上唔知咩嚟，諗住試吓新野，結果中伏，係一份豬肉，加上一點醬汁，應該有少少酒係入面最後點左一杯熱飲，當我食完全餐飯時，飲品仍然很熱，係值得稱讚嘅。基本上係一餐合格嘅台式晚餐，但係呢個價錢性價比太低，同埋有一樣非常減分的事情，專門給寵物位置原先是一個有冷氣的地方，但係我哋食到出晒汗，非常非常熱，希望可以改善。…查看更多

星期六中午想係荃灣揾茶飲下又唔洗排隊係唔容易，記起荃灣廣場有一間細細地嘅茶樓，就試下有無位，啱啱好到達時仲有小量位由於同媽媽兩個人都細食，所以叫左3樣加一碗湯就夠。藍莓淮山（凍）酸酸甜甜，易入口。淮山爽口，分量兩人剛剛好。燉湯見中午餐牌無湯顯示，就問一問侍應，今日嘅湯係花旗參燉雞。味道係唔錯，夠味嘅，不過完全無花旗參味道。馬拉糕斑蘭就一定係綠色，吸睛。甜道偏低，質感軟，不過有小小乾身。蝦子柚皮今時今日蝦子柚皮已經買少見少，所以難得見到，必點。味道基本上無得輸，個汁一流，配上蝦子，絕配，不過有一點稍為失色 就係個質感，太淋，但整體黎講係可以一試嘅。…查看更多

近期晚餐已經小食澱粉質，但係今日放假，時間尚早，所以6點正當拉麵店開就沖左入去。一行兩人，一人一碗熱辣辣嘅拉麵。凍水就可以自己倒，很方便。枱面都有晒紙巾牙簽等。我就加左粟米（$10）都算多，令到碗麵望落去多一點色彩濃郁嘅湯底，叉燒方面都有4-5塊，份量都夠，同埋一點都唔肥，有咬口。流心蛋亦係拉麵必須品，剛剛好，唔生唔熟一碗就$73，性價比都很高，同埋唔洗加一收費。店舖細細，感覺都乾淨。相信都會再次光顧。…查看更多

今次係第二次幫襯，但係非常失望上一次幫襯嘅時候我寫咗一篇極力推薦的食評，但今次再去幫襯時，已經大不如前。希望餐廳能夠改善，食材係一間餐廳非常重要的當我結帳時，我有同經理反映，經理亦很有禮貌告知會同師傅反映。麵豉湯味道很濃郁，同平時嘅麵豉湯嘅味道完全唔一樣北海道海膽之前曾經強烈推薦，但今次很失望顏色上已經失色，吃下完全沒有鮮甜，相反多咗一種小小臭，其實坊間大部份的海膽都是這樣，所以其實不算太過分，只是上次幫襯時，係感覺到日本的味道大拖羅壽司今次亦是入口即溶，保持到水準另外墨魚壽司很有口感，亦是推介之一刺身方面帆立貝的Size有點偏小，但是味道也很鮮甜活赤貝爽口，亦夠厚，但是平時在其他地方活赤貝應該有2條(蘇)，難道餐牌上沒有寫明是原隻所以無？…查看更多

上網見到食評都唔錯，所以去試吓。雖然今次啲嘢食唔係全部都好食，但我會再食，但係就唔會點餐，會逐樣嘢叫，應該會吸引啲。另外少少提議給店員，因為我點了一個2人餐，食物都不少，但是，職員全部一次過上菜，一定係食唔切，所有食品一次過放喺張枱度，建議可以逐樣上菜。前菜，款式都比較多，大部份都係任食嘅蘿蔔牛舌蘿蔔及牛舌很入味，但是牛舌略嫌少了一點燒肉拼盤有四款部位加五花肉基本上牛肉幾款都合格，一如既往，放埋一齊都係分唔到邊一個部位，建議放一啲小牌子，介紹下另外五花肉係值得推介，因為脂肪均勻，雖然很肥膩，但容易入口加$95和牛西冷呢個會有職員幫忙燒，每面燒幾十秒都ok，燒完會放係一舊飯上面一齊食，入口即溶，推介醬油蟹加$285嗌咗一份醬油蟹，老實講呢個價錢唔吸引，因為只有一隻，大小亦偏細隻同埋味道一般，蟹膏鮮甜，但係蟹肉就麻麻地紅蝦配大墨魚紅蝦非常黐住D蝦殼，但係味都唔錯墨魚冇乜味道，但係爽口另外加咗一份豬皮，豬皮係醃咗嘅，個味道略嫌有少少鹹，但口感非常好…查看更多