appleyou的個人專頁

今日趁星期五Happy Friday, 我見時間尚早，就去左順路敏華幫趁，點知一d都唔Happy. 事原我早去到，就先坐了張大枱，之後靚女服務員問我：“你幾多個人？” 我話“1個” 佢就問我轉去第二度單邊位，我話“好啦，你幫我轉番張枱，因為我落左單了” 過左一陣，我問佢攞杯水，之後佢話“ 我會俾杯水你，你唔駛樣樣野都來轄制住我！” 我話：“我只係問你攞杯水，我點樣轄制你？ 駛唔駛講到咁嚴重呀？” 之後佢無出聲，我食完之後特登走過去經理同佢講再見，因為好早前幫襯時，佢問我點解無見我咁耐唔去幫襯，但我想話佢講聲呢次真是講再見，以後都唔會幫襯呢間敏華，我來食早餐，唔係食一肚氣。…查看更多

今天外賣早餐自取，有時電話落單，電話打唔通，打通後要超快講要咩餐，如果唔係姐姐唔高興，另外今日杯凍奶茶的杯比平時的唔同左，細杯左好多，佢哋無用自己logo既杯，感到敏華服務和食物質素甚至包裝都有所退步，希望佢哋可以改善下啦！…查看更多

餐廳裝修不錯，走歐美式路線，上枱的食物擺放也很好，尤其而家做緊特價早餐，上枱就賣相已不錯。環境尚算靜。之前兩個月還再好d, 靜一點。唯改善之處，他們的員工講野比較大聲，連食客講野大聲都唔會去處理，會將餐廳格局打差，即去左普通茶餐廳咁跟餐廳的裝修格格不入，或者餐廳Management 有待改善，如果你要求餐內煎蛋轉炒蛋，要花好長的時間，因為要詢問廚房心情，問也沒要緊，次次都能轉，但次次都要問，令到顧客都幾confuse.…查看更多