hkersfoodie的個人專頁

越潮喺hku附近店員都廚房佢哋溝通都係用越南話就知應該係正宗地道越南菜啦🤣今次食咗呢個🇻🇳招牌飯有香茅豬扒、香茅雞翼、蟹蛋同埋扎肉扎肉無乜特別驚喜係香茅豬扒同雞翼都係勁香香茅味無話好勁肉汁 但又唔乾身呢個價錢絕對收貨😗不過最期待嘅蟹蛋就有少少失望全部餸都熱但呢個係凍應該係蒸定擺咗一陣🙈但味道嚟講都係唔錯㗎食到蟹肉嘅口感～Btw仲叫咗杯珍多冰🍹珍多冰入面有珍多（真㗎真㗎）仲有紅豆綠豆等等嘅配料食越南嘢點都要試吓😆今次係自己一條友諗住搵吓食所以叫咗個lunch set見好多人都話蒸粉卷好食下次再試啦😝…查看更多

屯門紅橋好多好嘢食，點少得聚chill呀😝😋 白酒忌廉汁帶子意粉拌蟹子 $52😋 荔枝椰果梳打 $20晚市都仲係48至52蚊就食到一個意粉，算係咁啦！呢個意粉個忌廉汁勁豐富勁濃味，覺得係會食唔停口😬 但麵質就係普通嘢，食落唔覺煙韌，但ok掛汁，覺得合格。有好多帶子粒，帶子嘅質地少少彈牙，而啲蟹子真係多到爆，成碟意粉有啲蟹子同唔少甜甜嘅洋蔥點綴吓就有返啲口感～ 整體嚟講呢個價錢跟呢個質素喺今日香港就已經好收貨喇😁嘢飲方面，預咗都係普通荔枝糖漿加梳打㗎喇，但最底好多椰果，仲好似幾大粒，開心過飲珍珠奶茶🤣Btw佢哋仲有個自選配料同醬汁嘅「車仔意粉」，57蚊，真係幾撚chill🥳…查看更多

油麻地廟街近個廟附近有間幾有格調嘅coffee shop，啡好飲，嘢好食！😋 All Day Breakfast $108😋 慢煮雞肉凱撒沙律 $78講食先，唔好睇呢兩個都唔係飯同粉就好似輕食咁，其實食完都幾飽肚🤨 份all day嘅料雖然都簡簡單單，但要做到每樣配料都好食都幾有態度～ 最鍾意食個菇，煎得好香同埋好多菇汁！煙肉煎起上嚟唔乾，多士係用燕麥方包，有啲脆身但都係唔會食到口乾乾嘅 炒蛋就係炒得比較實嗰種，再滑啲就更正😝慢煮雞肉凱撒沙律都係非常出色！嚿雞肉幾滑，唔嚡口，同埋都鎖得住啲雞肉肉汁！凱撒沙律入面嘅麵包都係啲燕麥方包粒，味道無平時食啲普通方包粒咁單調～😋 Latte (L) $45😋 Iced Mocha (S) $50佢哋啲咖啡豆香味都幾出，兩杯都飲到濃濃嘅啡香味，值得一提嘅係杯Latte個拉花無因為擺耐咗而搞到勁走樣😚 Mocha嘅啡色較出，朱古力味到多啲啲會更好～…查看更多

旺角西洋菜南街女人街嗰頭3月開咗間新嘅茶飲店，高質嘢一定要同大家分享！😋 玫瑰荔枝煎茶加蘆薈 $36呢杯夏天飲真係perfect！玫瑰味非常之重，甚至有少少搶咁個荔枝嘅味，但兩者幾有層次，總體嚟講係會先飲到濃濃嘅玫瑰味，慢慢陣荔枝味就會出😆😋 鮮奶黑糖珍珠抹茶 $38呢個嘅抹茶超濃，飲落起碼唔係淨係得甜味，味道主要嚟自個抹茶😚 但珍珠方面就比較失色，珍珠無乜味，本身expect會有多啲黑糖味，而且唔係好彈牙。…查看更多

今次去到全港最黃嘅food court！星期六中午嚟到都唔算太多人，大家要多多支持呀！😋 冰室叉燒炒蛋飯 $50份量都幾多！有唔少滑蛋同叉燒，下面嘅飯軟硬度適中，仲有個甜豉油畀我自己落😆 滑蛋有用啲蔥去炒，仲係幾滑身，算係唔錯㗎～ 而啲叉燒就真係麻麻地，全部都係瘦叉燒，食落比較乾身無乜驚喜。…查看更多

呢間米線睇落好簡單，裝修都係通米線舖咁（即係無乜裝修），但真係好啱小編食 （就係呢間畀人問我係咪食開屎，所以唔敢話佢好食😵‍💫）😋 腩肉豬大腸小鍋米線 $50佢哋嘅腩肉真係好值得試！唔係譚仔嗰啲塊塊差唔多樣嘅腩肉，呢度嘅係塊塊厚度唔同，食到豬肉嘅紋理同口感，算係唔嚡口又夾雜住啲啲脂肪嘅瘦肉，本身佢哋就係醃到有少少辣🔥 豬大腸都有返啲厚度，咬落少煙韌～ 佢哋嘅米線無咁硬身，啲肉碎豐富咗個湯底嘅味道😗見好多人都話間嘢態度麻麻，但我嗰次去可能早，唔係太多人太忙。姐姐仲好貼心，落完單會特登問使唔使走蔥走茜，所以愛茜嘅小編就把握咗呢個機會，隨口叫咗句多芫茜，佢就畀多咗茜我喇🍀…查看更多

想試好耐，佢哋嘅肉餅山非常出名，終於試到😝😋 鹹蛋蒸肉餅 $98😋 客家鹽焗手撕雞 $88😋 白飯一碗 $10佢哋呢度興將啲嘢食擺到座山咁🤣 先講肉餅，肉餅較軟腍，唔係好重味，清清淡淡咁樣，鹹味來自山頂嗰粒鹹蛋黃。喺肉餅山山腳嘅甜豉油將個肉餅帶上另一個層次，吊起肉餅啲味，用嚟送飯都非常正😆手撕雞係凍食嘅，雞肉味濃，仲好香麻油味，覺得呢味好食但唔算特別～…查看更多

西環水街出名多嘢食就係人都知，行過少少新開咗間主打漢堡同Pasta嘅小店，裝修同啲嘢食都非常有心思，無論環境同埋同老闆s傾計都有種好chill嘅感覺🥳😋 多汁牛堡 $98😋 脆嫩魚堡 $98😋 椰菜沙律 $18先講佢哋嘅burger，佢哋嘅包唔係嘉頓啲頹包，而係等登搵人做嘅黑色竹灰薯仔包，食落幾甜身，佢嘅特點係唔會畀啲汁索到個包爛晒😗 醬汁可以揀辣或者唔辣，辣嘅話係麻辣嘅口味，唔辣就會係蜜糖檸檬醬。因為我同朋友都係不幸地唔食辣嘅，就無試到佢哋嘅麻香辣醬喇🤕 不過其實蜜糖檸檬醬mix埋個甜甜嘅竹炭包都已經好夾好正😝牛堡嘅牛唔韌無筋而且有咬口，肉汁都正如佢哋為包起嘅中文名一樣非常豐富，一啲都唔乾，不過醬汁同包嘅甜味有少少搶咗牛嘅香味，配料用返經典漢堡包有嘅芝士、洋蔥、酸瓜同生菜，整體嚟講都係非常高質嘅 而魚堡就比較創新，佢哋將芒果椰菜沙律擺咗入個包度，食落非常清新，而塊魚係連埋塊魚皮，做到外脆內軟😆98蚊嘅呢個餐除咗有個包，仲有唔少薯條，薯條炸香之後有啲蒜香風味，唔點茄汁都好夠味～ 一人一個餐再share埋個椰菜沙律都已經夠飽，份量夠～😋 凍桂花烏龍 $20😋 泡沫咖啡 $30嘢飲嚟講都係又抵又正，凍桂花烏龍嘅桂花味好出，而杯Cappuccino比想像中有驚喜，本身見喺西環30蚊杯都無乜expectation，但一飲落去飲到濃厚嘅可可味，仲要唔稀，飲得好開心好滿足😚總結嚟講，呢餐飯嘅感自就係好好食、好好食同埋好好食，同出面好多burger餐廳比較嚟講呢間係更加高質同更加抵食，加埋嗰頭寧靜嘅環境，急不及待想再去食埋佢哋個pasta了🤩…查看更多

日式嘢嘅黃店香港就多喇，韓國嘢嘅話數嚟數去都係嗰幾間，喺旺角同尖沙咀嘅outdark就又正宗又高質又好feel😝😋 串串魚糕湯 $198😋 烤牛肉炒粉絲 $98😋 炸蝦飯捲 $88😋 Mango Ade $34😋 Blueberry Smoothie $45呢次我哋嘅選擇簡直係清淡唔熱氣之選，無叫佢哋最出名嘅炸雞同炒雞之類嘅菜式。以前去韓國旅行食得多燒肉炸雞都會想有一兩餐食清淡啲，所以真係好掛住個魚糕湯🥲 呢度有所以我哋就嗌咗啦，串串魚糕湯除咗魚糕之外都仲有好多料，有粉絲、年糕、金菇、白蘿蔔、獅子狗、鵪鶉蛋等等， 當清清地打個小邊爐都幾過癮～烤牛肉炒粉絲應該係三味之中比較濃味嘅菜式，開頭睇落覺得有啲細碟，同埋好似無乜牛咁，但原來藏咗喺底，食吓食吓都覺得幾多😆 牛肉好多塊，好大塊同好入味，又係食到停唔到口！韓式飯捲又係韓國菜必食之選！就係鍾意韓式飯捲入面好多唔同料嘅感覺，有黃瓜、青瓜、甘荀、蛋同炸蝦，好多味道撞埋一齊真心正😗…查看更多

聽過Beeger呢個名好多次，以前夜晚嚟到成日都好多人排隊食，最近終於食到啦😝😋 雙層牛肉手打漢堡 $138😋 經典手打羊肉漢堡 $108😋 南瓜薯餅奄列漢堡 $78
呢度嘅漢堡包都係用菠蘿包做，佢哋將菠蘿包切開上下兩半，一半擺面一半擺底。淨係講個菠蘿包嘅話都好高質，菠蘿包面甜嗰層唔會碎到周圍都係。先講嚿牛肉，係用咗Prime grade嘅美國肉眼扒，買返嚟再自己處理同挑走啲筋，嚿肉真係超多汁超juicy，好香甜😆菠蘿包同羊肉漢堡真心好夾🥰 一般嚟講羊味比較香濃，菠蘿包嘅甜味中和返羊肉嘅香濃味～ 佢哋用咗紐西蘭羊扒，食落係好香嘅羊味而唔係騷味，呢塊羊一樣係爆多肉汁，咬落食到有啲位韌啲有啲位無咁韌，就係鍾意呢種羊肉嘅層次同口感😁 btw再建議大家食肉類漢堡嘅話可以加多塊菠蘿片，咁樣會仲juicy仲好味呀😝佢哋menu有啲素食漢堡選擇，啱晒食素嘅朋友！配料比較簡單，有西生菜、蕃茄、紫洋蔥同埋車打芝士，簡單配料嘅好處係唔會搶塊肉fo，另外會跟埋秘製千島醬沙律～😋 炸魷魚 $78😋 炸珍寶蘑菇配黑松露醬 $98跟住到小食！炸魷魚份量唔太多，但即炸食落幾新鮮😗 珍寶蘑菇就真係好surprise，本身食完魷魚再叫呢個，以為會係一嚿菇切開細細粒再炸，點知份量係勁多，仲要每件都好大件！炸菇最怕就係啲菇炸到出晒水，然後層炸粉索咗水之後溶晒勁難食。呢度嘅菇鎖得住啲汁之餘仲無出水，keep得住層炸粉，但食完真係會有啲飽🤣Btw個老闆好吹得，歡迎同佢嗲返兩咀🤪…查看更多

成日都想食啲正宗啲嘅日本嘢，起碼裝修都要日本啲嘅🤪 今次去到中環嘅鮨政，除咗裝修日本，師傅都係正宗日本人嚟㗎！😋 豪華海鮮飯2人前 $298呢個Lunch set有一大盆飯、兩個蒸蛋、兩碗烏冬同兩個沙律，講真呀又飯又烏冬真係望到都覺得飽，但嚟到又無理由唔試呢個😗先講個飯，個底係舖滿飯，其實都係薄薄一層，上面有啲紫菜絲隔開啲魚生。上面有切咗粒嘅三文魚、油甘魚、魷魚、蟹子、玉子，仲有兩隻甜蝦，師傳盡量將啲魚生擺到對稱，真係好有心思🥰 魚生好肥美好大粒，特別想講吓啲玉子，真係好有蛋味同埋唔係淨係一味得個甜字。烏冬係昆布湯底，麵質ok但覺得再韌身啲會更好。不過湯底有啲鹹，啲麵再索埋就都係好鹹喇。而蒸蛋又係非常正！非常嫩滑，入面有冬菇同鳴門卷，料唔多但更加享受到個蛋香🤩…查看更多

之前去中環食早餐食咗四季，今次試埋喺附近又差唔多類型嘅茶檔啦😬 一人30蚊左右其實幾抵食！😋 沙爹牛肉麵早餐 $33😋 茶檔厚多士餐 $25足足平四季常餐15蚊，印象中好似仲平過光榮🙊 湯底同四季同光榮唔同，佢哋用嘅係忌廉湯底，比較濃同埋幾creamy。沙爹牛肉就唔係咁濃味喇，唔知係佢本身唔濃定畀忌廉湯影響咗啦～ 唔係話個湯底唔好，但一山不能藏二虎，兩樣正嘢撞埋一齊就會互相搶味，呢個忌廉湯用嚟食火腿通粉相信係好鬼正😝 沙爹牛嘅份量都幾多，冚住麵嘅大半位置 btw茶檔比四季同光榮嘅早餐仲多塊餐肉🤪沙爹嘔麵早餐跟嘅多士係普通無烘嘅多士再加薄薄牛油，無四季嗰個烘完再加大量牛油咁癲🤣 而厚多士餐嗰塊就烘得好香喇，小編叫咗奶醬多，幾正😆仲想特別講埋佢哋杯奶茶，幾滑㗎，記得試！…查看更多

話說憑住電影《濁水漂流》嘅飛尾，去中環同旺角嘅Knockbox飲啡可以有8折優惠！小編琴日睇完戲今日就即刻去咗喇🥳😋 Basil and Prawn Linguine $92呢個意粉用咗佢哋自己整嘅番茄醬，超多茄蓉同甜甜嘅洋蔥粒！啲番茄ss蓉得嚟都有返咁上下大粒，真係好似食緊新鮮番茄咁🍅 扁意粉幾掛汁，咬落算彈牙，食落好香甜好開胃，啲蝦都幾大隻幾肥美😆😋 Flat White $40呢度嘅flat white可以揀fruity定nutty嘅豆，小編一向都鍾意飲啲fruity啲嘅咖啡😚 果然飲落幾特別，微酸嘅咖啡都好香濃！講完嘢食，想講返套戲。《濁水漂流》絕對係2021年最值得睇嘅港產片之一，套戲由蔡思韵飾演嘅何姑娘以局外人嘅角度，帶領觀眾一步一步走入露宿者嘅群體，從中了解佢哋嘅生活大小事。貫穿成套戲，導演問咗觀眾一個問題：妥協或抗爭怎挑選？導演將被社會忽略嘅一群擺上大銀幕，發現每個露宿者即使認為自己無社會地位，但佢哋都係有血有肉嘅人，由吳鎮宇飾演嘅輝哥更加展示出露宿者都要活得有尊嚴。戲中仲有輕輕帶過唔少其他社會議題，輝哥亦有不少引起共鳴嘅金句，大家真係要入場好好思考一下。…查看更多

聽過佢哋嘅豬扒好出色，所以即使要喺大熱天時由旺角行咁遠路去大角咀都要試🤪😋 招牌厚切8安士咖喱豬扒飯 $6262蚊一個晚餐喺香港除咗茶記之外都唔係好易搵，去到呢個質素已經好足夠！咖喱汁又得揀印度定新加坡，咁間嘢叫得做星洲，叫印度嘅話咪好唔畀面？😹 侍應話新加坡咖喱辣啲，我又唔覺好辣，有啲椰香味，無論係用嚟點豬扒定撈飯都係好正 豬扒厚身有肉汁，炸得香脆，係心中豬扒嘅top3😚…查看更多

成日都覺得去到旺角會唔知食乜好，因為選擇多同質素都比較平均🙈 今次嚟到呢間老二花廳都幾唔錯！佢哋喺麥花臣附近嘅唐樓上面，位置算係隱蔽，入到去仍然保留住唐樓嘅舊式裝修，呢樣真係好欣賞，政府啲活化部門學吓嘢啦⋯⋯🙃😋 老二燒春雞（半隻）配薯角 $128燒春雞用蜜糖燒脆咗塊皮，好香好入味😗 雞唔大隻但啖啖肉，啱啱好熟，中間啲肉少滑，近皮嘅用都唔算嚡口，控制得幾好～ 薯角好大嚿，炸粉唔厚身，薯仔味濃，附上黑松露沙律醬，點嚟食都唔錯，但想黑松露味再勁啲🤪😋 大啡菇和風菠菜意粉 $105隻大啡菇用好有菇汁😆 菠菜意粉係用咗大量菠菜碎撈埋落扁意粉，係較乾身嘅。菠菜味勁啲會更正😁😋 明太子芝士薯條 $53呢個係非常正！要趁熱食，凍咗啲芝士硬咗就唔好食。薯條嘅片唔太厚，芝士味幾濃，最正係每條薯條都食到明太子味😚😋 靜岡焙茶豆腐拿鐵 $50😋 黑芝麻豆腐拿鐵 $50兩杯Latte奶味較濃，應該無乜落糖，芝麻同焙茶味都好出，唔會畀啲甜味影響到。啲豆腐碎好驚喜，真係有啲嘢咬下🤣…查看更多