本身食開將軍澳嗰間，執咗之後特登入嚟大圍試下。本身都幾期待㗎，但係呢次體驗真係極差。首先，食物選擇好少。叫咗嘢食侍應阿姐先至擺低另一張Menu，咁諗住過咗幾分鐘啫，禮貌問佢可唔可以轉其他嘢啦，但侍應阿姐大大聲惡我哋話：「整咗啦」。唔講我以為自己食緊澳牛光速餐😂餐廳坐得好迫，如果想舒舒服服傾吓偈就唔啱喇。我聽到曬隔籬枱諗住幾時去整眉毛，同埋佢個同學做咗啲咩衰嘢😂嘢食質素就一般般啦，呢個價錢仲要咁隔涉，有好多其他選擇囉😂最緊要唔使俾錢買難受呀嘛見到OpenRice好多評論都係話同一個阿姐態度唔好，可能係老闆親戚啦😂咁都留低佢繼續做，唯有祝你哋生意好啦🙏🏻😂…查看更多
屋子咖啡
2025-08-09
以上食評乃用戶個人意見 , 並不代表OpenRice之觀點。
1
用餐途徑
堂食
