Abrahammwc的個人專頁

本人於20/8上午在此店惠顧了鮮蝦蛋腸粉, 都算快來到, 腸粉由一名中年男職員送到我面前, 他同時在我面前收取$23現金, 之後我才享用腸粉. 但我準備離店時, 卻另有一男一女職員冤枉我話我未付款, 我已多次表明有一位男職員收了錢, 但他們多次說未收到, 竟然冇人認收過我錢, 又反問我係邊一位男職員收錢, 但我冇留意他的衣著. 擾攘了一輪後, 有一個女職員死死氣地讓我離店. 職員咁樣嘅態度, 令我太難堪, 我以後永遠唔會再幫襯！…查看更多

之前跟老婆同親戚食過一次, 當時係食套餐；今次再跟佢哋去係食放題！當日10月8號下午1時準時去到餐廳入場時發生了問題, 原來係外母忘記帶我老婆嘅侄仔(5-11歲之間)嘅針紙. 而正因為由9月30號開始, 有關年歲兒童都要有有效針紙先可以入去食, 如是者搞咗半個鐘後先至可以入場；但當時有位男職員表示唔可以補時, 似乎有啲不近人情；而佢亦有耐心解釋有關防疫規例！過往食放題時, 從未試過預先捉蝦, 感到新奇, 有啲蝦好生猛, 但都被我捉到！雖然屋企附近曾經有釣蝦場, 但從未去過！餐廳嘅前菜, 例如泡菜及芽菜, 海鮮及肉類應有盡有, 例如我最鍾意食嘅蝦、芝士蠔同埋羊肉！亦都有我鍾意嘅樽裝馬蹄露、雪梨水同埋雪條！正因受上述事件影響, 臨尾食得趕頭趕命, 僅僅夠時間食完！餐廳服務水平尚可, 我仍大有機會再幫襯！…查看更多

26/10早上約了5個教會弟兄去郊遊，便去了集合地點附近的這間大家樂分店打算先享用早餐，叫了蝦湯銀針粉、炒麵及熱好立克。當時有很多人排隊購票，但收銀處只有一個女職員工作，但卻有2個女顧客佔用很長時間，已令我很不滿！及至回復2個女職員工作後，點餐過程才比較順利。當時由於趕著出發，弟兄示意我叫外賣；可是等了良久—約5-6分鐘，螢幕號碼牌仍未顯示我的柯打號碼，我向一個女職員示意後，又等了4-5分鐘，才有另一個女職員告知我訂的餐已到，但卻放在我身後的檯上，我卻不知道，因為我是首次惠顧的，只好怒氣沖沖地拿起食物走了；在搭車往目的地時，我仍要捱餓，實在氣死我了！…查看更多

在眾多連鎖食店中, 其中一個商號我很喜歡惠顧的是薩莉亞！早前我知道將軍澳尚德商場分店開張後, 於19/10/2020下午放工後前來惠顧, 叫了中華海草及溫泉蛋各一份, 中華海草先到, 時間尚算ok。但不知是否人手短缺的關係, 等了逾十分鐘溫泉蛋都未奉上, 心想溫泉蛋只需很短的時間就會弄好, 但竟然要等這麼久呢！於是呼叫侍應, 又等很久都未有回應, 期間我再按過呼叫鈴3至4次, 但因為按鈴只有第一次才會有響聲, 覺得服務效率真的屬於九流！…查看更多

7月1號跟教會小組參加本地遊，安排在雅敘閣食自助午餐！這次自助餐中，菜芯老又唔新鮮，跟住老婆同我講忌廉湯好難飲，我試咗三啖，果然如她所說超難飲！我由7月1號晚八點幾至7月2號下午兩點，總共肚屙咗八次，我老婆都屙咗五次！問返幾個當日一齊參加的教會朋友中，有一個竟然屙十次，一個六次，一個四次，一個三次，又有一個兩次！真的有理由相信是食物質素或衛生出現了問題！唉，原定安排了喺另一間酒店食，只因為嗰間酒店餐廳座位唔夠，先至轉食雅敘閣！我廿幾年前喺呢度食過一次是ok的，想不到今次竟然令我身體不適，幸好唔使睇醫生！ 我也反映了此事，及後酒店一個男客戶總監打電話向我了解，我也詳述了這些問題，他已為此向我致以深切的歉意！…查看更多

2020年7月4日在住家附近跟朋友打羽毛球，之後我盡地主之誼帶朋友們逛逛奧海城，先去二期，再去三期，去到三期地下時，被西班牙餐廳的菜式吸引，可能因朋友及我去完西葡及直布羅陀旅遊後不久，想回味在西班牙的愉快感受，又懶得再步行到原定去的餐廳，加上我曾惠顧過一次，覺得感受良好，便決定再去，三個人就此入去食。一見菜單，最先被吸引的是西班牙海鮮炒飯及香燒乳豬仔，又見到當地受歡迎的小量酒精飲品Sangria及我很喜歡的灰姑娘Cinderella飲品及刨帕爾瑪火腿片等等，使我們三人很享受！…查看更多