FanCherry的個人專頁

性價比好高嘅泰國餐廳! 一行四人去食嘅泰國嘢! 🫡我地都叫得算多嘢 豬肉肉碎生菜包 燒全雞 薄餅 咖喱炒蜆 Pad Thai 馬拉盞通菜 冬蔭公湯 串燒拼盤豬牛雞各2串搭配沙嗲醬 等等. 嚟到好顯眼嘅一定係燒全雞同埋咖喱炒蜆 燒全雞味道唔是太濃 肉質偏滑 特別係雞脾位 啲肉好易甩入口🍗 但建議多少少人先叫 份量好足 而咖喱炒蜆本身有跟薄餅 薄餅超級鬆脆仲熱辣辣🫓 咖喱炒蜆係偏大隻個種 不是小小的一隻🐚食一隻都會十分滿足 但大概一碟只有10粒左右 咖喱都不是辣嘅咖喱 好易入口 撈飯一流 入面有埋薯仔洋蔥等配料 但同燒全雞一樣都係偏大份 啲汁多到可以外賣拎走🍛馬拉盞通菜都係有獲氣熱辣新嘅個種 偏少少辣 幾好味 想叫菜可以叫一下 🥒冬蔭公湯酸味大過辣味 愛酸人仕可以叫嚟try try 入面都足料 有蝦有菇🦐🍄Pad Thai同豬肉肉碎生菜包唔算太出色 之前食過九龍城另一間更出色 可以遲下介紹下😛…查看更多

咁啱下午茶時間喺附近經過 見到呢間燒鵝店$39就可以食飽 行入去都有幾台顧客 叫咗個叉燒油雞瀨粉 $39 🍜一嗌完就已經有老火湯俾你飲 老火湯入面仲要又有紅蘿蔔又有瘦肉 唔係清水嗰啲湯嚟 好收貨💟嚟到重頭戲叉燒油雞瀨粉 佢嘅油雞偏滑 雞皮唔算好厚 而且份量真係幾多 唔係無肉嘅油雞 而且有配埋蔥油🤨去到叉燒 份量又係一樣咁多 佢嘅質地偏淋 食落冇蜜汁味 ( 如果有埋當然正😝 ) 食落就係正常叉燒味~-咁平嘅下午茶真係冇乜可以挑剔😙無得鬥氣 可以一戰! …查看更多

日本A4黑毛和牛 250g 壽喜燒鍋配野菜豆腐籃 $428 (二人前) 🍲 依個價錢頭一兩塊staff會幫我地整 幾好服務🤏🏻壽喜燒汁煮 雪花紋理都唔錯 肥瘦均勻 我覺得食壽喜燒最緊要係個個肥美嘅feel 油脂味幾重 食落都算入口即溶 幾好味😈野菜豆腐籃 有埋薯粉 食到最後真係飽哂 好滿足😋富士山火焰脆脆薯仔沙律🥗沙律入面有加埋啲薯片碎 有口感幾好味🤞🏻芝麻雞翼🍗芝麻碎面 脆脆地 肉都滑 熱辣辣 小食嚟講算唔錯🫡 燒芝士年糕🧀咬落有流心 燒得幾靚 外脆內流 小小煙韌🫢三品刺身盛盒 / 鹿兒島A肩胛4和牛海膽反卷🍣 壽司刺身味道正常 但感覺可以凍啲😬…查看更多

設計簡約 好多人食嘅cafe 有indoor同outdoor🤞🏻French Toast $118🥪啲人話係必點招牌就叫嚟trytry 厚切吐司 幾外脆內軟 表層有灑到肉桂粉 糖霜開心果碎 玫瑰花瓣 配cream🌹碟邊有蜜糖可以點嚟食 唔會太甜 擺盤好靚 但覺得同frd子share會開心啲 無咁濟🥰-Beef Ragu Pappardelle $148 🍝意粉煮得好濃掛汁 牛肉唔鞋偏腍 中意意粉偏硬身可以叫嚟試下了😙-Weekend去遠離市區嘅地方chill下開心好多🥹…查看更多

勁多人鋪頭門口排隊der一人一鍋米線🤏🏻 招牌花膠雞濃湯米線 $68 🍲 (用個爐仔即時保溫 一定jaja聲) 的確真材實料花膠 蟲草花 雞肉 雞肉都算嫩滑 除咗有幾舊麻麻🥲 湯底都幾濃郁 幾有鮮味 就咁飲湯都覺得好飲 的確無好重味精嘅口渴感覺 -蕃茄花膠雞濃湯米線 $68🍅🍲 可以不叫 叫返招牌原味就ok了 蕃茄有啲好似三哥個蕃茄湯底 唔係好索到汁🫡 -椒鹽粟米 $32🌽 啲椒鹽係就咁放係粟米上面 要狂點啲椒鹽先會有味 我覺得依個價錢可以不叫🥶-金磚豆腐 $42 外脆內嫩derrr 咬開係好滑 依個係一定要叫! 🧈-個人同frd子都覺得如果唔使排隊會去食 但係講緊要排半個鐘以上就不了🥲…查看更多

今日同朋友去咗依間位於土瓜灣嘅牛舌專門店 門店較為細 建議先打去book位 一嚟到嘅時候到到menu有分厚切同薄切嘅牛舌 但當時薄切嘅牛舌set已經賣哂 我地二人叫咗兩個厚切牛舌set 一嚟到嘅時候set dinner已有茶碗蒸 麵豉湯 沙律菜 白飯/ 烏冬 (+$10) 厚厚嘅牛舌 厚牛舌多汁而且彈牙 食落唔會太難咬 食完一舊又想食下一舊 我地嗌1倍已經覺得飽 (但男生應該要食多少少 1.5/2倍) 另外我地仲叫咗土佐豆腐同埋京葱雞肉串 雞肉串汁味濃郁 雞未算好滑 而土佐豆腐有驚喜 外面係小脆皮 入面係淋嘅豆腐 令成件事昇華係個汁 令豆腐即刻變得更入味 小食值得一試👍🏻😋…查看更多

今天去咗餐廳叫咗午餐，等了足足20分鐘都無嚟到。仲要每一次催佢都話等1分鐘 過咗咁耐都無得食，食到一肚氣。食物質素都不如理想，叫一個豬膶公仔麵，成個公仔麵都係薑味。不會再來。…查看更多