citywongky的個人專頁

睇咗YouTube有人介紹，特登過嚟食西多士+奶茶紅豆冰。嚟到係下午茶時間，見下午茶餐牌有一口西多士餐， $45 一口西多士下午茶餐，加杯奶茶紅豆冰加$12 ，加埋$57 。一口西多士，冇餡👎🏻淋面嘅花生醬同奶都好少👎🏻成個西多士都好淡味👎🏻又冇料👎🏻唔知想點😵‍💫奶茶紅豆冰正常Anyway，性價比極低，冇下次…查看更多

下午茶餐 一口西多士配芝士奶蓋醬+熱奶茶$32一口西多士沾滿蛋漿同麵包糠，每面都香脆，花生醬餡料，配芝士奶蓋醬，可惜甜味不足，好淡口，帶唔起蛋香，可能要加糖漿先夠味 。…查看更多

咁啱行經過，醒起之前都有人推介過，見唔使排隊，諗住試吓佢嘅葡撻雞蛋仔。即叫即整，特別叫店員妹妹整燶啲，見佢整好後好俾心機用風機吹凍啲，應該會脆口啲。見個樣都唔錯，幾夠色水，粒粒飽滿。用手指搣第一吓個感覺係好油膩，手指都係油淰淰嘅。咬第一口，個邊係脆嘅，唔錯；雞蛋仔殼係淋嘅，而唔係脆嘅，失望；肉係軟淋嘅，有葡撻餡，味道係好嘅，但整體感覺就好差，又淋又油😵‍💫😵‍💫😵‍💫越食越淋後來懷疑到底店家知唔知道自己嘅出品係咁嘅呢？特登返去鋪頭同佢哋講聲，點知佢哋話葡撻雞蛋仔係咁嘅，我話如果係咁，應該喺落單時同客人講明、客人可以揀食唔食呢款，否則，大家對雞蛋仔嘅期望一定係外脆內軟，而唔係又淋又油。失望！😩😩😩…查看更多

五柳炸雲吞，$20/2隻，油唔夠熱令到雲吞炸出嚟好油👎🏻酸汁一啲酸味都冇👎🏻沒有五柳👎🏻家鄉炸油粿$20/2隻，油唔夠熱，成隻粿嘅外皮都好油👎🏻👎🏻👎🏻餡料可以👌🏻馬師傅蝦餃$24/2隻，蝦以外嘅餡料梅梅哋👎🏻👎🏻👎🏻蝦唔爽口👎🏻👎🏻👎🏻古法馬拉糕$27/籠，鬆軟香口👍🏻👍🏻👍🏻，甜度適中👍🏻👍🏻👍🏻推薦👍🏻👍🏻👍🏻枱面用膠枱布，唔吸水，搞到啲茶流到週圍都係，流到衫都整濕埋👎🏻👎🏻👎🏻…查看更多

枱面乾淨，餐牌清晰，餐牌冇話爛溶溶、黐立立。👍🏻👍🏻👍🏻我地2個人叫咗1碗芋圓喳咋分享，短髮樓面姨姨好爽快，落單時沒有多餘既說話，有覆單。👍🏻👍🏻👍🏻食物送到上枱，已自動跟咗2隻匙羹，噢，好細心呀！👍🏻👍🏻👍🏻姨姨仲好有禮貌咁問我地使唔使要多1隻碗👍🏻👍🏻👍🏻呢位姨姨真係令人好舒服。👍🏻👍🏻👍🏻芋圓QQ，相信如果凍食會更Q彈、3色芋圓味道分明、分量適中👍🏻👍🏻👍🏻喳咋綿密、豆味香濃、豆既軟硬度剛好、入口即溶👍🏻👍🏻👍🏻內含豆既款式亦多👍🏻👍🏻👍🏻總結：食物及服務都係令人回味，會想再去👏🏻👏🏻👏🏻…查看更多

點了A餐沙律煎魚意粉薯餅餐，不是第一次來，食物質素保持水準。當我食到還有大約1/5未食完，睇緊電話之際，有個女人（唔知係咪老板娘）：1）突然將隔離枱食客的湯碗放在我的食物上😑是放在我的食物上！！！到底有冇衛生常識？到底有冇禮貌？2）然後突然收走我的食物，我說我未食完，她說唔好意思，然後將放在我的食物上的湯碗拿走😑唔通覺得咁樣我可以繼續食呢個染污咗既食物？🤔點解明明我未食完既野比佢整污糟咗，佢可以當冇問題既？3）再過30秒，毫無聲息下突然收走了我的食物😑到底，我是一個客人嗎？我需要受尊重的嗎？…查看更多

第一次光顧佢既糖水，桑寄生連子旦茶，失望！夜晚8點呢啲糖水黃金時間食唔熱已經係好奇，個桑寄生茶極淡色，飲落極淡味，除左因為煲時用大量既水，我諗唔到咩其他原因！隻旦有一個地方黑左，我買老闆，老闆話係煲底黏住桑寄生所以有黑色，冇問題喎！結論係，唔會再幫襯！…查看更多

始終習慣睇Openrice黎搵食店的我，去到呢間連Openrice都搵唔到既食店，帶著唔知點既心態，始終都入咗去試試啦！一打開門，有啲驚，只有3個位，心諗，咁我咪好礙眼囉哈哈坐低叫咗個黑椒煙肉pizza同煙三文魚沙律，我不嬲鐘意食香口野，特登叫老闆焗燶d個pizza底。嘩！好正呀！Pizza面夠晒多芝士、煙肉又香，趁埋個批底真係好reach！煙三文魚好軟滑，唔係鞋霎霎果種，沙律菜新鮮爽口，趁埋個醋汁、橄欖油好好味呀！飲品櫃好多唔同既果汁選擇，試咗2隻，都好清新，好值得細味，絕對唔係顏色溝水既貨色！仲有老闆自己親自做既麵包，可惜傾傾吓計臨走時忘記了買home made麵包回家沒想到已經開業一年多的店子，好食得來竟這麼低調！…查看更多

我地一行四人，一坐低就比阿姐追我地落單，係一坐低攞，連餐牌都未睇到。我地話等陣先，阿姐就鬧人：「快d啦！掛住睇手機！」 ，我地心諗，全世界個個都係咁架啦，有咩咁急呀？！然後，我地冇可能四個人睇一個餐牌架，問阿姐攞多個餐牌，2人share睇都易d吖，阿姐竟然完全唔理我地，然後轉頭又過黎追我地落單！ 後來，聽到阿姐鬧另外一個食客婆婆：「頂！無啦啦做咩調位呀！」 呢d咁既服務，無論d野食如何，都唔會再光顧，更何況食物質素只係一般行貨。 …查看更多

真係離譜!  咁既價錢, 比D 咁既野食, 真係冇下次! D 魚生完全冇鮮味, D壽司飯又唔暖, 又細件! 冷氣又唔夠, 食完成身汗! 麵豉湯咸到不得了, 鹽燒三文魚骨腩又係細細件! 到底板前發生咩事, 同幾年前去過比較, 真係差好遠好遠!  好失望! 最慘就係果板所謂由日本空運到港既海膽, 真係攞膽至真, 幅相係一梳梳海膽, 上枱係一pat pat的, 仲腥腥地tim! 完全徹底地失望了! :(…查看更多

之前食過午餐, 意粉有口感, 唔會林支支, 抵食又好食, 所以幫襯埋晚餐, 果然冇失望.基本上都唔使等超過10分鐘就會有位, 唔使book.鵝干入口甘香、鬆化! 出面食鵝干既菜式, 平極都要1舊水啦, 呢度幾十蚊有交易, 真係好OK架喇!牛扒冇根, 有牛肉既香味, 冇梳打粉味, 值得一讚!我唔小心打瀉咗杯飲品, 老闆唔會比面色你睇之餘, 仲好好人咁主動安排另一杯比我, 真的很感動!由於主打經濟實惠為主, 所以食完都要快快走的, 如果想食完再吹水hea吓就唔好諗啦!…查看更多

牛什新鮮爽口，每一件，無論係牛磅，牛肚，牛肺，牛腸定牛粉腸，件件都咁靚，絕無欺場！自家手打牛丸，爽口彈牙，有牛肉味，並唔係一般牛丸可比美～　幼麵，我自己鍾意食幼麵，彈牙，唔會成口皂水味～…查看更多