dencynw的個人專頁

好似已經係個幾星期前食，拖到而家先寫嗰晚好多人，個場好旺喔，所以都有嘢食慢咗上個湯好足料，好多粟米豆腐蕃茄蘿蔔所有嘢食都新鮮同大碟，搞到叫多咗 (兩個人)，勁飽地離去推介魚，真不錯…查看更多

首先聲明好多生嘢我都唔食嘅，所以無食魚生飯，只為twinstars而來🤩壽司拼盤同雪糕都好精緻，味道也好，雪糕綠茶味很濃，沒有很甜 (btw男友說壽司的味道十分新鮮，我就唔識分)另外的滑蛋豬扒飯都好好食嗰度仲有火煱，但無試，飽飽了不過，見附近食客都無叫twinstars食物，主要食魚生飯同手卷刺身，睇嚟呢啲先係主要嘅人特意山長水遠行過嚟食嘅目標風景好靚，對住個海食，另外都影左好多場內twinstars佈置，開心~~ 不過就有點貴囉對我來講，可能因為冇咁識品嚐好嘅sashimi🤪…查看更多

第一次嚟食，食咗呢個鮮茄豬扒多士盒，其實上面就普通的鮮茄豬扒飯，正常水準，但係呢個配搭勝在有心思，麵包外皮有烘過，外觀邪惡，整體不錯。份量很夠，一個人會食唔晒。奶茶同雜菜湯 (冇影相) 就是普普通通茶餐廳水準。奶茶重茶味，個人比較喜歡重茶味。…查看更多

救命，呢間嘢真係超好食，本人係甜品控，呢間啲甜品堅特別！海鹽綿綿冰嘅味都係甜的，本身以為會咸，重點係tiffany blue好少女上面個布丁同其他配料 (雖然有啲只係可可脆之類) 都好好食，must try!黑松露雪糕我都係第一次見，食落真係好大陣黑松露味，味道幾得意，個椰青裡面仲有椰汁同椰青啫喱，呢檀嘢真係精緻到一個點~~不過尋晚一入去成間舖十幾張枱滿人，竟然得一個樓面，但佢都好努力工作，跑來跑去幫人落單埋單上菜，值得加許！食到差唔多完，已經開始少人，另一樓面先蒲頭，真不知佢番黎做什麼😂😂一定會再有下次！…查看更多

流心蛋糕雪糕好好食咖啡味都ok，個雪糕筒好靚但可能對於有些人來講太甜。整個影相呃like一流。成舊大到夠兩個人食，見到幾對情侶都係兩個人食一個。荃灣呢間做緊優惠好似到十二月，所以今日比平時多人，又未去到有人龍嗰隻。希望可以多啲做優惠。…查看更多

其實已經好似係兩個星期之前去食 (所以唔記得晒啲菜式名)，但係嗰陣未開OpenRice戶口，所以而家先寫返個食評。真係好好食呀，最鍾意係嗰個豬仔骨，佢會點火，啲火燒完之後嗰舊骨熱辣辣，仲有少少炙燒的味道，好啱用嚟影相 / 影片呃like。嗰碟雞都唔錯，兩碗拉麵清清地幾好食。嗰杯嘢飲冇影到，印象中係雪耳乜乜之類，好飲呀，感覺幾健康。最後嗰個黑松露糖心蛋係加錢的，好食，值得一試！雖然本人對有機或者本土食物其實沒有太大的fancy，但係這小店是有理念的小店，用心經營，又唔算太貴，值得支持。去食嗰日成間鋪頭冇乜人，可能因為已經係三點幾下午茶時間，希望佢做得着唔會過一排無啦啦消失左啦。…查看更多

見開咗間新野，今晚去咗食，個麵 (油麵加米粉) 都幾好食。馬拉盞通菜係水烚的，撈埋嗰pat馬拉盞醬其實咸咗小小，建議撈少啲，其實都OK，同埋碟菜都只係$20。整體嚟講幾好，可以一試…查看更多

上星期五光顧，已經係第二次食，都係喺銅鑼灣分店晚餐時間，係越式野之中呢間都算好食，最好就係佢個龍蝦麵 (米粉溝麵線，好似係) 一直都有做推廣，湯底味道好，有原隻細隻龍蝦見到好多枱都有叫推介軟殻蟹紙米卷 (定係叫做米紙卷？)，係精緻的好吃。炒通菜就正正常常的好吃，我唔識分。另外如果叫拉茶 (冇影相) 一定要叫少甜，少甜啱啱好。整體來講幾滿意，因為本身住九龍，太遠唔會特登過嚟但係經過的話會再幫襯如下次會嘗試鳳爪沙律，因為見到好多人都有叫呢個…查看更多

尋日去開葵芳球場嗰個美食節，順便去咗葵涌廣場頂層買嘢飲，因為自己好鍾意飲木瓜牛奶，所以就喺呢度叫咗一杯，佢有兩款木瓜牛奶，一款平一款貴，已經係揀咗價錢較貴嗰一款，因怕平啲嗰款係質素較低的糖水飲品，或使用較差的牛奶。其實以前都有喺度幫襯過好多次，木瓜牛奶都有飲過，都覺得雖然冇乜特別，但勝在價錢唔貴，又飲到合理的味道。今次係買木瓜牛奶走甜，以前都有喺度買過一模一樣嘅飲品，無出事，今次仲特地強調地說”走~甜~”二字，因恐防店員聽不清楚指示，本人比較怕飲糖水果汁。佢沖出來，一飲落去已經甜到傻，所以馬上告知同一店員，錯咗走甜此事，佢亦馬上意識到錯了。點知另一店員 (可能是老闆娘或是年資較長的店員) 聽到，馬上搶先話幫自己我整返杯飲品，指令原本的店員不用負責。我親眼見到佢個杯野攪拌之前，除咗木瓜以內的物體清澈如水，攪拌後都冇再加任何嘢。冇錯，佢整咗杯 (疑似) 木瓜冰水俾我，但我已沒有回頭要求更換飲品，因恐防有店員故意不按章出貨，如在要求多多，下一杯會更不堪設想。最後我有飲完個杯疑似木瓜冰水，始終用咗木瓜唔想浪費，當作”稀釋木瓜汁”咁飲，而且我衷心相信店員除”疑似”冰水內都冇特別加料咁衰嘅 (如再次要求更換就唔知了)，但係唔知點解我又尋晚飲完之後肚痛到今日，食唔落中午飯。我平時腸胃食乜垃圾都唔會有事嘅....雖然本身係佢員工出錯，但講真我寧願佢要求我補少少錢，出過一杯正正常常嘅俾我，好過咁樣糟蹋食物，整一杯唔知乜嘢出嚟。撰此食評，望相關負責人見到，經營手法會有所改善。…查看更多