cwyfoodie852的個人專頁

嗰日咁啱經過，見到價錢都ok，就入去食lunch，估唔到居然有驚喜！餐廳裝修有情調，坐位闊落，餐具係打卡able嗰種金色餐具。一個set百幾蚊，包括餐湯、麵包、沙律、一個主菜同一杯熱飲。前菜🥗餐湯、麵包同沙律係用一個木盤上菜，望落幾精緻。麵包係意大利麵包，略嫌有少少太硬，個人唔太鍾意。餐湯正常係南瓜忌廉濃湯，我哋嗰日就加咗$40蚊升級咗一份餐湯做酒香蟹肉龍蝦湯🦞🍲 龍蝦湯冇咩酒香，不過都多蟹肉，如果要加$40，下次就未必會再加。主菜🍝香煎加州深海鱸魚柳配青口，刁草忌廉汁 $138魚柳食得出係冰鮮嘅，都幾容易散開，但係個醬汁味道同魚柳夾得好好，對得住呢個價錢。燒10安士澳洲肉眼扒配紅酒汁 $148塊扒牛味好重，叫咗5成熟，廚師煎得啱啱好，薯仔有預先煎過。總括嚟講，呢排牛扒性價比極高，冇諗過百幾蚊都食到呢個質素，同出面$300，$400嘅差唔多。…查看更多

嚟過荳子幾次，今次終於下定決心寫下食評。今次可以話係食黑松露大餐🤣主菜我地叫咗黑松露軟殼蟹意粉同黑松露什菌意大利飯，另外叫咗黑松露薯條同香草疏乎厘，再加三杯飲品，埋單大約人均$150，cp值算高。黑松露軟殼蟹意粉🍝每次同朋友嚟都一定會叫，黑松露味幾香，軟殼蟹炸得幾脆，但意大利粉略嫌唔夠彈牙。香草疏乎厘🧁呢個有驚喜，勁重蛋香味，同AM PM嗰間疏乎厘有得比。AM PM嘅疏乎厘比較實淨，Beans 嘅就比較鬆化，空氣感重啲。總結：有個舒服嘅環境同朋友聚會，嘢食唔錯，價錢合理👍🏻👍🏻👍🏻…查看更多

傳統卡邦尼手造意大利麵 $158呢間嘅卡邦尼意大利麵同出面食到嘅好唔同，冇落cream冇落奶，面頭係半生熟蛋漿，所以要趁熱食。煙肉味非常濃，配埋淡淡嘅蛋香味，好夾！松葉蟹甲羅燒蟹膏意大利飯 $288店員上菜嗰陣有講，蟹膏意大利飯要由外圍食起。啲飯食落煙韌有咬口，而且粒粒分明。中間嘅蟹膏味道非常濃郁，但唔知係唔係關燒炙事，某啲蟹膏食落有苦味。法式焦糖燉蛋(花斑茶社桂花烏龍),自家製冰糕 $68焦糖加埋淡淡蛋香，甜度啱啱好，唯一美中不足嘅係冇咩桂花烏龍味。…查看更多