mandy_chu的個人專頁

特登落九龍城打冷，咁啱揀咗間難食又服務差嘅舖頭😵‍💫嗌咗個蠔餅，上菜速度慢，等咗勁耐一嚟到已經見到碟蠔餅又濕又淋，仲要勁油🤮平時勁鍾意食嘅蠔餅，今次半碟都食唔晒，真係啃唔落！另外嗌咗條鵝片同大眼雞，大眼雞唔係好新鮮，不過算係好食過蠔餅。鵝片就正常發揮，但係兩碟份量都好少。到埋單嗰吓最嬲…去得打冷都唔預咗平，點估到佢咩電子支付方式都冇（舖頭裏面完全冇標明只收現金），收銀個阿嬸淨係識話「有現金就俾現金啦」，但是實而家呢個世代冇咁多現金喺身都唔出奇吖…問佢有冇支付寶又話冇，微信支付又話冇，信用卡又話冇，淨係識得叫你去對面間七仔撳，仲要語氣勁差勁晦氣！真正嘅貼錢買難受！…查看更多

之前食過幾次荃灣18樓雞煲 味道不錯 今次第一次到旺角分店 真的只有一次 沒有下次！1. 味道首先，18樓雞煲標榜「食雞煲打邊爐 唔使點豉油」，雞煲味道的確不錯，但之後打邊爐的「湯底」卻是惡夢！我們加了他準備的湯底後，覺得味道淡如水，便希望員工給我們一點雞煲醬或其他方法，令湯底能濃味一些，2個員工一致回答沒有，其中一員工更表示「一係自己(去調味料區」加豉油…豈不是用「豉油加水」作湯底？咁不如我自己喺屋企整…😅2. 服務態度我們9:30pm左右入座，入座不久已見到員工三五成群在旁邊開始準備員工的晚餐(沒錯，在旁邊一起打邊爐）。我完全理解他們也要晚餐，當他們三圍枱一起晚餐時，我們亦不想打攪正在用膳的員工，但在場工作的員工實在少之又少，我們想找員工協助時也等了很久才有人過來…這也不算是很大問題，我也了解人手安排或許需要改善。可是，員工的態度卻令我覺得很失望…當我詢問其中一員工有沒有優惠(因為聽到旁邊用餐的客人說有會員優惠），那員工說「我不知道，你要出收銀處詢問」，再問他有沒有信用卡優惠，他也是說「我不知道」，並沒有打算協助我們…也不要緊，可能他只是兼職，對餐廳的資訊不太熟悉。後來，到埋單的時候，一個員工飛快地把賬單放到我們枱上，一聲不響便走了…如不是另一位友人提醒，我也不知道他們把賬單放在桌上了…莫非跟客人說一句話也是這麼困難嗎？其他任食的火鍋也會提醒客人last order/這是你的賬單之類的對話，一聲不發就走開也太沒禮貌了吧…之後我們到櫃檯埋單，想查詢有沒有渠道可以反映我們的意見，一位自稱負責人及經理的陳生，起初聽到我們說想反映意見，也即時笑容滿面向我們詢問有什麼不滿，但當我表達上述的意見時，只看到他唯唯諾諾，並沒有打算回應或跟進的意思…我即時在想，為何荃灣跟旺角分店的服務差那麼多？我們隨即詢問有沒有總公司/投訴的渠道，他只是一句「沒有哦」…連負責人也是這樣的態度，難怪其他員工也有樣學樣…3. 嚴苛條款後來到我們準備離開時，才看見當初給我們QR code 點餐紙，下面原來列有密密麻麻的細字，我們到那時候才見到原來會員優惠是要在入座後60分鐘內，由客人主動向櫃檯提出，否則一律作廢（這也是從來沒有人跟我們說過）。此外，條款內還有列明入座起計120分鐘內必須離座，超時則會被罰款（難怪沒有任何員工提醒我們last order 或埋單…如一不留神真的會因為遲了還枱而被罰款）。雖然這公司有白紙黑字寫清楚，但入座時客人大多只會scan QR code點餐，誰會慢慢閱讀他的條款？這些嚴苛的條款實在令客人感覺非常不良好！總括一句，只有這次 沒有下次！…查看更多

真的是任食火鍋之中最不愉快的經歷！之前食過幾次荃灣18樓雞煲 味道不錯 今次第一次到旺角分店 真的只有一次 沒有下次！1. 味道首先，18樓雞煲標榜「食雞煲打邊爐 唔使點豉油」，雞煲味道的確不錯，但之後打邊爐的「湯底」卻是惡夢！我們加了他準備的湯底後，覺得味道淡如水，便希望員工給我們一點雞煲醬或其他方法，令湯底能濃味一些，2個員工一致回答沒有，其中一員工更表示「一係自己(去調味料區」加豉油…豈不是用「豉油加水」作湯底？咁不如我自己喺屋企整…😅2. 服務態度我們9:30pm左右入座，入座不久已見到員工三五成群在旁邊開始準備員工的晚餐(沒錯，在旁邊一起打邊爐）。我完全理解他們也要晚餐，當他們三圍枱一起晚餐時，我們亦不想打攪正在用膳的員工，但在場工作的員工實在少之又少，我們想找員工協助時也等了很久才有人過來…這也不算是很大問題，我也了解人手安排或許需要改善。可是，員工的態度卻令我覺得很失望…當我詢問其中一員工有沒有優惠(因為聽到旁邊用餐的客人說有會員優惠），那員工說「我不知道，你要出收銀處詢問」，再問他有沒有信用卡優惠，他也是說「我不知道」，並沒有打算協助我們…也不要緊，可能他只是兼職，對餐廳的資訊不太熟悉。後來，到埋單的時候，一個員工飛快地把賬單放到我們枱上，一聲不響便走了…如不是另一位友人提醒，我也不知道他們把賬單放在桌上了…莫非跟客人說一句話也是這麼困難嗎？其他任食的火鍋也會提醒客人last order/這是你的賬單之類的對話，一聲不發就走開也太沒禮貌了吧…之後我們到櫃檯埋單，想查詢有沒有渠道可以反映我們的意見，一位自稱負責人及經理的陳生，起初聽到我們說想反映意見，也即時笑容滿面向我們詢問有什麼不滿，但當我表達上述的意見時，只看到他唯唯諾諾，並沒有打算回應或跟進的意思…我即時在想，為何荃灣跟旺角分店的服務差那麼多？我們隨即詢問有沒有總公司/投訴的渠道，他只是一句「沒有哦」…連負責人也是這樣的態度，難怪其他員工也有樣學樣…3. 嚴苛條款後來到我們準備離開時，才看見當初給我們QR code 點餐紙，下面原來列有密密麻麻的細字，我們到那時候才見到原來會員優惠是要在入座後60分鐘內，由客人主動向櫃檯提出，否則一律作廢（這也是從來沒有人跟我們說過）。此外，條款內還有列明入座起計120分鐘內必須離座，超時則會被罰款（難怪沒有任何員工提醒我們last order 或埋單…如一不留神真的會因為遲了還枱而被罰款）。雖然這公司有白紙黑字寫清楚，但入座時客人大多只會scan QR code點餐，誰會慢慢閱讀他的條款？這些嚴苛的條款實在令客人感覺非常不良好！總括一句，只有這次 沒有下次！…查看更多

同家人慶祝生日，揀咗呢間食lunch，前一晚先至經OpenRice book，寫咗生日remark但驚太夜佢地收唔到，所以第二日晏晝再打去confirm。職員態度很好，表示只要我們點任何一款甜品，就已經會為我們準備寫字服務。去到餐廳雖然很細，但裝修及佈置得好精緻，令人賞心悅目。食物都算唔錯，而且職員效率及態度亦令我們很滿意。當上生日甜品時，背景音樂亦換成生日歌，令我們感覺餐廳很有心思，推薦慶祝活動嘅大家可以試試。…查看更多

星期五夜晚去食飯，早幾日打去已經話full booking只可walkin，預左多人要等位，我哋算早去到，排第6張枱，但都等左一個鐘先入到去。入到餐廳眼見仲有幾張枱冇人坐嘅，我地被安排到路口位想問下職員可否調後一張吉枱，職員即刻話：「你張枱係呢度，冇得調架喇。」 問多句其實仲未有人坐啫，職員即回應：「點會冇人，陣間就會有人坐，唔係唔想幫你，幫你調張枱有幾閒，不過真係唔得」 ok佢講到咁想幫我但又唔問下reception 可否調就一口咬定有人，咁我都唔同佢拗。（後尾佢急急腳放返個留坐牌，然後隔左成個幾鐘到我地食完飯先有人坐落嚟）好喇，野食質素唔算好差，但亦冇乜特別，似乎有啲overpriced。同埋某幾樣餸上菜速度比較慢，有一兩個餸係到我地食晒啲飯先黎，上菜速度上控制得比較差，不過大排檔質素，唔要求得咁多，大家要有心理準備。總括而言，好食嘅大排檔或者中菜有好多選擇，要等咁耐又態度唔好嘅話，唔會再返轉頭。…查看更多

時常經過彌敦道見到這間cafe都想試試，今次提早打去預約左先，網上評論話坐得好迫，所以預先問吓佢可否book 包廂（一張四人枱），不過佢話四位以上先可以book，咁就由佢啦。4點左右黎到餐廳，客人唔算多（大概3，4枱），主要集中喺大廳位置（一邊梳化一邊凳，多數喺二人打對面坐的細枱），我們不想那麼擠擁，所以見到下午茶時間不太繁忙，又有一張四人卡位，問過帶位後他說可以坐。但是坐低後聽到另一位貌似比他高級的同事問佢「做咩俾佢哋坐呢度」，好彩帶位同事話我哋有預約嘅，所以安排我地坐好少少嘅位置。聽到他們的對話已經覺得有點奇怪，其實我去的時候已經不是繁忙時間，餐廳又有很多空座位，為什麼不能讓人可以坐得舒適闊落一點呢？ 睇到餐牌後，佢只有午市套餐，下午茶套餐，單點餐牌只有小食和甜品。套餐是三道菜（主食+配菜+飯），另外自費飲料有八折，可是他的套餐另一個讓我奇怪的地方，就是他三道菜，每一道菜都有一個價錢讓客人加配，甚至是飯都有幾款給客人選擇（但全部也需要加錢），因為當時我們不太餓，想請問可否只選主煮食及飯，餐廳回覆必須選擇一款配菜（也需要價錢的）。這樣一來，套餐的價格不是太划算，可是其他單點的小食及甜品選擇亦很少，所以我們無奈地選擇了套餐。月餐後我們覺得食物質素還可以的，只是用餐體驗不太好，尖沙咀亦有很多cafe可以選擇，所以我不會再光顧了，亦不太推薦大家。…查看更多

寒冬至至，本想約三五知己去九龍城食泰國菜暖暖身，恰好見有人推薦泰發，便決定一試。剛到餐廳，見餐廳半滿，還有數張枱空置，便禮貌查詢是否有位，門口希帶眼鏡束馬尾的呀姨熱情地說有位，本想帶我入去，卻見我未人齊，便要求在門外等齊人才入座，但我總共4人，已到了3人，其實枱的大小並沒有影響，再禮貌詢問因天氣太冷，加上有人感冒初癒，可否先入座，因朋友亦快到步，剛才門口的呀姨竟突然態度轉變，嫌棄般訴說："都話人齊先俾你入座，我頭先講左！"……我地即刻O晒嘴，其實如果我地同佢改3位，咁佢係咪會俾我即刻入？其實佢有枱閒置，但好似我地要乞求般向佢攞位，幾時食飯食到咁陰公🥲建議大家不想受氣，請勿光顧，九龍城還有很多泰國菜選擇，不只它一間！…查看更多

又係我最鐘意嘅自助餐喇！今次揀左依間尖沙咀嘅酒店，都唔算難搵，一出港鐵站沿海防道一直行就到，不過星期日嘅尖沙咀真係好多人呀，迫迫下終於黎到喇！行到過黎岩岩好6點半準時開波🤩我通常食自助餐之前都要兜個圈望下有咩食先~依間自助餐個場都幾大，野食都幾多，琳琅滿目呀！重點嘅海鮮區，望落都幾多海鮮喎，生蠔龍蝦蟹腳，大大隻凍蝦青口同翡翠螺👅刺身都有六七款，夠豐富👍🏻再黎就到麵檔，好多餸揀呀，麵都有幾款揀👏🏻我平時都好鐘意食麵，不過今日要忍口唔可以食咁多，要留肚食其他😂隔冇幾遠就係甜品區😻有我最愛嘅Movenpick雪糕任我食呀！好想即刻食呀不過要等到食左正餐先食，好心急呀🤤行到去熟食區嗰面香氣滿溢，原來係煎緊鵝肝同扇貝呀🤤超香超香！一定要食返夠本🤗特別嘅係佢仲有有芝工噴泉同原個芝士撈意粉，對我依個芝士迷黎講真係流晒口水呀🤤好啦參觀完就開始食喇！首先緊係要進攻生蠔😆雖然每次只可攞3隻 但勝在夠鮮甜 排多幾轉都值呀！今次我一個人都食左一打半！yummy😋😋其他海鮮都唔差 有開半嘅龍蝦，龍蝦鉗，長腳蟹...全部都係我至愛！男朋友仲好醒目咁嗌左枝白酒送海鮮，一流呀！原來佢啲白酒做得好平，$188一枝咋！又有美酒又有佳肴，好滿足呀！食完海鮮，飲返個熱湯暖暖肚先🤗我就攞左個燉湯飲，好正好足料呀！大愛燉湯❤️輪到食正餐~~即刻去拎鵝肝同羊架先！岩先行過已經好想食，果然鵝肝配多士係最夾呀！鵝肝入口即溶，溶化埋我個心喇😍到食芝士意粉喇！原來唔止芝士咁簡單，佢今個月做黑松露主題，係黑松露芝士意粉先啱呀！黑松露味好濃郁，同芝士真係好夾呀🤤如果個肚仲有位一定要encore!!芝士意粉完就再食芝士噴泉！啲配料都幾多，尤其是係薯格，我最愛啊！同埋佢個芝士噴泉做得幾杰身，真係好芝味，一啲都唔hea啊😋一食開芝士就停不了，去左佢cold cut個area攞左少少芝士繼續食！Brie同Camembert係我至愛呀！抖左一陣再繼續食💪🏻佢依度啲野食都幾特別，有片皮鴨同海南雞，樣樣都拎啲試下，水準都唔差😉食食下傾傾下，又到dessert time喇😍期待已久！佢有好多款cut cake, 最鐘意就係oreo cheese cake😋仲有即焗心大軟，真係個個都流心架，趁雪糕一流呀！細細件唔會食濟人，我自己一個都食左3件呀🤣同埋佢Movenpick都6,7隻味，我最鐘意就緊係佢必食嘅朱古力同士多啤梨啦！真係食極唔厭呀🤗雪糕隔離仲有個朱古力噴泉，配生果唔太膩，超正！最後值得一提嘅係佢嘅餐飲，有得嗌柚子蜜架，男朋友就嗌左個凍朱，大大杯之餘仲有得加cream架😍我都忍唔住偷飲左幾啖😋不過星期日多人order就等耐啲，想快啲飲飲就要早啲嗌喇😝由頭食到落尾，真係滿足🤗總括自助餐黎講依間都多野食，質素都幾好！下次有機會再黎過！…查看更多

適逢週末，打算到這個卡丁車主題的cafe玩樂一番，可惜該場地員工安排極為不當，實在令人憤怒及失望。。。上菜時間出乎預料我明白是週末時間，會比較繁忙，已經先打電話來預訂。到達cafe後，職員通知要再等多一小時才可玩卡丁車，建議我們先在場進食(每人有低消120元)才玩卡丁車。我們接受他的建議，先叫食物，再排隊玩卡丁車。誰知道，我們再order食物後過了半個多還未到，眼見卡丁車的輪候時間快到，我們擔心來不及用餐，便向職員詢問，再等多十來分鐘，其中一個餐到了，但只剩5分鐘時間就到我們卡丁車的預定開始時間。5分鐘實在吃不下一個意粉，更何況另一個餐還未到呢？！我們便向職員查詢，職員叫我們”放碟意粉喺度，玩完再返黎食，好快玩完姐!” 但快得來玩一轉車都要10分鐘，真的要就這樣樣空置我們的食物？何況我們坐靠路口，現場又人來人往，真不放心。於是再向職員查詢，他便一臉不耐煩、一聲不響拿走了枱上的食物，沒有交代會何時再上菜。在我們都來不及反應之際，另一道菜在此時由另一位職員送上。我們便跟此職員說明，快到召集時間，要求在卡丁車結束後才上菜，此職員表示明白，端了我們的菜送上另一枱同樣order的客人。卡丁車職員安排令人掃興此時，卡丁車召集處已經開咪召集我們，我們只好過去召集。到了召集處，職員便帶領我們到所屬的卡丁車就坐，聆聽安全守則。聆聽途中，有職員走過來，說我的隨身袋不能跟身，要放他們的儲物櫃暫存，我是明白的，但入場的時候我也是背着背包的，只奇怪當時有幾個職員在召集處閒談，卻沒人提醒。當我再回到坐位，安全守則已講完，我亦錯過了聽部份卡丁車的操作說明。不過眼見快要開始，不便打擾，而軚盤的操作也大致了解，便靜心等待開始。怎料此時，又一職員過來，說我穿涼鞋不能操控卡丁車，要我到場外換鞋。我也明白是為了安全着想，但是不是要等到就快開始時才通知我離場換鞋呢？當我一站起來移步到場外，職員立即宣布開始賽事。我感到有點憤怒，詢問職員為何等到開始時才通知我換鞋？他們稱之前看不見，但我在車場來回兩次，兼坐在車上(腳放在腳踏當眼處)，巡查的職員及在場的數個職員卻都沒看到。再說，職員早前給我們閲讀的守則也沒提及這一點啊，如果他們早點通知，我就不用等到所有人開始了，我卻要自己一人離場換鞋，很是掃興！職員溝通不足卡丁車玩了5分鐘左右便結束，結束後回到餐桌，便看到剛才退了給聽員的意粉早已放左桌上，已經不是剛上桌熱騰騰的了，令人奇怪會唔會是剛才退了給職員那碟？是不是職員只是拿到廚房暫存，等我們離開了去玩卡丁車又放回我們的餐桌上？就算不是我想像的這樣，我們也曾經向職員表示想完了卡丁車才上菜，是不是職員之間沒有溝通過呢？還有，埋單時才發現換鞋原來要加錢，但沒人知會過我呢！各位如計劃去的朋友要特別留意！總括而言，對於一心想玩樂輕鬆一番的我，是不會再光顧此餐廳的，說是主題cafe,可惜卡丁車主題的安排和cafe食物安排都未如理想，奉勸各位去之前要有心理準備，否則會令你很失望！…查看更多