mangokong718的個人專頁

第一次入元朗食拉麵，去咗位於YOHO嘅武骨相傳，拉麵沾麵淡而無味，沾麵碗湯好似水咁，同服務員講，佢拎完入去成碗湯深色左，咸到食唔到，直頭落左豉油落去咁嘅味，完全冇豬骨湯嘅味，再同服務員講，一係淡到無味，一係咸到食唔到，服務員就咁溝啲水俾我，佢地個湯底應該係無骨唔係武骨，非常之差嘅用餐體驗，最後食都冇食埋單走人，咁就賺左3百幾兩碗拉麵。。。。。。。。。。。。。。。。。。。。。。。。。。。。…查看更多

第一次去嵐月，見到環境幾靚幾乾淨，就入去試下個chef tasting menu 埋單人頭over $800，份量少到一個女仔食完都好似食左個寂寞咁，前菜細份都合理嘅，主菜係一隻蝦，兩舊雞，兩舊勝瓜同兩啖飯，雀仔胃不防黎試下，上完個前菜先話俾你知個主菜24小時慢煮牛肋骨冇哂，然後搵兩舊鞋口雞肉頂上，上菜慢到好似食緊法國菜咁差唔多食左成兩個鐘，味道不過不失，又冇食評講到咁高質同非試不可，除非你只係為左黎打卡。由入門到埋單果一刻，得過黎埋單個員工笑笑口之外，其他經理侍應全程都係黑口黑面冇水洗面，你問佢野一句起兩句止，好似爭佢錢咁🤦🏻‍♀️尤其是啲男經理👨‍💼想做高檔餐廳唔該請啲有禮貌嘅員工，都睇得出廚房都好用心做啲特別嘅中餐🥢但俾班前線嘅侍應同經理搞到禍哂，幾好味都背脊骨落，一定唔會再有第二次嘅幫襯。…查看更多

非常之失望同差嘅用餐經歷明明上年食都仲好有水平今日再去食簡直失望到極點上刺身好似上快餐咁，一野隊埋黎成個刺身盛散哂，明明叫左至尊刺身盛7點，剩係黎左6點，後尾侍應拎返入去隊多款三文魚黎真係啞左，至尊刺身係三文魚，餐牌上嘅款式只供參考，水準大不如前，令同行朋友大感失望，等我仲極力推介，簡直肉酸死人。壽司盛12點，啲魚double哂，燒芝士年糕勁粉又唔夠熱，上年食嘅時候外脆內軟一定會翻兜，今次都食差到爆。…查看更多

唔知係咪轉左手，冇以前咁高質，比起以前真係非常非常之差，以前lunch or dinner都會特登走出嚟食，因為性價比真係好高，魚刺身各樣飛機貨都好高質，自從轉左班人之後，我估係轉左手，價錢好似比以前貴，但係食物質素低咗好多，見到啲食物上枱真係會嚇親人。天婦羅嘅炸雞，薄到好似紙咁一樣嘅銀鱈魚西京燒，食落去根本都5係銀鱈魚，真係吹到啤一聲，完全5明佢哋點解可以夠膽擺上台俾客人食，188蚊食2張紙，蒸蛋俾小朋友食，上到枱竟然係唔熱嘅蒸蛋，omg😡…查看更多

今日滿心歡喜去食呢間omakase Lunch buy one get one free見到咁多好評真係好期待點知原來係假嘅，半個鐘就食完一餐omakase 破哂紀錄，師傅又唔識介紹連子薑都好似唔知擺左幾耐一陣怪味，九唔搭八，份量少，味道差，食完仲要轉場補飛。$980 一送一 1176埋單想像唔到冇一送一食啲咁嘅質素會點。前菜海草都唔緊要，餣味勁差，前菜一塊腐皮，一啲豆味都冇，個蟹肉啫喱唔該啲殼整乾淨少少，壽司影都5想影，熟食係舊南瓜包住啲冇味嘅肉碎，個大蜆湯腥到不知所謂，嘔吐物咁。唔怪得一送一都咁冷清。…查看更多

3:45時段  十八品廚師發板第一次嚟食原來呢個時段只係得一個餐揀Early dinner $1200/一位，另收加一。平時食嘅廚師發板味道都比較濃厚今次試到一個比較清新嘅食法😊食咁多嘢都唔會話好飽好濟🫢一定會再同朋友去試👍🏻👍🏻而且師傅每一品都解釋得好詳盡螢光魷魚係最後一道刺身品我亦覺得做法係都幾特別同Surprise唔同平時食嘅螢光魷魚味道咁重咁漬成個menu 都係好fresh 清新😊唔知係咪呢個師傅嘅風格😅…查看更多

由上年起至今食過4次，雖然圍返一個人六佰幾蚊放題黎計其實唔算平，但都覺得好值，因為頭3次真心覺得好食，係高質放題，所以今日滿心歡喜同朋友去食，點知質素完全keep唔返，只能夠用差來形容。就算88折左都5佰幾一位，但味道鮮味大不如前，午餐肉味同口感嘅牛舌，雪藏味重嘅刺身，明明係烚粟米又話係燒粟米，以前又大塊又厚身嘅鴨肝變左牛柳粒size嘅鴨肝，其他都5想講，只可以話非常之唔值，失望。全晚最好味竟然係燒青椒仔。…查看更多

平時都會去新都城呢間堂食都覺得性價比高，所以今次都好有信心去叫外賣，點知一返到屋企拆開見到直頭冇胃口食，估唔到板長寿司咁嘅質素都可以出比客人，勸所有人客拎外賣前都要check一check，真係令人非常之失望。疫情個個都叫外賣，返到屋企見到咁嘅款，真係眼都凸埋，全部都乾爭爭，魚生壽司啲部位唔差都唔出俾你食，好似賣剩蔗，開倉大減價咁，百佳惠康都冇咁差，真係5會再有下一次囉，寧願去百佳惠康一田買，$600-700俾啲咁嘅嘢人哋食。…查看更多

非常之失望，諗住慶祝父親節，openrice上嘅餐牌點菜紙非常誤導人，以為海膽嘅類別好多，仲諗住專攻海膽，點知只係得海膽魷魚軍艦同海膽軍艦，上到嚟賣相仲要好差，雖然佢唔算孤寒份量都正常，其餘嘅熟食溫度唔夠熱不單止質素仲要非常差，未試過食一間日式放題刺生係可以咁差，最基本嘅刺生都可以滿滿雪藏味，雪水味重，只可以話一定唔會再去食，除咗座位係比較舒適，其他嘢都唔值得我再去多次，圍翻起其實就算買一送一都要成$300一位去其他放題好過，選擇又唔多，質素也非常差，都夠膽收498一位再加一🤨…查看更多

一間非常唔就腳，環境逼迫，傾談一啲私隱都冇，環境噪吵唔清靜，侍應態度又差嘅咖啡館。食物賣相都還好，點知一擺落口就知錯，食完朋友同媽咪返到屋企仲要肚痾。落單果陣，個收銀大大聲話:哎呀🙄我想食埋個飯丫。好似嫌人阻佢食飯咁，如果放飯安排得好啲，洗乜係到咦咦唉唉呢？叫左杯rose latte 等左半個鐘，問侍應竟然仲黑口黑面話整緊架喇，點知杯咖啡依然黎錯。成個過程，環境，服務生都俾人一種唔耐煩嘅感覺。睇相真係以為環境好靚，唔上去都唔知咁差，平時食野都冇乜要求，諗住今次可以享受下，點知中哂伏，價錢同食物同質素不成正比，雜誌仲唔知扮左個咩獎定推薦，原來真係俾錢就米芝連都拎得😡🤬…查看更多

發現原來是一間5願意招呼小孩的咖啡廳，都明白的，但應該標注清晰該餐廳並不願意小孩享用餐廳服務，只限幾多歲嘅人士享用，等唔洗白撞，令小朋友都失望。可能我都做少左research,只係冇諗過會有咁嘅食肆。以後搵餐廳都要search埋小孩可5可以進入。…查看更多

很久之前就已經來過幾次，環境似茶座，有外有內，可以供吸煙人仕，又可帶狗狗的地方，有燒烤，泰國野，西餐……很多很多選擇。雖然不是很高的水準，有改善空間，但也絕對不差……因為剛搬來附近，所以再來光顧一次……點了燒海鮮很新鮮，原來他們是每天風雨不改的去入貨，而不是拿了一大堆再冰起來，所以我覺得bbq是最讚的🖒這裡的羅宋湯很好喝，大概是我喝過最足料，加一點牛油在湯裡面，非常棒…蒜茸包外脆內軟……再點了個炒青菜，咖哩雞飯，朋友點了炒意粉，一頓晚餐，很滿足的離開~~價錢相對也很實惠，因為我點了很多食物……下次希望可以跟朋友試一試他們的泰國菜，馳名豬手，看見別人吃都在讚好食過赤柱😂😂😂…查看更多

母親節第一次來，可是是跟朋友不是跟媽媽我想這裡應該開張不久吧，居酒屋環境也不錯，餐牌都一一釘在牆上，清清楚楚的，餐具挺特別的說就只是上菜比較慢了一點點，就一點點而已，但一上菜就全都上經理跟員工也很好的服務，即使全場爆滿的埋單只要三百多而已，不是很平宜也不算很貴。。食物也挺不錯的，可以再來的…查看更多