nicjay_915的個人專頁

坐低無耐，伙計咩都無講就放低左一碟「豉油碟」（如圖)，唔講以為隔離酒樓食淨左碟鮮蝦腸粉淨番d豉油比我地，全靠陣醋味先知。(食左咁多間餐廳，第一次見咁方法比醋客人。）隔左好耐，先有麵包到。正常。意粉，因為無味，我都唔記得叫左咩款，好似食緊漿糊。雜菌意大利飯，更似食緊漿糊。平時幾難食嘅野食，我都會盡量食哂，呢個真係搞唔掂，唔係講笑。唔關我平時食開咩質素食物，平至華御結，大快活，唐記，我都覺得好味，呢度係連以上都不如，真心吞唔到落肚。…查看更多

常客，老闆同老闆娘都應該認得我。每次去，如果買一球，佢就會問你要唔要買兩球，買兩球，就問你要唔要三球，買三球，就問你訂唔訂一盒番屋企。職員就應該係比老闆落order問，但每次都係咁真係覺得好煩，我又唔係見唔到價錢，個日想食少d咪要少d，個日想食多d咪要多d，唔會你問一問我突然會想食多d，所以宜加佢再問我會當聽唔到。買完想要收據，老闆每次都話要黎做咩呀，如果話用黎儲分，佢就會話用黎儲分儲得個少少，一係就問係咪黎泊車，如果話唔係，最後都係唔肯比。唔知點解咁唔想比人享用優惠。雪糕質素無可否認係好，雖然對我黎講有d貴，但久唔久食一次都ok，如果唔係咁煩，我可能會去多d。…查看更多

當日3x度，17:00入座時出面仲係烈日當空，大概15分鐘後，職員突然關掉我張枱上面盞天花燈，但全間餐廳其他燈都係全開，好莫明奇妙。問職員點解，佢話想「營造夜晚的感覺」。講真唔係好明，點解成間餐廳淨係要為我一枱形造夜晚的感覺，而出面係曬到死，仲要餐廳係以大音量播緊節奏強勁音樂。其實無咩特別，只係覺得好奇怪，正常你突然要熄某一枱的燈，而又唔係就關門，點解唔問/講聲？好，再坐多15分鐘，強勁音樂好似燈一樣「嘭」一聲停止，再隔幾分鐘又突然有番音樂，今次音量細左。都係個句，唔明點解要咁做，好奇怪。食物ok，可以再來但希望職員可以顧及顧客感受，唔好突然彈呢樣突然停個樣，嚇死人。…查看更多

地點非常偏僻，南地輕鐵站行14分鐘才到。今天天文台錄得36度，烈日當空，一路上因是舊村屋關係，在全無遮擋下撐傘行了三個字都一身汗，入到去叫了兩次侍應才有水供應，結果是兩杯滾水，沒聽錯，是滾水，連暖水都不是。再第三次order後，終於有凍水。終於落單了，落完侍應問喝什麼，我們問有什麼喝，侍應回「汽水雪碧檸茶檸水」，我叫熱檸茶，侍應回：「無熱禾。」最後唯有叫了凍檸茶。食物和格價成正比，但去不到值得三長水遠去的「隱世」水準。結賬後，才發現凍檸茶收$3。我問侍應飲品不是包餐嗎？侍應回熱飲才不用加錢。我問那為何剛剛問有什麼飲品他只說凍飲，而不講出有什麼熱飲。他不知答不出定懶得答，隔壁穿便服推嬰兒車的疑似職員也只是答「凍飲是要加錢的，熱飲才不要」，根本沒理解問題，然後就了去收銀機還$3比我就算數。結果最後我還是不知道這裏點餐是有沒有熱飲的。不過如有凍檸茶，炎夏又serve滾水，但又沒熱檸茶的餐廳，第一實在有點可笑，第二完全不make sense, 除非它們的檸茶是從包裝飲品倒出來吧。其實$3少事，不過態度有問題，所以堅決比負評，亦不會再幫襯。…查看更多

晚市去，完全無人，叫了焗飯所以等了好一陣子，因無其他人要serve的關係，全部侍應像監視我們一樣。吃到中段終於有三個人到，總算無咁大壓力。我朋友吃完，我還在吃，侍應前來收我朋友的碗，示意了不用。未幾，另一侍應又想來收，唔明點解要咁趕。之後第三次再想來收碗，我叫埋單，叫侍應放低後，另一侍應一直瞪住我像要催我埋單，我望實她都要繼續望，完全沒尷尬的感覺，直到我們離開。食物是不錯但過程一點都不舒適，如侍應很空閒可考慮看看此食評改善下。…查看更多

價錢合理，份量十足，不過常落錯單，海南雞轉脾是要加錢的，但叫三次外賣兩次都比錯。堂食環境可以，不過白燈對我來說像補習社，不太舒適。店員說餐具是環保的，不過驟眼看似膠造，所以吃起來不像在堂食。…查看更多

因去過京都宇治本店，所以清楚食物質素，是ok的，服務方面則一般。每次進來都是錄音機式播放餐廳細則，聽都聽到厭，連你講明清楚規則都是照講，毫無彈性，所以純為食物而來。…查看更多

關門前一小時去到，入座五分鐘內不同職員多次來催促點菜，開始吃時幾位職員將清潔劑潑落地清潔，結果我們是聞住清潔劑來吃飯，所以完全不記得食物味道如何。關門前十分鐘，又開始輪流來催促，第二天致電反映，職員說一般茶餐廳都會關門前開始清潔，我心想可惜你們不是收茶餐廳的價錢。之前本店因未在openrice，所以一直未寫食評，現在隔了半年終於有了，我還記記寫回食評，可想而知印象幾差。…查看更多