hlaus的個人專頁

有異物-透明硬膠片係碗糖水裡面‼️‼️‼️痴L線餐廳！今日係foodpanda叫了台式綜合仙草凍+2碗其他糖水，用匙羹擺入口食到第三啖，感覺到有好硬嘅物件，即刻拎出嚟睇。一開始浸住黑糖睇仲以為係冰，點知放出嚟睇+摸，竟然係一塊透明硬膠片！我check咗三個外賣膠盒都冇爛，而且塊膠片比膠盒硬好多，所以肯定係餐廳整糖水個時已經放咗入去。🤮🤮🤮DLLM小朋友如果唔小心吞咗落肚/老人家咬崩牙點算？食物味道一般，0安全保障令我100%blacklist呢間餐廳！❌❌❌…查看更多

睇呢度啲食評大部份都係話佢好好食，所以就嚟試咗，點知中伏。而家網上實在太多打手。🥲🥲🥲諗住蛋包飯都唔差得去邊啦，個飯同蛋都算合格，但最差嘅就係啲主菜-叫咗吉列豬扒同埋牛，吉列豬扒切到勁大塊，睇相都望到佢塊肉乾到喊，仲要係白色咁，好嚇人。牛就冇影到相，因為已經韌到唔想食。🤮冇環境可言，喺apita裡面，一路食一路比排隊嘅人望住晒，得好少座位。職員係應對方面更奇葩- 我係OpenRice訂位嘅所以指定餐牌有折。咁我去到落單之前就同職員confirm一次啦，點知佢九唔搭八亂答咗一堆嘢，唔聽客問咩問題。另外晏晝食飯時間都仲未有餐牌上邊嘅好多餸。附近有好多餐廳，一碟餸都百零蚊超唔值，唔需要黎。😷🤮👎🏻👎🏻👎🏻…查看更多

（講明先呢個食評係我係opernrice寫既第二個食評，通常好食嘅都會係 share比朋友，寫喺openrice嘅評語係唔想大家中伏😷）上星期六同男朋友去呢間餐廳諗住食韓國嘢，因為見評語唔錯。侍應安排咗我哋坐咗係最近廚房嘅位置（圖下圈住嘅位），一開頭坐喺度等餐都冇咩野，但之後突然間我對眼越嚟越痛，好似比胡椒噴霧噴到咁不停流眼水。(講明先我對眼一直都好健康唔會無啦啦流眼水)我以為得我自己係咁，我同男朋友講啦點知原來佢都覺得對眼好痛（不過佢對眼不嬲好乾所以冇流眼水）雖然個廚房同我哋幾近，但冇直接彈到啲煮食嘅汁落我哋度，所以我懷疑係空氣唔流通導致嘅問題(好大油煙)。因為我地兩個都好唔舒服，所以我就同其中一個侍應解釋個問題同埋講想掉位。雖然佢安排咗另外一個位置俾我哋坐，但係當我解釋嗰個情況同埋問有冇客人都反映過嘅時候，佢完全冇回應任何野，我當時覺得：🙄???? 我只係想知有冇其他客人遇過同樣問題姐。調咗位之後我哋就開始食嘢，但係我對眼仲係好唔舒服。食完之後離開咗餐廳我聞到自己成身都係好似食完燒肉嘅味，大味過去牛角/食鐵板燒好多好多，但明明間餐廳冇燒肉食。所以我真係好懷疑廚房用類似鐵板燒形式嘅煮食方法而抽風系統差導致嘅。👎👎👎客觀黎講啲嘢食唔錯，價錢偏貴，但要我一路食一路流眼淚，加上侍應態度好麻麻，我一定唔介紹朋友嚟呢間餐廳。要打卡既都仲有好多其他餐廳可以去。❌❌❌😷😷😷…查看更多

叫左Ribs ，幾多肉，可以試，但千祈唔好試churros，麵粉都冇，得塊皮，同我之前係其他地方食過個D差天共地，有4條食左半條就頂唔順冇食。價錢又唔係平。失望！English version: The ribs are decent, with bbq sauce and fries for the sides. But guys never ever go for the churros as there’re no flour in the middle but only the fried skin!! There’re four churros and I only ate half of a churro. It’s disappointing!:( …查看更多