Cato Hon的個人專頁

我有問題叫男侍應，呢個男侍應就扮聽唔到，叫到全間餐廳都望住，個男侍應頭也不回無回應……之後個大嬸侍應行過嚟，就話個男侍應係新移民…“唔識聽白話，唔識講白話”……吓……咁都得……實在太神奇啦！重有………之後呢個大嬸侍應用好重語氣，不停問我有咩需要……搞到我好似喺度搞事咁……你估我真係好想嗌你地咩！呢個餐廳啲侍應真係差到呢……其實我真係只係想問我個闊條麵幾時到，1834嘅order，我等1854先嚟追，竟然同我講話一早已經無曬闊條麵，乜無人同我講咩………嘩……咁都得！真係好很過份………唯有cut單走人！我一家幾口想食餐開心飯點知開心入去……嬲爆咁岀返嚟……唔寫衰你都唔得！註：我對“新移民”無任何歧視成分……但唔好用“新移民”呢三個字當自己大晒！嫌辛苦，唔想做，唔願做，就返屋企！講完！…查看更多

在起初店主兩人好勤力去經營呢間舖，主打嘅碗仔翅同狗仔粉係我必食之選……因為真係有心做！但很可惜當生意好的時候只係諗點搞大佢，點樣去賺錢……不停加價減份量都不在話下，而當鄰家賣乜都要跟，都要鬥………令到食物質素大幅下跌…………當然未食過可能覺得都幾好味……因為你無食過佢地剛剛開店嘅碗仔翅同狗仔粉……我可以鐵板板地跟你講……呢家佢地嘅碗仔翅同狗仔粉跟本同之前比可以以垃圾嚟形容……因為…碗仔翅水過頭，料又少，量又少，同飲水無分別，而且價錢又貴～加多幾蚊去隔離幾檔嘅炒粉麵好過……起碼可以飽肚！狗仔粉…豬油渣有油益味，粉又淋得滯，湯底又重味精～我行過少少去隔離富健花園嘅成仔記食雲吞麵都好過佢呀……價錢差唔多，而且d雲吞咁多年嚟都保持到質素！其他做咩甜品呀…豆腐花嗰啲直頭唔好講添啦………只有咁講“沒有最差只有更差！”差嘅不只在於品質……而係點解佢會做甜品同豆腐花……係個到住嘅街坊，心水清嘅一睇就知………唔好同我講你有幾高尚……到最尾都係為咗錢！咁初心喺邊度……已經喺堆填區！所以我呢一世都唔會幫襯佢！註：我作為一個成日落去食野嘅街坊，我對呢間店舖無仇也無怨！只係講岀我嘅真實感受……呢個就係我嘅事實！如有不喜，請你自插和反思！…查看更多

昨天我去到呢間餐廳食嘢嗰陣時，見到呢呢個廚房佬呢唔戴口罩不停去煮嘢食！喺香港疫情咁嚴重嘅情況之下，佢竟然咁樣……我真係好冇信心地話畀你聽……嚟呢間餐廳你食埋乾淨嘅！我理得你什麼原因～～～做得呢份職業就要比一餐乾淨嘅嘢人哋食………係好緊要！幾好食都好用啦！既然你當自己係“能正”………梗係要影番幅相畀大家睇下啦………咁靚仔唔影返張相真係嘥曬㗎！我真係唔敢再入嚟間餐廳嗰度食嘢……真係唔尊重所有食客兼夾太得人驚！！！！講完！…查看更多

係一月頭某一個中午………懷著滿心歡喜來到這間比較出名嘅小店，食我想食嘅沾麵！店舖望落去坐位不多………當然喺疫情關係之下，座位就更加少，循例都要排隊啦…………到我啦……期待已久的我入去嘅時候望住張枱凳望住張枱發覺……咁矮嘅，咁我個人生得高大喎………坐埋去嘅時候發覺好似小學生張枱凳咁………咁呢…後面條行人通道比較窄，咁我唯有坐前啲啦！如果唔係啲侍應都出唔到餐畀其他客人！好喇……沾麵嚟………望落去其實係唔錯嘅！但係當我烏低身想食麵嘅時候……我爭啲撼咗埋去張枱上面嗰塊板………因為張枱已經夠矮……而上面上層嗰塊板又好出！！真係坐前啲有死坐後啲又死………前啲就撼頭埋枱………後啲就阻住條路………唉………既然嚟咗碗麵咁冇辦法啦咁都要食㗎………我唯有拎起隻碗嚟食………點知原來發現我隻手雖然係大，但隻碗係無乜手位可以畀你拎得住………就算拎得住都好辛苦！下真係無言…………真係未食到啖麵都已經好冇癮………就算你碗麵幾好食都冇用啦………最後總結！彪形大漢或身高超過165 cm人仕………入場幫襯都請三思！（其實用餐腰板係要挺直係常識！喺1000間餐廳裏面有999間都做得到！所以唯獨呢間……無下次！）…查看更多

(跪求看晒此文先好去考慮去不去食,因我後悔沒看openrice去食咗間垃圾！)十月七日晚，我一人拖著疲倦…而且肚餓到核爆嘅身軀，行過呢間所謂嘅拉麵店，首先我選好麵之後付款，就到隔離店面入座…………等…………等………等………其間隔離煮麵位就喝采聲………同大聲講大聲笑，我都不以為然………之後見到男侍應好抱歉地對先過我嚟嘅某客人致歉，原來某客人已經等咗好耐………再經我細心觀察發現，原來煮麵男掛住一路飲酒，一路招呼佢自己嘅朋友……好啦～～～煮麵男班朋友走，先至見到一班拉麵岀嚟………一岀岀六七碗………見到我都無言………咁錢到比咗，又肚餓………一嚟就緊係食～點知嚟錯麵………係辣嘅………真係食唔到………咁個男侍應見到即時同我換………其實邊碗麵去邊到………係煮麵男先知………係佢自己搞錯………其實碗麵真係唔好食，因為都無心煮個麵比你………而且只係扮日式拉麵………得個樣比你，就收你日式拉麵嘅價…………(即係明明買咗飛睇林峯演唱會點知演唱會一開係胡楓，擺明搵笨實)食食下………其間個沒酒量又要飲嘅煮麵男就不停係到揾咩原因點解會比錯麵………就大爆一句“小小辣都唔食得”咁我一聽到呢一句即係話“作為人客嘅我就算你煮乜嚟乜…食唔到都要食咗佢？？？？？？？”呢一下～男侍應一聽到咁就安慰我………嘗試平息我嘅怒火………但之後個煮麵男就叫咗男侍應去麵位到照肺…………其實個男侍應好慘………佢無做錯過事………佢克盡己任………反觀係個煮麵男嘅問題…………四個大字講晒……****品行極差****你重想食呢間……………走過去隔離食碗粥………食碟腸粉算吧啦…………查看更多