好低，好正，YUMMY哦的個人專頁

返工前去櫻桃買麵包做早餐，身上有毫子，打算禮貌上問下職員毫子收唔收，當時櫃位得2個職員，去到櫃位想比錢，客氣問一句收唔收毫子，2個職員傾計唔答我，不久，其中一個職員眼神望向我，知我問野，但唔答，隔離個職員聽唔到咁，仲掛住講﹗我又問多次收唔收毫子‥‥‥仲係掛住講喎，答都唔答，其實我講得好大聲，下手買家都聽到，但職員可以理都唔理，掛住傾計。 其實過程中我已問左4次左右，但職員傾計大晒，走前我只有講句一D禮貌都無‥‥先離開舖頭。 對客既舖頭咁無禮貌，咁做生意唔得架，起碼要向顧客講句對唔住﹗…查看更多

我前上星期5號，因為有朋友仔生日，話想去金滿棧食飯，因為睇報紙見有$98碗翅食，覺得幾正，所以我地一行7人夜晚特意去個間餐\廳﹗入到門口已經覺得好好生意，非常多人，唯一慶幸的就是老闆比到貴賓房我地^^ 真係好好﹗入到房坐埋係位，首先已經感覺到無比舒適的環境(可能貴賓房關係)，因為間餐\廳實在太正‥貴賓房又大又有大型電視、麻雀、冷氣、獨立洗手間等還有殷勤服務﹗最令我地讚不絶口既莫過於美食，我地所叫既食物包括︰不少得的$98碗翅、潮州糖醋麵、金滿棧鵝片、潮州煎蠔餅還有好多，打不盡﹗個種舒適環境同殷勤服務加上絶口美食，今餐\我地7人真係食得好開心﹗咁好既地方，下次一定再來﹗very good﹗﹗﹗…查看更多

大約一月中左右，我同朋友到奧海城間郎田日本料理食宵夜時段，起初食既時候都無問題，埋位我第一時間就叫我既致愛（三文魚刺身），其次就叫各類壽司及其他料理等，唔使五分鐘，刺身已經上，好快﹗但壽司就未到，我同朋友起初以為可能要等陣，壽司要加飯，未到唔係問題，我地只好邊食邊等，繼續叫其他野食﹗過程中我不停叫刺生，當中有三文魚同吞拿魚刺身，開始問題就出現。首先我叫既吞拿魚刺身，賣相好，但食落既口咁有似生牛肉既感覺，完全無晒吞拿魚本身既鮮味。第二唔新鮮，食落似隔夜既感覺﹗成碗既賣相完全唔得，我自己本人勉強食幾啖就接受唔到，我朋友為左唔好浪費，試食一啖，都未完全咬到一半，已經忍唔住吐番出來．．我地只好放棄。第二，我叫既三文魚刺身，我食左十幾年三文魚刺身，完全未食過咁既情況，三文魚刺身有骨．．．唉﹗我朋友第一時間就講，好食喎，有幾好食．．．而家知啦﹗以後唔會再來。最後，我地叫既壽司當然係最遲最遲先來到啦﹗我地問服務員，話因為太多單，所以遲左．．大佬﹗我地叫左既壽司都無10個，何來多單呀，比盡你10分鐘，咩都做好啦﹗更何況我地食既同時見到員工係到傾計，如果真係多單既話，仲有時間比佢地傾．．．今次係我第三次來，估唔到係最後一次，食物令我完全失望，就算再平都唔會再吸引到我﹗…查看更多