aleckkwong的個人專頁

第一次去，兩個人叫咗招牌煙燻燒鵝鵝油撈麵（鵝尚算多肉），海蜇拼手撕雞飯，仲有4件醬皇豬手，全部都好出色。仲送咗兩碗老火湯，叫埋兩杯凍檸茶，埋單$184。一定會再去～…查看更多

我住屯門，好少去港島東，想發掘下嗰頭有乜好食，喺openrice見到呢間居酒屋一個喊都冇，google map又4.8咁高分，決定去試下～一入到感覺好似去咗日本，因為細細間，可以同老闆店員嗰啲吹水，我見有兩夫婦應該成日嚟，所以佢哋就係咁吹水。星期六晚，得好少客，我初初都驚有啲伏。可能因為冇乜人，服務態度真係幾好，我book咗7點，打去話會遲，佢叫我唔使急。重點都係啲嘢食，佢有啲刺身係寫喺塊板度，係啲最新鮮嘅限量choice，雖然選擇唔多，我叫咗原條活金頭鯛 $298，切出嚟份量都幾多，我好少食過咁新鮮，勁爽口。另外加咗一對北寄貝同帆立貝，都好好食～熟食叫咗枝豆（係我最鍾意暖嘅），仲有雞皮、雞橫隔膜、牛舌芯、青椒仔（辣得嚟好爽）、淮山，全部都好好食。 叫咗Suntory黑啤同白啤，叫完先知原來買一送一，即係free咗一杯。埋單唔使$700（ 兩個人），仲食到好飽，因為openrice訂有 85折。佢收貴啲我都會去囉。我去過唔少居酒屋，呢間真係一間好好嘅餐廳，真心希望佢做得住。缺點係啲嘢食款式唔可以話好多，不過明白小店都唔可能儲存太多貨，如果唔係都唔可能咁新鮮。我好少寫食評係讚嘅，因為真係好想多啲人去，唔想佢執。…查看更多

睇返呢度嘅post先發現原來唔係得我一個話店員服務態度差。平心而論，之前嚟過覺得嘢食OK，同埋個環境都舒服，所以今日先諗住再嚟。點知一去到，counter有兩個同事，有一個客喺度落緊order，我走埋去問係咪有Menu，冇人應我，咁我就自己去睇吓啲Menu。我本身攞咗一張，發現嗰張得好少嘢，應該有其他，跟住我再攞起另外一張嘅時候，個金髮男店員用手一嘢拍低我拎起嘅menu，我好愕然，使唔使咁惡？我問佢乜事，佢冇答我。仲留喺度受你氣咩？如果俾店員搞到啲人再去實在太可惜。…查看更多

野食ok，尤其啲塔可，環境都可以，但係真係好慢好慢，幾個月後再嚟都冇改善，真係辛苦晒啲員工，好心老闆請多啲人，客又慘，員工又受氣不過追加可以無限個item係好嘅…查看更多

Lunch hour至最低消費都明白，其實我只係想附近做嘢之前飲杯啡幾分鐘，都唔會阻到幾多時間，個重點係我決定外賣啦，佢都同我講要最低消費叫個餐咁我梗係唔會啦，都冇地方食，去咗附近另外一間咖啡，喺禧利街，招呼好好多，同佢講話我飲杯啡就會走，佢話冇所謂，慢慢坐…查看更多

以前Heart Coffee好多人，依家叫Heart Bar & Restaurant lunch hour完全冇人已經覺得伏，但係lunch時間有限費事去過第二度，點知…Menu同以前完全唔一樣，咁我已經好肯定同以前嗰間冇關，我係薯餅怪，見到menu all day breakfast，明明寫有薯餅所以我先叫。嚟到，成盤嘢冇薯餅，同個店員講，佢同廚房講，廚房話薯餅冇貨，俾薯仔波我…好難食sorry其實可以一早同客講All Day Breakfast同menu寫嘅有出入……查看更多

有朋友同我講屯門雞翼山啲pasta好食…我食過旺角嗰間啲雞翼好好味仲推介啲朋友去食，點知聽到朋友話屯門嗰間有意粉仲要好食就去試吓我叫嘅係牛油果煙三文魚蟹籽醬油烏冬，$98，講真我冇諗住好食到飛起，但係上碟嗰下我真係呆咗，味道仲要同個樣係完全correlated最後我都費事勉強食晒佢，好在咖啡都ok，去咗隔籬P字頭間cafe再食過，終於明白點解人哋坐滿晒佢就冇乜人好少食到要寫食評，因為真係好希望佢有改善…查看更多

服務態度極差，好似殺咗佢老豆咁，好惡咁問「你哋唔要茶？」我心諗，我鬼知你點serve，茶又有乜揀，OK，佢話普洱、香片同鐵觀音，咁我知乜料喇。朋友食雞湯麵唔夠未，問咗好耐先肯俾辣椒油。點心算精緻，但嚟錯嘢，隔籬檯有個媽媽話叫咗紅豆包，等咗好耐，話個待應明明講咗仲有，突然又話賣晒，仲要唔追都唔講。有好多人走入嚟，先同人講每人最低消費100蚊，又冇一早講，搞到人哋等完位坐低晒先講，好多人即刻走。唔會再去。…查看更多

因為電影《日日是好日》，我愛上了茶道。這間「澳門過江龍」，賣的不是食物，茶與和菓子也是個形式，內在外在品茶的平安才是主打。跟香港人的步伐似乎背道而馳，但正因如此，尚茶官（即老闆）堅持推崇這種「道」，讓亂世中的香港人自尋平安。我走到寫有「水月」的自家煎茶瓶子前，他突然唸到「月印千江水，千江月不同」，煎茶看似一式一樣，但細味每款都不盡相同。水月亦讓人想起鏡花水月，尚茶官說他命名這款煎茶「水月」是想提醒我們生活太多虛妄、執著，尤如水中之月，疑幻疑真，倒不如安安穩穩喝一口茶，當了解到一切世事皆為虛幻，能以自在之心觀看世事，著意當下就不會為煩惱所困。順帶一提，臺灣法鼓山就有水月道埸。日沒之後，茶寮變身成蓋地的塌塌米，尚茶官知道我怕睡不著，為我送上白牡丹皇，還有蜂蜜蛋糕。從澳門過來的女店長為我介紹茶葉，還有教我「鼻品」。她的每一個動作都是儀式，每一個動作都是藝術，每一個動作就是美。茶寮掛著「和敬清寂」的書法，那是茶道的四諦。「和」，人與環境的和諧，也是人與人和個人身心的和諧。「敬」，賓主平等相敬。「清」，茶室一塵不染，內心的雜念也得去除。「寂」，茶道的禪追求的最高境界，亦即涅槃，放下執念並獲得重生。午餐有飯餐，價錢亦比較相宜，快快的去，慢慢的體會「寂」。…查看更多

去開紅磡搵friend食lunch，就上openrice睇下附近有乜多笑笑，所以就揀左呢間。lunch hour都唔係好多人，勁多吉位，但係都冇人執檯，服務員見到我地兩位行入黎講左聲等陣佢就繼續做自己野，最後第二個女服務員先安排我入座。$40一個lunch，講真同附近既價錢比真係貴多d，最慘係唔好食，沙嗲牛肉河竟然係用肥牛..呢間唔係越南野咩？佢餐牌就咁寫所有炒/河+春卷+冷熱飲品$40，我friend話要湯河，佢又話呢個餐唔包湯河，只可以要炒河，搞到又要重新諗過，佢見我地未諗定仲鬧我地點呀，到底想要乜，超惡。唔好意思，我真係唔明點解呢間野會咁多笑笑，呃左我去一次，我都唔會再去。好在紅豆冰都正常。…查看更多