evacatcat的個人專頁

本來好懶寫食評，但遇到用心做好的餐廳，必需要表揚一下！第一次去呢間打邊爐，裝修靚又乾淨，服務很好！由門口接待，到落單既哥哥仔，仲有幫手加湯既靚女，全部都好有禮貌！今時今日在香港很少見了！而且沒有限時，食得無壓力！湯底花膠雞湯 - 湯鮮甜好味！雞好嫩滑！後來配蘭州拉麵，啲麵索晒啲湯，好好味！本地手切牛 - 切得厚左，如果有得選牛頸脊位或邊位就更好了！加拿大象拔蚌 - $888 一份，份量幾足！價錢唔算太貴，當然一定唔夠自己屋企食咁抵海鮮就叫左 蝦，非常鮮甜！蟶子皇亦很新鮮！唯一要改善既係廁所！有啲唔乾淨！希望餐廳會做得更好！…查看更多

喺外賣平台見到呢間新餐廳有靚牛肉飯，就即管試吓啦！估唔到有驚喜！外賣包裝好好，用環保飯盒，仲用膠紙痴住，確保衞生！總體黎講食物質素高，我叫左封門柳，牛肉煮得剛剛好，加埋附上既醬汁就好好味，醬汁清淡不會蓋過牛肉味，飯盒內仲有少少蔬菜，加埋溫泉蛋，令到成個飯盒營養均衡，少鹽少油有纖維又無味精，非常適合我呢啲經常叫外賣既人，方便之餘又食得健康！不過份量比較小，女仕食就剛剛好，男仕應該要加飯同埋加多100g牛肉先至夠啦！另外仲叫左日式薯仔沙律，估唔到都有驚喜！一食入口就有好香既煙肉味！如果餐廳可以將珍珠米換成十六穀飯，咁就更完美！anyway 一定會再幫襯呢間！…查看更多

星期日晚十點鐘搵食，見到呢間串燒仲未收，好耐無食過串燒，見又唔駛排隊，就去試下！店裡面坐位唔多，全部都係吧枱，所以坐就麻麻哋舒服。招呼ok有禮貌，食物都有水準，我哋兩個人叫咗刺身拼盤、串燒拼盤、燒熟成美國牛扒、冷烏冬、燒飯團，牛扒燒得好好，pink center！飯團都趣卜卜，好好味！不過埋單要千幾銀，呢個價錢喺呢區黎講算貴，店內座位又少，唔知一晚做到幾多轉呢？左右隔離都係平價食店，生意應該都好難做下，希望舖頭捱得住啦！…查看更多

久仰大名，開業時排晒長龍，之前去日本都食唔到（因為太多人），今日見15:00 無人排隊就去試下！坐低5分鐘之後，個pancake送到，之前食過K11果間空氣pancake，雖然好似食空氣，但都有好香雞蛋味，但今日呢個... 講真... 未食過咁難食既pancake，一口麵粉味，完全無蛋香，牛油又唔香+唔溶，糖漿得個甜字，忌廉又係甜到死... 食左兩件，到準備食第三件時，發現已經扁晒，即刻無晒胃口... 飲埋杯earl grey 埋單要成二百蚊！真係唔會再有下次！…查看更多

見OpenRice 咁多讚，就黎試下呢間餐廳！晚飯分兩個時段，6:30 & 8:30，我地就揀左6:30，初時話 full booking 要等waiting list，但好彩後來就話有位。膠袋蒸海鮮幾新奇，但其實都有啲擔心啲膠會唔會有化學物質釋出 我地order左五款海鮮 + 兩隻虎蝦，另外仲有 crab cake。脆皮crab cake 蟹味濃郁，幾好食。但蒸海鮮就好一般，食材本身係平價貨，所以味道都麻麻。甜品apple crumble 本身ok，但個雪糕實在太差... 另外叫左杯mocktail，荔枝牙膏水.... 埋單$980，唔抵食…查看更多

大熱天時懶得出街，但又好想食魚生飯，見到外賣app有得叫呢間就試下... $228 叫左一個皇牌飛天黑鮪丼，名符其實，啲拖羅飛晒上天... 不過，叫得外賣都預左會走位... 但令人失望既係外賣竟然無麵豉湯，而且飯既份量好細，兩啖就食晒，好似食空氣咁... 上網睇下食評，原來呢個丼堂食只係$158.... 貴左幾十蚊，份量少左咁多，又無左個湯... 雖然外賣有心思用保溫袋+保冷包，啲魚生都新鮮，但唔會再有下次了！…查看更多

尋晚臨放工，朋友打電話黎話好想食大閘蟹，就即興去左廣隆行買！我都係第一次幫襯呢間舖頭買蟹，以前就去九龍城永富，但上星期去永富買過一轉，七百幾蚊斤但斷「扛」既蟹，覺得唔抵食～　上黎openrice 見呢間幾多好評，就去試下～收工後七點半去到舖頭，同舖頭阿伯（老闆？）講明要最大既公蟹同埋雌蟹，佢就拿拿臨打開個竹籠，拎左四隻大公蟹出來，仲遂隻放上磅比我睇，隻隻都有7.5 兩！跟住另一個阿嬸就入舖後面，拎左兩隻大雌蟹，大約 6 兩一隻～　總共6隻蟹，$480 一斤，公乸同價，盛惠 $1200因為蟹大，所以返屋企蒸左 25 分鐘，打開蟹後真係不得了！先講隻雌蟹，打開中間一大舊橙紅色既膏，一啖咬落去，好味到唔記得左影相！除左肥美，蟹膏仲好清甜，同之前買既貴價所謂「陽澄湖」蟹味道唔同～　到食隻公蟹，更加不得了！勁多白膏，ｄ膏仲多到漏出黎！下次一定要再幫襯呢間買蟹！…查看更多

尋晚去左輝哥食火鍋，佢係貴ｄ，但我覺得乾淨過方榮記好多，ｄ員工又有禮貌ｄ，野食又新鮮ｄ我地食左，新鮮肥牛、四寶丸、帶子、象拔蚌、黑豚等等所有食物都好新鮮好好味，連ｄ生菜都好甜不過就貴囉，埋單要八百幾，但我下次食火鍋都會選佢…查看更多

上星期先去過食飯, 點知今個星期六又心思思想去食...上次成八點先去, 等位等左幾個字, 今次好早, 七點鬆d就到, 唔駛等位今次叫左呢d野食1) 薑葱花錦鱔2) 天麻魚頭湯3) 蝦醬芥蘭d湯好正, 不過太多, 我地兩個人每人飲左五碗都飲唔晒, 份量我諗六個人都夠...花錦鱔好好味, 好香, d 肉又脆埋單六百幾, 貴過上一次但真係好好味呀～～～…查看更多

住嚮附近，但都係第一次去食，我地兩個人，點左：１）鯪魚球２）蒸馬泥斑３）粉葛鯪魚湯４）蒸海中蝦全部都好好味！個湯尤其係最正！不過份量都幾多，如果多ｄ人去食會好ｄ，我地兩個人食到捧住個肚，ｄ湯都飲唔晒，埋單五百蚊，唔算平但又唔係太貴啦！…查看更多