Rui的個人專頁

唸住試下新嘢，兩個人就入左呢間，八點無乜人。點左個豬骨拉麵，佢地簡稱黑蒜，拉麵都算彈牙，兩塊豚肉亦頗肥，個蛋就無乜味喇... 湯亦無特別。跟餐叫左碟餃子，只能食到油既味，三舊細細舊，犀利一啲肉味都無埋單兩個人$140，要成七十蚊一個人，不如加多十蚊去真心好食既"拉麵來"啦。拉麵品牌？請做好個湯底同員工既禮貌訓練先啦！…查看更多

記得以前朋友話外野手好食，啱啱返港就突然挑起條筋去食，半個鐘前打去，都話有位，唔通大家都去哂遊行？兩年，水準可以下降到咁離譜？？1. 數量依廚師心情: 刺身寫30佢俾10，串燒寫1佢俾2串，和牛壽司寫3，三文魚壽司寫10，兩樣都俾10。咁响張紙上寫人數同件數有何用？不如你直接俾我幾件就幾件啦，我反而唔會計住計住。2. 與事實不符 (Main point!!!!!!!):什麼叫和牛？是乾爭爭的薄片？仲要有陣硯水味。什麼叫鰻魚？？用沙甸魚淋上鰻魚汁，OMG 。請別以為香港市民無食過鰻魚！3. 元貝應該是一粒圓的不是被切到一粒粒小方形，一啲味道都無 服務人員大多態度都不錯，還有牛舌及火炙三文魚真的肥美，是兩樣可取之處。…查看更多

朋友說之前食過OK便來一試，人也不太滿就坐下（早之就即走啦。。。）1. 酥皮湯 = 面包湯，所謂的白湯一點味道也沒有2. 特飲 = 少甜冰水，我點的是薄荷朱力！3. 海鮮石頭鍋飯 = 爛爛的飯與一些黑汁，海鮮又唔係多，想點？4. 夏威夷薄餅 = 已經係最見得人既一樣，係大大件...但完全冇食慾去食佢囉...四個字：不知所謂…查看更多

親愛的父親喜斎，特地Search呢一間，間舖都頗細不過等左一陣就有人走～　我見有個清潔阿姐仲好好咁幫啱啱入嚟既客人搵位，good！1. 炒咸魚菜粒飯餐跟湯+炒菜+前菜　$30　飯普通，淡淡既飯香加少少咸味，不過前菜唔錯，甜甜地幾開胃2. 潛水艇 (牛油果沙津味) $19　呢個要等一陣自己响櫃面取，驚喜既係佢蕃茄大大件之餘啲菜都好新鮮，仲有佢好足料，　牛油果都有三大塊3. 意大利蘑菇薄餅 $15.5　點呢個時個收銀仲有溫馨提示"佢係薄嗰啲唔係厚既，咬落去係脆既，有冇問題？"真係好 　好態度！等左差唔多三個字先有得拎，呢樣個價錢仲抵過個熱狗，仲要有六塊，雖然味道　普通但咁既價錢，都ok啦！食物同價錢都唔錯！不過我唔鐘意遞食物嗰啲人，好似唔想講野我俾完張單佢佢俾左個炒飯餐我跟住我只見佢手指指，都係我主動問"係咪等叫號碼?"佢先點頭，好似一粒聲都唔想出咁，呢啲係態度？服務分三分只係俾個抺枱阿姐同個收銀哥哥。…查看更多

友人生日，訂左位十點正。女侍應响差唔多十一點既時候通知有維修，所以會提早十一點半關門。黑糖麵包：必必必必食既一樣！！！佢冇睇上去咁硬，咬落去鬆鬆軟軟的，甜度恰到好處，可惜的是因怕食唔哂所以冇recall。厚切薯條：有啱啱炸既味道，又大份！肉眼扒：我地要左六成熟，但係。。。啲味真係好普通，同椰Ｘ閣既冇咩分別。沙津：啲菜都好新鮮，但本人認為價錢太貴。P.S. 唔知係咪我地張枱太角落，好難先搵到一個侍應，但你明知呢度有人架？ 下次再嚟都只係為左黑糖麵包。…查看更多

剛整完頭髮, 呢間2130後有88折所以就入左嚟。一入嚟師傅們都用日文講歡迎, nice!兩個人點左盛合同幾碟壽司, 仲有一碟三文魚刺身, 佢地啲野全部都好新鮮!!! 讚!!盛合入面既芝士燒得恰到好處, 加埋新鮮既帆立貝... 鰻魚超肥美, 我地叫左兩碟可惜的是侍應們真的不太好禮貌...…查看更多

由於友人想去食，就特地响奧運站行過去，但原來距離都唔近，行左起碼四五個字，可能都關我地唔太識路事。去到正好係最曬既時候，窗邊啲位都冇人坐，真係太曬喇。。。先買飛，佢會俾個牌你，跟住自己搵位，佢整好就會送過嚟，自己出去拎埋餐具。職員見我地兩個人，仲會問你係咪要切開。感覺有啲似Starbucks，又係播啲好輕鬆既音樂，同埋有梳化位。佢既開放式廚房响正中間，大家都睇到師傅點樣整三文治，成間舖感覺都十分之乾淨。　薯條 - 厚切薯條，濃郁薯仔味，份量亦唔少，正！　西式切腸三文治 - 材料新鮮，又足料，味道不過不失　燒肉眼牛排三文治等得較耐，但好味！肉唔"un"，易咬，但好快就散左。。唯有逐分件食雖然遠。。。但有機會會再嚟！P.S. 其實响開放式廚房前面係有兩部用八達通付款既自助售票機，但曬到個MON背光，好難睇，我唸應該都唔會有人用。。。…查看更多

午飯時間到來, 坐無虛席, 等左一陣就入得去。睇得出間野係新開~ 不過都唔算大~因為坐响門口位, 見到收銀既女負責人一直同入嚟既街坊打招呼, 而啲街坊都讚佢地啲野好食先再嚟, 咁當然好期待我個焗茄汁豬扒飯。先上左個好足料既中湯, 唔重味精味, 應該係真係自己煲既~ 同事們叫左咖哩牛, 雖然啲咖哩不太突出, 但唔似出面啲餐廳咁水, 真係有咖哩味。仲有蒸魚飯, 成個魚頭咁上, 同事一見到都讚~ 啲蒸魚鼓油仲要好香, 美味!我既加$8既雜果涼粉冰真係... 超多冰... 但都好足料, OK啦。焗茄汁豬扒飯對女仔嚟講真係好大碟, 不過成個飯都好好味~可惜我唔係成日過嚟, 唔係我都會好似啲街坊咁成日過嚟食!…查看更多

豬既飯幾好, 翠玉瓜淋淋地, 啲汁甜甜地幾濃味菜真係苦.. 個人認為好難食佢既珍珠奶茶唔好飲... 好水... 同茶餐廳冇分別…查看更多

1315嚟到, 叫左個新出(?)既咖哩羊腩飯, 問佢有咩湯, 佢話賣哂, 得返豬骨湯。$32 叫野飲可以半價菜蜜甜左啲..咖哩冇咖哩味, 羊冇肉, 勁大塊皮, 連羊味都冇!! 友人仲問我係咪食緊汁+飯, 但個汁都係冇味架喎.. 想點? …查看更多

下午三點半, 同好耐冇見既朋友TEA~男友人全日都冇食過野, 叫左個雞翼紅米飯餐, 我都未食午餐所以一樣叫左紅米飯, 配豬頸肉, 如果我食左lunch應該會揀面類。豬頸肉不太油膩, 上面仲有啲蔥、花生, 點埋佢既酸汁, 正~!紅米飯熱又香口, 生菜同青瓜都好新鮮~!!!所以最後我只剩下我一向都唔食既蕃茄, 哈哈!飲品係草莓同藍莓特飲, 仲以為係果茶!! 點知兩杯都係汽水!!!! 我一向都不多鐘意碳酸....但草莓嗰杯有好多果肉响底, 感覺良好一點, 但我杯藍莓... 只有丁點兒... 同係冇味, 成杯似葯水... 我唔會再响呢度飲特飲, 我唔鐘意碳酸。但我會為佢啲野食再嚟…查看更多

友人話响旺角試完糖百府綿綿冰, 味道不錯, 咁啱有朋友帶過我嚟呢間甜品舖都叫糖佰府, 咁食完飯就過嚟食甜品喇。友人 "上次我間旺角嗰間有冇分店, 佢冇講將軍澳有喎", 我 "糖佰府喎... 我明明食過幾次"友人 "旺角嗰間要排隊", 我 "唔洗喎, 得兩枱"友人 "價錢平過旺角喎" , 我 "係咪地區問題呀?"至到綠茶綿綿冰嚟到, 友人話 "唔係嗰間啦, 啲配料都唔同" 先知此糖佰府不同佊糖百府。但佢足料之餘, 味道都不錯! 成個綿綿冰都唔會太甜, 但白色啲珍珠又有少少甜味, 清淡的味道十分啱我!下次會再試其他味~~…查看更多

兩個人睇完煙花, join埋另一位朋友就一齊去食pizza, 兩女一男叫左個二人餐!有個頭盤, pizza, pasta頭盤炸野幾好, 唔太油, 但得兩件, 份量較少。pizza 同 pasta 都冇咩特別, 一般PIZZA HUT水準想講既係呢個跟餐+$5既碎朱古力.. 唔知係太多Cream定我放耐左, 冇朱古力味...角落頭位好難先叫到人嚟...三個都勁飽, 最後仲有件PIZZA食唔哂…查看更多

枱與枱間奇窄, 仲要俾張椅客人放袋.. 每次出入都要移開椅子到主走廊... 位又細忌廉湯有粟米, 可惜湯本身都冇味...羊扒薯菜, 啲汁都幾多... 但令到個飯咸得濟羊唔似羊, 啲味同有酥味既牛腩冇分別...啲配菜都好夠料, 但我同友人都唔食... 好浪費好既係份量一定夠一個男仔食!只為飽肚不妨一試...…查看更多

BBQ完就去甜品!!!侍應仲好細心話今日雪櫃唔多凍, 雪糕冇咁硬, 但我覺得個雪糕溶左仲好食YA!綠茶雪山黑珍珠: 黑珍珠其實普通, 但加左綠茶同啲冰令到個感覺唔同哂! 冰凍口感, 滑溜溜~ 正!芒果西米露: 好食到令友人一滴不剩, 佢仲講左個Point "响許X山十幾蚊杯野都冇呢度咁大塊果肉, 咁不如我加多幾蚊嚟呢度食"滿~~足~!!!…查看更多