LittleJoey的個人專頁

TGIF, 比同事捉咗嚟呢間餐廳露天座位 Happy Hour 🥂🍷 佢哋做緊 promotion $180 一支法國波爾多紅酒，好抵飲，而且質素比好多酒店更好！其實嚟過一兩次，不過今次個扒好有驚喜！我叫咗個燒美國安格斯肉眼扒 medium, 上菜時覺得怪怪哋，好似細塊，但又好厚，就問一問個侍應，佢話係呀，係大廚最近改咗做法，專登幾塊扒切厚多一陪，再一塊開2塊，咁樣就可以做到同樣10安士，但可以做到厚切，肉質 Juicy 嘅效果，果然係，一切開係一塊完美嘅5成。外香內嫩，跟埋薯條沙律菜，大滿足😋 同事叫咗隻豬手都好得，不過我無影相😅…查看更多

因疫情關係，好耐無嚟呢度食晚飯，今次因為囡囡生日，因為佢鍾意食生蠔，就揀呢間餐廳。天氣好好所以揀坐 Outdoor, 有天然風完全唔熱。佢哋有特價$180一支法國白酒，好好飲，配生蠔一絕，6個大人飲2支唔夠喉😅 生蠔店員推介 Gillardeau, 因為佢哋免費升級No 1, $328/6pcs 好抵食，而且真係好大隻好飽滿。再叫咗蟹餅，之前食過好好食，所以一定要再叫。荷蘭青口好嫩滑（唔記得影相😅）。另外預訂咗斧頭扒 $1,188 性價比高。因為有5壯男食肉瘦，再加個 US Prime 封門柳，打邊爐就試得多，燒扒就第一次試，肉爽，肉味重，真係好好味😋 …查看更多

今朝有事就順路食個非常唔健康但又好鍾意食嘅辛辣麵，配五香肉丁午餐肉，夠晒邪惡😈唔使3分鐘呢盤野就送到，3分鐘點煮到個辛辣麵？咩就係一早煮到8-9成熟，出餐放湯就即出囉。結果：麵身淋晒無口感，失敗！湯底唔熱，失敗！午餐肉無煎過，失敗！五香肉丁個心係凍冰冰嘅，失敗中嘅失敗🤬無野講喇，不過為咗可以比個喊😓唯有寫夠200個字啦The food so bad, do not try anything, not worth the risk …查看更多

呢間餐廳唔係第一次幫襯，平時經常食佢個美式三蛋奄列，又或者菜湯貓耳粉。不過最近經常見到隔離枱有人叫三文魚牛角酥，或者巴馬火腿芝士牛角酥，好似好吸引。本身都怕牛角酥比較肥，但今日就親自試一試。首先賣相相當好，有紅有綠有黃，而且比一般牛角酥大個。有芝士，巴馬火腿，夾埋生菜，蕃茄，食落無咁滯，非常好配搭。跟一杯咖啡 $40。又可以加$10飲 Americano 或者 $15 轉飲 Latte. 而且係冷熱同價，價錢貼地。…查看更多

呢間舖前前後後裝修咗有半年，一直好期待佢開張，因為將軍澳完全無一間好少少嘅燒肉店。咁啱行過見到佢開咗，於是就等佢5:30pm開門食餐好嘅。由於要等埋阿仔，由5:30等到6:15pm 個仔先到， 但一直都未滿座， 開始覺得有少少唔對路，可能定價比較高呱。不過都照食一餐試吓啦。我哋選咗第二平嘅餐，$368 + 10%，限時90分鐘，但留意 last order 係 60分鐘。先唔好講食物， 要用自己手機點餐，每次最多點5碟野，點知每一個份量都係2-3片，結果要不停點野食，成餐都好忙。唯有一個負責點餐，一個負責燒，一個幫手去攞飲品沙律。食物方便，真係唔想多講，牛肋肉嚟度仲有冰喺度，真正嘅雪花。 點咗客天婦羅炸雞，隻碟好大但得2件雞，每一碟食物都無2-3件 ，洗碗阿姐真係多得老闆唔少。說好的果汁任飲，其實係有果汁味嘅飲品，大多數係甜嘅。$400一位唔係話要求咩高級野，不過成件事覺得好唔值。…查看更多

約咗個九龍灣客開會，喺個客公司樓下見到呢間裝修比較光猛，座位比較寬躺嘅 Café 於是就入嚟試一試。睇完個餐牌覺得佢哋好有吉使，竟然唔賣公仔麵😅 最終比個$40嘅美式三蛋奄列吸引咗。有6款配料任揀3款，我揀咗煙肉，蘑菇，芝士，多士配果醬。老實講，香港真係好少地方有得食呢類奄列，做到好似去外國旅行酒店自助餐即點即煮嘅奄列，完全唔係港式茶餐廳仲有蛋水夾喺中間果類火腿奄列。非常有驚喜😋 $40 包飲品價錢合理（凍飲唔使加錢架）…查看更多

星期五約咗九龍灣舊同事聚一聚，佢哋訂咗呢間Chill Café Bar & Grill, 其實我兩三年前都嚟過。今次再嚟，我仲認得個女經理，服務依然周到。 Outdoor 座位比較搶手，我哋7點到已經係得返最後一張枱。餐牌多咗好多選擇，最驚喜係有1.5KG 安格斯斧頭扒，星期五唔使預訂，我哋一行4個人就決定KO佢，$1,188 確實唔平，不過一出嚟見到個賣相未食先興奮😆 足足有2吋厚，支骨長過我手臂💪。我地叫五成熟，燒得啱啱好，跟埋少許沙律菜同粗薯條，肉汁豐富。淨食呢件扒4個人都飽咗八成😅 叫咗支佢哋嘅House Red, $280 性價比好高。另外小食個炸意大利雲吞好值得推介👍…查看更多

幾年未來過這餐廳，原來已經轉手一段時間。以前根本就無咩客，難聽D講連隻烏蠅都無😂 轉手之後有幾個同事經常來，今日就跟跟個同事睇吓有幾好。好彩同事訂左枱。午市爆晒連戶外都坐滿客。雖然成30度好在有太陽遮檔一檔都無咁曬。我們當然坐室內啦。佢地每兩星期會轉個Special Menu, 唔怪得幾個同事食極唔厭。我地兩個人就叫左個帶骨豬扒，同煙三文魚蘆筍意粉。午餐有沙律或餐湯（唔記得影相）沙律菜夠新鮮。食完沙律唔夠3分鐘就上主菜，見到個豬扒賣相好掂，勁多配菜，感覺好健康豬扒煎得啱啱好，外面煎得好香，而入面又有肉汁。連個三文魚意粉都有蘆筍，感覺真係好健康，意粉軟硬度啱啱好。跟埋杯咖啡，百零蚊價錢係唔平，不過品質都係值嘅。…查看更多

星期六晚老細約左個外國客叫埋我幾個同事出去食好野！係公司附近一間新開蠔吧！早兩年前都去過呢個位以前做泰菜。原來轉左手三四個月都唔知！餐廳重新裝修，完全唔同風格。有種講唔出嘅個性。因為我早到五六點成個平台都無咩人客。始終商業區星期六都比較靜。坐住戶外位等原來外面涼風好舒服。老細訂了間VIP房，其實大廳仲靚仲開揚。老闆叫了一隻波士頓龍蝦凍食，兩打生蠔 （點解歐洲人本地已經好多生蠔來到香港都要食法國生蠔架？）燒魷魚, 還有龍蝦Pizza同燒牛肉Pizza，燒肉眼扒，燒春雞同西班牙海鮮飯(淨係影左放我前面的龍蝦同埋燒魷魚，怕失禮)。樣樣都好味。老細叫了一支意大利香檳同一支法國紅酒，佢話好抵飲喎！我鬼識咩。食埋甜品最後6個人埋單約四幾蚊。人頭計六百幾算合理。睇左個 lunch menu 其實仲吸引，有龍蝦包本來好想食，老細話有客人唔好食包咁失禮喎… 會叫同事過來 Happy hour 試！…查看更多

這間餐廳一直唔接受訂位，一般都要5:30左右就在門口排隊到6點先入座，昨晚本來想去食上海菜不過差不多6點行經門口見到條龍唔算長就即刻排一份，到6點入座即可食第一輪。叫左壽司，串燒，炸雞，燒花魚，一支清酒。大部分食物都唔錯，不過叫了兩串燒鰻魚，不過其中一串真係唔見得人。本來就諗住出聲，最後都係算... 另外唐揚雞件比以往細份左，同埋比較乾。整體感覺食物有少少下降，眼見客人流量都少左。希望呢野餐廳可以保持返個水準啦，因應將軍澳真係無另一間咁似樣嘅居酒屋架喇。…查看更多

放假有埋阿爸阿爸出城食台式火鍋，兩佬聽到養心殿就好開心。以為食物好養心。見到餐牌當然有少少失望因爲都係火鍋。點了兩款唔同牛肉，各有特式，我就鐘意手切肥牛油脂好靚。另外麻辣火鍋湯底有鴨血，大家勁鐘意，這裡會額外送多一份。其他食物不過不失。叫左支清酒工百零蚊價錢好合理。8點埋單仲打左個七折。整體算滿意不過經常舉手舉到手軟都無侍應，美中不足。…查看更多