YanyenHung的個人專頁

經朋友介紹話呢間表叔刺身火鍋食物質素同食材都唔差， 於是就 同老公嚟咗 試， 入到去環境好闊落， 感覺舒適， 兩個人坐喺卡位度傾下偈，慢慢食 真係幾唔錯。 首先我哋嗌咗個 4色刺身， 有三文魚，北極貝，劍魚腩， 同魷魚全部都係好鮮甜好新鮮，雖然想再encore不過我哋都係試下其他 種類，叫咗兩款串燒，分別係冬菇同雞軟骨， 味道不過不失，最後就到叫湯底環節， 經 店員推介後， 揀咗呢個 牛乳豬骨湯底， 味道清 甜，有好多配菜，例如娃娃菜同粟米，份量都唔少㗎， 自己 都飲咗兩碗先開始落材料 打邊爐， 我哋叫咗芝士腸 同 香菇貢丸 油麥菜同烏冬， 呢啲都唔使點特別介紹， 因為最值得讚既係手切牛肩脊，入口即溶，好香牛肉味，值得推介， 鍾意食牛嘅朋友一定要一試， 最後就係手切魚片，好新鮮 好鮮甜， 食落口冇骨又香口，分量仲好多添， 今次朋友真係冇介紹錯一定會再嚟！！！…查看更多

今日有朋友叫我去美孚食放題，其實我有少少擔心因為係我認知裏面美孚是一個冇美食嘅地方，但朋友叫到都只好去一去，好在都入到去裏面就有驚喜, 因為座位十分闊落一點擠迫的感覺都沒有,中間仲有一個火鍋配料（如蔬菜、公仔麵、等等）仲有一個小食區,真是覺得唔錯再加上飲品仲好多選擇，講到食物我哋叫咗個海鮮餐加肥牛每位都係三百多元，真係唔算貴，仲有魚生及燒烤食物供應,先講下啲海鮮真係好新鮮,隻龍蝦上到台都仲會郁, 仲有生蠔帶子和鮮蝦, 全部都好新鮮,仲有肥牛唔算太肥好有肉味，重有食火鍋我最開心就可以一人一爐，各人有各人喜歡的湯底，他們D湯底仲有六七個比你選擇,他們最用心的地方，就是他們不是加水的,是因應你們不同的湯底加回你們所點的湯真係好正，另外飲品方面仲有好多選擇除咗一般汽水啤酒之外，仲有韓式嘅青靈梳打水櫃裏面選擇差不多有10多種飲品, 真係估佢唔到最後去到煮飯方面雪糕仲要不是普通的雪糕有兩種名牌雪糕給你選擇仲有曲奇和糯米糍，這間房佢哋真係我喺美孚的大概可以再去多次！…查看更多

鐘意打邊爐既我，今日媽咪推介話呢間發哥粥底邊爐好正，因為佢同啲雀友係到食過，一家幾口決定選定呢間試一試，雖然係工業區，但並不難搵，一坐底望下，有幾個餐選擇，有龍蝦邊爐，蟹邊爐，雞煲。我地個個都like蟹，更係食蟹啦！個餐仲包左有小食，有焗青口，花膠雞湯，仲有鮑魚添，鮑魚可以揀熟食同邊爐2款。我地原汁原味揀十下十下😂呢個湯真係無得彈，原盅上，仲有2條花膠仔，超鮮又濃郁。講真仲想飲多盅！焗青口係即刻整既，厚肉又惹味主腳泥嗱！嘩！超勁！海鮮鮮甜多肉又大隻，有時係外面食un支支。估佢不到會咁正！淨係食海鮮都已經有半肚，加埋配料大滿足，佢地配料都不差，亦有水準，推介黑松露帶子餃。又香又大粒！腩肉都幾滑半肥瘦啦！粥底軟綿綿，加埋原來海鮮既精華，碗粥真係一流！一人食左2碗。飽到上心口，價錢又不貴，絕對地合理！飲品任飲！…查看更多

不得不說，樂天經典真係一家人舒舒服服坐底食飯既好地方，近排都返工好忙，少左時間同家人聚餐。今日難得個個都有時間，決定再次光臨呢間樂天經典。你以為樂天系列上海菜做好，其實中菜一樣出色！門口有個牌，展示左好多招牌菜式！香菜鐵板豆腐真係一流，伴飯超掂，多汁嫩滑！荔枝咕嚕肉將菠蘿改成荔枝，味道一夾，仲有淡淡既荔枝香味！金牌脆皮雞，原本我地一家人係麻麻地食雞，不過我地係鐘意樣樣都試既，試過後真係無後悔叫呢隻雞，燒得好脆皮肉嫩又入味！黑胡椒蟹真係無得彈，超大一隻，胡椒味濃，肉質鮮甜惹味，啜埋外面既汁一路食不停口魚香茄子料足惹味金銀旦莧菜，一如以往的水準滑子菇素炒面線係嗌俾小朋友食既，面線夠哂淋，配菇好清新！整體來說，我真係好滿意，每次泥都係好好招呼又細心，會話我地知，不如食左蟹先再上其他食物，咁樣可以保持食物既水準之餘，不怕凍左不好吃，呢個小小既提醒令我非常加分！而且食物質素，保鮮程度都很好👍🏻，坐位舒適，成家人都食得非常滿意同滿足！期待下次再泥食過！…查看更多

今日爸爸生日，一家大細總動員出動同佢食飯慶祝生日🥰而我地後生既就揀左食泰菜轉轉新口味，聽朋友講話呢間泰菜環境好，坐得舒服，食物亦相當不錯，最重要我睇中佢做緊個1蚊雞優惠，星期一至日都有，日日不同款式！咁優惠點能放過呢會機會，實行食到最抵食本色！今日既優惠就係泰式香茅豬扒，雖然係1蚊，但亦無話媽夫，豬扒一大塊，炸得脆卜卜，內裡肉汁鎖住，點埋泰式辣汁，超配！泰式拼盤有四款小食，魚餅，蝦餅，春卷同香葉包雞！四款都好好食！熱辣辣上枱！泰式蝦球炒金邊粉超鐘意，本身我係好鐘意食炒金邊粉的，調味非常好，火喉夠，配料亦好多，金邊粉煙煙unun，口感亦好好！咖哩炒大蝦，個咖哩係甜咖哩，非常惹味，有2隻大頭蝦，係勁大隻，啖啖肉又爽！啲汁點薄餅超正！送飯又係一流！泰式燒雞初頭我地係想叫海南雞，但服務員推介我地試下燒雞，果然無信錯人，雞啖啖肉，但一點都不老，不鞋口，而且夠嫩滑！燒到皮脆！呢個出色咯！椰青焗海鮮飯，好香椰味！量又多，有蝦有魚粒椰青肉蔬菜粒等等，口感豐富！甜甜地既椰味，飯粒煙un,有少少似糯米飯咁🤙🏻🤙🏻🤙🏻另外食泰菜點少得椰青，即叫即開！啤酒亦有泰啤，本地啤選擇！總結爸爸亦好滿意呢餐，食到捧住個肚！相當滿足！價錢又合理！下次同老公2條友再食先！…查看更多

長沙彎深水埗真係非常多野食，之前已經食過返尋味，適逢聖誕節，老公話同我去食好西慶祝下喎！我緊係唔洗諗，揀呢間second bite啦，之前我就已經話過一定要再食呢間！超美粉紅色既聖誕樹！靚到不得了！裝修好有格調！今次一定要揀呢個手抓海鮮二人分🦞青口，大蜆，大蝦，小墨魚，秋葵，粟米，西蘭花！量多，鮮甜，經典香辣汁夠哂惹味！食手抓好貼心，有圍巾，手套等等，方便大家大快朵頤！自家肉餅漢堡必食！一試難忘！要再食再食！水準保持良好！夠Juice！熱辣辣！配料多！芝士忌廉海鮮燉飯，芝士夠哂濃郁，忌廉夠香，調味一流！配以洋蔥，雜菇碎，青口，蜆肉！一口接一口不不了🤤完全無諗過一間咁有水準既餐廳會開係不算是大街大巷既地方！雖然係咁，但都無影響到佢地煮既食物味道！裝修亦放足心機！非常欣賞呢一點！價錢雖然不是最平！但我認為這價錢絕對值票價同對得住師傅所煮食物既價值！讚…查看更多

今日同屋企人行左入大角咀搵食，一向都知道大角咀有好多好野食！救命，成條街都食野架！最後我地揀左食呢間任食韓燒肉類都幾多選擇，雞牛羊豬，內臟等等款式都幾多，係平民區泥講！仲有幾款海鮮，墨魚仔，扇貝，三文魚頭，青口等等小食都有好多款，咖喱魚蛋炸餃子炸薯角，栗米，豬手，醃製冷盤，泡菜等等Sushi一樣都有，每樣少量製作，無哂就會即做，想食三文魚刺身一樣有，因為想保持新鮮度，所以即叫即切，只要同店員講想要幾人份量，切好左店員就會送埋你枱！三文魚新鮮肥美！係爐上放張油紙燒，店員話無咁易燶！肉類醃得好入味！基本上都不用點醬汁都已經好正！食物質素高！飲料都多選擇，一般大眾喜歡既都有有個冷柜雪住甜品，保持口感！不錯！值得一提既係甜品都係自家製架！好鐘意佢個芒果布甸，甜味適中！一口一件！熱湯有兩款，仲有紅豆沙！雪糕都有6.7款架！正体泥講係平民住宅區泥講，係相當不錯，令人滿意，肉類夠入味，款式足夠！坐位舒適！…查看更多

臨近冬至，屋企長老話早啲做冬，一泥不用同人迫不用怕無位，二泥可以坐得舒舒服服，不用趕交枱俾人！而長老食中餐又話食到悶悶地，但又不能太過新潮，就選擇左樂天經典呢間作為我地既冬至飯，換下新口味但又岩長老食！先整個香酥南乳五花肉作頭盤先，炸到好香脆。肥瘦適中！好淋夠哂惹味！酸甜鱸魚片大大塊魚柳，酸酸甜甜非常醒胃！魚塊又嫩滑！麥片蝦球沾炸醬粉夠鬆化彈牙有口感！蝦大大隻！配上麥皮。甜甜地脆卜卜，好食！辣椒蟹配曼頭超惹味，蟹肉新鮮又大隻，配上炸曼又點汁非常搭配！大愛！因爲人多，所以多點招牌菜黑胡椒蟹，一樣肉質鮮美而且夠大隻，胡椒味濃郁！少少微辣！菜香鐵板豆腐，豆腐滑嘟嘟。加上香菜肉碎煎旦。香味四溢！金牌脆皮燒雞，皮脆肉嫩！西洋參巴空心菜係類似馬拉棧炒法！嫩口唔過老！金銀旦浸時蔬料多，白菜仔鮮嫩！最後臘味炒飯作結尾，炒得非常夠火喉，粒粒分明，好多臘味粒！惹味！呢到環境舒適，食物美味，最重要係可以揀份量我係好鐘意既，人少可以點小份，大中小自己話事！夠哂貼心！長老都非常滿意！…查看更多

今日同老公係旺角行街，行到肚仔餓，就係附近搵食，結果係兆萬中心，見到呢間紅火鮮料火鍋專門店，就上左去試下了。我地第一時間選左麻辣重慶雞煲：之後我地就去拎飲品：呢度嘅竹庶茅根帶自家煲嘅等雞煲黎時，老公係到睇佢最愛既車路士（英超直播）等左10分鐘左右，雞煲到了：雞肉非常嫩滑，大大件，份量又多，不用爭食！麻同辣剛剛好，非常野味食完雞煲就開始食火鍋配料：特別要講下個蝦滑同墨魚滑，真係非常出色，非常爽口彈牙，粒粒蝦，粒粒墨魚係入面，超好味，強烈推介食到飽飽，最後有雀巢雪糕同支支冰做甜品總結：呢到由雞煲到火鍋配料再到甜品，都非常不錯，選擇多，用料新鮮同優質，性價比非常高，老公又得睇下波，有時成班朋友鐘意睇波既呢到都係不錯選擇！值得推介推介。…查看更多

今日難得成家人一齊出動去尖沙咀，之後係附近揀左呢間圓山臺灣餐廳食晚飯！先泥個台式鴨舌，醃製到好惹味！香辣十足！蜜桃咕嚕黑豚肉酸酸甜甜，炸起脆卜卜！好吃蚵仔煎超掂！好多蠔仔，旦醬夠脆。加上蔥花一齊增加左香味！蝦皇大白菜，菜夠哂淋！蝦都有6大隻，鮮甜！辣子雞丁睇佢以為會好辣，點知原來唔辣，連小朋友都食到😂岩哂！雞丁雖然細細粒，但粒粒都係肉咁滯！而且夠味又可口！沙碢石燒田雞好正，大大煲田雞又多，肉又多又嫩，妹妹超鐘意食！圓山招牌炒飯我好鐘意！醬油炒成夠哂火喉！有蝦粒菜粒旦炒成！味道夠香濃！岩哂我胃口！一至四都可以揀呢個自選餐，價錢超大眾又實惠！呢到既食物超好多樣化多選擇！食物賣相又吸引！味道一流，份量亦足！估不到係尖沙咀洛士佛台呢個旅遊區都有驚喜！下次要再追食！…查看更多

岩岩先搬好新屋，搞掂哂入伙，緊係落街周圍搵下有咩好食啦，一路行一路行，俾呢間海鮮粥底火鍋吸引，好吧，我承認對火鍋同海鮮係無扺抗力的😂因爲時間尚早，而我呢個時段係最早所以不用等位就有得食。嘻嘻🤭我地揀左蕃茄湯底，未落野食前飲啖湯，嘩，好鬼好味，一睇都知係自制煲既，濃濃既蕃茄味，大愛！海鮮有8款時令，而今日就有大扇貝，鮑魚，兩款蜆，一款蚌，蠔同蟹。不得不說，係真新鮮！鮑魚都仲郁郁下，貝類鮮味到不得了。而扇貝就大大粒，有口感，洗得又乾淨！勁大隻鮮味爽口大大隻肉蟹，仲有膏架2人食，一人有半隻大肉蟹，正宗啖啖肉，啲肉鮮甜夠實肉！蠔既份量都幾多，一人有有6.7隻，中等size，軟棉棉得泥又口感十足另外仲會有二十多款配料可以選擇6款！其中好出色既手打墨魚丸，彈牙之餘入面有粒粒墨魚粒增加口感，爽口惹味！西班牙梅頭豬大大片，有豬味又不鞋肉，帶有少少脂肪。推👍🏻👍🏻👍🏻👍🏻最後食完海鮮同火鍋配料後，呢個炸脆泡米飯作結尾，個底原本係蕃茄湯已經係好好食，加埋海鮮留下既鮮味同炸脆米豬油渣，輕輕滾兩滾好似潮州粥咁，簡直係無得彈，口感味道都豐富十足！我食左2碗😂總結就係我搵到以後我既火鍋飯堂！初頭仲諗住會不夠吃，原來我錯了，係飽到上心口！樣樣都係新鮮野泥！真心大愛！…查看更多

搬屋果時真係搵左好多老友幫忙先搞得掂，個個都真係唔話得，人情債真係要還架！而我今日就入左平時好少入泥既大埔還其中一個既人情債😂朋友好識做，知我地洗左好多錢，揀左間平民扺食新開既冰室泥開餐！真体貼也！泥到門口排哂長龍，入面勁多人外面又企滿哂人，勁醒既朋友係等緊我地既時候已經等緊位，所以不用太耐就入坐！望下餐牌真係好多款式揀，但竟然三人都揀食鐵板扒餐😂真係擇日都無咁岩。唯一有少少不同既係我地分別揀左美式雜扒，海陸雙拼同西冷牛扒！熱辣辣上枱，啲汁倒落板到滋滋聲，香氣撲鼻！即刻想大口食落肚，肉都醃製得剛好又多淋！配上黑椒汁，一向絕配！餐湯係羅宋湯，加入牛骨煲既真係好喝很多！有我最多既雪山菠蘿冰，真係不是處處有！最後整返個金粒西多配雪糕作結尾，大滿足！西多一件一口岩哂女士咀形，香口外脆內軟！正！仲有小朋友餐，好吸引！山長水遠泥到，食到呢間真係不枉此行，好彩有朋友介紹食呢間，下次入大埔要試埋佢其他既野食先得！…查看更多

話說我上次去完韓國，真係愛上左食燒肉，但外面散叫真係好鬼貴，份量又少，邊夠喉！而我成日係面書叫到啲朋友po相都食呢間熊本日式燒肉放題，價錢接受最重要我可以任食無顧忌😂😂但因為要過對面海所以遲遲都未去，今日我終於有機會，因為有朋友鋪頭開張，即刻打去book位👍🏻去到係勁勁勁多人已經坐爆左！！！真係好彩有打去約。未食燒野前更係食左刺身先，刺身都有成十款，一般熱門既都有。新鮮魚油甘香！每位都送一隻龍蝦，大蝦，扇貝同青口。龍蝦都幾大隻，啖啖肉鮮甜肉嫩有口感，絕對值回票價！擺到滿滿等食😝牛有10種。我自己最鐘意牛五花，者係牛肉薄燒咁，食多幾塊都唔滯。豬豬都有5款，辣豬，豬肩都好好食，不油利！香口惹味！竟然有得任燒蠔同大蝦！任燒呀！平時我都無試過生蠔可以任燒，而且質素仲要係好！超鮮蠔味濃！大大話話我食左10隻🤦🏼‍♀️🤫😝一樣有小食，麵類。特別想講竟然有得燒棉花糖，好耐無食過，懷念下先！整體來講，係超值票價，有龍蝦，任燒生蠔，大蝦，靚牛等等，食到心滿意足！…查看更多

話說今個月頭同屋企人去咗一轉韓國，但適逢嗰邊原來係中秋節，原來好多野都唔開。因為韓國人係好重視中秋，等於我哋重視新年一樣。所以搞到好多地方都去唔到同食唔到。不過要食嘅我哋都點都要搵到泥食嘅。一直都好懷念喺韓國食嘅人蔘雞同埋燒烤。所以一收工就捉咗老公陪我懷念下韓國嘅風味。我哋揀咗呢一間梨滿園。一坐低服務生已經俾咗幾碟小食我地呢度嘅人蔘雞真係滿足到我懷念韓國嘅風味，原隻雞肉質鮮嫩又多肉，有淡淡的人蔘味清甜到不得了。分量有成四五碗咁多。抵吃非常！我哋重點左一個小海鮮拼盤有兩隻大蝦，兩粒大鮮帶子同原隻八爪魚。呢度嘅海鮮都幾新鮮，鮮甜爽口，帶子建議只燒到半熟，否則太熟就un浪費左左食材！最後我地仲有呢個五花腩，聽店員講係由韓國空運過泥架。我一向都麻麻地肥膏，點知一試原來一啲都不似食緊肥膏，係好爽同香口！怕太油可以包上生菜食！整體泥講，係好正，滿足又滿意，服務又好！即刻解我思韓食之苦！…查看更多

話說娘親生日，想食好啲哄下老人家開心，於是又上OpenRice 搵食，最後搞到呢間中餐廳食下川菜之類，有片皮鴨，又水煮魚，包羅萬有。泥到呢到，環境超好，裝修靚一個圓形梳化位就坐哂我地幾個。舒適得泥又坐得親密！海哲爽口有少少麻辣，開口到不行了！片皮鴨呢個招牌菜點可能不點，皮切得超薄，脆卜卜，配料就有好幾種，而醬料加埋有9種之多，梅子醬，甜酸醬，甜醬等等，適合哂不同愛好既人士。但我就都係鐘意食返甜酸多啲。水煮魚大大一盤，魚既份量好多，個底仲有紅薯粉吸哂味，麻辣適中，魚夠多肉鮮味滑dodo👍🏻乾扁四季豆輕輕走個油，嫩綠惹味椒鹽鮮尤脆粉夠薄又夠鬆化。尤魚不un。呢個飯係勁好食勁香勁香勁香，由幾種蝦干蝦米蝦肉蝦子炒成。炒得干身又夠香，粒粒米都分明！一煲可以到6.7碗。最後上甜點，雷沙湯圓，熱辣辣，軟棉棉，甜得泥又唔溜！我不喜甜點都好喜歡！總結泥講，非常值得又滿意既一餐，一家人都食得好開心，而家又滿足！地方環境又好，食物質素賣相亦十分吸引！又多一間收入再回頭的店…查看更多